မြန်မာ ၅၀ ကျော် ထိုင်းမှာ အဖမ်းခံရပြန်ပြီ

ဒီနေ့ အဖမ်းခံရသူတွေလေ ကလေးငယ်လေးတွေတောင် ပါတယ် (ဓာတ်ပုံ - မန်နေဂျာ အွန်လိုင်း)

ထိုင်းနိုင်ငံ ဘန်ကောက်ကို ခိုးဝင်ဖို့ကြိုးစားခဲ့တဲ့ မြန်မာ နိုင်ငံသား ၅၈ ယောက်ကို ရဲနဲ့ စစ်တပ် ပူးပေါင်းပြီးတော့ ဒီနေ့ ဖမ်းဆီး လိုက်တယ်လို့ ထိုင်းသတင်း တပုဒ်မှာ ဖတ်ရပါတယ်။

မြန်မာနိုင်ငံသားတွေက ထိုင်း-မြန်မာ နယ်စပ် ကနေ မဲဆောက်မြို့ကို ၁၀ ဘီးကားနဲ့စီးလာတာဖြစ်ပြီးတော့ စစ်ဆေးရေး ဂိတ် တနေရာမှာ အဖမ်းခံလိုက်ရတာပါ။

အဖမ်းခံရတဲ့သူတွေက အမျိုးသား၂၇ ယောက် အမျိုးသမီး ၃၁ ယောက် ဖြစ်ပါတယ်။ သူတို့ကို မဲဆောက် ရဲစခန်း အချုပ် ကို ပို့ပြီး အရေးယူမယ်တဲ့။ ကားမောင်းသမားကတော့ ထိုင်းနိုင်ငံသား ဖြစ်ပါတယ်။ အဲဒီ ကားမောင်းသမား ထိုင်း ကတော့ ထိုင်း ဥပဒေ အရ လူမှောင်ခိုကူးတဲ့ အမှုနဲ့ တရားရင်ဆိုင်ရဖွယ် ရှိပါတယ်။

အခုလို မြန်မာပြည်သားတွေ ထိုင်းနိုင်ငံကို ထွက်လာတာဟာ မြန်မာ စစ်အစိုးရက လုပ်မယ့် ၂၀၁၀ ရွေး ကောက်ပွဲကို မဲမပေးချင်လို့များလား မသိဘူးနော်။

သန်းထိုက်ဦး