သို့
အန်တီဒေါ်စုကြည်
ကျွန်တော်ကတော့ တပ်မတော်ကစစ်သားတစ်ဦးပါ... ကျွန်တော့ရဲ့ခံစားချက်လေးတွေကို ရင်ဖွင့်ပါရစေ...
စစ်တပ်နယ်ပယ်ရဲ့ အပြင်ဘက်မှာ ဒီမိုကရေစီရဲ့ အရိပ်ယောင်တွေသန်းလာတာမြင်ရတော့ ကျွန်တော် အများကြီးဝမ်းသာမိပါတယ်... ဒါပေမယ့် ကျွန်တော်တို့စစ်တပ်မှာတော့ ဒုံရင်းက ဒုံရင်းပါပဲ။ လူ့အခွင့်အရေးတို့ တရားမျှတမှုတို့ဆိုတာ ဝေလာဝေးပဲ။ ခွင့်ဆိုတာက တပ်မတော်ရဲ့ စည်းမျဉ်းစည်းကမ်းသတ်မှတ်ထားတဲ့ စာအုပ်တွေထဲမှာ တစ်နှစ်ကို ရက် ၂၀ လောက်ရပေမယ့် ကျွန်တော်တို့အတွက်တော့ ခွင့် ဆိုတာ အဝေးကြီးပါပဲ။ တစ်နှစ်မပြောနဲ့ ကျွန်တော်နေတဲ့တပ်မှာဆို အခု ၄နှစ် ပြည့်တော့မယ် ခွင့်ဆိုတာ မရှိပါဘူး။
မင်္ဂလာဆောင်တာနဲ့ မိဘ နာရေးကလွဲရင် ခွင့်မပေးပါဘူး။ လူသားချင်း မစာနာချက်ကတော့ ရင်နင့်စရာပဲ။ တခြားလဲ ဘာအခွင့်အရေးမှ မရှိတဲ့အပြင် ကျွန်တော်တို့ရတဲ့လစာထဲက တပ်သာယာလှပရေးအတွက်၊ တပ်ရဲ့လုပ်ငန်းကိစ္စတွေ အတွက် ထုတ်သုံးရသေးတယ်ဗျ။ မသုံးလို့က မရဘူး ခိုင်းတာမပြီးရင် တပ်ရင်မှုးက လက်သီးနဲ့ မျက်နှာကို အားရအောင် အချက်ပေါင်းများစွာ ထိုးတယ်... လည်ပင်းညစ်လည်း ခံရသေးတယ်လေ။
အဲဒီ့တော့ ရင်နာနာနဲ့ပဲ လစာကို ထုတ်သုံးနေရတယ်ဗျာ။ ကိုယ်ရတဲ့လစာကို ကိုယ်အပြည့်အ၀ သုံးချင်တာပေါ့ဗျာ ဒါပေမယ့် တပ်လုပ်ငန်းကိစ္စတွေမှာ သုံးရတယ်ဗျ၊ တပ်ကိုလူကြီးတွေလာစစ်ရင် တပ်မှုး မျက်နှာပန်းလှဖို့ တပ်သာယာလှပရေးကိစ္စတွေမှာ... ယာယီတာဝန်နဲ့ သွားရတဲ့အခါတွေမှာ ထုတ်သုံးရတယ်ဗျ။
အဲဒီလိုမတရားခံနေရလို့ ကျွန်တော်တို့မှာ တပ်မတော်က နှုတ်ထွက်ခွင့်ရှိသလားဆိုတော့ မရှိပြန်ဘူး။ တပ်မတော်က နှုတ်ထွက်ခွင့်ကို အထူးကြပ်မတ်ထားတယ်။ ကျွန်တော်တို့ Master ပြီးတဲ့သူတွေဆိုရင် ဘွဲ့ရပြီး ၁၀ နှစ်အတွင်း တပ်မတော်ကနေ နှုတ်ထွက်ခွင့်မရှိဘူးတဲ့။ ခုမှ ၂ နှစ်ပဲရှိသေးတာ။ နည်းအမျိုးမျိုးနဲ့ချုပ်တယ်။
လူကြီးတွေရဲ့သားတွေက စစ်တပ်ကနေ ထွက်ချင်ရင်ထွက်ဖို့လွယ်သလောက် ကျွန်တောတို့မှာတော့ နှုတ်ထွက်ခွင့်မရှိဘူး။ တချို့ မခံနိုင်တော့လို့ ထွက်ပြေးတာတောင်မှ အထက်ဌာနကမသိခင် ရအောင် ပြန်ဖမ်းပြီး တပ်ထဲမှာပဲ နေခိုင်းထားတယ်ဗျာ... ဆိုးလိုက်တာ နိုင်ငံတကာမှာတော့ ဘယ်လိုရှိသလဲမသိဘူး စစ်တပ်ဆိုတာ မြန်မာ့စစ်တပ်ကတော့ လက်ဖျားခါတယ်ဗျာ...။
ကျွန်တော်တို့တပ်ထဲဝင်တုန်းက စာချုပ်မှာ အနည်းဆုံး ၁၀ နှစ် တာဝန်ထမ်းဆောင်ပြီးရင် နှုတ်ထွက်နိုင်တယ်လို့ ပါပေမယ့် ၁၀ နှစ်ကျော်လဲထွက်မရ ၁၅ နှစ်ကျော်လဲ ထွက်မရနဲ့ တော်တော်ဆိုးပါတယ်။
အဲဒီလို နှုတ်ထွက်ခွင့်မရတာကိုပဲ အခွင့်ကောင်းယူပြီးတော့ အနိုင်ကျင့် နှိပ်စက်တော့တာပါပဲ။ ကျွန်တော်တို့ဒီလို ညှင်ပမ်း အနိုင့်ကျင့်ခံရတာကို ဘယ်သူမှလဲ မကယ်နိုင်ပါဘူး။ တရားမျှတမှု ဆိုတာ အဝေးကြီးပါပဲ။ တကယ့်လောက ငရဲပါပဲဗျာ။
အခုအပြင်မှာ လူကုန်ကူးမှုတွေတိုက်ဖျက်ရေးလုပ်ငန်းတွေ ဆောင်ရွက်နေတာကြားတော့ ၀မ်းသာစရာပါပဲ။ ဒါပေမယ့် တပ်မတော်ထဲက လူကုန်ကူးမှုကိုတော့ ဘယ်သူမှ အရေး မစိုက်ကြပါဘူး။
တပ်မတော်ထဲမှာ ဘယ်လို လူကုန်ကူးမှုဖြစ်လဲ ဆိုရင် ကျွန်တော်တို့တပ်တွေကို တိုင်း၊တပ်မတွေက ၄ လမှာ လူသစ် ဘယ်နှစ်ယောက် စုဆောင်းနိုင်ရမယ်၊ တစ်နှစ်ကို စစ်သားသစ် ဘယ်နှစ်ယောက် (ဥပမာ- ၅ယောက်) စုဆောင်းနိုင်ရမယ် စသည်ဖြင့် စုဆောင်ခိုင်းတယ်ဗျ။ အဲဒီအခါ လူသစ် စုဆောင်းဖို့ တာဝန်ပေးခံရတဲ့သူက စစ်သားစုဆောင်းရေးတပ်ဖွဲ့တွေမှာ တစ်ယောက်ကို တစ်သိန်းခွဲက နေ ငါးသိန်းလောက်အထိ ပေါက်ဈေးရှိတယ်ဗျ ။ အဲဒါကို ကျွန်တော်တို့က ၀ယ်ရတယ်။
ဘယ်သူမှ စစ်ထဲ မ၀င်ချင်တော့ဗျာ ဘယ်လိုလူတွေ ရလာလဲဆိုတော့ စိတ်မမှန်တဲ့သူတွေ ၊ အရူးအနှမ်းတွေ၊ အမှုပေါင်းစုံနဲ့လူတွေ ရလာရော။ မြန်မာ့စစ်တပ်ရဲ့ အနာဂတ်စဉ်းစားသာကြည့်ပေတော့။ အနာသိရင်ဆေးရှိရမယ် ဆိုပေမယ့် ဒီကိစ္စတွေကို အဖြေရှာဖို့ ပြင်ဆင်ဖို့ ဘယ်လူကြီးမှလဲ စိတ်ဝင်စားတဲ့ပုံ မပေါ်ပါဘူး။
ကျွန်တော်ထင်တယ်ခင်ဗျာ.. တပ်မတော်ထဲမှာ ပြုပြင်ပြောင်းလဲမှုတွေ အများကြီး လုပ်ဖို့လိုပြီလို့ ။ ဘာလို့လဲဆိုတော့ ကျွန်တော်တို့တပ်မတော်သားတွေလည်း Human ဆိုတဲ့ လူသားတွေပါပဲ။ ဒါပေမယ့် ဒဏ်ကျခံနေရတဲ့ လူသားတွေလိုပါပဲဗျာ။ လွတ်လမ်းကမရှိ။ အသက် ၆၀ ပြည့်မှ လွတ်မယ် ထင်တယ်။
နိုင်ငံနဲ့လူမျိုးကိုတော့ ချစ်ပါတယ်ဗျာ... ဒီစိတ်ကတော့ ဘယ်တော့မှ မပြောင်းပါဘူး။ ဒါပေမယ့် ဒီအဖွဲ့အစည်းက မတရားမှုတွေ နှိပ်စက်မှုတွေက များနေတော့ ယိုင်နဲ့နေပြီ.. ခုလည်း အရာရှိတိုင်း ဦးပိုင်မှာ ငွေအနည်းဆုံး ၁၅ သိန်း ရှိရမယ်၊ ၃၅ သိန်း ရှိရမယ် ဆိုပြီး လုပ်လာပြန်ပြီ။ ဘယ်မှာလဲ တရားမျှတမှု ဘယ်မှာလဲ ဒီမိုကရေစီ။ သုံးလကို တစ်သိန်းစုရမယ်တဲ့ ...။ သတ်မှတ်ထားတဲ့နှစ်ထိတာဝန် ထမ်းဆောင်ပြီးတဲ့သူတွေကို ထွက်ခွင့်ပေးစေချင်ပါတယ်...။
အဲဒီလိုဆို အရမ်းကောင်းမှာပဲ ပြုပြင်ပြောင်းလဲမှုတွေ ကိုလည်း အရပ်ဘက်နည်းတူ လုပ်ပေးစေချင်ပါတယ်။ ပြုပြင်ပြောင်းလဲရေး ဆိုတာက တရားမျှတမှု သက်သာချောင်ချိရေးနဲ့ လူ့အခွင့်အရေးကို ဆိုလိုတာပါ။
သမ္မတကြီးဦးသိန်းစိန်နဲ့ ဗိုလ်ချုပ်ကြီး မင်းအောင်လှိုင် သိအောင် ပြောပေးစေချင်ပါတယ်ခင်ဗျား
ကျေးဇူး အထူးတင်ပါတယ်
အန်တီစုကြည် ကိုယ်စိတ်နှစ်ဖြာ ကျန်းမာ ချမ်းသာ ကြပါစေလို့ ဆုမွန်ကောင်း တောင်းလိုက်ပါတယ်...
ယခင်ရွေးကောက်ပွဲ မဲပေးစဉ်က ကြိုတင်မဲနေ့မှာ တစ်ကြိမ် အတည်ရွေးစဉ်မှာ တစ်ကြိမ် ၂ ကြိမ် ၂ ခါ ကြံ့ဖွံ့ကို မဲပေးခဲ့ရပါတယ်။ (အမှန်တော့လည်း မဲလက်ခံ စာရွက်တွေက အပေါစားဆန်ပြီး အာမခံချက်မရှိပါ။ သာမန်ဖယောင်းလှိမ့်စက်နှင့်တောင် အတုလုပ်လို့ ရနိုင်ပါသေးသည်။) ခုလည်း တပ်မတော်ကို စတင်ကြိုးကိုင်နေပါပြီ။ တာဝန်ကျနေတဲ့ ဒေသမှမဟုတ်ဘဲ မိမိမိသားစု(မိမိဇာတိ)မှာ မဲမေးရမယ်လုပ်လာပါတယ်။ တာဝန်ကျရာ တပ်ရင်းတပ်မကတော့ အလိုအလျောက်ကြံ့ဖွံ့ကိုပေးပါလိမ့်မယ်ဗျိုး။ ကျွန်တော်တို့ ဆန္ဒရဲ့တစ်ဝက်ကို ကြံ့ဖွံ့ခိုးသွားပါပြီ။ ကျွန်တော့်ဆန္ဒအမှန်ကတော့ ဘယ်ပါတီအမတ်ဖြစ်စေ နိုင်ငံရေးအတွက် အလုပ်မလုပ်ခဲ့ သမိုင်းမရှိခဲ့သူဖြစ်က မဲမပေးလိုပါ။ ပညာတတ်ခြင်း မတတ်ခြင်းဟာလည်း ပြည်ချစ်စိတ်နဲ့မဆိုင်ပါ။ မိမိနှစ်သက်ရာ အမတ်လောင်းကိုသာ မဲပေးလိုပါကြောင်း။ ချုပ်ချယ်မှုများကိုလည်း စည်းကမ်းနဲ့အညီသာ လက်ခံလိုပါတယ်။ ကလိမ်ကကျစ်လုပ်ခြင်းဟာ ယောကျာ်းကောင်းတို့ အလုပ်မဟုတ်ပါ။ ထို့အတူ အဖွဲ့အစည်းနဲ့ တစ်ဦးချင်းသိက္ခာကို ကွဲပြားမဝေဖန်ကြသော အတိုက်အခံများအားလည်း အော့နှလုံးနာမိပါကြောင်း တင်ပြလိုက်ရပါတယ်ဗျိုး။