(ဓာတ်ပုံ - independent.co.uk)ဆင်းရဲနွမ်းပါးမှုလျှော့ချရေးနှင့် ၂လုံး၊၃လုံး၊ဘောလုံးဒိုင်များ
( ပြည်ထဲရေးဝန်ကြီး သိစေလိုပါသည် )
၂လုံး၊ ၃လုံး လောင်းကစားမှာ မြန်မာနိုင်ငံတွင် ဆယ်စုနှစ် ၂စု ကျော်မျှ နိုင်ငံသားများ၏ ၀င်ငွေများအား ဂုတ်သွေးစုပ်နေသည်မှာ အားလုံးအသိပင်ဖြစ်ပါသည်။
အစိုးရက ဆင်းရဲနွမ်းပါးမှုလျှော့ချရေးအတွက် ၂လုံး၊ ၃လုံးထီနှင့် ဘောလုံး လောင်းကစားအမျိုးမျိုးကို ကင်းစင် ပပျောက်အောင် ဆောင်ရွက်မည်ဟု သိရသည့် အခါ အလွန်ပင် ၀မ်းသာမိပါသည်။
ကျွှန်တော်တို့နိုင်ငံတွင် ၂လုံး၊၃လုံးနှင့် ဘောလုံး လောင်းကစားသူများမှာ အများအားဖြင့် ၀င်ငွေ နည်းပါးသော ကျေးလက်ပြည်သူများဖြစ်ပါသည်။
သူတို့၏ရိုးသားမှုအပေါ် လောင်းကစား၏ မက်လုံးပေးမှုများကြောင့် မိသားစု စားဝတ်နေရေး ပြေလည်စေခြင်း အလို့ငှာ ရှိစုမဲ့စုနှင့် မျှော်လင့်ကာ ကစားကြပါသည်။
သို့သော် သူတို့မျှော်လင့်သလိုမဖြစ်ပဲ အချို့ဆိုလျှင် အိမ်ထောင်များပျက်စီးခြင်း၊ ရက်ကွက်ထဲမှ ထွက်ပြေးခြင်း၊ မိမိ ကိုယ်ကိုယ် အဆုံးစီရင်ခြင်း စသော ဆိုးရွားလှသည့် အဖြစ်များကို ကျွှန်တော်တို့ မကြာခဏ တွေ့မြင်ကြားသိနေကြရပါသည်။
မိရိုးဖလာဥယျာဉ်လုပ်ငန်းဖြင့် အတော်အသင့် အဆင်ပြေသော ကျွှန်တော်တိုိ့သားစုတွင်ပင် အဖေ၏ ဘောလုံးလောင်းခြင်း၊ အမေ၏ ၂လုံး၃လုံး လောင်းခြင်းတို့ကြောင့် တစ်နှစ်ပြီးတစ်နှစ် ငွေကြေး အများအပြား ဆုံးရှုံးနေရပါသည်။
ဤသို့ လောင်းကစားခြင်းကြောင့် ပြည်သူများ၏၀င်ငွေများမှာ လောင်းကစားဒိုင်များနှင့် လိုင်းကြေးကောက်သော အကျင့်ပျက် ရဲများထံသာ ရောက်ရှိနေရပါသည်။ ကျွှန်တော်တို့မြိတ်မြို့တွင် ၂၀၁၁ ခုနှစ် ၆လပိုင်း ၇လပိုင်း လောက်ကတော့ လောင်းကစားဒိုင်များ ရပ်နားသွားကြပါသည်။ ယခုပြန်၍ ယခင်အတိုင်း မြို့ပေါ်ကျေးရွာ အနှံအပြားမှာ လောင်းကစားဒိုင်များ ပြန်လည် လုပ်ကိုင်နေသည်ကိုတွေ့ရပါသည်။
ကျွှန်တော်တို့ မြို့သစ်ဈေးထဲတွင် လောင်းကစားဒိုင်များသည် ရဲအဖွဲ့များအား လိုင်းကြေးပေးပြီး ပြောင်ပြောင်တင်းတင်းပင် ရောင်းချနေကြပါသည်။
ပြီးခဲ့သော ၁လပိုင်းက လူကြီးလာမည်ဆို၍ လောင်းကစားဒိုင်များအား ရဲများက တစ်ပါတ်နားရန် ပြောသည်ဟုသိရပါသည်။ ယခုပြန်၍ ရောင်းချနေပြန်သည်။
တစ်ကယ်ဖမ်းလျှင် တစ်ကယ် မလုပ်ရဲကြပါ။ ထိထိရောက်ရောက်နှင့်ကင်းစင်ပပျောက်အောင် ဆောင်ရွက်ပေးကြပါဟု နိုင်ငံအကျိုးကို လိုလားသော နိုင်ငံသားတစ်ယောက်အနေနှင့် ရေးသားလိုက်ပါသည်။
ဖမ်းမည့်သူတွေကလည်း(နယ်ထိန်း) အဲဒီကရတဲ့ပိုက်ဆံနဲ့
ရှင်သန်နေရတာလေ....။
အဲဒီတော့........