တရုတ်နိုင်ငံ လုံလင်းနယ်က အသက် ၅၀ အရွယ် ဟန်လူမျိုး လူပျိုကြီးတယောက် အလုပ်တွေ အသားကုန်လုပ်၊ ပိုက်ဆံတွေ စုမိတော့ အသက်အရွယ်အရ အိမ်ထောင်ပြုချင်လာသည်။ တရုတ်နိုင်ငံမှာ သူကို ကြိုက်မယ့်သူမရှိ၊ သူက ကြိုက်သော်လည်း တဖက်က ငြင်းတာများသည်။
သို့နှင့် သူငယ်ချင်းတယောက်က သတို့သမီးရှာတဲ့ အေးဂျင့်ကို ပို့ပေးလိုက်သည်။ ပွဲစားအေးဂျင့်ကို မယုံ၍ ပွဲစားနှင့်အတူ ကိုယ်တိုင် မြန်မာပြည်ကို သွားရောက်ရှာဖွေခဲ့သည်။
ပထမအကြိမ် မအောင်မြင်။ ဒုတိယအကြိမ်မှ သူကြိုက်တာတွေ့သွားသည်။ တရုတ်ငွေ ယွမ် ၂၀၀ နှင့် ရခဲ့သည်။ မစ်ရှင်အောင်မြင်၍ တရုတ်ပြည်ပြန်ကာ မင်္ဂလာဆောင်တော့ပါသည်။ သူငယ်ချင်း၊ အမျိုးတွေ ဖိတ်ကြားပြီး ရှိသလောက်နဲ့ ဆောင်ခဲ့ပါသည်။
သို့သော် မင်္ဂလာဆောင်ဆောင်ချင်းပင် သတို့သမီးက လက်စွမ်းပြလိုက်သည်။
သတို့သားလူပျိုကြီးကို ရေရေလည်လည် သမလိုက်သည်။ အရပ်တကာက ဝိုင်းဆွဲတဲ့အထိပေါ့။ နောက်ဆုံးမနိုင်တော့ လုံလင်းနယ်က ရဲတွေကို အကူအညီတောင်းပြီး လာရာလမ်းအတိုင်း တရုတ်-မြန်မာ နယ်စပ်သို့ ပြန်ပို့ပေးလိုက်သည်။
အရပ်လူကြီးနဲ့ ရဲများက လူပျိုကြီးကို ဝိုင်းဝန်း မေးမြန်စစ်ဆေးရာ စိတ်မနှံ့တဲ့ လူတယောက်မှန်း မသိအောင် “အ” ရသလားဆိုကြသည်။
အကြောင်းရင်းမှာ မိန်းကလေးသည် စိတ်မနှံ့သူဖြစ်ပြီး ခြေသလုံးအိမ်တိုင် လှည့်လည်သွားလာရာမှ လူလည်ပွဲစားများက မွမ်းမံ အလှဆင်၊ စိတ်ငြိမ်ဆေးများနှင့် ထိန်းထားပြီး တရုတ်လူပျိုကြီး လက်ထဲသို့ အရောက်ထည့်ပေးလိုက်သည်။
တရုတ်ပြည်ရှိ လူပျိုကြီးနေအိမ်ရောက်၊ မင်္ဂလာဆောင်တော့ ဆေးရှိန်ပြယ်တဲ့အချိန်နဲ့ ကွက်တိဖြစ်သွားရာက တရုတ်လူပျိုကြီး ခံလိုက်ရခြင်းဖြစ်သည်။
တရုတ်ပြည်တွင် မိန်းကလေးဦးရေ နည်းပါးမှုကြောင့် မြန်မာမိန်းကလေးများ တရုတ်ပြည်သို့ ဇနီးမယားအဖြစ် ရောင်းစားခံနေရသည့်ပြဿနာမှာ နယ်စပ်တလျှောက် ပေါ်ပေါက်နေဆဲ ဖြစ်ပါသည်။
ဝင်းလက် တရုတ်ဘာသာမှ ပြန်ဆိုပါသည်။
တရုတ်ပြည်မှာ မိန်းမနဲတယ်လို့ထင်လား၊ ခုယောက်ျားရှားနေတာဆရာတို့ မိန်းမတွေက တိုင်းပြည်အသီးသီးရောက် ကုန်ကြတာ။ ဥပမာ-စင်ကာပူ၊
ReplyDelete