ABSDF နဲ့  အဆိုတော် ၂ ယောက်

သီရိညွန့်၊ မွန်းအောင်

တချိန်က မြန်မာပြည်မှာ နာမည်ကျော်တဲ့ အဆိုတော် ၂ ဦး။ မွန်းအောင်က ပိုပြီး ထင်ရှားတယ်။ သူတို့ ၂ ယောက် ရန်ကုန်မှာ ဆုံချင်မှ ဆုံဖူးလိမ့်မယ်။
၁၉၈၈ ဒီမိုကရေစီအရေး လှုပ်ရှားမှုနောက်ပိုင်းပေါ်လာတဲ့ ABSDF မှာ ဆုံဖြစ်ကြတယ်။  ထိုင်းမြန်မာနယ်စပ်မှာပေါ့။ အခုတော့ မွန်းအောင်က နော်ဝေးနိုင်ငံမှာ နေတယ်။
သီရိညွန့်က အမေရိကန်နိုင်ငံ။
သီရိညွန့်က သူ့အတွေ့အကြုံတွေကို ကယ်လီဖိုးနီးယားအခြေစိုက် မန္တလေးဂေဇက် မှာ ရေးတတ်တယ်။ အခုထိ ရေးနေတုန်းပဲ။ နယ်စပ်အတွေ့အကြုံတွေ။


အဆိုတော်မွန်းအောင်နဲ့ ကျနော် ဆုံဖူးတယ်။ မဲဆောက်မှာပါ။ ၂၀၀၀ နှစ်ကုန်ပိုင်း။ သူ့မိတ်ဆွေဟောင်းတွေနဲ့ သူနဲ့ ဘုရားသုံးဆူဒေသ ရှေးဟောင်းနှောင်းဖြစ်တွေ ပြောတဲ့ စကားဝိုင်းမှာ။ နားထောင်လို့တော့ ကောင်းနေတာပဲ။ ဒါပေမယ့် သူကတော့ စာမရေးဖြစ်ဘူး(ထင်တယ်)။ စာနယ်ဇင်းတွေနဲ့ အဆက်အသွယ် မလုပ်မိတာကြောင့်လည်း ဖြစ်နိုင်တယ်။ မြန်မာစာနဲ့ စာစီစာရိုက် မလုပ်ဖြစ်တာလည်း ပါပါလိမ့်မယ်။ (ပြည်ပမီဒီယာမှာ ရေးနေကြသူ လူငယ်၊ လူလတ် အားလုံးလိုလိုက ကွန်ပျူတာသုံးပြီး စာရေးနေကြပါပြီ။ လူကြီးပိုင်းထဲကဆိုရင် ဒါရိုက်တာဝင်းဖေက ကွန်ပျူတာနဲ့ ရေးတယ်လို့ ကြားဖူးတယ်။)

ဒီပုံအကြောင်း ကိုအေးမင်း ဘလော့
http://burmeserebel.blogspot.com/2009/02/ko-thiri-nyunt-moon-aung.html မှာ အခုလို ရေးထားတယ်။

Ko Thiri and Moon Aung, both are famous singers of our time. Both are proud members of ABSDF 102. This picture was taken at in Manerplaw Headquarter (1991). Ko Moon Aung resettles in Norway and Ko Thiri resettles in the US. He is currently working as a Computer Software Engineer, after graduated from California State University with BSEE degree (Bachelor of Science in Electrical Engineering).