ရယ်စရာ ပဟေဠိ အမှတ် ဝဝ၅ အဖြေများ

မြန်မာ့နိုင်ငံရေး (photo by de.academic.ru)

အကြားအမြင် ဆရာမ တယောက်က ပြောတယ် - ၀ါဆို ၀ါခေါင် မရောက်ခင် နိုင်ငံရေးသမားတချို့ သတ်သေကြလိမ့်မယ် တဲ့။
ဟုတ်ပါတယ် မြန်မာပြည်မှာပါ။

မေးခွန်း ၁ - သတ်သေမယ့်သူတွေဟာ ဘယ်သူတွေဖြစ်နိုင်သလဲ။ ဘာကြောင့်လဲ။
သဲလွန်စ - သဲလွန်စ မရှိ
အဖြေ - ဒီမိုကရေစီကို လမ်းပြမြေပုံလွှတ်တော်ကနေ ယူမယ်၊ ပူးသတ်မယ် လို့ ကြွေးကြော်ထားသူတွေပါ။ ဘာကြောင့် သတ်သေချင်စိတ်ပေါက်လာသလဲ ဆိုတော့ အားလုံးကောင်းပါသည်ခင်ဗျား ဆိုတဲ့ လွှတ်တော်ကြီးမှာ ဓာတ်ပြားဟောင်းတွေ အကြိမ်ကြိမ် ဖွင့်ပြနေလို့ပါ တဲ့။

------------------------------------------

ဒီနှစ် ဧပြီလ ၃၁ ရက်နေ့မှာ အနောက်နိုင်ငံတွေအားလုံးက တညီတညွတ်တည်း ဆုံးဖြတ်ချက် ချကြလိမ့်မယ်။ စီးပွားရေးပိတ်ဆို့တာ ရုပ်သိမ်းလိုက်ပါပြီ ဆိုတဲ့ ဆုံးဖြတ်ချက်ပေါ့။

မေးခွန်း ၂ - ဗိုလ်ချုပ်ကြီးအေးချမ်းသာယာရေးတို့ ဘယ်လို တုံ့ပြန်မယ်လို့ ထင်သလဲ။
သဲလွန်စ - သေပြီဆရာ
အဖြေ - တညီတညွတ်တည်း "သေပြီဆရာ" လို့ အော်ကြပါလိမ့်မယ်။ ပိတ်ဆို့မှု ပြန်လုပ်ဖို့ တောင်းပန်လိမ့်မယ်။
"ကဏ္ဍစုံ ချွတ်ခြုံကျပြီး နိုင်ငံ စီးပွားပျက်ရတာ ဘာကြောင့်လဲ မေးရင် ကျနော်မျိုးကြီးတို့ ဖြေရခက်လိမ့်မယ်။ ဒါကြောင့် ပိတ်ဆို့မှု ပြန်လုပ်ကြပါအုံး အရပ်ကတို့" လို့ ငိုပြမှာ ဖြစ်ပါတယ်။