ဓာတ်ပုံ (Reuters)နအဖ ဥက္ကဌရာထူးနဲ့ ကာကွယ်ရေး ဦးစီးချုပ် ရာထူးများမှ အနားယူသွားပြီ ဆိုတဲ့ ဗိုလ်ချုပ်မှူးကြီး သန်းရွှေဟာ ပြီးခဲ့တဲ့ ရက်ပိုင်းအတွင်းက အငြိမ်းစား စစ်ဗိုလ်ချုပ်ဟောင်း ၅ ဦးကို နေပြည်တော်ရှိ နေအိမ်သို့ ခေါ်ယူ ဂါရဝပြုပါတယ်။
တပါတီ အာဏာရှင် ဗိုလ်ချုပ်ကြီး နေ၀င်းလက်ထက် ၀န်ကြီးနှင့် တိုင်းမှူးများ ဖြစ်ခဲ့ကြတဲ့ စက်မှုဝန်ကြီး ဗိုလ်မှူးချုပ် တင့်ဆွေ၊ အရှေ့ပိုင်းတိုင်း စစ်ဆင်ရေးမှူး ဗိုလ်ချုပ် လှဦး၊ သတ္တုတွင်းဝန်ကြီး ဗိုလ်မှူးချုပ် သန်းတင်၊ ဗိုလ်ချုပ် ခင်မောင်ကျော်နှင့် ဒု ဗိုလ်ချုပ်ကြီးဟောင်း ချစ်ဆွေတို့ကို ဗိုလ်ချုပ်မှူးကြီး သန်းရွှေ က ခေါ်ယူ ဂါရဝပြုတာပါ။
ဗိုလ်ချုပ် သန်းတင်ရဲ့ မိသားစုဝင် တဦးက “သူက နိုင်ငံအုပ်ချုပ်ရေးကို ဘာမှဝင်ပြီး မစွက်တော့ပါဘူးပေါ့။ ပြီးတော့ လက်ရှိဝန်ကြီးတွေ ရွေးတုန်းကလည်း ဦးသိန်းစိန် စိတ်ကြိုက် ရွေးခိုင်းတယ်။ နည်းနည်းပဲဝင်ပြီး အကြံပေးတယ်ပေါ့။ နောက်တချက်က သူမရှိတော့ချိန်မှာ သူ့မိသားစုကို ပြန်ပြီး တရားစွဲ၊ ထောင်ချ၊ ကြိုးစင်တင်မှာ တွေကို သူတော်တော် ကြောက်နေပုံရတယ်” လို့ ပြောပြပါတယ်။
(အပြည့်အစုံကို ဒီမှာ ဖတ်ပါ)
No comments:
Post a Comment