ပေးစာ - ရမ်းဗြဲနဲ့ တောင်ကုတ်လူသတ်မှု နိရဉ္စရာ လက်မခံ

(ဧရာဝတီ သူ့အတွေးသူ့အမြင်ကဏ္ဍမှာ ဖော်ပြခဲ့တဲ့ ငြိမ်းချမ်းအေးရဲ့ “ယဉ်ကျေးတဲ့ လူ့အဖွဲ့အစည်းဆီသို့” ဆောင်းပါးနဲ့ ပတ်သက်ပြီး နိရဉ္စရာ အယ်ဒီတာ ကိုခိုင်မြတ်ကျော်က ပြန်လည် ရေးသား ပေးပို့လာတာကို ဖော်ပြလိုက်ပါတယ်။)

ပေးစာ

ရမ်းဗြဲနဲ့ တောင်ကုတ်လူသတ်မှု နိရဉ္စရာ လက်မခံ

ခိုင်မြတ်ကျော်

ငြိမ်းချမ်းအေး ရေးတဲ့ ယဉ်ကျေးတဲ့ လူအဖွဲ့အစည်းဆီသို့ သူ့အတွေး သူ့အမြင် ဆောင်းပါးနဲ့ ပတ်သက်ပြီး ဘ၀င် မကျစရာတွေ ရှိတဲ့ အတွက် ဒီစာကို ရေးသားလိုက်ရတာ ဖြစ်ပါတယ်။ အဲဒီ ဆောင်းပါးမှာ ဌာနေ တိုင်းရင်းသားကို ကိုယ်စားပြုဟန်ရှိတဲ့ မီဒီယာရဲ့ သတင်းတင်ပြပုံနဲ့ ထပ်ဆင့် ဖြန့်ဝေသူတွေရဲ့ ပြုမူပုံတွေမှာ စကား ပြောစရာတွေ အများကြီး ရှိခဲ့ပါတယ်ဆိုပြီး ရေးသားလာပါတယ်။

သူရေးသားတဲ့ ဆောင်းပါးနဲ့ ပတ်သက်ပြီး ပထမ ရှင်းချင်တာက ကျွန်တော်တို့ဟာ မသီတာထွေး သတင်းကို အခင်းဖြစ်ပြီး နောက်တစ်နေ့ မေလ ၂၉ ရက်နေ့မှာ စတင် ရေးသားခဲ့ပါတယ်။ သတင်း ခေါင်းစဉ်က ရမ်းဗြဲတွင် အသက် ၁၆ နှစ်အရွယ် အမျိုးသမီးငယ် တစ်ဦး မုဒိမ်းကျင့် သတ်ဖြတ်ခံရ ဖြစ်ပါတယ်။ ဒီ လင့်မှာ သွားလည်နိုင်ပါတယ်။ http://www.narinjara.com/burmese/?p=473

ကျွန်တော်တို့ မသီတာထွေးရဲ့ သွေးသံရဲရဲနဲ့ သူပြောတဲ့ အနိဌာရုံ ဓါတ်ပုံတွေကို တင်သလား၊ မတင်ဘူးလား ဆိုတာကို ဒီလင့်ကို ၀င်ကြည့်ရင် သိနိုင်ပါတယ်။ ကျွန်တော်တို့ သူမရဲ့ ဓါတ်ပုံ တစ်ပုံမှ မတင်ပါ။ တခြား ဒေသအတွင်းက သင့်တော်ရာရာ ဓါတ်ပုံတစ်ခုနဲ့ တွဲတင်ခဲ့ပါတယ်။ ခေါင်းစည်းကို ကြည့်ရင်လည်း ကျွန်တော်တို့ဟာ ဘယ်အတိုင်းအတာထိ ထိန်းထိန်း သိမ်းသိမ်းရေးသားခဲ့တယ်ဆိုတာကို သဘော ပေါက်နိုင် ပါတယ်။ အကယ်၍ ကျွန်တော်တို့က တကယ်ပြဿနာကို ကြီးလေးအောင် လုပ်လိုတယ် ဆိုရင် ကျွန်တော်တို့ ခေါင်းစည်းကို တပ်ကတည်းက ကျွန်တော်တို့ ဒီထက် ထိရောက် လေးနက်တဲ့ ခေါင်းစည်းမျိုးကို ပေးလို့ ရပါတယ်။ ဒါပေမယ့် မလုပ်ပါ။ ကျွန်တော်တို့ဟာ ဒီသတင်းရဲ့ အဆက်ကို မေလ ၃၀ နေ့မှာ ဆက်ရေး တင်ပြပါတယ်။ ဒီလင့်မှာ ဖတ်ကြည့်ပါ။ http://www.narinjara.com/burmese/?p=482

နောက်တခါ မေ ၃၁ ရက်နေ့မှာ ဆက်တင်ပါတယ်။ ဒီလင့်မှာကြည့်ပါ။ http://www.narinjara.com/burmese/?p=504 ကျွန်တော်တို့ မသီတာထွေး ဓါတ်ပုံကို မတင်ပါ။ တခြား ဓါတ်ပုံကိုဘဲ အသုံးပြုထားတာ တွေ့ရပါလိမ့်မယ်။ ကျွန်တော်တို့ လူသတ်မူ ဖြစ်ပြီး (၅) ရက်အကြာ ဇွန်လ ၂ ရက်နေ့ကို ရောက်မှဘဲ သူမရဲ့ ဘေးတိုက် သေနေတဲ့ ဓါတ်ပုံ တစ်ပုံကို သတင်းနဲ့ အတူ ပူးတွဲ ဖေါ်ပြခဲ့ပါတယ်။ ဒီလင့်မှာ ကြည့်ပါ။ http://www.narinjara.com/burmese/?p=542

ဒီပုံကို တင်ရတာကလည်း ဒီဓါတ်ပုံတွေဟာ အင်တာနက်တွေ၊ Facebook တို့မှာ ပလူပျံအောင် ပြန့်နေပြီမှ တင်ပေးလိုက်တာပါ။ ကျွန်တော်တို့ တင်တဲ့ အထဲမှာ လူတွေအတွက် ထိခိုက်နိုင်တဲ့ သွေးလန့်စရာ လည်ပင်း အလှီးခံထားရတဲ့ အနိဌာရုံ ဓါတ်ပုံကို မတင်ခဲ့ပါ။ ဒါတွေကို သုံးသပ်ကြည့်ရင် ကျွန်တော်တို့ ဟာ အတတ်နိုင်ဆုံး ထိန်းထိန်းသိမ်းသိမ်း လုပ်ခဲ့ဆိုတာကို ပေါ်လွှင်စေမှာ ဖြစ်ပါတယ်။ တခြားသူတွေက ကျွန်တော်တို့ သတင်းကို ဖြတ်ညှပ် ကပ်လုပ်ပြီး မသီတာထွေး အသတ်ခံရတဲ့ ဓါတ်ပုံတွေနဲ့ အတူ Facebook မှာ ရေးသားတာတို့၊ နက်ပေါ်မှာ တင်တို့ဟာ ကျွန်တော်တို့နဲ့ မဆိုင်ပါ။ ဒါက သူတို့ အပိုင်းပါ။

နောက်တခု ဘာသာ လူမျိုးဆိုတဲ့ စကားလုံးကို သုံးနုန်းရတဲ့ ကိစ္စပါ။ ဒီနေရာမှာ ကျွန်တော်တို့ အနေနဲ့ ဝေါဟာရ သုံးစွဲရတာ တော်တော်ကို အခက်အခဲ ရှိပါတယ်။ ဘင်္ဂလီလို့ သုံးရင် ရခိုင်ပြည်နယ်ထဲက အစ္စလာမ် ဘာသာဝင်တွေက မကြိုက်ပါ။ ရိုဟင်ဂျာဆိုတဲ့ အသုံးအနုန်းကို သုံးရင်လည်း ရခိုင်အမျိုးသားတွေက လုံးဝ လက်မခံပါ။ ဒါကြောင့် ပြဿနာ အနည်းဆုံး ဖြစ်အောင် အစ္စလာမ် ဘာသာဝင်တွေဆိုတဲ့ အသုံးအနုန်းကို သုံးရတာ ဖြစ်ပါတယ်။ ဒီနေရာမှာ လူမျိုး၊ ဘာသာကို စော်ကားလိုတဲ့ အတွက် သုံးခြင်း မဟုတ်ပါ။ ဒီလို သုံးတဲ့ အတွက် ငြိမ်းချမ်းအေးက သတင်းမီဒီယာရဲ့ ကျူးလွန်သူတွေလို့ စွပ်စွဲခံရတဲ့ သူတွေအပေါ် ဘာသာ၊ လူမျိုး မတူညီမှုကို အသားပေးဖော်ပြတာဟာ ကျင့်ဝတ်ပိုင်းဆိုင်ရာအရ မေးခွန်းထုတ်စရာတွေ အများကြီးရှိပါတယ် ဆိုပြီး ရေးပါတယ်။

ဒါဆိုရင် ကမ္ဘာကျော် သတင်းဌာနတွေ ဖြစ်တဲ့ အေပီတို့ ရွိတ်တာတို့က တောင်ကုတ် သတင်းမှာ ဘာကြောင့် ရခိုင်တွေ သတ်တယ်လို့ ခေါင်းစဉ်တပ် ရေးသားသလဲ ဆိုတာ မေးခွန်းထုတ်စရာ ဖြစ်ပါတယ်။ ဒါပြင် ပါလက်စတိုင်းနဲ့ အစ္စရေးက သတင်းတွေကို ကမ္ဘာကျော် အေပီ၊ အေအက်ဖ်ပီ စတဲ့ သတင်းဌာနတွေက ရေးတဲ့ အခါမှာလည်း အစ္စရေးက သတ်တဲ့ အတွက် ပါလက်စတိုင်း အမျိုးသား ၅ ဦးသေဆုံးတယ်လို့ အဲသလိုမျိုး ရေးသားကြတာပါဘဲ။ ဒီနေရာမှာ လူမျိုးတွေရဲ့ နာမည်ကို မဖေါ်ပြရင် အဲဒီ သတင်းတွေဟာ ဘယ်လိုမှ တန်ဖိုးနဲ့ လေးနက်မူ မရှိ ဖြစ်သွားမှာ ဖြစ်ပါတယ်။ ကမ္ဘာကျော် နယူးယောက် ကမ္ဘာကုန်သွယ်ရေး အဆောက်အဦး တိုက်ခိုက်ခံရတဲ့ အခါ ဘာကြောင့် အစ္စလာမ်မစ် စစ်သွေးကြွတွေလို့ ရေးသား ရသလဲ ဆိုတာလည်း မေးခွန်းထုတ်စရာ ဖြစ်ပါတယ်။

ငြိမ်းချမ်းအေး ရေးသားတာက သူ့အတွေး သူ့အမြင်ဆိုပေမယ့် ကိုယ်ထင်တာကို လျှောက်ရေးလို့ မရပါ။ ဘာဖြစ်လို့လည်းဆိုတော့ သူရေးတာဟာ အထင်အမြင်လွဲမှားမူနဲ့ အတူ တခြားတစ်ဖက်မှာ ထိခိုက်စရာတွေ ရှိနေတဲ့ အတွက် ဖြစ်ပါတယ်။ မြန်မာနိုင်ငံက အစိုးရကလည်း အခုဆိုရင် ဒီမင်းမဲ့ဆံဆံ လူသတ်မူတွေ အတွက် စစ်ဆေးရေး အဖွဲ့ကို တရားဝင် ဖွဲ့လိုက်ပြီ ဖြစ်ပါတယ်။ အဲဒီ အဖွဲ့က အစီရင်ခံစာ မထုတ်ခင်မှာ ဟိုအဖွဲ့က ဟိုလို လုပ်လို့၊ ဒီသတင်းဌာနက ဒီလို လုပ်လို့ ဆိုပြီး ကိုယ့်အမြင်နဲ့ ကိုယ် တဘက်သတ် စွပ်စွဲ ပြောဆိုတာမျိုးဟာ ယဉ်ကျေးတဲ့ လူအဖွဲ့အစည်းကို တည်ထောင်လိုသူ တစ်ဦး အနေနဲ့ လုပ်သင့်ပါရဲ့လား။ မေးစရာ ဖြစ်နေပါတယ်။

ပြီးရင် တောင်ကုတ်၊ ရမ်းဗြဲဆိုတာက နီးနီးလေးပါ။ ရမ်းဗြဲမှာ လူထုတွေ မကျေနပ်တာ၊ ဆန္ဒပြတာတွေ၊ ရဲစခန်းကို ၀ိုင်းတာတွေ၊ သေနတ်ပစ်ဖေါက် လူစုခွဲရတာတွေ တောင်ကုတ်က လူတွေ မကြားဘဲ နေပါမလား။ ပီးရင် အင်တာနက်သုံးသူ၊ ၀က်ဘ်ဆိုက်တွေကို သွားလည်ကြည့်သူ ဘယ်နှစ်ဦးများ တောင်ကုတ်မှာ ရှိပါမလဲ။ နိုင်ငံခြားမှာနေပြီး နိုင်ငံခြားလို မိမိဒေသကို ထင်နေရင်တော့ မှားသွားပါလိမ့်မယ်။ ဒါကြောင့် မိမိက အိုင်တီ သမား ဖြစ်တဲ့ အတွက် ပြဿနာတွေ အပေါ် ရှု့မြင်တဲ့ အခါ အရာရာကို အိုင်တီနဲ့ ချိန်ထိုး စဉ်းစားတွေးခေါ်လို့ မရပါ။

တောင်ကုတ် ဖြစ်စဉ်နဲ့ ပတ်သက်ပြီးလည်း အသေအချာ လေ့လာ ဆန်းစစ်ဖို့ လိုပါတယ်။ တောင်ကုတ်မြို့ဟာ အစ္စလာမ်ဘာသာဝင်တွေ ဖြတ်သန်း သွားလာခွင့် မရအောင် အာဏာပိုင်တွေက မြို့ခံတွေကို စည်းရုံးပြီး အကွက်ကျကျ စီစဉ်ထားတဲ့ မြို့တစ်မြို့ ဖြစ်ပါတယ်။ အဲဒီမြို့မှာ အခင်းဖြစ်ပွားတဲ့နေ့က မသီတာထွေးရဲ့ ရက်ရက် စက်စက် အသတ်ခံထားရတဲ့ ဓါတ်ပုံနဲ့ စာတွေကို ပလူပျံအောင် ဖြန့်ဝေ ထားတဲ့ အတွက် တောင်ကုတ် လူထု ဒေါသ အထွတ်အထိပ်ကို ရောက်နေတဲ့ အချိန် ဖြစ်ပါတယ်။ အဲဒီ အချိန်မှာ အစ္စလာမ်ဘာသာဝင် ဘုရားဖူးတွေ လိုက်ပါလာတဲ့ကားက တောင်ကုတ်မြို့ထဲကို ၀င်ရောက်လာတာဟာ တော်တော် အံ့သြစရာ ဖြစ်ပါတယ်။ ဘယ်သူက အဲဒီကားကို တောင်ကုတ်မြို့ထဲကို သွင်းပေးလိုက်သလဲဆိုတာဟာလည်း အထူး စဉ်းစားစရာ ဖြစ်နေပါတယ်။ ဒါကြောင့် တချို့ အသိအမြင်ကျယ်တဲ့ သူတွေက ဒီပြဿနာမှာ တစုံတဦးကများ ဖန်တီးနေတာ ရှိသလားဆိုပြီး တွေးတော ဝေဖန်နေကြတာ ဖြစ်ပါတယ်။

ဘယ်လိုဘဲ ဖြစ်ဖြစ် အခု ရမ်းဗြဲနဲ့ တောင်ကုတ်ဖြစ်ပွားခဲ့တဲ့ ဖြစ်စဉ်မှာ အပြစ်မဲ့တဲ့ ပြည်သူတွေ သေဆုံး ခဲ့ကြရပါပြီ။ ခုလို လူသတ်မူတွေကို ယဉ်ကျေးတဲ့ ဘယ်လူသားကမှ လက်ခံမှာ မဟုတ်ပါ။ ကျွန်တော်တို့လည်း လက်မခံပါဘူး။ ခုလို အပြစ်မဲ့တဲ့ သူတွေကို သတ်ဖြတ်တာ၊ လက်စားချေတာ၊ သေကြေ ပျက်စီးတာတွေကို ကျွန်တော်တို့ လုံးဝ မလိုလားပါ။ ဒီအတွက်လည်း အထူး စိတ်ထိခိုက်ခဲ့ရပါတယ်။

လေးစားစွာဖြင့်

ခိုင်မြတ်ကျော်
အယ်ဒီတာ
နိရဉ္စရာ သတင်းဌာန