လူငယ်တွေကို ပျော်ရွှင်စေတဲ့ ပုသိမ်မြို့က 3D ပန်းချီ

ဆွဲလက်စ 3D ပန်းချီမြင်ကွင်း (ဓာတ်ပုံ- ဆလိုင်းသန့်စင်/ ဧရာဝတီ)

ပုသိမ်မြို့ရဲ့ ကမ်းနားလမ်းက View Point နေရာဟာ ဒီကာလမှာတော့ ခါတိုင်းထက်ကို ပိုပြီး လူစည်ကားနေပါတယ်။ အကြောင်းရင်းကတော့ ပန်းချီဆရာသက်နောင်ရဲ့ 3D ပန်းချီကို တအံတသြ လာရောက်ကြည့်ရှုကြတဲ့ ပရိတ်သတ်တွေကြောင့်ပါ။

 အရင်ကတော့ ပုသိမ်မြို့ ကမ်းနားလမ်းက မြို့တော်ခန်းမရှေ့နေရာဟာ လေညှင်းခံဖို့လောက်ပဲ လူတွေလာကြပေမယ့် အခုအခါမှာတော့ လေညှင်းခံရင်း 3D ပန်းချီကားကြည့်ကြသူတွေကြောင့် ညမှောင်ပြီ ဆိုတာနဲ့ မြို့တော်ခန်းမရှေ့မှာ လူစည်ကားနေပါတော့တယ်။

3D ပန်းချီလာကြည့်ကြသူတွေထဲမှာ လူကြီးပိုင်းတွေလည်း ပါသလို အများစုကတော့ အသက် ၂၀ ၀န်းကျင်အရွယ် လူငယ်တွေဖြစ်ကြပါတယ်။

ပန်းချီကားကိုကြည့်ရင်း ဓာတ်ပုံတွေရိုက်ကြ၊ ပြီးရင် Facebook လိုမျိုး လူမှုကွန်ရက်စာမျက်နှာတွေမှာ တင်ကြနဲ့ မြို့တော်ခန်းမရှေ့ဟာ လူငယ်တွေရဲ့ ရယ်မောပျော်ရွှင်စရာ နေရာတခု ဖြစ်လာခဲ့ပါတယ်။

“ဒီ 3D ပန်းချီကိုကြည့်ရတာ ပျော်တယ်ဗျ။ အရင်တုန်းက ဒါမျိုး တခါမှ မမြင်ဖူးဘူးလေ။ 3D ပန်းချီကားနဲ့ ဓာတ်ပုံအမျိုးမျိုးရိုက်ပြီး Facebook မှာ တင်ရတာလည်း ပျော်ဖို့ကောင်းတယ်။ ဒီနေရာမှာ အခုလို ပန်းချီဆွဲပေးတာတော့ အရမ်းကောင်းတယ်။ နောင်လည်း များများဆွဲပေးစေချင်တယ်”လို့ 3D ပန်းချီ လာကြည့်တဲ့ ပုသိမ်မြို့ အမှတ် ၃ ရပ်ကွက်က လူငယ်တဦးက ပြောပါတယ်။

နိုင်ငံတကာမှာတော့ 3D ပန်းချီတွေကို အများပြည်သူနဲ့ဆိုင်တဲ့နေရာမှာ တွေ့ရတာ အထူးအဆန်း မဟုတ်ပေမယ့် မြန်မာနိုင်ငံမှာတော့ မြို့တော်ခန်းမရှေ့လို အများပြည်သူနဲ့ဆိုင်တဲ့ နေရာမျိုးမှာ 3D ပန်းချီကား တရားဝင်ရေးဆွဲခွင့်ရပြီး ပေါ်ပေါက်လာခဲ့တာဟာ ပထမဆုံးလို့ ဆိုနိုင်ပါတယ်။

 ဒါ့ထက် ပုသိမ်သား ပန်းချီဆရာ သက်နောင်အတွက်ကလည်း ဒီ 3D ပန်းချီကားဟာ သူ့ရဲ့ပန်းချီဆရာ သက်တမ်း နှစ်ပေါင်း ၃၀ အတွင်းမှာ ပထမဆုံး ရေးဆွဲတဲ့ 3D ပန်းချီဖြစ်တယ်လို့ ဧရာဝတီကို ပြောပြပါတယ်။

“အရောင်တွေ၊ စုတ်ချက်တွေကို ကျနော် မစိုးရိမ်ဘူးဗျ။ အဓိကစိုးရိမ်တာက 3D ဖြစ်အောင် မြေကြီးကို အချိုင့်ကြီးဖြစ်သွားအောင်၊ အဖောင်းကြီးတွေဖြစ်သွားအောင် မျက်စိကိုလှည့်စားဖို့က ဖြစ်နိုင် မဖြစ်နိုင် ဆိုတာ စိုးရိမ်စိတ်တော့ ရှိတယ်။ ရေးနည်းစနစ်ကို လိုက်လေ့လာတော့လည်း မြန်မာပြည်မှာက ရေးတဲ့လူ သိပ်မတွေ့ဘူး။ အဲဒါနဲ့ တီထွင်ကြံဆပြီး အမျိုးမျိုးလုပ်ကြည့်တယ်။ ကဒ်ထူပေါ်မှာ ရေးကြည့်တယ်။ ဓာတ်ပုံရိုက် ကြည့်တယ်။ ဒါက ဖြစ်နိုင်တယ်ဆိုပြီးတော့ ဘုန်းကြီးကျောင်းတကျောင်းကို အကူအညီတောင်းပြီး အစမ်း ရေးကြည့်ပြီးတော့ ဓာတ်ပုံရိုက်ပြီး သက်ဆိုင်ရာကိုပြတော့ သူတို့ကလည်း ကြိုက်တယ်ဆိုတာနဲ့ ရေးဖြစ်သွားတာပါ”လို့ ပြောပါတယ်။

 ဧရာဝတီတိုင်း စည်ပင်သာယာရေးအဖွဲ့က ပုသိမ်မြို့တော်ခန်းမရှေ့နေရာကို အများပြည်သူ စိတ်လက် အပန်းဖြေဖို့ ပြန်လည်ပြင်ဆင်ရင်းကနေ ပန်းချီဆရာ သက်နောင်ကို 3D ပန်းချီ ရေးဆွဲဖို့ အပ်နှံခဲ့တာ ဖြစ်ပါတယ်။

 လက်ရှိမှာတော့ ပုသိမ်မြို့ View Point နေရာမှာ ချောက်ကမ်းပါးပုံ 3D ပန်းချီကားတခုနဲ့ 3D ဒီဇိုင်း ၂ ခု ရေးဆွဲပြီးစီးထားပြီး ရွှေအိုးကြီးတလုံး တူးဖော်နေတဲ့ 3D ပန်းချီကိုတော့ ပန်းချီသက်နောင်က ရေးဆွဲနေဆဲ ဖြစ်ပါတယ်။

 “ကိုယ်တွေစိတ်ကူးနဲ့ ဖန်တီးခဲ့တဲ့အရာတခုကို ပြည်သူတွေမြင်ပြီး ပျော်ရွှင်တာတွေ့ရတော့ ကျနော်တို့လည်း ကြည်နူးရပါတယ်။ အခုဆိုရင် လူတွေက ဒီနေရာမှာ စိတ်လက်အပန်းဖြေရုံတင်မကဘူး 3D ပန်းချီကိုပါ ခံစားနိုင်တယ်။ လူငယ်တွေဆိုလည်း အနုပညာတရပ်နဲ့ ပန်းချီဆရာတယောက်ရဲ့တန်ဖိုးကို ပိုနားလည်ကြလိမ့်မယ် ထင်မိတယ်”လို့ ပုသိမ်မြို့နယ် စည်ပင်သာယာဌာနက တာဝန်ခံအင်ဂျင်နီယာ ဦးရဲဝင့်အောင်က ပြောပါတယ်။

 တာဝန်ရှိသူတွေရဲ့ ဖော်ဆောင်ပေးမှုနဲ့ ပန်းချီဆရာရဲ့ ဖန်တီးအားထုတ်မှုကြောင့် ပုသိမ် View Point နေရာဟာ ယခင်ထက် လှပလာခဲ့ပေမယ့် ဒါတွေကို ရေရှည်ထိမ်းသိမ်းနိုင်ဖို့အတွက် အစီအမံကောင်းတွေ လိုအပ်နေဆဲ ဖြစ်ပါတယ်။

ဆွဲလက်စ 3D ပန်းချီမြင်ကွင်း (ဓာတ်ပုံ- ဆလိုင်းသန့်စင်/ ဧရာဝတီ)

 ပုသိမ် View Point နေရာမှာ ညနက်ပိုင်းရောက်တာနဲ့ လူတွေ ၀ိုင်းဖွဲ့ပြီး အရက်သောက်တာ၊ ရန်ဖြစ်တာတွေ ရှိတတ်ပြီး View Point က ဆိုင်းဘုတ်တွေ၊ မီးသီးမီးကြိုးတွေကို ဖျက်ဆီးတာတွေ ယခင်က ရှိခဲ့ပါတယ်။ ဒီလိုတွေ မဖြစ်အောင် ဘယ်လိုကိုင်တွယ်ထိမ်းသိမ်းမလဲဆိုတာတော့ စိန်ခေါ်မှုတရပ်အနေနဲ့ ရှိနေဆဲပါပဲ။


ဆလိုင်းသန့်စင်