 |
| အမေရိကန်သမ္မတ အိုဘားမားနဲ့ မြန်မာ့သမိုင်းပညာရှင် ဒေါက်တာသန့်မြင့်ဦးတို့ တွေ့ဆုံစဉ် (ဓာတ်ပုံ-ကျော်ဖြိုးသာ/ ဧရာဝတီ) |
အမေရိကန်သမ္မတ အိုဘားမားနဲ့ ရန်ကုန်မြို့ပြ အမွေအနှစ် ထိန်းသိမ်းစောင့်ရှောက်ရေး ဥက္ကဌတို့ ဒီကနေ့ ရန်ကုန်မြို့က အရင် ၀န်ကြီးများရုံးဟောင်းမှာ တွေ့ဆုံခဲ့တဲ့အကြောင်း သတင်းကြေငြာချက် တစောင် ထုတ်ပြန်လိုက်ပါတယ်။
ဒါကို ဧရာဝတီ ဘလော့ဂ်ပရိတ်သတ်တွေ လေ့လာ ဖတ်ရှုနိုင်ဖို့ ဖော်ပြပေးလိုက်ပါတယ်။
သတင်းထုတ်ပြန်ချက်
ရက်စွဲ။ ။ နိုဝင်ဘာလ ၁၄ ရက်၊ ၂၀၁၄ ခုနှစ်
ရန်ကုန်။ ။ အမေရိကန်ပြည်ထောင်စုသမ္မတမစ္စတာဘာရတ်ခ်အိုဘားမားသည် ရန်ကုန်မြို့လယ်ရှိယခင်
ဝန်ကြီးများရုံးအဆောက်အအုံသို့ ယနေ့လည်ပတ်ရာတွင် ရန်ကုန်မြို့ပြအမွေအနှစ် ထိန်းသိမ်းစောင့်ရှောက်ရေးအဖွဲ့ဥက္ကဋ္ဌ ဒေါက်တာသန့်မြင့်ဦးနှင့် တွေ့ဆုံခဲ့သည်။
ယခင်ဝန်ကြီးများရုံးအဆောက်အအုံဝင်ပေါက်တွင် တွေ့ဆုံကြပြီးနောက် မစ္စတာအိုဘားမားသည် ဒေါက်တာ
သန့်မြင့်ဦးနှင့်အတူ ၁၉၄၈ ခုနှစ် မြန်မာနိုင်ငံလွတ်လပ်ရေးကို ဦးဆုံးထုတ်ပြန်ကြေညာခဲ့ရာ အလယ်ကွက်လပ်ရှိအထိမ်းအမှတ်အလံတိုင်ရှိရာ နေရာသို့သွားရောက်ခဲ့သည်။ အဆိုပါနေရာသည် ၁၉၄၇ ခုနှစ်တွင် နိုင်ငံခေါင်းဆောင်ကြီးများလုပ်ကြံခံခဲ့ရသည့်အထိမ်းအမှတ်ကမ္ဗည်းကျောက်တိုင်နှင့် မြန်မာပထမဆုံး တိုင်းပြုပြည်ပြုလွှတ်တော်ကျင်းပခဲ့ရာနေရာလည်း ဖြစ်သည်။
ဝန်ကြီးများရုံးအဆောက်အအုံသည် မြန်မာနိုင်ငံအား ၁၉၄၈ခုနှစ်တွင် လွတ်လပ်ပြီးယဉ်ကျေးမှု မျိုးစုံထွန်းကားရာဒီမိုကရေစီနိုင်ငံအဖြစ် မွေးဖွားပေးခဲ့ရာ အထင်ကရနေရာဖြစ်သည်။ ၂၀ ရာစုအစောပိုင်းမြို့ပြအခင်းအကျင်းကိုအာရှတိုက်အတွင်း မပျက်မယွင်းတွေ့မြင်နိုင်သေးသော မြို့ပြရှုခင်းကိုပိုင်ဆုင်ိရာ ရန်ကုန်၏ သမိုင်းဝင်မြို့လယ်ဧရိယာအတွင်းတည်ရှိပြီး မြန်မာနိုင်ငံ၏ အရေးအကြီးဆုံးသော မြို့ပြအဆောက်အအုံတစ်လုံးဖြစ်သည်။
ရန်ကုန်၏သမိုင်းဝင်မြို့လယ်ဧရိယာကို မော်တော်ယာဉ်ဖြင့်ဖြတ်သန်းသွားပြီး ယခင်ဝန်ကြီးများရုံး အဆောက်အအုံအား လှည့်ပတ်လေ့လာခဲ့သည့်အတွက် အမေရိကန်သမ္မတ မစ္စတာအိုဘားမား၏ ခရီးစဉ်အပေါ် မိမိတို့ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့က အထူးပင် ဝမ်းမြောက် ဂုဏ်ယူလျက်ရှိသည်။
“ဝန်ကြီးများရုံးအဆောက်အအုံဟာ မြန်မာနိုင်ငံရဲ့သမိုင်းမှာ အလွန်အရေးပါတဲ့နေရာတစ်ခုဖြစ်ပါတယ်။ အဲဒီနေရာက ၂၀ ရာစုအစပိုင်းမှာ ရွေးကောက်ခံအစိုးရအဖွဲ့ စတင်ရုပ်လုံးပေါ်ခဲ့ရာနေရာ၊ လွတ်လပ်တဲ့
ဒီမိုကရေစီနိုင်ငံတစ်ခုအဖြစ် ပေါ်ပေါက်လာရေးအတွက် ဒုတိယကမ္ဘာစစ်အပြီးမှာ နိုင်ငံ့ခေါင်းဆောင်တွေ
ကြိုးပမ်းအားထုတ်ခဲ့ကြရာနေရာ၊ ၁၉၄၈ ခုနှစ် ဇန်နဝါရီလ ၄ ရက်နေ့မှာ အင်္ဂလိပ်အစိုးရထံက လွတ်လပ်ရေးကိုကြေညာရယူပေးခဲ့တဲ့နေရာ ဒါ့အပြင် ၁၉၄၈ ခုနှစ်ကနေ တပ်မတော်အစိုးရလက်ထက် ၁၉၆၂ ခုနှစ်မတိုင်မီအထိ တိုင်းပြုပြည်ပြုလွှတ်တော် စည်းဝေးကျင်းပခဲ့ရာ နေရာဖြစ်ပါတယ်” ဟု ဒေါက်တာသန့်မြင့်ဦးက ပြောကြားသည်။
ထို့နောက် သမ္မတအိုဘားမားသည် YHT က ထိန်းသိမ်းစောင့်ရှောက်ရန် အဆိုပြု ထားသောမြို့လယ်ဧရိယာနှင့်မြစ်ကမ်းနားတစ်လျှောက် စုစုပေါင်း နှစ်စတုရန်း ကီလိုမီတာခန့်ကို မော်တော်ယာဉ်ဖြင့် လှည့်လည်ကြည့်ရှုခဲ့သည်။ အဆိုပါဧရိယာအတွင်း ကိုလိုနီခေတ်ဗိသုကာလက်ရာအစုအဝေးကိုသာမက ဗုဒ္ဓဘာသာ ဘုရားကျောင်းကန်များ၊ အင်္ဂလီကန်နှင့် ရိုမန်ကက်သလစ်ဘုရားကျောင်းများ၊ နှစ်ခြင်း၊ မက်သဒစ်၊ အာမေးနီးယန်းနှင့် အခြား ခရစ်ယာန် ဘုရားကျောင်းများ၊ အစ္စလာမ်ဗလီများ၊ ဆွန်နီနှင့် ရှီးရတ်ဘာသာ၊ တရုတ်၊ ဟိန္ဓူနှင့် ဆစ်ခ်ဘုရားကျောင်း များနှင့် ရဟူဒီဘုရားရှိခိုးကျောင်းတစ်ကျောင်းအပါအဝင် ဘာသာရေးအထွတ်အမြတ်နေရာပေါင်း ၁၄၄ ခန့် တည်ရှိနေရာဖြစ်သည်။
“ရန်ကုန်မြို့လယ်ဧရိယာလို မြို့ပြအခင်းအကျင်းမျိုးက ကမ္ဘာပေါ်မှာ ဘယ်နေရာမှာမှမရှိပါဘူး။ ဘာသာပေါင်းစုံ၊ယဉ်ကျေးမှုပေါင်းစုံ ပါဝင်ဖွဲ့စည်းထားတဲ့ အရမ်းထူးခြားတဲ့ လူ့အသိုက်အဝန်း တစ်ခုဖြစ်ပါတယ်” ဟု ဒေါက်တာသန့်မြင့်ဦးက ပြောသည်။
ရန်ကုန်မြို့လယ်သည် မြောက်မြားလှစွာသော သမိုင်းဝင်အဖြစ်အပျက်များကို တွေ့ကြုံခဲ့ရာလည်းဖြစ်သည်။
၁၈၂၄ ခုနှစ် အင်္ဂလိပ်-မြန်မာစစ်ပွဲမှသည် ၁၉၄၁ - ၁၉၄၂ ခရစ်စမတ်ကာလ ဂျပန်စစ်တပ်၏ ဗုံးကြဲမှုနှင့်
ကျူးကျော်မှု၊ ထိုမှ ၁၉၄၀အဆုံးပိုင်း ပြည်တွင်းစစ်စသည်တို့ နှင့် အခြားသဘာဝအန္တရာယ်များကို ကြံ့ကြံ့ခိုင်
ဖြတ်သန်းခဲ့သည်။ ထို့ပြင် အဆောက်အအုံများစွာသည်လည်း ကမ္ဘာကျော်ကြားပုဂ္ဂိုလ်များဖြစ်သည့် အမေရိကန်သမ္မတဟောင်း ယူလစ်စစ်ဂရန့်ထ်၊ မဟတ္တမဂန္ဓီနှင့် နိုဘယ်ဆုရှင်ကဗျာဆရာ ပါဘလိုနီရူဒါ (၁၉၂၀ ပြည့်လွန်နှစ်များက ဝန်ကြီးများရုံးတောင်ဘက်ရှိ တိုက်ခန်းတစ်ခန်းတွင် နေထိုင်ခဲ့ဖူးသူ) အစရှိသူတို့နှင့်လည်းဆက်စပ်နေသည်။
“အခုလို ဝန်ကြီးများရုံးဟောင်းနဲ့ ရန်ကုန်မြို့လယ်ကို လှည့်ပတ်ကြည့်ရှုတာက ရန်ကုန်မြို့ရဲ့ သမိုင်းဆိုင်ရာ
အရေးပါမှုနဲ့ အနာဂတ်အလားအလာတွေကို ထူးထူးခြားခြားအသိအမှတ်ပြုခြင်းပဲ ဖြစ်ပါတယ်။ ကျွန်တော်တို့ရဲ့လှပတဲ့မြို့အတွက် ကျန်ရှိနေသေးတာတွေကို အရေးတကြီးထိန်းသိမ်းဖို့ လိုအပ်နေပါပြီ။ နောက်နှစ် အနည်းငယ်မှ ဆိုရင်တော့ အရမ်းကိုနောက်ကျသွားမှာပါ” ဟုဒေါက်တာသန့်မြင့်ဦးကပြောသည်။
စိုးရိမ်ဖွယ်အနေအထားဖြစ်နေသော ရန်ကုန်မြို့၏မြို့ပြအမွေအနှစ်များကို ထိန်းသိမ်းစောင့်ရှောက်ရန် အတွက်ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့ကို ၂၀၁၂ ခုနှစ်တွင် တည်ထောင်ခဲ့သည်။ ရန်ကုန်ကိုသမိုင်းလက္ခဏာများ၊ စိမ်းလန်းမြေနေရာများနှင့် မြစ်ကမ်းနားတို့နှင့် လိုက်လျောညီထွေသော ၂၁ ရာစုခေတ်မီမြို့ပြတစ်ခုဖြစ်လာစေရေး ရည်မှန်းထားသည်။ ၁၉၉၀ နှင့် ၂၀၀၀ ပြည့်လွန်နှစ်များတွင် သက်တမ်းရင့်အဆောက်အအုံပေါင်း ရာနှင့်ချီဆုံးရှုံးခဲ့ရပြီး လက်ရှိတွင် မြို့လယ်ဧရိယာ၌ အမွေအနှစ် အဆောက်အအုံ၂,၀၀၀ကျော် ကျန်ရှိနေသေးသည်။
ရန်ကုန်မြို့ပြအမွေအနှစ် တည်ထောင်သူနှင့် ဥက္ကဋ္ဌဖြစ်သူဒေါက်တာသန့်မြင့်ဦးသည် သမိုင်းပညာရှင်တစ်ဦးဖြစ်ပြီး ဆုရစာအုပ် သုံးအုပ်ကို ရေးသားထုတ်ဝေခဲ့ကာ ကမ္ဘာ့ကုလသမဂ္ဂအဖွဲ့၏ ငြိမ်းချမ်းရေးထိန်းသိမ်းမှုလုပ်ငန်းများတွင်လည်း တာဝန်ထမ်းဆောင်ခဲ့သည်။
စစ်အစုိုးရတွေက နိုင်ငံတကာကုို ဆူးလေ၊ ဆွန္နီပလီနဲ့ ခရစ်ယာန်ဘုရားကျောင်းပုံတွေပြပြီး ဘာသာပေါင်းစုံ ငြိမ်းချမ်းစွာ အတူနေကြတာပါလို့ နုိုင်ငံတကာကုို အမြဲပြောတယ်။
ReplyDeleteနောက်ပြီး အစ္စလာမ်သာသနာနဲ့ ခရစ်ယာန်သာသနာတွေကို အမြဲဖိစီး နှိပ်ကွပ် စော်ကားနေကြတာ ရာစုနှစ်တစ်ဝက်ကျော် အခုထက်ထိဘဲ။
(ဒေါက်တာသန်းမြင့်ဦးကုို မဆုိုလုိုပါ။)
-------------------------
“ရန်ကုန်မြို့လယ်ဧရိယာလို မြို့ပြအခင်းအကျင်းမျိုးက ကမ္ဘာပေါ်မှာ ဘယ်နေရာမှာမှမရှိပါဘူး။ ဘာသာပေါင်းစုံ၊ ယဉ်ကျေးမှုပေါင်းစုံ ပါဝင်ဖွဲ့စည်းထားတဲ့ အရမ်းထူးခြားတဲ့ လူ့အသိုက်အဝန်း တစ်ခုဖြစ်ပါတယ်” ဟု ဒေါက်တာသန့်မြင့်ဦးက ပြောသည်။