Sanjay Kumar ဟာ ယောဂသင်တန်းဆရာတယောက်ဖြစ်ပြီး ယောဂသင်တန်း အဆင့်ဆင့် ဖွင့်လှစ်သင် ကြားပေးနေတဲ့ ရန်ကုန်မြို့ရှိ အိန္ဒိယသံရုံးမှာ အလုပ်လုပ်နေသူလည်းဖြစ်ပါတယ်။ သင်တန်းများက မြန်မာ-အိန္ဒိယ ဆက်ဆံရေး ပိုမို တိုးတက်ကောင်းမွန်လာစေရန်ဖြစ်ပြီး Ashtanga၊ Hatha နှင့် Bihar စတဲ့ ရှေးဟောင်းယောဂနည်းစနစ် ၃ မျိုးကို သင်ကြားပေးနေတဲ့ Sanjay Kumar နှင့် ဧရာဝတီက တွေ့ ဆုံမေးမြန်းခဲ့ပါတယ်။
မြန်မာပြည်သူတွေက ယောဂကို စိတ်ဝင်စားကြပါသလား။ ဘယ်သူတွေသင်တန်းလာတတ်ကြပါသလဲ။
ကျနော်တို့ သင်တန်းတွေက လူတိုင်းအတွက်ဖွင့်လှစ်ထားတာပါ။ လာတက်သူ အများစုကမြန်မာတွေပါ။ ဒါပေမယ့်တရုတ်၊ သြစတြီးယား၊ ဂျပန်၊ စင်ကာပူ၊ အီတလီ၊ ပြင်သစ်နဲ့ အမေရိကန်နိုင်ငံသားတွေ အပါအဝင် နိုင်ငံခြားသားတွေလည်း လာကြပါတယ်။ လူတိုင်းလာတက်နိုင်ပါတယ်။
ကျနော် ဒီကိုရောက်တဲ့အချိန်မှာ သင်တန်းသား ၁၂၅ ယောက်ရှိပါတယ်။ အခုဆိုရင် အခြေခံကနေအဆင့် မြင့်တန်းအထိ တန်းခွဲ ၈ ခုမှာ သင်တန်းသား ၂၅၀ ကနေ ၃၀၀ လောက်အထိ ရှိနေပါပြီ။ အများစုကတော့ ကျန်းမာရေးအတွက် ရောက်လာကြတာဖြစ်ပါတယ်။ ကျန်းမာဖို့၊ စိတ်ကြည်လင်ငြိမ်းချမ်းဖို့နဲ့ သူတို့ရဲ့အလုပ်တွေ ကောင်းကောင်းလုပ်နိုင်ဖို့ အတွက်ပါ။
အဓိကရရှိမယ့် ကျန်းမာရေးအကျိုးအမြတ်တွေက ဘာတွေပါလဲ။
လူတွေက ဒီကိုပြဿနာအမျိုးမျိုးနဲ့ ရောက်လာကြတယ်။ တချို့ကခါးနာတယ်။ တချို့ကလည်ပင်းနာတယ်။ အချို့က အဝလွန်နေလို့။တခါတလေတော့လည်းသူတို့စိတ်ဖိစီးမှုတွေဖြစ်ကြတယ်။ အနားမနေရဘူး၊ အလုပ်တွေအများကြီး လုပ်နေရတယ်လို့ခံစားကြရတယ်။ သူတို့ညဘက်မှာ ကောင်းကောင်းအိပ်မပျော်ကြဘူး။ ယောဂလေ့ကျင့်ပြီး ၁ လ သို့မဟုတ်၊ ၂ လ လောက်ကြာတဲ့အခါမှာတော့ သူတို့ပြဿနာတွေပြေလည်သွားတဲ့အတွက် ကျေးဇူးတင်ကြောင်း ကျနော့်ကို ပြောကြတယ်။
ယောဂသင်တန်းက အိန္ဒိယ-မြန်မာ ဆက်ဆံရေးကောင်းမွန်စေရေးအတွက် သံရုံးကို ဘယ်လို အထောက်အကူ ဖြစ်စေပါသလဲ။
ကျနော်တို့က သာမန်လူတန်းစားတွေကို ချဉ်းကပ်နေတာပါ။ သူတို့က ဆက်ဆံဖို့ လွယ်ကူပါတယ်။ သူတို့ ဒီကို လာကြတယ်။ ပြီးတော့နေလို့ ပိုကောင်းသွားတယ်လို့ ခံစားကြရတယ်။ အိန္ဒိယသံရုံးက သင်တန်းကြေးအနေနဲ့ တလကို ၅ ဒေါ်လာပဲယူပါတယ်။ ကျနော်တို့က မြန်မာပြည်သူတွေကို ကျန်းမာဖို့လန်းဆန်း
တက်ကြွစေဖို့ ကူညီနေတာ ဖြစ်ပါတယ်။
သူတို့ရဲ့ကျန်းမာရေး အခက်အခဲတွေအကြောင်း ပြောပြတဲ့သူ တော်တော်များသလား။
သင်တန်းလာတက်တဲ့သူတွေ တော်တော်များများက သူတို့ရဲ့အခက်အခဲတွေအကြောင်း ပြောပြကြပါတယ်။ ၃၀ ရာခိုင်နှုန်းကျော်လောက်ပေါ့။ တခြားသူတွေကိုလည်း ယောဂလေ့ကျင့်ဖို့ သူတို့က တိုက်တွန်းကြပါ တယ်။
လူတွေဘာကြောင့်ယောဂလေ့ကျင့်သင့်သလဲ။
လူတိုင်းယောဂကို လေ့ကျင့်သင်ယူသင့်တယ်လို့ ကျနော်ထင်ပါတယ်။ ယောဂက ဖျားနာခြင်းကနေ ကာ ကွယ်ပေးပါတယ်။ မှန်မှန်လေ့ကျင့်သွားမယ်ဆိုရင် ကျန်းမာရေးပိုကောင်းလာပါလိမ့်မယ်။ တကယ်လို့ အချိန်နာရီဝက်ပဲရမယ်ဆိုရင် နာရီဝက်ပဲ လေ့ကျင့်ပါ။ တပတ်ကိုတကြိမ်ပဲ လေ့ကျင့်နိုင်မယ်ဆိုရင် အပတ် တိုင်းလေ့ကျင့်ပါ။ ယောဂက ဘာသာရေးနဲ့မဆိုင်ပါဘူး။ ယောဂကအားလုံးအတွက်၊ လူတိုင်းအတွက်ဖြစ်ပါတယ်။ ယောဂလေ့ကျင့်ခန်းစာအုပ်ထဲမှာ “အသက်ငယ်သည်ဖြစ်စေ၊ ကြီးသည်ဖြစ်စေ၊ နာမကျန်းသူဖြစ်စေ၊ အင်အားချိနဲ့သူဖြစ်စေ ယောဂလေ့ကျင့်ခြင်းအားဖြင့် လူတိုင်းအကောင်းဆုံးကို ရရှိနိုင်ပါသည်” လို့ ဖော်ပြထားပါတယ်။ လူတိုင်းလေ့ကျင့်နိုင်ပါတယ်။ စိတ်စွမ်းအင်မြင့်မားချင်တဲ့သူတွေလည်းပဲ လေ့ကျင့်နိုင်ပါတယ်။
No comments:
Post a Comment