 |
| သရုပ်ေဆာင် အဆိုတော် စိုင်းစိုင်းခမ်းလှိုင်(ဓာတ်ပုံ-ဂျေပိုင်/The Irrawaddy) |
အနုပညာလောကမှာ အခုအချိန်အထိ အချိန်အတော်ကြာမြင့်စွာ ရပ်တည်နေနိုင်နေဆဲဖြစ်တဲ့ သရုပ်ဆောင် အဆိုတော် တောင်ကြီးသား စိုင်းစိုင်းခမ်းလှိုင်တယောက် သူနဲ့ အပေါင်းအပါတွေထဲက တယောက်ပြီးတယောက် သာယာတဲ့ အိမ်ထောင်ရေးတွေကို တည်ထောင်သွားကြပေမယ့် သူကတော့ အခုထက်ထိ တကိုယ်တည်းလူပျိုကြီးဖြစ်နေတုန်းပါပဲ။
အဲ့ဒီလို လူပျိုကြီးဘ၀မှာပဲ ကျေနပ်နေဆဲဖြစ်နေတဲ့ အဆိုတော် သရုပ်ဆောင် စိုင်းစိုင်းခမ်းလှိုင်ကို မီဒီယာပေါင်းများစွာ ကလည်း ၀ါကျွတ်ပြီဆိုတာနဲ့ လာလာခလုတ်တိုက်မေးမြန်းခဲ့ကြတယ်ဆိုပေမယ့် သူကတော့ တနှစ်နဲ့တနှစ် ဒီအဖြေထဲကကို ထွက်မလာပါဘူး။
သူဘာကြောင့် လူပျိုကြီးဘ၀မှာပဲ ကျေနပ်ပျော်ရွှင်နေရတာလဲ။ သာယာတဲ့ မိသားစု အိမ်ထောင်ရေးတခုကို သူတည်ထောင်ဖို့ အစီအစဉ်မရှိတော့ဘူးလားဆိုတဲ့ ဧရာဝတီရဲ့အမေးကို သူက “ခိုင်မာတဲ့ Relationship ဆိုတာကို ကျနော်ယုံကြည်ပါတယ်။ မိသားစု ဘ၀ဆိုတာကို ကျနော် ယုံကြည်တယ်။ အခုထိ ကျနော်တယောက်ထဲ အိမ်ထောင်မပြုဘဲ နေနေသေးတာက အိမ်ထောင်ရေးကို မယုံကြည်လို့ မဟုတ်ဘဲနဲ့ ကျနော်ဘာသာကျနော် ကျနော်ရဲ့ အနုပညာအလုပ်တွေနဲ့ပဲ မျောပါနေလို့ အိမ်ထောင်မပြုဖြစ်သေးတာ ဖြစ်ပါတယ်။ မိသားစုဘ၀ဆိုတာကို မယုံကြည်တာ မဟုတ်ပါဘူး။ ကျနော် မိသားစုဘ၀ဆိုတာကို ရှိသင့်တယ်လို့လည်းထင်တယ်။ ယုံလည်း ယုံကြည်ပါတယ်။ တချိန်ချိန်ကျရင် ကျနော်လည်းသူများနည်းတူ မိသားစုဘ၀တခုကို တည်ဆောက်နိုင်မယ်လို့ ကျနော် ထင်ပါတယ်။ ဒါပေမယ့် အခုချိန်မှာတော့ ကျနော် အနုပညာကိုပဲ လုပ်ပါဦးမယ်။” လို့ ဆိုပါတယ်။
အဲ့ဒီလို သူတည်ထောင်မယ့် မိသားစုဘ၀ကို သူ့ရဲ့စိတ်ခံစားချက်အတိုင်းပဲ လုပ်သွားမှာပါလို့လည်း ထပ်မံပြောဆိုသွားပါတယ်။
No comments:
Post a Comment