တယ်လီနောရဲ့ တမိနစ် တကျပ်တန် “စူပါဇီးကွက်” အစီအစဉ်သစ် စတင်ပြီ

ဓာတ်ပုံ - Telenor

တယ်လီနောမြန်မာမှ “စူပါဇီးကွက်” လို့ အမည်ရတဲ့  ဖုန်းခေါ်ဆိုမှုနဲ့ အင်တာနက် ဈေးနှုန်းသစ်အစီအစဉ် တခုကို ယခုလ (၁၈) ရက်နေ့က မိတ်ဆက်လိုက်ပါတယ်။

အဆိုပါ “စူပါဇီးကွက်” အစီအစဉ်ကတော့ တယ်လီနောဆင်းကတ် အသုံးပြုသူများအနေနဲ့ ည (၁၁) နာရီမှ နံနက် (၇) နာရီအတွင်း အသုံးပြုမယ်ဆိုရင် ဖုန်းခေါ်ဆိုမှုများအတွက် တမိနစ်လျှင် (၁) ကျပ်နှင့် အင်တာ   နက်ဒေတာ အသုံးပြုမှုအတွက် 1 MB ကို တကျပ်နှုန်း ကျသင့်မှာ ဖြစ်ပါတယ်။

“စူပါဇီးကွက်” တွင် (၂၅၀၀) ကျပ်တန် လစဉ်သုံး အစီအစဉ်ကို သုံးစွဲရန် သတ်မှတ်ကာလ (၁) လ နဲ့ (၈၀၀) ကျပ်တန် အပတ်စဉ်သုံး အစီအစဉ်ကိုသုံးစွဲရန် သတ်မှတ်ကာလ (၇) ရက် အသီးသီး သတ်မှတ်ထားတယ်လို့ သိရပါတယ်။

လစဉ်သုံးအစီအစဉ်ကို အသုံးပြုလိုလျှင် ‘500’ သို့ T2500 ဟု Message ပို့၍ လည်းကောင်း၊ *802#သို့ ဖုန်းခေါ်ဆို၍လည်းကောင်း ရရှိနိုင်မည်ဖြစ်ပြီး အပတ်စဉ်သုံးကို အသုံးပြုလိုလျှင် ‘500’ သို့ T800 ဟု စာတိုပို့၍လည်းကောင်း၊ *803# သို့ ဖုန်းခေါ်ဆို၍လည်းကောင်း ရရှိနိုင်မှာပဲ ဖြစ်ပါတယ်။

ဒါ့အပြင် တယ်လီနော ရောင်းချတဲ့ ဆိုင်တိုင်းမှာ ဝယ်ယူရရှိနိုင်မှာဖြစ်ပြီး  အဆိုပါ ပရိုမိုးရှင်းအစီအစဉ်ကို ၂၀၁၅ ခုနှစ်၊ ဒီဇင်ဘာလ (၁၈) ရက်နေ့မှ ၂၀၁၆ ခုနှစ်၊ ဇန်နဝါရီ (၃၁) ရက်နေ့အထိ အကျုံးဝင်မှာ ဖြစ်     ပါတယ်။

တယ်လီနောမြန်မာမှ အမှုဆောင်အရာရှိချုပ်ဖြစ်သူ Petter Furberg  က “မြန်မာနိုင်ငံမှာ အထူးသဖြင့်    လက်ရှိ အင်တာနက်အသုံးပြုမှု ကြီးကြီးမားမား တိုးတက်လာနေတာကို မြင်နေရပါတယ်။  တနိုင်ငံလုံး မိုဘိုင်းဖုန်းအသုံးပြုသူ (၆၀) ရာခိုင်နှုန်းကျော်က စမတ်ဖုန်း အသုံးပြုကြတယ်လို့ ကျနော်တို့ ခန့်မှန်းထားပါ တယ်။ ကျနော်တို့ရဲ့ (၁၂) သန်း ကျော်သော အသုံးပြုသူတွေက (၅၇) ရာခိုင်နှုန်းဟာ အင်တာနက်ဒေတာ အသုံးပြု ကြပြီတော့ တယ်လီနောရဲ့ အာရှ ဈေးကွက်အတွင်းမှာ မလေးရှားပြီးရင် မြန်မာနိုင်ငံက အကြီးမားဆုံး ပမာဏပဲဖြစ်ပါတယ်” လို့ ပြောပါတယ်။

ဆက်လက်ပြီး သူက  “မြန်မာနိုင်ငံမှာ မိုဘိုင်းဆက်သွယ်ရေးကဏ္ဍ အရမ်းမဖွံဖြိုးသေးပေမယ့် အသုံးပြု  သူတွေရဲ့ နည်းပညာနဲ့ထိတွေ့မှုအပိုင်းမှာ ကောင်းမွန်လာတာကြောင့် သူတို့နှစ်သက်အသုံးပြုတဲ့ ဆက် သွယ်ရေး စနစ်ဆီကနေ ၀န်ဆောင်မှုအမျိုးမျိုးကို မျှော်လင့်ကြပါတယ်။ အဲဒီအတွက်ကြောင့် တယ်လီနောကနေ အသုံးပြုသူတွေရဲ့ လိုအပ်ချက်နဲ့ကိုက်ညီတဲ့ ရင်ခုန်ဖွယ်ရာ အဆန်းပြားဆုံး တီထွင် ဖန်တီးမှုများကို  စဉ်ဆက်မပြတ် ဆက်လက်ဝန်ဆောင်မှု ပေးသွားမှာပါ” လို့ ဆိုပါတယ်။

တယ်လီနောဟာ နိုင်ငံတလွှားမှာရှိတဲ့ 3G အသုံးပြုနိုင်တဲ့ တာဝါတိုင် (၄) ထောင်ကျော်တို့နဲ့ အတူ မြန်မာနိုင်ငံမှာ အကြီးမားဆုံး 3G ကွန်ယက်ကို စီမံဆောင်ရွက်နေပါတယ်။ ရန်ကုန်မြို့တွင် တာဝါတိုင် တထောင်ကျော်အထိ ဖြန့်ကျက်ထားပြီးဖြစ်ပြီး မန္တလေးမြို့တွင်လည်း တာဝါတိုင် (၇၀၀) ကျော်အထိ တည်ဆောက်ထားပြီး ဖြစ်တယ်လို့ သိရပါတယ်။

တယ်လီနောကွန်ယက်ဟာ ချင်းပြည်နယ်မှလွဲပြီး မြန်မာနိုင်ငံအတွင်းမှာရှိတဲ့ အဓိကပြည်နယ်နှင့် တိုင်း     ဒေသကြီးများကို လွှမ်းခြုံထားနိုင်ပြီဖြစ်ပြီး ချင်းပြည်နယ်တွင်လည်း မကြာမီ စတင်မိတ်ဆက်တော့မယ် လို့ သိရပါတယ်။ ။


သီဟတိုး