ပုသိမ်ထီးလေးတွေနဲ့ မမပုသိမ်သူတော့ မဟုတ်ပါဘူး။ ချင်းမိုင်သူတွေပါ။ ချင်းမိုင်ခရိုင်မှာရှိတဲ့ ဆန် ခမ်ပန်း ဒိစတြိတ်မှာပြုလုပ်တဲ့ Bo Sang Umbrella Festival (ပုသိမ်ထီးပွဲတော်) မှာ မြင်တွေ့ရတာပါ။ တကယ်တော့ ထိုင်းအသံထွက် Bo Sang ဆိုတာ မြန်မာလို “ပုသိမ်” ကို ဆိုလိုတာပါပဲ။
လွန်ခဲ့တဲ့ ရာစုနှစ် တခုကျော်လောက်တုန်းက ဖရာ အင်သာဆိုတဲ့ ထိုင်းဘုန်းကြီးတပါးဟာ ချင်းမိုင်မြို့ကနေ မြန်မာပြည်ကို ဘုရားဖူးထွက်လာခဲ့ပါတယ်။ ထိုင်း-မြန်မာ နယ်စပ်တလျှောက် ခရီးသွားနေရင်းနဲ့ မြန်မာရွာသားတဦးက ရေဒဏ်ခံ၊ နေဒဏ်ခံတဲ့ ထီးတလက် လှူလိုက်ပါတယ်။ အဲဒါက မြန်မာလုပ် ပုသိမ်ထီးပါ။
အဲဒီမှာ ဆရာတော် အင်သာက ဒီထီး ပြုလုပ်ပုံ အဆင့်ဆင့်ကို စိတ်ဝင်တစားလေ့လာပြီး ထိုင်းတွေကို မိတ်ဆက်ပေးခဲ့ပါတယ်။ အခု ဆန် ခမ်ပန်း နဲ့ ဒွိုင် စကပ် ဒိစတြိတ်တွေမှာ ထိုင်းဒေသခံရာပေါင်းများစွာဟာ ဒီပုသိမ် လက်လုပ်ထီးများပြုလုပ်ပြီး အသက်မွေးနေကြဆဲဖြစ်ပါတယ်။
ပုသိမ်ထီးပွဲတော်ကို နှစ်စဉ်ကျင်းပလေ့ရှိပြီး ဒီနှစ်မှာ ဇန်နဝါရီ ၂၁ ကနေ ၂၃ ရက်နေ့အထိ မနက်ကနေ ညသန်းခေါင်တိုင် ကျင်းပပါတယ်။ အပေါ်က ပုံကတော့ စက်ဘီးကိုလက်တဖက်နဲ့ စီးပြီး ပုသိမ်ထီးလေးနဲ့ အလှမယ်ရွေးပွဲကို ဝင်ရောက်ယှဉ်ပြိုင်နေကြတဲ့ လှပျိုဖြူတွေ ဖြစ်ပါတယ်။ ပုသိမ်ထီး၊ စက်ဘီးနဲ့ အလှမယ် ဆိုကြပါစို့။
ကျနော်သွားရောက်လေ့လာဖူးတဲ့ အတွေ့အကြုံအရ ပုသိမ်ထီးရွာလို့တောင် ပြောလို့ရပါတယ်။ ထီးပိတ်၊ ဝါးထီးရိုး၊ ထီးသီချုပ်တာကနေ ဆေးဆိုးတာအထိ တဆင့်ချင်း အဖွဲ့လိုက် ပုသိမ်ထီးပြုလုပ်ပုံကို လေ့လာနိုင်ကြပါတယ်။ ကမ္ဘာလှည့်ခရီးသွားတွေ စိတ်ဝင်တစားလာကြည့်ပြီး ဝယ်ကြတာတွေ့ရပါတယ်။ တနည်းအားဖြင့် ထိုင်းက ခရီးသွားလုပ်ငန်းမှာ ပုသိမ်ထီးလုပ်ငန်းကို ဆွဲဆောင်မှုကောင်းတဲ့ ရိုးရာလုပ်ငန်းတခုအဖြစ် တနစ်တကျ ထိမ်းသိမ်း ပျိုးထောင်ပေးထားတယ်ဆိုတာ တွေ့ရပါတယ်။
ခက်ထန်
Ref: Bangkok Post
ကမ္ဘာက သိကြတာကတော့ ပုသိမ်ထီးဟာ ထိုင်းရိုးရာထီးလို့ သိကြတာပါ။ သူတို့ ဒီလုပ်ငန်းကို ထိုင်းရိုးရာလုပ်ငန်းပုံစံမျိုး ကမ္ဘာကို မိတ်ဆက်ထားလို့ပါ။ မြန်မာနိုင်ငံက မြန်မာ့ရိုးရာ၊ မြန်မာ့လက်မှုပညာဆိုတာ ကမ္ဘာက သိပ်မသိကြပါဘူး။ ပုသိမ်ထီး မြင်လိုက်တာနဲ့ ထိုင်းရိုးရာလက်ဆောင် လို့ဘဲ သိကြပါတယ်။ မြန်မာ့လက်မှုပညာဖြစ်ကြောင်း ကမ္ဘာကို ဖော်ထုတ်တင်ပြသင့်တယ်လို့ ထင်တပါတယ်။
ReplyDeleteI felt sad after reading this article as I am from Bassein, now this umbrella business is diminishing in our town as for economically not profit. Gov should encourage the traditional business.
ReplyDeleteကိုယ့်တိုင်းပြည်ရဲ့  ရိုးရာပုသိမ်ထီး သူများနိုင်ငံရောက်ပြီး
ReplyDeleteသူများတိုင်းပြည်ကသူတွေ သုံးဆောင်ခံစားပြီး ထိုက်တန်တဲ့
ငွေကြေးနဲ့ ရောင်းနိုင်ုကတာ မြင်ရတော့ ၀မ်းနည်းမိတယ်၊
ဘာဖြစ်လို့ ဗမာနိုင်ငံသားတွေ သည်လို မခံစား မစံစားရတာလဲ
အဖြေကတော့ လူတိုင်းသိပါတယ်၊ အာဏာရှင် စနစ်ဆိုး
ေုကာင့်ပါဘဲ
Google ထဲမှာ လိုက်ရှာကြည့်တယ်။
ReplyDeleteပုသိမ်ထီးက ထိုင်းကိုယ်ပိုင် ရိုးရာထီးလုပ်ငန်းလိုလို အရှက်မရှိရေးထားတဲ့ ထိုင်းဝက်ဆိုက်က ၉၉% လောက်ရှိမယ်။
အောက်က ဆိုက်မှာတော့ မြန်မာ့ပုသိမ်ထီး ကို ထိုင်းတွေက ယူထားတယ်ဆိုတာ
ထီးသမိုင်း ဆိုပြီး အမှန်တရား ဖော်ထုတ် ရေးထားလေရဲ့။
http://www.chiangmai-chiangrai.com/umbrella_making_history.html