“Queen” ဆိုတဲ့ စန္ဒီမြင့်လွင်က သူများနဲ့မတူတဲ့ တကိုယ်တော် ဖျော်ဖြေပွဲလုပ်သွားဦးမည်

ရက်ပ်ပါအဆိုတော် စန္ဒီမြင့်လွင် (ဓာတ်ပုံ - ယုမွန်ကျော်/ The Irrawaddy)

လူငယ်ရက်ပ်ပါအဆိုရှင် စန္ဒီမြင့်လွင်ရဲ့ တကိုယ်တော်တေးစီးရီးသစ် Queen လို့ အမည်ပေးထားတဲ့ စီးရီးခွေဟာ ဒီဇင်ဘ ၂၀ ရက်နေ့မှာ ထွက်ရှိတော့မှာဖြစ်ပါတယ်။ ဒီ စီးရီးခွေဟာ စန္ဒီမြင့်လွင်ရဲ့ စတုတ္ထမြောက်တေးစီးရီးဖြစ်ပြီး တေးသီချင်းစုစုပေါင်း ၈ ပုဒ်ပါဝင်မှာဖြစ်ပါတယ်။ တေးသီချင်းမှာ Featuring အနေနဲ့ နီနီ    ခင်ဇော်၊ X Box နဲ့ Ar-T တို့က ပါဝင်သီဆိုပေးထားပြီး  တေးစီးရီးထဲမှာ Snare အဖွဲ့မှ နေ၀င်းရေးသားပေးထားတဲ့ “နှိုက်မှာပဲ” အမည်ရှိတဲ့ ခပ်ဆန်းဆန်းတေးသီချင်းတပုဒ်လည်း ပါဝင်မှာဖြစ်ပါတယ်။

ရှေ့ကထွက်ရှိခဲ့တဲ့ တေးစီးရီးထဲက သီချင်းတွေတုန်းကလည်း ပရိသတ်ကြားအောင်မြင်မှုရရှိခဲ့သလို ယခု Queen လို့ အမည်ပေးထားတဲ့ တေးစီးရီးကလည်း အမျိုးသမီးထုကို ကိုယ်စားပြုထားတယ်လို့လည်းသိရပါတယ်။

တေးစီးရီးနဲ့ပတ်သက်လို့ စန္ဒီမြင့်လွင်က “ဒီအခွေထဲမှာသီချင်း ၈ ပုဒ်ပဲ ဘာလို့ပါရတာလဲဆိုတော့ ပထမတော့ mini album လုပ်ဖို့ သီချင်း ၃ ပုဒ်ကနေ ၅ ပုဒ်ပဲလုပ်မယ်လို့ စဉ်းစားထားတာ။ ဒါပေမယ့် လုပ်ရင်းလုပ်ရင်း သီချင်း ၈ ပုဒ်ဖြစ်သွားတယ်။ တချို့မပြီးသေးလို့ထားခဲ့ရတဲ့သီချင်းတွေလည်းရှိတယ်။ ၈ ပုဒ်နဲ့ထုတ်ဖြစ်လိုက်တာက ဖေဖော်ဝါရီ ၁၂ ရက်နေ့မှာ one lady show လုပ်ဖြစ်မှာမလို့ပါ။ အဲဒီမှာ ဒီထဲက သီချင်း      သစ်တွေကိုလည်း ဆိုချင်တဲ့အတွက်ပါ။ one Lady show ကိုလည်း ဘယ်သူမှမလုပ်ဖူးသေးတဲ့           ဘယ်လိုမှ မတူနိုင်တဲ့အရသာတွေနဲ့ခံစားရအောင် လုပ်သွားမှာပါ” လုိ့ ပြောပြပါတယ်။

တေးစီးရီးထွက်ရှိမယ့်နေ့တွင် တေးသံရှင် စန္ဒီမြင့်လွင်က ရန်ကုန်လှည်းတန်းစိန်ဂေဟာမှာ ညနေ ၃ နာရီ   အချိန်ကစပြီး လက်မှတ်ရေးထိုး ရောင်းချပေးသွားမှာဖြစ်ပါတယ်။ အဲဒီနေ့မှာ အခွေဝယ်သူများအတွက်   One Lady Show လက်မှတ်များကို ပေးဖို့စီစဉ်ထားတယ်လို့လည်း သိရပါတယ်။


ယုမွန်ကျော်