ကြည်မောင်သစ်တူနီရှားနှင့် အီဂျစ် လမ်းမများပေါ်တွင် ပြည်သူတို့၏ အာဏာရှင် ဆန့်ကျင်ရေး ဒေါသ ပေါက်ကွဲသံများ မိုးကြိုးကဲ့သို့ ဟိန်းလျက်..။
တူနီးရှားနှင့် အီဂျစ်ပြည်သူတို့၏ အာဏာရှင်ဖြုတ်ချရေး လှုပ်ရှားမှု အရှိန်အဟုန်သည် လမ်းမများပေါ်၌ မီးလျှံကဲ့သို့ ဟုန်းဟုန်းတောက် လင်းထိန်လျက်..။
တိုက်ပွဲဝင်ပြည်သူတို့ ချီတက်ဆန္ဒပြပွဲတပ်ဦးဆီသို့ သူ့ ထက်ငါ ရှေ့အရောက် ချီတက်လျက်..။
အာဏာရှင် စစ်ပုလိပ်များနှင့် ဘတပြန်၊ ကျားတပြန် ရင်ဆိုင်လျက်..။
ဤသို့ဖြင့် တူနီးရှားနှင့် အီဂျစ်ပြည်သူများ အောင်ပွဲခံလိုက်ကြပြီ။ အာဏာရှင်ဆန့်ကျင်ရေး ပြည်သူတို့၏ အောင်လံများ လမ်းမများပေါ်၌ တလွင်လွင် လွင့်နေလေပြီ။
အာဏာရှင် တူနီးရှားသမ္မတ အာဏာပလ္လင်ထက်မှ ဆင်းပြေးရသည်သာမက နိုင်ငံမှပင် ထွက်ပြေးသွားခဲ့ရပြီ။ ကျောက်သံပတ္တမြားနှင့် ရွှေတန်ချိန်လိုက် ခိုးထုတ်သွားသည်ဟု ဆိုသည်။
အာဏာရှင်၏ ဆွေမျိုးသားချင်းတို့နှင့် စီးပွားဘက်လူချမ်းသာ သူဌေးကြီးတို့ မတရားယူထားသော ရတနာဥစ္စာများကို ဖော်ထုတ်၍ ပြည်သူများရှေ့မှောက်တွင် ခင်းကျင်းပြသထားသည်။ အာဏာရှင် အလိုတော်ရိ နိုင်ငံရေးသမားများကို နိုင်ငံရေးနယ်ပယ်မှ မောင်းထုတ်ပစ်ကြသည်။
ဤသည်ကား လမ်းမများပေါ်က အောင်ပွဲ မဟုတ်တုံလော..။
အာဏာရှင်ကို အာဏာပလ္လင်ထက်မှ ဆွဲချမောင်းထုတ်ပစ်နိုင်ခဲ့သည့် လမ်းမများပေါ်က အောင်ပွဲ မဟုတ်တုံလော..။
တူနီရှားနှင့် အီဂျစ်အာဏာရှင်စနစ်ကို အမြစ်တူးဖယ်ရှားပစ်လိုက်နိုင်သည့် တော်လှန်ရေး မဟုတ်တုံလော..။
ထိုနှစ်နိုင်ငံမှ အာဏာရှင်တော်လှန်ရေး လှုပ်ရှားမှုတို့သည် လွန်ခဲ့သောအနှစ် ၂၀ ကျော်က မြန်မာပြည်သူတို့၏ ရှစ်လေးလုံး အရေးတော်ပုံနှင့် ပုံစံတထပ်တည်း၊ တမျိုးတစားတည်းသော အာဏာရှင်စနစ် ဖြိုချခြေမွှဖျက်ဆီးပစ်ရေး တိုက်ပွဲများဖြစ်သည်။ မြန်မာပြည်သူတို့၏ ရှစ်လေးလုံး အရေးတော်ပုံကမူ ခေါင်းဆောင်မှု မပြတ်သားခြင်းကြောင့် အာဏာရှင်နေ၀င်းကိုသာ ဖြုတ်ချနိုင်ခဲ့ပြီး အာဏာရှင်စနစ်ကို အမြစ်တူးဖယ်ရှားနိုင်ခဲ့ခြင်း မရှိချေ။ ယနေ့တိုင် စစ်အာဏာရှင်သန်းရွှေ၏ ဖိနှိပ်မှုအရပ်ရပ်ကို တိုက်ပွဲပုံစံအမျိုးမျိုးဖြင့် ကျားကုတ်ကျားခဲ တိုက်ခိုက် တော်လှန်နေရဆဲဖြစ်သည်။
ထိုတိုက်ခိုက်တော်လှန်မှု အောင်မြင်ပြီး အာဏာရှင်စနစ်ကို အမြစ်မကျန် တူးဖော်ဖျက်သိမ်းပစ်နိုင်ပါမှ တိုင်းရင်းသားပြည်သူ တရပ်လုံး၏ ဒီမိုကရေစီရေး၊ လူ့အခွင့်အရေး၊ တိုင်းရင်းသားလူမျိုးတို့၏ တန်းတူအခွင့်အရေးများကို ရရှိခံစားနိုင်ကြမည်ဖြစ်သည်။
သို့ပါသော်လည်း စူးစမ်း (ခေါ်) ချမ်းအေး (ခေါ်) stupid (ခေါ်) ကလန်၊ ကျွန်တင်မြ၊ ငချစ်လှိုင်၊ ကျော်ဝင်း၊ နေ၀င်းမောင်၊ ဇော်ဦး၊ သန့်မြင့်ဦး၊ အောင်နိုင်ဦးစသည့် အာဏာရှင် အလိုတော်ရိ ခေတ်ဟောင်းလက်ကျန် နိုင်ငံရေးသမားများနှင့် ပညာရှင်ရူး ရူးနေသူများက တိုင်းရင်းသားပြည်သူများကို အတွေးအခေါ်၊ အသိအမြင် လွဲမှားအောင် နိုင်ငံရေးပြစ်မှု ကျူးလွန်နေကြသည်။
သူတို့တတွေက စစ်အာဏာရှင်သန်းရွှေကို လမ်းမပေါ်ထွက်တိုက်၍ မအောင်မြင်နိုင်တော့ကြောင်း ၀ါဒဖြန့်ပေးနေကြသည်။ ဒူးထောက်အရှုံးပေးပြီး အာဏာရှင်သန်းရွှေ ချခင်းသည့်နိုင်ငံရေးအစီအမံ လမ်းကြောင်းအတိုင်း လျှောက်လှမ်းရင်း political space ကို တဖြည်းဖြည်း ချဲ့သွားရမည်သာ ဖြစ်ကြောင်း ဥာဏ်နီဥာဏ်နက် နည်းမျိုးပေါင်းစုံဖြင့် တိုက်တွန်း ဆော်သြပေးနေကြသည်။ စစ်အာဏာရှင်ဘက်က ရှေ့နေလိုက်ပြီး တိုင်းရင်းသားပြည်သူ တရပ်လုံးကို “ဆွဲချ” လုပ်နေကြသည်။
ဒီမိုကရေစီ ခေါင်းစည်းအမျိုးမျိုး တပ်ဆင်ထားသော နိုင်ငံရေးပါတီများ၊ မိုးပေါ်ကျ ရွှေကိုယ်တော် နိုင်ငံရေးသမား ဆိုသူများကလည်း၊ ၂၀၀၈ ဖွဲ့စည်းအုပ်ချုပ်ပုံနှင့် ၂၀၁၀ ရွေးကောက်ပွဲကို စစ်အာဏာရှင်အလိုကျ အလှဆင်မွမ်းမံပေးရန် အလျှိုအလျှို ပေါ်လာကြသည်။
အမှန်စင်စစ်မူ တိုင်းရင်းသားပြည်သူတရပ်လုံးက ရှစ်လေးလုံးအရေးတော်ပုံကြီးကဲ့သို့ လမ်းမများပေါ်သို့ထွက်ပြီး အာဏာရှင်စနစ်ကို အမြစ်မကျန် တူးဖော်တော်လှန်ပစ်သည့် “အကြမ်းမဖက် လူထုတိုက်ပွဲ” နည်းလမ်းရှိသည်။ အာဏာရှင်တို့၏ လက်နက်ကိုင်စစ်တပ်များကို လက်နက်ကိုင်နည်းလမ်းဖြင့် တိုက်ခိုက်အနိုင်ယူသည့် “လက်နက် လက်နက်ချင်း” နည်းလမ်းရှိသည်။ ဤနည်းလမ်းနှစ်ခုစလုံးကို တပေါင်းတစည်းတည်း မိမိရရချိတ်ဆက်ကျင့်သုံးသည့် နည်းလမ်းလည်းရှိသည်။
သန်းရွှေ၏ စစ်အာဏာရှင် စနစ်အောက်တွင် ဒီမိုကရေစီနှင့် လူ့အခွင့်အရေး ကင်းမဲ့လွန်းသည့် နိုင်ငံရေး၊ စီးပွားရေး၊ လူမှုရေးတို့ကြောင့် တိုင်းရင်းသားပြည်သူတို့ ဒုက္ခတွေ ပင်လယ်ဝေနေကြရသည်။
အဓမ္မ လယ်ယာသိမ်းခံရပြီး “လယ်ယာစီးပွားပျက်ကပ် ဆိုက်” ခံနေရသည့် လယ်သမားများရှိသည်။ အလုပ်လုပ်ရင်းငတ်နေရသည့် “ဖေါင်စီးရင်း ရေငတ်” အလုပ်သမားများ၊ တနေ့လုပ်တနေ့စားများ၊ အလုပ်လက်မဲ့များရှိသည်။ အနာဂတ်ပျောက်နေသည့် လူငယ်များ၊ ဘာသာရေးဆိုင်ရာ အဖိနှိပ်ခံ ဘာသာပေါင်းစုံ ဘာသာဝင်များရှိသည်။ စီးပွားရေးအခွင့်အလမ်း ပစ်ပယ်ခံရ၍ ကြပ်တည်းနေသည့် လူလတ်တန်းစား ပြည်သူများရှိသည်။ ဤအလွှာပေါင်းစုံမှ ပြည်သူများသည် လမ်းမများပေါ်သို့ ထွက်၍ အကြမ်းမဖက် လူထုတိုက်ပွဲဆင်နွှဲရမည်။ တခြားနည်းလမ်းမရှိ။ ဖြစ်ထွန်းလာမည့် နိုင်ငံရေး အခွင့်အခါကောင်းကို စောင့်စားရင်း အကြမ်းမဖက် လူထုတိုက်ပွဲကို အကြိတ်အနယ်ဆင်နွှဲရန် အသင့်ပြင်ထားကြရပါမည်။
ထိုနည်းတူစွာ တိုင်းရင်းသားလူမျိုးတို့၏ တန်းတူရေးအခွင့်အရေးများ ပိတ်ပင်ဖိနှိပ်ခံနေရသည့် တိုင်းရင်းသား လူမျိုးများတို့သည်လည်း လက်နက်ကိုင်၍ စစ်အာဏာရှင်စစ်တပ်ကို ပြန်လည်တိုက်ခိုက်ရန်မှတပါး အခြားနည်းလမ်းမရှိသောကြောင့် တိုင်းရင်းသားလူမျိုး အသီးသီးတို့က တပ်မတော်များဖွဲ့၍ အာဏာရှင်စစ်တပ်ကို တိုက်ခိုက်ရန်ပြင်ဆင်ထားပြီးဖြစ်သည်။ တချို့တိုင်းရင်းသားလူမျိုး တပ်မတော်များကမူ စစ်အာဏာရှင်၏စစ်တပ်ကို ယခုတွင်ပင်လျှင် အမှည့်ခြွေ ခြွေလျက်ရှိသည်။
အောင်ပွဲခံ တူနီးရှားနှင့် အီဂျစ်ပြည်သူများကဲ့သို့ မြန်မာပြည်သူတို့၏ လမ်းမများပေါ်က အာဏာရှင်သန်းရွှေ မောင်းထုတ်ပွဲ ကြွေးကြော်အော်ဟစ်သံများနှင့် တိုက်ပွဲအောင်လံများ ခြိမ့်ခြိမ့်သဲတော့မည်မှာ မဝေးလှတော့ကြောင်းပါဗျား။ ။
(မှတ်ချက် ။ ။ ပြည်တွင်းမှ ပေးပို့သည်။ ရေးသားပေးပို့သူ၏ အာဘော်သာ ဖြစ်ပါသည်။)
စစ်တပ်ထဲကအဖိနှိပ်ခံနင်းပြားတပ်သားများ၊မဟုတ်မာမှန်သမျှအကုန်လုပ်အကုန်ရောင်းစားနေသောဂျိုကုပ်ဂန္ဒူးဂျီးသန်းရွှေရဲ့မတရားလုပ်ရပ်များကိုမခံမရပ်ဖြစ်နေသောရဲဘော်များကိုလဲလူထုဘက်ပါလာအောင်စည်းရုံးထားရမယ်။
အီဂျစ်စစ်တပ်ရဲ့ပြည်သူလူထုကိုကာကွယ်စောင့်ရှောက်တဲ့နမူနာကောင်းများပြပြီးဗမာတပ်ကိုပညာပေးကြပါ။
အစိုးရတွေဟာယဉ်ကျေးပြီးလူမျိုးကြီးူပြီသရင်
လူထုအင်အားသိပ်ကြီးလာရင်ရာထူးကသက္ခါရှိရှိဘဲဆင်းပေးလိုက်တယ်။
ရိုင်းစိုင်းတဲ့ခေါင်းဆောင်ကတော့စစ်တပ်ကိုခေါ်ပြီးပြစ်သတ်ခိုင်းတာဘဲ။
ဗိုလ်သန်းရွှေလိုမိန်းမရွှင်အဆင့်လောက်သာရှိသူကတော့
သူကိုယ်တိုင်စစ်တပ်လုပ်ပြီးအမြှောက်နဲ့ထုတာဘဲ။
စစ်တပ်ကိုကိုယ့်ဘက်ပါအောင်စည်းရုံးမှလူအသေအပြောက်နဲမယ်။
နောက်တခုကပြစ်တဲ့လူရိုင်းများမပြစ်နိုင်လောက်အောင်များတဲ့လူအုပ်သန်းနဲ့
ချည်ပြီးအနယ်နယ်အရပ်ရပ်မှာတပြိုင်ထဲတော်လှန်ကြဘို့လိုလိမ္မယ်။