 |
| ကဗျာဆရာ အောင်ဘညို (ဓာတ်ပုံ - ပန်းချီဆရာ ကိုကိုနိုင် ဖေ့ဘုတ်မှ) |
စာပေ၊ ဂီတ၊ ပန်းချီစတဲ့ အနုပညာ အသိုင်းအ၀ိုင်းက ချစ်စနိုးနဲ့ အေဘီညိုလို့ ခေါ်တဲ့ ကဗျာဆရာ အောင်ဘညိုဟာ သူ့ကိုယ်တိုင်ရဲ့ စိတ်ရင်းက ရိုးသား ရိုးဖြောင့်သလို သူရေးဖွဲ့တဲ့ကဗျာတွေကလည်း ရိုးရှင်းပြီးလှပနေပါတယ်။ လီစယ်မှုမရှိ၊ ဖြားယောင်းသွေးဆောင်မှုလည်း မရှိ..၊ ပကတိအလှနဲ့ ပြည့်စုံနေပါတယ်။ အောင်ဘညိုဟာ နူးညံ့သိမ်မွေ့ ကဗျာဆရာ အနုပညာသမားတဦး ဖြစ်ပေမယ့် သူဟာ စိတ်ဓာတ်ခိုင်မာသူ၊ နိုင်ငံရေးခံယူချက် ပြတ်သားသလို ရပ်တည်ချက် ခိုင်မာသူ ဖြစ်တယ်ဆိုတာ သူ့စကားတွေထဲမှာ တွေ့နိုင်ပါတယ်။ ဧရာဝတီသတင်းဌာနမှ ကော်ပီအယ်ဒီတာ တင်လတ်ကိုက ကဗျာဆရာအောင်ဘညို မကွယ်လွန်မီ အင်တာဗျူး မေးမြန်းထားချက်များကို ဖော်ပြလိုက်ပါတယ်။
မေး။ ။ လွန်ခဲ့တဲ့ အနှစ် ၂၀ ကျော်ကာလ စစ်အာဏာရှင် စနစ်အောက်မှာလုပ်ခဲ့ရတဲ့ ကမ်းလွန်လေ ကဗျာ မဂ္ဂဇင်းအကြောင်း ပြောပြပေးပါဦးအစ်ကို။
ဖြေ။ ။ ကမ်းလွန်လေကဗျာ မဂ္ဂဇင်းအမှတ် ၁ ကို အာဏာရှင်စစ်အစိုးရက ၉၀ ရာခိုင်နှုန်းအဖြုတ်ခံရတယ်။ ၁၀ ရာခိုင်နှုန်းပဲ ပရိသတ်ဖတ်ရပါတယ်။ စာပေလွတ်လပ်ခွင့်ဆုံးရှုံးရတဲ့ကာလတခုပါပဲ။ စစ်အာဏာရှင်ခေတ်မှာ ကဗျာမဂ္ဂဇင်း ထုတ်ဝေတယ်ဆိုတာ ထောင်နှုတ်ခမ်းလမ်းလျှောက်ရတာပါပဲ။ ဘာပဲဖြစ်ဖြစ် နိုင်ငံရေးယုံကြည်ချက် ကဗျာ ယုံကြည်ချက်နဲ့ လုပ်ခဲ့တာပါ။ ကမ်းလွန်လေကဗျာမဂ္ဂဇင်းအမှတ် ၂ ကို စာပေကင်ပေတိုင်က ဆိုင်းငံ့ဆိုတဲ့စကားနဲ့ ထုတ်ခွင့်မရတော့ပါဘူး။ သူတို့ယူနီဖောင်းပြောင်းပြီးမှ ထုတ်ခွင့်ရတယ်။ကမ်းလွန်လေကဗျာမဂ္ဂဇင်းအမှတ် ၁ နဲ့ အမှတ် ၂ ကြားထဲ ၂၂ နှစ် ကြာ ညောင်းသွားတယ်။
ရှင်းရှင်းပြောရရင် ပြည်သူတွေ မျက်စိပွင့် နားဖွင့်မှာကို အာဏာရှင်တွေ အရမ်းစိုးရိမ်တယ်။ သူတို့လုပ်ချင်တာလုပ်ဖို့ ထင်ရာစိုင်းဖို့ ပြည်တွေ မျက်စိပိတ်၊ နားပိတ်၊ ပါးစပ်ပိတ်၊ ခြေတွေလက်တွေ လှုပ်လို့မရအောင်လုပ်ခဲ့တယ်။ အဲ့ဒီတော့ ပြည်သူက စားစရာမရှိ၊ နေစရာမရှိ၊ သူတို့လက်တဆုပ်စာ ဗိုလ်ချုပ်တွေနဲ့ ခရိုနီကြီးတွေကတော့ ကမ္ဘာမှာ မီလျှံနာ ဘီလျှံနာ သူဋ္ဌေးကြီးတွေဖြစ်ကုန်တယ်။ သာမန် လက်လုပ် လက်စားပြည်သူတယောက်ဟာ သားသမီး တယောက်ကို ကျောင်းမထားနိုင်တဲ့ အခြေအနေမှာ ဗိုလ်ချုပ်ကြီးတယောက်ရဲ့ မြေးဟာ ကိုယ်ပိုင်လေယာဉ်နဲ့ နေ့ချင်းပြန် စင်ကာပူမှာ ကျောင်းသွားတက်တာ ကြည့်ရင် အာဏာရှင်တို့ရဲ့ ရက်စက်မှုကို ပြန်တွေ့နိုင်ပါတယ်။ ဒါကြောင့် ပြည်သူလူထုအသိမြင် ဗဟုသုတ တိုးပွားအောင် ရည်ရွယ်လုပ်ဆောင်တဲ့ အလုပ်တွေကို ပိတ်ပင်တားဆီးတာ ဖြစ်တယ်။
မေး။ ။ အစ်ကိုဟာ ဟန်သစ်၊ လှိုင်းသစ် စတဲ့ မဂ္ဂဇင်းတွေမှာ ကဗျာအယ်ဒီတာလည်း လုပ်ခဲ့ဖူးတော့ နအဖခေတ် အစုတ်ဖြဲခံရ၊ ကြောင်းရေအဖြုတ်ခံကဗျာတွေအကြောင်းလည်း ပြောပြပေးပါဦး။
ဖြေ။ ။ ဟန်သစ်၊ လှိုင်းသစ်မဂ္ဂဇင်းတွေက ၀တ္ထုကဗျာဆောင်းပါးတွေကိုလည်း ရစရာမရှိအောင် အဖြုတ်ခံ ရပါတယ်။ မဂ္ဂဇင်းစာအုပ်တအုပ်လုံး မြင်မကောင်းအောင် အဖြတ်ခံရ အထုတ်ခံရပါတယ်။ စာပေကင်ပေတိုင်က သူတို့အဘကို ထိကပါးရိကပါး လုပ်တယ်လို့ သံသယဖြစ်တဲ့ ကဗျာ၊ ၀တ္ထု၊ ဆောင်းပါး၊ ရက်ရက်စက်စက်ဖြုတ်ပစ်တယ်။ သူတို့ အကြောက်ဆုံးကတော့ ကဗျာပဲ။ ကဗျာကို လင်လုဖက်လို မျက်မုန်း ကျိုးတယ်။အဲဒီတုန်းက တိုးတက်တဲ့ ကဗျာဆရာတွေကို စာရင်း မှတ်ပြီး Black List လုပ်ထားတယ်။
မေး။ ။ အစ်ကိုတို့ ထုတ်ခဲ့တဲ့ ဧကစာမီးခိုးများပေါ့လေ…၊မောင်အောင်ပွင့်၊ ကိုသန်းထွန်း၊ အောင်ဘညို၊ တေးရေး ကေအေတီ(အောင်အောင်သစ်)တို့အပါအ၀င် အဲ့ဒီစာအုပ်လေးအကြောင်းလည်း အမှတ်တရ ပြန်ပြောင်း အောက်မေ့ ပေးပါဦး။
ဖြေ။ ။ ဧကစာမီးခိုးများစာအုပ်လုပ်ဖြစ်တာကတော့ သူငယ်ချင်း KAT (ကျော်အောင်သစ်) Mother eye ဆိုပြီး စာအုပ်တိုက်လေးထောင်ပြီး ကဗျာစာအုပ်တွေ လုပ်ချင်တယ်ဆိုလို့ လုပ်ဖြစ်ခဲ့တာပါ၊ စာအုပ်က ရောင်းရပါတယ်။ ဒုတိယအကြိမ်ထုတ်ဖို့ ‘ရာပြည့်’က ကမ်းလှမ်းပါတယ်၊ ကျော်အောင်က သူပဲလုပ်မယ် ဆိုပြီး ရာပြည့်ကို မပေးဖြစ်ပါဘူး။ နောက် ဆရာကျောင်းရဲ့ညီ ပန်းချီကျော်ဇံလှက ပြန်ထုတ်ဖို့ ပြောလာ တယ်။ နောက် လူငယ် ကဗျာဆရာတယောက်က ဒုတိယအကြိမ်အတွက် ကမ်းလှမ်းခဲ့သေးတယ်၊ မပေးဖြစ်ခဲ့ပါဘူး။ ခုတော့ ဧကစာမီးခိုးများ ကဗျာစာအုပ်ကို ဒုတိယအကြိမ် ရိုက်ဖို့ သူငယ်ချင်းမိုးကျော်သိမ်းကို ပေး လိုက်ပါပြီ။ မကြာမီ ဒုတိယအကြိမ် ရိုက်တော့မှာပါ။
မေး။ ။ အစ်ကိုရဲ့ ‘အိုအမေ၊ မေးခွန်း၊ ဖွားဖက်တော်၊ ၀ိဉာဉ်မဲ့သွားတဲ့ သေနတ်၊ ငြိမ်းချမ်းရေးဆိုသည်မှာ’… စတဲ့ ကဗျာတွေ အကြောင်းသိချင်ပါတယ်။
ဖြေ။ ။ ‘အိုအမေက’ကိုယ်ရဲ့ အမေ့အကြောင်း ဖွဲ့နွဲ့ထားတဲ့ ကဗျာတပုဒ်ပါ၊ ‘မေးခွန်းများ’ ကတော့ နှစ်ပေါင်း ၅၀ ကျော် တိုင်းပြည်ကို ထင်ရာစိုင်းခဲ့တဲ့ အာဏာရှင်တွေကို မေးခွန်းထုတ်တဲ့ ကဗျာပဲဖြစ်ပါတယ်။ ‘ဖွားဖက်တော်’ ကဗျာကတော့ တော်လှန်ရေးအတွက် စာသင်ခန်းတွေ စွန့်ခွာသွားရတဲ့ လွတ်မြောက်နယ်မြေက ကျောင်းသား တပ်မတော် (ABSDF) ဂုဏ်ပြုရေးဖွဲ့တဲ့ကဗျာပါ၊ ‘၀ိဉာဉ်မဲ့သွားတဲ့ ရွှေသေနတ်’ ကတော့ အာဏာရှင် ကဒါဖီ ကို ရေးဖွဲ့ခဲ့တာပါ။ သူ့ကိုဆန့်ကျင်သူ ပုန်ကန်သူမှန်သမျှ သုတ်သင်ဖို့ လုပ်ထားတဲ့ ရွှေသေနတ်ဟာ သူ့မြောင်းထဲမှာ ခွေးသေ၀က်သေသေသွားတော့ အသုံးမ၀င် တော့ပါဘူး။‘ငြိမ်းချမ်းရေးဆိုသည်မှာ’ကဗျာကတော့ ရိုးရိုးလေး ရေးဖွဲ့ခဲ့တာပါ။ စစ်သားက တိုင်းပြည်ကို ကာကွယ် ဆရာဝန် က ဆေးကု၊ အင်ဂျင်နီယာက အဆောက်အဦဆောက်၊ လယ်သမား စပါးစိုက်၊ ကဗျာဆရာ ကဗျာရေး၊ ကိုယ့်အလုပ်ကိုယ် လုပ်ရင် တိုင်းပြည်က ငြိမ်းချမ်းနေမှာကို ဖွဲ့ခဲ့တာပါ။ ခုတော့ ကျနော်တို့ တိုင်းပြည်မှာ ကိုယ့် အလုပ်ကိုယ်မလုပ်လည်း အလုပ်ရှုပ်နေခဲ့တာပဲမဟုတ်လား။
မေး။ ။ အာဏာရှင် ခေတ်အဆက်ဆက်မှာ စာပေပညာရှင်တွေကို မုန်းတီးပြီး ရန်သူလို စောင့်ကြည့် ဖမ်းဆီးထောင်ချ ခဲ့တာတွေ ပတ်သက်ပြီး အဲ့ဒီအပေါ်မှာ အစ်ကိုရဲ့ ထင်မြင်ယူဆချက်။
ဖြေ။ ။ ဆရာဗန်းမော်တင်အောင်၊ သခင်မြသန်း၊ လူထုဦးလှ၊ မြသန်းတင့်၊ ဒဂုန်တာရာ၊ ပြီးတော့ တိုးတက်တဲ့ ကဗျာဆရာတွေ စာရေးဆရာတွေကို ဖမ်းဆီးထောင်ချတာဟာ တိုင်းပြည်အတွက် အရမ်းနစ်နာပါတယ်။ စာရေးဆရာ ကဗျာဆရာတွေကို ဖမ်းဆီးထောင်ချတာ ပြည်သူ့မျက်လုံးကို ဖောက်တာပါပဲ၊ ခုလယ်သမားတွေကို ဖမ်းဆီးထောင်ချ၊ လယ်တွေ သိမ်းတာက ပြည်သူ့ဝမ်းစာကို ဖောက်တာပါပဲ။ အဲ့ဒီလို အာဏာရှင်တွေရဲ့ ဇာတ်သိမ်းကမလှပါဘူး။ ကြည့်ဗျာ …၊ ဟစ်တလာရဲ့ ဇာတ်သိမ်း၊ မူဆိုလိုနီရဲ့ ဇာတ်သိမ်း၊ ကဒါဖီ၊ ဆဒမ်ဟူစိန်၊ ဒီလိုအာဏာရှင်တွေရဲ့ ဇာတ်သိမ်းခန်း က အသေထွက်နဲ့ ထွက်ခဲ့တာချည်းပါပဲ။သင်ခန်းစာယူတတ်ရင် ယူလို့ရပါတယ်။
မေး။ ။ အခုလည်း ဒီမိုကရေစီသွားနေပြီလို့ဆိုပြီးကျူးကျော်တံဆိပ်တပ်မောင်းထုတ်နေတာတွေ၊ ဗကသလို ဖြိုခွဲခံရတဲ့ အဖြစ်အပျက်တွေ၊မီဒီယာသမားတွေအပေါ် ဖိနှိပ်(ကိုပါကြီးကိစ္စလိုမျိုး) တာတွေဖြစ်နေတယ်ပေါ့လေ။ ၂၀၁၄ နိုင်ငံရေးအခင်းအကျဉ်းတွေကို သုံးသပ်ပြီး အဲဒီအပေါ် ခြုံငုံပြောပေးပါဦးအစ်ကို။
ဖြေ။ ။ အပြောနဲ့အလုပ်မညီညွတ်ပါဘူး။ ပြည်သူလူထုနေထိုင်ရေး၊ စားဝတ်နေရေး ၀ရုန်းသုန်းကားဖြစ်နေတော့ နိုင်ငံရေးကိုလှည့်မကြည့်နိုင်အောင် လုပ်တာတွေက အာဏာရှင်ရဲ့ ကျင့်ထုံးတွေပါပဲ။ မြန်မာပြည်မှာ ဖြူနှင်းဖွေးတွေ အများကြီး၊ ကိုပါကြီးတွေ အများကြီးပါဗျာ။ ၂၀၁၄ နိုင်ငံရေးအခင်းအကျင်းကတော့ အခြေအနေမကောင်းခဲ့ပါဘူး၊ ညင်သာတဲ့ ဒီမိုကရေစီပြောင်းလဲရေးမှာ သူတို့ဘက်က ပျော့ပြောင်းမှ ပြည်သူဘက်က ပျော့ပြောင်းမှာပါ။ မြန်မာစကားတခွန်းရှိပါတယ်၊ ရောင်းသူ/၀ယ်သူအသံတူပေါ့ဗျာ။
မေး။ ။ နိုဝင်ဘာလထဲမှာ ရွေးကောက်ပွဲကျင်းပမယ်လို့ ကြေညာလိုက်တယ်၊ ပြည်သူ့လူထုအတွက် တကယ် အကျိုးဖြစ်ထွန်းစေမယ်လို့ အစ်ကိုယူဆထားတဲ့ ပါတီရှိပါသလား။ အစ်ကိုရော ဘယ်ပါတီကို မဲပေးဖြစ်မလဲ။
ဖြေ။ ။ အခုချိန်ထိ ရွေးကောက်ပွဲကို ပြည်သူတွေက သံသယနဲ့ စောင့်ကြည့်နေတုန်းပါပဲ၊ ကျနော်အပါအ၀င် ကျနော့် မိသားစုကဗျာဆရာ၊ တေး/ရေး၊ တေး/ဆို ရုပ်ရှင်သရုပ်ဆောင်၊ ဒါရိုက်တာတွေ အဆုံး ပြည်ခိုင်ဖြိုးက လွဲရင် မဲပေးဖို့ ဆုံးဖြတ်ထားပါတယ်။
မေး။ ။ လွတ်လပ်ရေးရဲ့ ဖွားဖက်တော် ပြည်တွင်းစစ်မီးက ဒီမိုကရေစီ သွားနေတယ်လို့ ပြောနေတဲ့ ဦးသိန်းစိန် အစိုးရထိ မငြိမ်းသေးတာတွေ့ရပါတယ်။ တပ်မတော်နဲ့ တိုင်းရင်းသားလက်နက်ကိုင် အဖွဲ့အစည်းတွေကို အနုပညာသမားတယောက် အနေနဲ့ ဘာများအကြံပြုချင်ပါသလဲ။
ဖြေ။ ။ ကျနော်တို့ကျတော့ နိုင်ငံရေးဖိနှိပ်မှုပဲရှိတယ်၊ တိုင်းရင်းသားတွေကျတော့ နိုင်ငံရေးရော လူမျိုးကြီးဝါဒရော ၂ မျိုး ဖိနှိပ်ခံနေရတယ်။ ငြိမ်းချမ်းရေးဆွေးနွေးမှု မအောင်မြင်သေးတာက (ဖက်ဒရယ်) တန်းတူညီမျှ မရှိသေးလို့ပါ။ တန်းတူ ရည်တူဆက်ဆံရေးရှိလာရင် အောင်မြင်မှုရလာလိမ့်မယ်။
မေး။ ။ နိုင်ငံရေးနဲ့ စာပေဟာဆက်နွယ်မှုရှိတယ်လို့ အစ်ကိုထင်မြင်ယူဆပါသလား။
ဖြေ။ ။ နိုင်ငံရေးနဲ့ စာပေဟာ ရေနဲ့ ကြာလိုပါပဲ။ နိုင်ငံရေးမပါတဲ့စာပေဟာအပေါးစာပေပါပဲ၊ နိုင်ငံရေးကဲသွားရင်တော့ ကြွေးကြော်သံဖြစ်သွားမှာပဲပေါ့။ ဒါကြောင့်နိုင်ငံရေးနဲ့ အနုပညာလှပစွာ ပေါင်းစပ်ဖို့ပါပဲ။
မေး။ ။ လူဦးရေသန်း ၆၀ ကျော်ရှိတဲ့ တိုင်းပြည်မှာ ရသစာအုပ်တွေဟာ အုပ်ရေတထောင်လောက် ကုန်ဖို့ မနည်း ကြိုးစားနေရတယ်။ ရသစာပေနိမ့်ကျရတဲ့ အကြောင်းရင်းမှာ လက်ရှိအုပ်ချုပ်နေတဲ့ အစိုးရမှာရော တာဝန်ရှိတယ်လို့ အစ်ကို ခံစားမိပါသလား။ ဘယ်လိုကြောင့်ပါလဲ။
ဖြေ။ ။ ပါတာပေါ့ဗျာ..။လူတွေက စားဖို့ နေဖို့ ကြိုးစားနေရတော့ စာဖတ်ဖို့ အချိန်မပေးနိုင်ဘူး။ ငွေမဖြုန်းနိုင်ဘူး။ အဓိကတရားခံကတော့ အစိုးရပဲဗျ။
မေး။ ။ ယနေ့ကျောင်းသုံးပြဋ္ဌာန်းထားတဲ့ ကဗျာတွေအစား ပြင်ပမှာ ဖြစ်ထွန်းနေတဲ့ ကဗျာတွေကိုအစားထိုးဖို့ အချိန် ရောက်ပြီလို့ အစ်ကိုယူဆပါသလား၊ အဲဒီကိစ္စနဲ့ ပတ်သက်ပြီး တာဝန်ရှိ ပုဂ္ဂိုလ်တွေကို အစ်ကိုအကြံပြုချင်တာ ရှိရင်။
ဖြေ။ ။ လိုပါတယ် ခေတ်နဲ့မလျော်ညီရင် ပြင်ဆင်တည်းဖြတ် ပြောင်းလဲရမှာပဲ ဖြစ်ပါတယ်။
မေး။ ။ ဒေါ်အောင်ဆန်းစုကြည်နဲ့ စကားပြောခွင့်ကြုံမယ်ဆိုရင် ကဗျာဆရာတယောက်ဖြစ်တဲ့ အစ်ကို့ အနေနဲ့ ဘာများပြောချင်ပါသလဲ။
ဖြေ။ ။ လူထုခေါင်းဆောင်ဒေါ်အောင်ဆန်းစုကြည်ကို ကျနော်တို့က အမေလိုသဘောထားပါတယ်။ အမေအသက်ရာကျော်ပြီး ဒီမိုကရေစီစံနစ်ကိုအောင်မြင်စွာဖော်ဆောင်နိုင်ပါစေလို့။
(ကဗျာဆရာအောင်ဘညို၏ အမည်ရင်းမှာမောင်မောင်ဇော် ဖြစ်ပြီး ၁၉၆၁ ခုနှစ်တွင် မန္တလေးမြို့၌ မွေးဖွားသည်။ ပထမဆုံးကဗျာစာအုပ်မှာ ဧကစာမီးခိုးများ’ ကဗျာစာအုပ် ဖြစ်ပြီးမောင်အောင်ပွင့် ၊ကိုသန်းထွန်း၊ ကျော်အောင်သစ် (ကေအေတီ)နှင့် လေးဦးပူးပေါင်း ထုတ်ဝေခြင်း ဖြစ်သည်။ ၁၉၉၁ ၀န်းကျင်တွင် မြန်မာ စာပေလောတွင် မှတ်တိုင်တခု အဖြစ် ကမ်းလွန်လေကဗျာမဂ္ဂဇင်းကို စီစဉ်ထုတ်ဝေခဲ့သည်။ သူ၏ တကိုယ်တော် ကဗျာ စာအုပ်များမှာ အသံတူအရောင်များ နှင့် ၅၀၊၅၀ ကဗျာစာအုပ်တို့ ဖြစ်သည်။ ပန်းနုရောင် ဆံနွယ်များ၏ ချည်တိုင်၊ မောင်ချောနွယ် အတုကဗျာစာအုပ်များကိုလည်းစီစဉ်ခဲ့သည်။ သူ၏ ပင်လယ်အော်သံကဗျာကိုအဆိုတော် လေးဖြူက တေးစီးရီး ခေါင်းစဉ် အဖြစ် အသုံးပြုခဲ့သည်။ အိုစမာကဗျာဖြင့် ၂၀၀၄ ခုနှစ် အလယ်ရိုးမခေတ်ပေါ် ကဗျာဆုနှင့်ရွှေဘိုပန်း ကဗျာဆုကို စပ်မိစပ်ရာ၂၀၁၃ကဗျာဖြင့် ရရှိခဲ့သည်။တောမီးကဗျာစာအုပ်ကို အင်္ဂလိပ်မြန်မာနှစ်ဘာသာဖြင့်စီစဉ်ဆဲတွင် အသက် ၅၄ နှစ် အရွယ်ရှိကဗျာဆရာအောင်ဘညိုသည် ဇွန် ၁၀ ရက်နေ့ နံနက် ၉ နာရီ ၄၅ မိနစ်တွင် ဦးနှောက်သွေးကြောပြတ် ရောဂါဖြင့် ရန်ကုန်မြို့ ယုဇနဥယျာဉ်မြို့တော် ရှိနေအိမ်တွင် ကွယ်လွန်ခဲ့ပါသည်။)
ကဗျာဆရာအောင်ဘညို ၏ ကလောင်ခွဲများမှာ မောင်ဇော်၊ မိုဟန်ဂျိုနာ၊ လူမိုးသိုက်၊ တင်မိုးမြိုင်၊ မအိမ်သူ၊ မာဆိုး၊ စသည်တို့ ဖြစ်သည်။
ကဗျာဆရာ အောင်ဘညို ရဲ့ ဈာပန မြင်းကွင်းတချို့ကို ကဗျာဆရာ လူဘအောင်ရဲ့ ဖေ့ဘုတ်မှ ယူပြီး ဖော် ပြပေးလိုက်တာပါ။
