လွတ်လပ်တဲ့အာရှအသံ (RFA) ရေဒီယိုပရိသတ်တွေအတွက် ဧရာဝတီသတင်းဌာနက အပတ်စဉ် ဗုဒ္ဓဟူးနေ့တိုင်း တင်ဆက်နေတဲ့ “ဧရာဝတီ” စကားဝိုင်း အစီအစဉ်ဖြစ်ပါတယ်။
ရဲနည်။ ။ တနင်္လာနေ့က ရွှေဝါရောင်တော်လှန်ရေးပေါ့ဗျာ။ လွန်ခဲ့တဲ့လေးနှစ်လောက်က သံဃာ တွေဦးဆောင်ခဲ့တဲ့ ငြိမ်းချမ်းစွာဆန္ဒပြမှုပေါ့။ အဲဒီတော်လှန်ရေး လေးနှစ်မြောက် အထိမ်းအမှတ်အနေနဲ့ အဝါရောင်တီရှပ်ဝတ်ဆင်ထားတဲ့ လူနှစ်ရာ လမ်းမပေါ်မှာထွက်ပြီး လမ်းလျှောက်ကြတယ်၊ ဘုရားပေါ်မှာ စုရုံးပြီးတော့ ဆုတောင်းပွဲတွေ လုပ်ခဲ့ကြတာတွေပေါ်မှာ အမြင်အမျိုးမျိုးကွဲပြားနေတာကို ကျနော်တို့ ကြားနေသိနေရတယ်ပေါ့ဗျာ။ တချို့က ဒီလှုပ်ရှားမှု ဟာ ၂၀၀၈ အခြေခံဥပဒေကို ပထမဦးဆုံး စပြီးတော့ စိန်ခေါ်လိုက်တာ၊ ၂၀၀၈ အခြေခံဥပဒေမှာက မိမိဆန္ဒ မိမိဖော်ထုတ်နိုင်တဲ့ ပြဌာန်းချက်လည်း ပါတာကိုးဗျ။ တချို့ကျတော့လည်း ဒီလှုပ်ရှားမှုဟာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ သမ္မတဦးသိန်းစိန်တို့ရဲ့ နေပြည်တော်ဆွေးနွေးမှုနောက်ပိုင်း ဖြစ်ပေါ်တိုးတက် မှုတွေ၊ စေ့စပ်ညှိနှိုင်းမှုတွေပေါ်မှာ ထိခိုက်နိုင်တယ်လို့ သုံးသပ်မှုတွေရှိနေတာ ဆိုတော့ ကိုဘကောင်း အနေနဲ့ရော ဘယ်လိုသုံးသပ်မိလဲဗျ။
ဘကောင်း။ ။ ဒါဟာ အစိုးရသစ် ဖြစ်ပြီးတဲ့နောက်ပိုင်းမှာ ပထမဦးဆုံးသော နိုင်ငံရေးဆန္ဒပြမှု ရွှေဝါရောင် ၂၀၀၇ တော်လှန်ရေး ဖြစ်ပြီးကတည်းကိုက လေးနှစ်အကြာမှာ ပထမဦးဆုံး နိုင်ငံရေးဆန္ဒပြမှုလို့ ပြောလို့ ရတယ်။ ဒီဆန္ဒပြမှုမဖြစ်ခင်မှာလည်း ဒေါ်အောင်ဆန်းစုကြည်နဲ့ အစိုးရခေါင်းဆောင် သမ္မတဦးသိန်းစိန်တို့ တွေ့ခဲ့တာတွေရှိတယ်၊ ဒေါ်အောင်ဆန်းစုကြည်ကလည်း ဒီအခြေအနေတွေကို အကောင်းမြင်တယ်လို့ ထုတ်ဖော်ပြောကြားခဲ့တာတွေကို ကျနော်တို့ အားလုံး အသိပဲဖြစ်တယ်။ ဒါပေမယ့် ဒီဆန္ဒပြမှုဟာ ဘာပြလဲ ဆိုတော့ ခိုင်မာတဲ့ ရလာဒ်တွေ နိုင်ငံရေးဆွေးပွဲက ရလာဒ်တွေ မပေါ်ထွက်လာရင်တော့ ဒါနဲ့ပတ်သက်ပြီး မကျေနပ်မှုတွေက အခုလိုပဲ လမ်းမပေါ်ထွက်ပြီး ပေါ်ပေါ်တင်တင် ဆန္ဒထုတ်ဖော်တဲ့အဆင့် ကနေ ဆန္ဒပြအဆင့်ကို ရောက်လာမယ် ဆိုတာကို သင်္ကေတပြတာပဲဗျ။ ဒါ လွန်ခဲ့တဲ့ လေးနှစ်လောက်က ပစ်ခတ် သတ်ဖြတ်ခဲ့တာတွေနဲ့ ပတ်သက်ပြီးတော့ မကျေနပ်တာတွေရယ်၊ အခုနောက်ဆုံးဖြစ်နေတဲ့ မြစ်ဆုံဆည်ကိစ္စပေါ့ဗျာ အားလုံးကနေ စိုးရိမ်ပူပန် လာကြတယ်၊ အပြန်အလှန် ဆွေးနွေးမှုတွေ ပြင်းထန်လာ တာကို တွေ့ရတယ်။ အဲဒီအခြေအနေတွေက ပေါက်ကွဲတော့မယ့်ဟာတွေကို သင်္ကေတပြတယ်လို့ပဲ ကျနော်မြင်မိတယ်ဗျ။
ရဲနည်။ ။ ဒီလှုပ်ရှားမှုဟာ အစတုန်းကဆိုရင် အစိုးရဘက်ကိုပဲ ဖိအားပေး မှု။ အခုကျတော့ အဲဒီလိုမျိုး မဟုတ်ဘဲနဲ့ ဒီလှုပ်ရှားမှုကို သဘော မတူတဲ့လူတွေရဲ့ ထောက်ပြချက်ကိုလည်း လက်ခံနိုင်ဖွယ်ရှိတယ်၊ ဘာဖြစ်လို့လဲဆိုတော့ ဒေါ်အောင် ဆန်းစုကြည်နဲ့ သမ္မတဦးသိန်းစိန်တို့ တွေ့ဆုံ ဆွေးနွေးပြီးတဲ့ နောက်ပိုင်းမှာပဲ ဒေါ်အောင်ဆန်းစုကြည် ကိုယ်တိုင်က အပြုသဘော ပြောင်းလဲမှုတွေ စတင်နိုင်မယ့် အခြေအနေမြင်တယ်တို့၊ သမ္မတဦးသိန်းစိန် ဦးဆောင်တဲ့ အစိုးရအဖွဲ့ဟာ ပြုပြင်ပြောင်းလဲ မှုလုပ်ဖို့ ဆန္ဒရှိနေပါတယ် ဆိုတဲ့ ပြောဆိုချက်တို့ နောက်ပြီး တော့ အာရပ်ကမ္ဘာလိုမျိုး လူထုအုံကြွမှုကနေ ပြုပြင်ပြောင်းလဲမှုကို မဖော်ဆောင်ပေးနိုင်ဘူး ဆိုတဲ့ သူ့ရဲ့ ပြောဆိုချက်တွေ ရှိခဲ့တာကိုးဗျ။ ဆိုတော့ ဒီ နှစ်ဦးနှစ်ဖက် တွေ့ဆုံ ဆွေးနွေးရေးဟာ ဘယ်လောက်ထိ ခရီး ရောက်နေပြီလဲ ဆိုတဲ့ဟာပေါ်မှာ ရှင်းလင်း ပြတ်သားမှုမရှိတဲ့အခါမှာ…
ဘကောင်း။ ။ ကျနော်မြင်တာကတော့ ဒေါ်အောင်ဆန်းစုကြည်နဲ့ ဦးသိန်းစိန် တွေ့ဆုံဆွေးနွေးပွဲ အခြေအနေကနေ လူတွေ အားလုံးက စောင့်ဆိုင်းလာတာကနေ ဒါနဲ့ပတ်သက်ပြီးတော့ ဘဝင်မကျမှုတွေလည်း ဖြစ်လာတယ်။ ဥပမာဆိုလို့ရှိရင် မနေ့ကဦးဆောင်တဲ့ ဒေါ်နော်အုံးလှ ဆိုရင် NLD ရဲ့ အမာခံတဦးပဲ။ ဒေါ်အောင်ဆန်းစုကြည် အကျယ်ချုပ်ကျနေတဲ့ ကာလ တလျှောက်လုံး အင်္ဂါဆုတောင်းပွဲ ဆိုပြီးတော့ အဖမ်းအဆီးခံပြီးတော့ ဒေါ်အောင်ဆန်းစုကြည်ကို ထောက်ခံခဲ့တဲ့ အမျိုးသမီးပဲ။
ရဲနည်။ ။ ဆိုတော့ အဲဒီလှုပ်ရှားမှုဟာ ဒီနှစ်ဦးနှစ်ဖက် အစိုးရကိုရော အတိုက်အခံ ဘက်ကိုရော ဖိအားပေး လိုက်တဲ့ လှုပ်ရှားမှုတခုလို့ ကျနော်တို့ အဲလိုပဲ ကောက်ချက်ချရမှာပေါ့ဗျာ။
ဘကောင်း။ ။ ကျနော်ထင်တာကတော့ ခိုင်မာတဲ့ရလဒ်တွေ ဥပမာအားဖြင့် အကျဉ်းသား လွှတ်ပေး ရေးဆိုတဲ့ ကိစ္စတွေ တနင်္လာနေ့ကလည်း ဒီလိုပဲတောင်းဆိုခဲ့ကြတာပဲ။ အကျဉ်းသား လွှတ်ပေးရေးကိစ္စ နောက်ပြီး နယ်စပ်တွေမှာဖြစ်ပွားနေတဲ့ တိုက်ပွဲတွေ အမျိုးသားရင်ကြားစေ့ ရေးဆိုတဲ့ ကိစ္စတွေ ဒါတွေနဲ့ပတ်သက်ပြီးတော့ အစိုးရဘက်ကနေပြီးတော့ လိုလိုလားလား နိုင်ငံရေးဆွေးနွေးပွဲတရပ်၊ ဒေါ်အောင်ဆန်း စုကြည်တယောက်တည်းနဲ့ ဆွေးနွေးတာထက် အားလုံးကနေ ပါဝင်ဆွေးနွေးနိုင်တဲ့ အခြေအနေမျိုးကို မဖန် တီးပေးနိုင်ရင်တော့ အခုလိုမျိုး လမ်းမပေါ်ထွက်တဲ့ အခြေအနေမျိုးတွေက ဆက်ပြီးတော့ ပြင်းထန် လာဦးမှာပဲ။
ရဲနည်။ ။ ခင်ဗျားအခုပြောတဲ့ နယ်စပ်ဒေသမှာ ဖြစ်ပွားနေတဲ့ စစ်ပွဲတွေကိစ္စ။ တနင်္လာနေ့က ဆန္ဒပြ လှုပ်ရှားခဲ့သူတွေရဲ့ အဝါရောင် တီရှပ်တွေပေါ်မှာ ရိုက်ထားတဲ့ တောင်းဆိုချက်တွေပေါ်မှာလည်း ဒီပြည်တွင်း စစ် ရပ်စဲရေးက တခုပါတာကိုးဗျ။ ဆိုတော့ အခုလတ်တလောကိုပဲ ရှမ်းပြည်မြောက်ပိုင်းမှာ KIA နဲ့ အစိုးရတပ်တွေ အကြီးအကျယ်စစ်ပွဲတွေ စဖြစ်နေကြပြီ။ ဦးသိန်းစိန် အစိုးရကနေပြီးတော့ ငြိမ်းချမ်းရေးကို လိုလားနေပြီ၊ ဒီမိုက ရေစီ ပြုပြင်ပြောင်းလဲရေး တွေ လုပ်ချင်နေပြီ ဆိုပြီးတော့ ဒေါ်အောင်ဆန်းစုကြည်အပါအဝင် တခြားအတိုက် အခံတွေနဲ့ပါ ဆွေးနွေးနေတဲ့ အချိန် ဘာကြောင့် ဒီလို စစ်ဆင်ရေးအကြီးအကျယ်တွေ လုပ်ရတာလဲ။
ဘကောင်း။ ။ ပထမပြောချင်တာက ဒီစစ်ပွဲဟာ တိုင်းရင်းသားလက်နက်ကိုင်အဖွဲ့ အစည်းတွေနဲ့ အပစ်အခတ်ရပ်စဲရေးတွေ ပျက်ပြားသွားကတည်းကိုက ဒါဟာ အကြီးကျယ်ဆုံး တိုက်ပွဲလို့ ကျနော်တို့ ပြောလို့ရတယ်။ နှစ်ဦးနှစ်ဖက် ထောင်နဲ့ချီပြီးတော့ ရှမ်းပြည်နယ် ဒီ မူဆယ် တဝိုက်မှာ ကွတ်ခိုင် တဝိုက်မှာ အစရှိတဲ့မြို့နယ်တွေမှာ ၆ ရက် ရှိပြီပေါ့ဗျာ၊ အကြီးအကျယ် ထိုးစစ်ကြီးတွေ အစိုးရဘက်ကနေပြီးတော့ ဆင်နွှဲနေတာကို ကျနော်တို့ ကြားရတယ်။ ဒုက္ခသည် တချို့ဆိုရင်လည်း တရုတ်ပြည်ဘက် ဝင်ဖို့ကြိုး စားတာ ကနေ တရုတ်အစိုးရကနေ ကန့်သတ်တာလည်း ကြားရတယ်။ ကျနော်ထင်တာတော့ ဒီထိုးစစ်ကြီး တွေ မဖြစ်လာခင် တပတ်နှစ်ပတ်လောက် အလိုမှာ ဝ နဲ့ အစိုးရနဲ့ ယာယီ အပစ်အခတ်ရပ်စဲရေး စာချုပ် ထပ်ပြီးတော့ ချုပ်ဆိုခဲ့တာကို ကျနော်တို့ တွေ့ရတယ်ဗျ။ ဒီလိုစာချုပ်မျိုး KIA နဲ့ ချုပ်ဆိုဖို့ ဆိုပြီးတော့ အစိုးရကနေ လွန်ခဲ့တဲ့ နှစ်လ၊ သုံးလလောက်က ကမ်းလှမ်းခဲ့တယ်။ KIA ကလက်မခံခဲ့ဘူး၊ KIA က ယခင် ၉၄ ခုနှစ် ဗိုလ်ချုပ်ခင်ညွှန့်တို့ လုပ်ခဲ့တဲ့ အပစ်အခတ် ရပ်စဲမှုမျိုး သူတို့မလိုချင် တော့ဘူး။ နိုင်ငံရေးအရ တိကျ ခိုင်မာတဲ့ လိုက်လျောချက်တွေ ဆွေးနွေးချက်တွေ မပါလို့ရှိရင်တော့ KIA က လက်မခံဘူး။ ပြောရမယ် ဆိုရင်တော့ အစိုးရကနေ ၂၀၀၈ ဖွဲ့စည်းပုံအခြေခံဥပဒေ ပါလီမန်ပေါ့ဗျာ၊ ဒီပုံစံကို လက်ခံရင် လက်ခံ၊ လက်မခံရင်တော့ ယာယီ အပစ်အခတ် ရပ်စဲရေးကို လက်ခံရမယ်၊ ဒီနှစ်ခုလုံးကို KIA က ပယ်ချ ခဲ့တယ်။ ပယ်ချခဲ့တာကြောင့် KIA ကို အဓိက ထိုးစစ်ဆင်နေတာခင်ဗျ။
ရဲနည်။ ကျနော် မြင်တာတခုရှိတယ်။ တနင်္ဂလာနေ့မှာပဲ ကုလသမ္မက အထွေထွေ အတွင်းရေးမှုးချုပ်ဆီကို KIA ကနေ စာပို့တဲ့အထဲမှာ ဘာပါလဲ ဆိုတော့ ပြည်နယ်တွေမှာ လာပြီး တော့ ရင်းနှီးမြုပ်နံမူတွေဟာ ပြည်နယ်သားတွေအတွက် ဘာမှအကျိုးအမြတ်မရှိဘူုး ဧရာဝတီမြစ်ဆုံ dam ကိစ္စကို သူတို့က ထောက်ပြထားတယ်။ ဆိုတော အခု မြန်မာပြည် အနောက်ပိုင်း ရခိုင်ကမ်းရိုးတန်းက နေပြီးတော့ တရုတ်ပြည် ယူနန်ကို ဖောက်လုပ်မယ့် ရေနံနဲ့ ဂစ်ပိုက်လိုင်းတွေ စပြီးတော့ ချနေတဲ့ ကိစ္စကိုလဲ သွားတွေ့တာကိုးဗျ။ ဆိုတော့ အခု တိုက်ပွဲ အကြီးအကျယ်ဖြစ်နေတဲ့နေရာ အဲဒီပိုက် လိုင်းသွားမယ့် လမ်းကြောင်း နဲ့ မလှမ်းမကမ်းမှာ ဖြစ်နေတာ မဟုတ်လား။ ဆိုတော့ ဒီ အနောက်မှာ စီးပွားရေး အကျိုး အမြတ် ကိစ္စတွေရော မပါနိုင်ဘူးလားဗျ။
ဘကောင်း။ စီးပွားရေးအကျိုးအမြတ်တွေက အကြီးအကျယ်ကို ပါတယ်။ တရုတ်ကလဲ ဆည်ဆိုရင် ဒါ မြစ်ဆုံဆည် အပါအ၀င် အားလုံးပေါင်း ဆည် ၇ ခု လောက်ကို ကချင်ပြည်နယ်မှာ ဆောက်နေတာ။ ဒါပေမဲ့ ဒီမြစ်ဆုံဆည်နဲ့ ပတ်သက်ပြီးတော့ KIA က ဒီနှစ်ဆန်းထဲကနေ လုံးဝ လက်မခံနိုင်ဘူး။ KIA ကိုလဲ ဒေသခံ ပြည်သူတွေကနေ ဖိအားပေးတာ ကျနော် ကောင်းကောင်း ကြားခဲ့တယ်။ ဒေသခံ ပြည်သူတချို့ ဆိုရင် ဒီဆည်အတွက် သောင်းနဲ့ချီ ရွေ့ပြောင်းလိုက်ရတာတွေ ဒါမနှစ်ထဲကနေ ကျနော်တို့ ကြားခဲ့ရတယ်။ ဆိုတော့ ဒီအခြေအနေတွေမှာ KIA နဲ့ အစိုးရနဲ့ ငြိမ်းချမ်းရေး မယူနိုင်ဘူး ဖြစ်နေတာပေါ့ဗျာ။ မယူနိုင်တဲ့ အချိန်တွေမှာ တရုတ်ရဲ့ စီးပွားရေလုပ်ငန်းတွေ KIA ရဲ့ ထိန်းချုပ်ရာ နယ်မြေထဲကနေပြီးတော့ ဖြတ်သန်းသွားလာ လုပ်ကိုင်ဖို့ ဆိုတာကတော့ KIA ခွင့်ပြုမှာတော့ မဟုတ်ဘူး။ နောက်တခုက ကချင်လူထုရဲ့အသံကိုလဲ KIA က ငြင်းဆန်လို့ ရမှာ မဟုတ်ဘူး။ ကချင်လူထုကနေပြီးတော့ ဒီ မြစ်ဆုံဆည်စီမံကိန်းနဲ့ ပတ်သက်ပြီးတော့ သူတို့ မကျေနပ်လို့ ရှိရင်တော့ KIA ကနေပြီးတော့ ကချင် လူထုကို ကိုယ်စားပြုတဲ့ အနေနဲ့တော့ ဒီဆည်နဲ့ ပတ်သက်ပြီးတော့ သူတို့တွေ တခုခုတော့ လုပ်ဆောင်ရမှာပဲဗျ။ ဒါကြောင့်မို့လို့လဲ လွန်ခဲ့တဲ့ အပါတ်ကစပြီး မြစ်ဆုံဆည်အတွက် ဆိုပြီးတော့ ဆောက်လုပ်ရေးပစ္စည်းတွေ တရုတ်နယ်စပ်ကနေပြီးတော့ သယ်နေတာကို KIA ကနေပြီးတော့ ဒါတွေ အားလုံးကို ပိတ်ဆို့ထားတယ်။
ရဲနည်။ ဒီနေရာမှာ ကျနော် နောက်တခု သိချင်တာက့  လွန်ခဲ့တဲ့နှစ်တွေတုန်းက သူတို့ ဒီ တရုတ်နယ်စပ်မှာ ရှိတဲ့ အပစ်အခတ် ရပ်စဲရေးအဖွဲ့တွေ ပေါ့ဗျာ KIA အပါအ၀င် တခြား SSA ရယ် ၀တပ်ဖွဲ့တွေ ရယ် နောက်ပြီးတော့ မိုင်းလားအဖွဲ့တွေနဲ့ ပေါင်းပြီးတော့ စစ်ရေး မဟာမိတ် ဖွဲ့ထားတာတွေ ရှိတာကိုး အဲ့တုန်းက သူတို့ကြေညာချက်က တဖွဲ့ကို ထိရင် ကျန်တဲ့အဖွဲ့တွေက ကူညီမယ်ဆိုပြီးတော့ သဘောတူ ညီချက်တွေ ရှိတယ်။ အခု KIA ပေါ်မှာ တိုက်ပွဲ အကြီးအကျယ် ဖြစ်လာတဲ့ အပေါ်မှာ ၀တို့ မိုင်းလား တို့က ဘာမှ မတုန့်ပြန်ဘူးလားဗျ။
ဘကောင်း။ အခုန ကျနော်ပြောခဲ့သလို KIA နဲ့ ထိုးစစ်တွေမဆင်ခင်မှာ ၀နဲ့ မိုင်းလားကို အစိုးရကခေါ်ပြီး တော့ အပစ်အခပ်ရပ်စဲရေးဆိုပြီးတော့ ချုပ်ဆိုလိုက်တယ်။ ဒါပေမဲ့ KIA တောင်းဆိုသလိုမျိုး နိုင်ငံရေးအရ လိုက်လျောမှုတွေ ဘာတခုမှ ၀ကိုလဲ မပေးဘူး မိုင်းလားကိုလဲ မပေးဘူး။ မပေးဘဲနဲ့ ဒီအဖွဲ့တွေက လက်ခံ လိုက်တဲ့ အတွက်ကြောင့် အစိုးရကနေပြီးတော့ ဒီအပစ်အခပ်ရေး စာချုပ်ချုပ်ဆိုလိုက်တာဘဲဗျ။ အပစ်အခပ် ရပ်စဲရေး စာချုပ်တွေ ချုပ်ဆိုလိုက်တယ် ဆိုတာလဲ ဒါ KIA တိုက်ဖို့ သူတို့ကနေ ၀နဲ့ KIA ကို ခွဲလိုက်တယ် လို့ပဲ ကျနော်တို့ သုံးသပ်လို့ ရတယ်။ အဲဒါကြောင့်မို့ အခု တိုက်ပွဲဟာ ဆိုရင် ၀ကနေပြီးတော့ ကူညီပေးတာတွေ သေချာ မကြားရဘူး။ နောက်တခုက ၀ကိုလဲ တရုတ်အစိုးရကနေ ဒီကိစ္စတွေနဲ့ ပတ်သက်ပြီးတော့ လုံးဝမပါဝင် မပတ်သက်ဖို့ ဆိုပြီးတော့ ဖိအားပေးတာတွေ ကျနော်တို့ ကြားရတယ်။ ဒါကြောင့်မို့လို့ အခု လက်ရှိ နောက်ဆုံးအခြေအနေအရဆိုရင်တော့ KIA နဲ့ တွဲပြီးတော့ တိုက်ပေးနေတာဆိုရင် SSA ရုမ်းပြည်နယ် လွတ်မြောက်ရေးတပ်ဖွဲ့ တွေပေါ့ဗျာ သူတို့ကနေ KIA နဲ့ ယှဉ်တွဲပြီးတော့ တိုက်ပေးတယ်ဆို တာဘဲ ကျနော်တို့ ကြားရတယ်။ အစိုးရကတော့ ထုံးစံ အတိုင်းပေါ့ဗျာ တိုင်းရင်းသား အဖွဲ့တွေကို တခုနဲ့ တခု ညီညွတ်ရေးမရအောင်လို့ သူတို့က အမျိုးမျိုး ဟိုးတုန်းကအတိုင်း သွေးခွဲတဲ့နည်းအတိုင်းဘဲ လုပ်နေတယ် ဆိုတဲ့ သဘောဘဲဗျ။
ရဲနည်။ ကိုဘကောင်းပြောသလိုမျိုးဆိုရင် ၂၀၀၈ ဥပဒေကို ပိုပြီးတော့ ခိုင်မာလာအောင် အသက် သွင်းတဲ့နေရာမှာ တိုင်းရင်းသားတွေတင်မကဘူး ဒေါ်အောင်ဆန်း စုကြည်နဲ့ပါ တိုင်းရင်းသားတွေ ကြားထဲမှာကို တဖွဲ့ကိုတော့ တိုက်နေတယ်။ တဖွဲ့ကိုကျတော့ စကား ပြောမယ် ဆိုတဲ့ သွေးခွဲပြီးတော့ အုပ်ချုပ်တဲ့ စနစ်က အခုထိ သက်ဝင် လူပ်ရှားနေတယ် လို့ပဲ ပြောရမှာပေါ့ဗျာ။
ဘကောင်း။ ဒီ ၂၀၀၈ ဖွဲ့စည်းပုံအခြေခံဥပဒေစနစ်သစ် အတိုင်း သူတို့ကနေပြီးတော့ ဒေါ်အောင်ဆန်းစုကြည် တို့ NLD တို့က ဘယ်လိုပဲ ကန့်ကွက်ကန့်ကွက်ခဲ့ တိုင်းရင်းသားတွေက ဘယ်လိုပဲ ကန့်ကွက်ကန့်ကွက် အဲအတိုင်းပဲ သူတို့က ဆက်သွားမယ်။ ဆက်သွားတဲ့ လမ်းကြောင်းမှာ လက်မခံတဲ့ အဖွဲ့ကိုတော့ အခုလိုမျိုး အပြစ်ပေးမှာလဲဗျ။ ဒေါ်အောင်ဆန်းစုကြည်ကလဲပဲ ပဲခူးတို့ ဘာတို့ သွားတယ် အခုနောက်ဆုံး နိုင်ငံရေး သူ့ရဲ့ မိန့်ခွန်းတွေမှာ ၂၀၀၈ ဖွဲ့စည်းပုံ အခြေခံဥပဒေနဲ့ ပတ်သက်ပြီးတော့ ဆန့်ကျင် တိုက်ခိုက်တာတွေ လွတ်တော်နဲ့ ပတ်သက်ပြီါ်တော့ တိုက်ခိုက်တာတွေ ပြုလုပ်လာမယ်ဆိုရင် KIAကို အရေးယူ သလိုမျိုး သူ့ကိုလဲ အရေးယူမှာyဲဗျ။ အခုဆိုရင် ဒေါ်အောင်ဆန်းစုကြည်ကတော့ သူရဲ့အနေ အထားကတော့ တိုင်းပြည်အတွက် သူ ရသလောက် တw်နိုင်သမျှ သူကြိုးစားပြီးတော့ ညှိနှိုင်း လုပ်ဆောင် သွားမယ်ဆိုတဲ့ သဘော ဆိုတော့ ဒေါ်အောင်ဆန်းစုကြည်ကို သူတို့ အတိုင်းအတာ တခုထိတော့ လက်ခံပြီးတော့ သူတို့ ရသလိုတော့ အသုံးချသွားမယ်လို့ ကျနော်တော့ မြင်တယ်ဗျ။
ရဲနည်။ လူတကာ နှုတ်ဖျားမှာ ရေပန်းစားနေတဲ့ အသွင်ကူးပြောင်းရေး အမျိုးသား ပြန်လည် သင့်မြတ်ရေးကို ဖော်ဆောင် လိုတယ် ဆိုရင်တော့ ဒီလူပါ ဒီလူတော့ မပါနဲ့ ဆိုပြီးတော့ ခွဲခြား ကန့်သန့်ပြီးတော့ divide and rule အတိုင်းပဲ ဆက်ပြီးတော့ သွားနေမယ်ဆိုရင် အနာဂတ်မြန်မာပြည် ကောင်းကျိုး အတွက်ကို လုပ်ဆောင်ချင်တဲ့ စိတ်ဆန္ဒတွေက အကောင်းဘက်ကို ဦးမတည်မဘဲနဲ့ တနင်္ဂလာနေ့က ဖြစ်ပွားခဲ့တဲ့ လမ်းပေါ်ထွက်ပြီးတော့ လမ်း လျှောက်ကြတယ်၊ ဘုရားပေါ်မှာ ဆုတောင်းကြတဲ့ အဖွဲ့လိုမျိုးပေါ့ဗျာ တဖြည်းဖြည်းနဲ့ အဲဒီလူပ်ရှားမှုက အင်းအား ကြီးပြီးတော့ များပြားလာမယ်၊ အဲဒီကနေပြီး တဆင့် ကြီးထွားလာတဲ့ ငြိမ်းချမ်းတဲ့ ဆန္ဒပြသူတွေကို ပြန်ပြီးတော့ အကြမ်းဖက် နှိမ်နင်းတာတွေနဲ့ ပြန်ကြုံရမယ် ဆိုရင် ယခင်သွားနေတဲ့ လမ်း ဟောင်းအတိုင်းပဲ သံသရာအဟောင်းထဲမှာပဲ တ၀ဲလည်လည် ဖြစ်နေအုန်းမှာဘဲလို့ ကောက်ချက်ချရ တော့မှာပဲ ကိုဘကောင်းရေ - ။
အားလုံးကို ကျေးဇူးတင်ပါတယ်။
မောင်ကောင်းစိတ်ထင်တော့ ချုပ်ချုပ်ကြီးက ခြေစစ်ပွဲများကန်ခိုင်းနေတာလားမသိဘူး သူ့ခြေရာနင်းမယ့် သဘောထားတင်းမာသူအုပ်စုနဲ့ ပျော့ပြောင်းညင်သာတဲ့အုပ်စု ဇကာ စစ်နေတာလားလို့ မောင်ကောင်း သိုးသိုးသန့်သန့် ထင်ထင်လာတယ်