CPI ဥက္ကဋ္ဌ မစ္စတာ လူကျိရိူ (ဓာတ်ပုံ - Bloomberg News)
မြန်မာသမ္မတ ဦးသိန်းစိန်ဟာ မြစ်ဆုံဆည် စီမံကိန်းကို သူ့အစိုးရသက်တမ်း ၅ နှစ်တာ ကာလအတွင်း ဆိုင်းငံ့မယ်လို့ ပြီးခဲ့တဲ့ သောကြာနေ့က လွှတ်တော်မှာ မကြေညာမီ မိမိတို့ ကုမ္ပဏီအား တစုံတရာအကြောင်းကြားခြင်း လုံးဝမပြုလုပ်ခဲ့လို့ အင်မတန် အံ့အားသင့်ခဲ့ရကြောင်း China Power Investment Corporation (CPI) ဥက္ကဋ္ဌ မစ္စတာ လူကျိရိူ (Lu Qizhou) က တရုတ်နိုင်ငံပိုင် China Daily သတင်းစာကြီးကို မနေ့က ပြောကြားလိုက်ပါတယ်။
CPI ဟာ မြစ်ဆုံစီမံကိန်းမှာ ဒေါ်လာ သန်းထောင်ချီ ရင်းနှီးမြုပ်နှံထားတဲ့ တရုတ်အစိုးရပိုင် ကုမ္ပဏီ ဖြစ်ပါတယ်။
ယခုနှစ် ဖေဖော်ဝါရီလမှာ သမ္မတဦးသိန်းစိန် ကိုယ်တိုင် ယခင်စစ်အစိုးရရဲ့ ဝန်ကြီးချုပ်အနေနဲ့ မြစ်ဆုံစီမံကိန်းကို လာရောက်ကြည့်ရှုစဉ်က စီမံကိန်ကို အရှိန်မြှင့် လုပ်ဆောင်ဖို့ ပြောကြားခဲ့တာကြောင့် မြန်မာအစိုးရရဲ့ ဆုံးဖြစ်ချက်ဟာ အင်မတန် နားမလည်နိုင်စရာကောင်းကြောင်းလည်း မစ္စတာ လူကျိရိူက ပြောပါတယ်။
၂၀၀၆ ခုနှစ်က CPI နဲ့ မြန်မာအစိုးရရဲ့ လျှပ်စစ်ဝန်ကြီးဌာန အမှတ် (၁)၊ အေးရှားဝေါလ်ကုမ္ပဏီတို့ စာချုပ်ချုပ်ဆိုပြီး အမေရိကန်ဒေါ်လာ သန်း ၃၆၀၀ ကုန်ကျမယ့် မြစ်ဆုံစီမံကိန်းအပါအဝင် မေခ မလိခမြစ်ပေါ်ရှိ ရေအားလျှပ်စစ်ဆည် ၇ ခု အတွက် ရင်းနှီးမြုပ်နှံမှု ပမာဏ စုစုပေါင်း အမေရိကန်ဒေါ်လာဘီလီယံ ၂၀ လောက်ရှိပါတယ်။
ဒီစီမံကိန်းတွေအတွက် ငွေအလုံးအရင်း မြှုပ်နှံထားတာကြောင့် စီမံကိန်းကို ဆက်လက်ပြီး သတ်မှတ်ကာလအတိုင်း ဆက်လက်လုပ်ဆောင်နိုင်ဖို့ မျှော်လင့်ကြောင်း၊ စီမံကိန်းကို ရပ်တန့်လိုက်ပါက "တရုတ်ပြည်နဲ့ မြန်မာပြည်" နှစ်နိုင်ငံလုံး မဖော်ပြနိုင်လောက်အောင် ဆုံးရူံးမှုများ ကြုံတွေ့ရမည်ဖြစ်ကြောင်း၊ မြန်မာအစိုးရဖက်က တခြား ချေးငွေ သဘောတူညီချက်များအရ ပိုက်ဆံများလည်း ရယူထားပြီးဖြစ်ကြောင်း၊ ဒါ့ကြောင့် ယခုလို ရပ်တန့်လိုက်ခြင်းအတွက် မြန်မာဘက်မှ ဥပဒေကြောင်းအရ ပြဿနာများရင်ဆိုင်ရနိုင်ကြောင်း မစ္စတာလူကျိရိူက ပြောထားပါတယ်။
သူက စီမံကိန်းနဲ့ ပတ်သက်တဲ့ သဘာပတ်ဝန်းကျင်ဆိုင်ရာ ပြဿနာတွေဟာ ဝေဖန်သလောက် တကယ်မရှိကြောင်း၊ မြစ်ဆုံဆည်ကြီး ပေါ်ထွက်လာရင် ကချင်ပြည်နယ် မြစ်ကြီးနားမြို့ကြီးတောင် ရေးကြီးတဲ့ အန္တရာယ်ကနေ ပိုကာကွယ်နိုင်လာမှာဖြစ်ကြောင်း ဆိုပါတယ်။
သူ့ရဲ့ အင်တာဗျူးအပြည့်အစုံကို မကြာမီ ဘာသာပြန်ပြီး တင်ပေးပါမယ်။
China Power Investment Corporation (CPI) ဥက္ကဋ္ဌ မစ္စတာ လူကျိရိူ (Lu Qizhou) အနေနဲ့ စဉ်းစားသင့်တာက အဆင့်အတန်းရှိတဲ့ နိုင်ငံကိုယ်စားပြုကုမ္ပဏီတစ်ခုအနေနဲ့ ဒီစီမံကိန်းကို အဆင့်အတန်းရှိရှိ သိက္ခာရှိရှိ ကျင့်ဝတ်နဲ့ အညီအကောင်အထည်ဖော်ခဲ့သလားဆိုတာပါပဲ။ ဥက္ကဋ္ဌ မစ္စတာ လူကျိရိူ (Lu Qizhou) ကိုမေးချင်ပါတယ်။ မြစ်ဆုံစီမံကိန်းမစမီ ထိုက်သင့်တဲ့ လေ့လာမှုတွေကို ပြီးပြည့်စုံအောင်လုပ်ခဲ့ပါသလား၊ တွေ့ရှိချက်တွေကို ပြည်သူကို ချပြခဲ့ပါသလား၊ ဒေသခံပြည်သူတွေရဲ့ အသံကို နားထောင်ပြီးထည့်သွင်းစဉ်းစားခဲ့ပါသလား၊ မြစ်ဆုံဆည် ဒီဇိုင်းက သဘာဝတ်ပတ်ဝန်းကျင်ကို မထိခိုက်အောင် ဘယ်လိုပုံစံပြုထားပါသလဲ၊ ဖြစ်လာမယ့်အကျိုးဆက်တွေအတွက် ဖြေလျော့မယ့်အစီအစဉ်တွေကို ထည့်သွင်းထားခြင်းရှိပါသလား။ လေ့လာမှုအနည်းအကျဉ်းလုပ်ပြီး သဘာဝပတ်ဝန်းကျင်ဆိုင်ရာ ပြဿနာတွေဝေဖန်သလောက်မရှိဘူးလို့ပြောတာက တရားလက်လွတ်ပြောတာဖြစ်ပါတယ်။ ကိုယ့်စကားကိုယ်နားမလည်ရာလည်းရောက်ပါတယ်။
ကချင်ပြည်နယ် မြစ်ကြီးနားမြို့တောင် ရေကြီးတဲ့အန္တရာယ်ကနေ ပိုကာကွယ်နိုင်လာမှာလို့ပြောတာဟာ ကိုယ့်ကုမ္ပဏီက လုပ်ထားတဲ့ မြစ်ဆုံနဲ့ပတ်သက်တဲ့ အနည်းအကျဉ်းလေ့လာချက်ကိုတောင် သေသေချာချာမသိဘူးဆိုတာပေါ်လွင်ပါတယ်။ တရုတ်ပြည်က Three Gorges Dam ကြီးကို ပစ်ချိုးလိုက်ရင် တရုတ်ပြည်ကိုစစ်တောင်တိုက်စရာမလိုဘူးလို့ သုံးသပ်ပြီးကြောက်နေခဲ့ရတာကိုမေ့နေပြီလားခင်ဗျာ။ စီပီအိုင်အနေနဲ့ ကိုယ့်နိုင်ငံက သဘာဝပတ်ဝန်းကျင်စံနှုန်းများအတိုင်း မြန်မာပြည်မှာ ကျင့်ဝတ်သိက္ခာရှိရှိအကောင်အထည်ဖော်ခဲ့တယ်ဆိုမှ ဒီစကားမျိုးပြောသင့်ပါတယ်။ တရားလက်လွတ်ဆက်လက်ပြောဆိုလုပ်ကိုင်မယ်ဆိုရင် စီပီအိုင်ကြောင့် ထိခိုက်ပျက်စီးခဲ့ရမှုတွေအတွက် စီပီအိုင်က ဂုဏ်သိက္ခာနဲ့ ပေးဆပ်ရမယ်ဆိုတာမမေ့ပါနဲ့။ ကမ္ဘာမှာ တရုတ်ကုမ္ပဏီတွေ ဘယ်လို အလုပ်လုပ်ရမယ်ဆိုတာနဲ့ပတ်သက်ပြီး ခင်ဗျားတို့ နိုင်ငံတော်အကြီးအကဲတွေ ရဲ့ ညွှန်ကြားချက်တွေကို ချိုးဖောက်ခဲ့တဲ့အတွက် ခင်ဗျားတို့ ကုမ္ပဏီမှာ အပြစ်ကင်းတယ်မထင်ပါနဲ့။ ခင်ဗျားတို့ လုပ်တဲ့ မတရားမှုတွေကို ကမ္ဘာက သိသွားအောင် ကျုပ်တို့ မြန်မာတွေမှာလည်း လုပ်နိုင်စွမ်းရှိတယ်ဆိုတာ မမေ့ပါနဲ့။ လူကြီးလူကောင်းပြီသဖို့ အိမ်နီးချင်းကောင်းပီသဖို့ မေတ္တာရပ်ခံချင်ပါတယ်။