ဦးဝင်းတင်နဲ့အင်တာဗျူး
မကြာသေးခင်က ဆက်သွယ်မေးမြန်းထားတာ ဖြစ်ပါတယ်။
အမျိုးသားဒီမိုကရေစီအဖွဲ့ချုပ် (NLD) ခေါင်းဆောင်၊ သတင်းစာဆရာကြီး ဦးဝင်းတင်က
နိုင်ငံရေးသမား ဘ၀ ထက် သတင်းစာသမားဘ၀ကို ပိုမြတ်နိုးပါတယ် တဲ့။
အမျိုးသားဒီမိုကရေစီအဖွဲ့ချုပ် (NLD) ခေါင်းဆောင်၊ သတင်းစာဆရာကြီး ဦးဝင်းတင်က
နိုင်ငံရေးသမား ဘ၀ ထက် သတင်းစာသမားဘ၀ကို ပိုမြတ်နိုးပါတယ် တဲ့။
ဦးဝင်းတင် ။ ။ ကျနော် တိုင်းပြည်အတွက် အလုပ် ကောင်း ကောင်းလုပ်နိုင်အုံးမှာပါ။ အခု အသက် ၈၂ နှစ်ရှိပြီ။ အသက် ၈၂ နှစ်ကာလအတွင်းမှာ ကျနော် သတင်းစာသမားလည်း လုပ်ခဲ့တယ်။
NLD ပါတီမှာလည်း လုပ်တယ်။ ထောင် ထဲ မှာလည်း အနှစ် ၂၀ လောက် နေခဲ့တယ်။ ထောင်ထဲမှာလည်း အနှစ် ၂၀ လောက် ကျော်ဖြတ်ခဲ့ပြီးတော့ ကျန်းမာရေး ချို့တဲ့ခဲ့တယ်။
အခုတော့ ကျန်းမာရေးက ပြန်ကောင်းတယ် ပြောလို့ရပါတယ်။
လင်းသန့် ။ ။ လူတွေက ဘဘကို သတင်းစာသမားလို့လည်း ပြောသလို နိုင်ငံရေး သမားလို့လည်း ပြောကြတယ်။ ဘယ်ဘ၀ကို ပိုမြတ်နိုးခင်တွယ်ပါသလဲ ခင်ဗျ။
ဦးဝင်းတင် ။ ။ ကျနော် အမှန်အတိုင်းပြောရရင် သတင်းစာ လုပ်ငန်းပဲ ပိုလုပ်ချင်တယ်။ သတင်းစာသမား လုပ်လာတာဆိုတော့ သတင်းစာဆရာ ဘ၀ကိုပဲ ပိုမြတ်နိုးတယ်။
ဟံသာဝတီ သတင်းစာလုပ်ခဲ့တုန်းက ပြောရမယ်ဆိုရင် ကျနော့် ဟံသာဝတီ သတင်းစာ ကလည်းအစိုးရ သတင်းစာ၊ အစိုးရ လက်အောက် လုပ်ရတဲ့ သတင်စာဖြစ်တော့ လုံးဝတော့ မလွတ်လပ်ဘူးပေါ့။
ဒါပေမယ့် ဘာပဲပြောပြော အဲဒီတုန်းက အတိုင်းအတာတခုထိတော့ လွတ်လပ်ပါတယ်။ ကျနော်က လွတ်လပ်ခွင့်ကို ကိုယ်တိုင်ကျင့်သုံးတယ်။ ဒါကြောင့် ကျနော်က လွတ်လပ်မှု ရှိသင့်သလောက်ရှိပါတယ်။
အဲဒီကျနော့်ရဲ့လွတ်လပ်မှုအတွက် ကျနော် အပြည့်အ၀ သုံးတယ်။ အဲဒီလို အပြည့် အ၀ သုံးတဲ့အတွက် နောက်ဆုံး ပြစ်ဒဏ်ခံရတာပေါ့။ သတင်းစာတိုက်က ထုတ်ပယ်ခြင်း ခံရတာပေါ့။
ကျနော်ပြောချင်တာကတော့ သတင်းစာသမားဆိုတာ လွတ်လပ်ခွင့်ကို ရှာယူနေရမယ်။ သတင်းစာသမားဆိုတာကတော့ ကိုယ့်ရဲ့လွတ်လပ်မှုကို ကိုယ်က ရနိုင်သမျှ ယူရတယ်။ ရနိုင်သမျှ ကျင့်သုံးရတယ်ပေါ့ဗျာ။
အဲဒီလို ကျင့်သုံးတဲ့ အတွက်လည်း ပြစ်ဒဏ်တို့ဘာတို့ ခံရတယ်ပေါ့ဗျာ။ ခံရပေမယ့် ကိစ္စ မရှိပါဘူး။ ပြစ်ဒဏ်ခံရတာကိုလည်း ရဲရဲဝံ့ဝံ့ နဲ့ ခံ ယူရမယ်လို့ ကျနော်က ယူဆပါတယ်။
လင်းသန့်။ ။မြန်မာနိုင်ငံမှာ စတုတ္တမဏ္ဍိုင် အားကောင်းလာအောင် ဘာတွေ မျှော်လင့်ထားပါသလဲ။ ဘာတွေ လုပ်သင့်ပါလဲခင်ဗျာ။
ဦးဝင်းတင်။။ ။ အဲဒါတော့ မျှော်လင့်လို့ မရဘူးဗျ။ ဒါက ကိုယ့်ဟာကိုယ် ရှာဖွေရတာပဲဗျ။ မျှော်လင့်နေလို့တော့ မရဘူး။ လွတ်လပ်ခွင့်ဆိုတာက ဘယ်တော့ဖြစ်ဖြစ် သူတို့က မပေးချင်ကြဘူးဗျ။
မပေးချင်ကြတဲ့ဟာကို ရှာဖွေယူရတာပဲ။ သတင်းစာလောက တလျှောက်လုံး လုပ်ခဲ့တာမှာ သတင်းစာ လွတ်လပ်ခွင့်ကို ကျနော်ကတော့ ရှာဖွေတာပဲဗျ။ ရှာဖွေယူပြီး ရှာဖွေလို့ရတဲ့ လွပ်လပ်မှုကို အသုံးချတာပဲ။
လင်းသန့်။ ။ မဆလ လက်ထက် သတင်းစာလွတ်လပ်ခွင့် အခြေအနေကရောခင်ဗျာ။
ဦးဝင်းတင်။ ။ မဆလ လက်ထက်ကတော့ သတင်းစာလွတ်လပ်ခွင့် ဘာမှ မရှိပါဘူး။ ဒီလိုပဲ သတင်းစာ ဆိုတာကို ပိတ်ဆို့ တားဆီး နေတာပဲ။ အဲဒီလို အနေအထား ရှိနေတဲ့ အထဲက ကိုယ့်လွတ်လပ်ခွင့်ကို
ကိုယ်ရှာပြီးတော့ လုပ်ရတာပါပဲ။ ဒီလိုလုပ်တော့ အငြိုးအတေးတွေတော့ ရှိခဲ့တာပေါ့ဗျာ။ နောက်ပိုင်း စစ်အစိုးရ လက်ထက်ကျတော့ ကျနော်က နိုင်ငံရေးလုပ်တော့ ထောင်ကျတာပေါ့ဗျာ။
လင်းသန့်။ ။ ဘဘ ရဲ့ ဘ၀မှာ အကျဉ်းထောင်ဆိုတာက အစိတ်အပိုင်းကြီးတခုဆိုတော့ အကျဉ်းထောင်ထဲက အမှတ်တရ ဖြစ်စေတဲ့ ပြောချင်တာလေးများရှိရင် ပြောပေးပါလား ခင်ဗျာ။
ဦးဝင်းတင်။ ။ ထောင်ထဲမှာလည်း ကိုယ့်ဟာကိုယ် လွတ်လပ်ခွင့် ရှာဖွေတယ်။ ရှာဖွေတဲ့ လွတ်လပ်ခွင့်က မရဘူး။ ဒီတော့ ကျနော်တို့က ၂၄ ယောက်က ကမ္ဘာ့ကုလ သမဂ္ဂ လူ့အခွင့်အရေး ကောင်စီကို ထောင်ထဲကနေ စာပို့တာပေါ့။ ဒါက သာမန်ကိစ္စပါပဲ။ ဒီတော့ နောက်အမှုတပ်ပြီး ထောင်ထပ်ချလိုက်တာပါပဲ။ ထောင်ချတဲ့အတွက်လည်း သူတို့ကို ကျနော်က ဘာမှ သဘောမထားဘူး။ သူတို့က ကျနော့်ကို ထောင်ထဲမှာ အနှစ် ၂၀ လောက် ထားခဲ့တယ်။
ထောင် ဆိုတာဟာ တကယ်တော့ အခွင့်အရေးတခုလို့ ပြောချင်တယ်။ တပိုင်းကလည်း ထောင်ဟာ ကြောက်စရာဆိုတာ ဟို တလောက ကျနော့် အတ္ထုပ္ပတ္တိ သဘောမျိုး အရှည်ကြီး တပုဒ် ရေးသေးတယ်။ ပြစ်ဒဏ် ခံရတဲ့ သူတွေ ရင်ဆိုင်ကြရတဲ့ လူ့ငရဲ ခန်းပေါ့ဗျာ။
တပိုင်းကလည်း ထောင်ဆိုတာဟာ လူတိုင်း ရဲ့ လွတ်လပ်ခွင့် အတွက်၊ လူတိုင်းရဲ့ အခွင့် အရေးတွေအတွက် လုပ်လာသူတွေ ရလိုက်တဲ့ အခွင့်အရေးတခု ပဲဗျ။ ၂ ပိုင်း ပြောချင်တာပေါ့။
ထောင်ထဲမှာတုန်းက သူတို့က ကျနော့်ကို ခဏခဏ လွှတ်မယ့်ပုံစံနဲ့ပေါ့ဗျာ။ ထောင် ဗူးဝ ရောက်ရောက်သွားပြီး နောက် ထောင်ထဲပြန်ပြန်ထည့်တာ။ ဒါက သူတို့က စိတ်ဓာတ်စစ်ဆင်ရေးအရ တိုက်ခိုက်တာပါပဲ။ ကျနော့်ကို စိတ်ဓာတ်ပျက်ပြားအောင်၊ ထိခိုက်အောင် လုပ်ခဲ့တာ။ ဒါတွေနဲ့ ပတ်သက်ပြီး ကျနော်က ဘယ်လိုမှ စိတ်မ၀င်စားဘူး။ လာခေါ်တယ်၊ လိုက်သွားတယ်။ ပြီးတော့ ထောင်ထဲပြန်ပို့တယ်။ ပြန်လာနေလိုက်တာပါပဲ။
ကျနော်တို့ အဖို့ကတော့ ဘာမှ မဖြစ်ဘဲနဲ့ နေလိုက်တော့ သူတို့အဖို့က စိတ်ပျက်စရာ စိတ်ဓာတ်ကျစရာ ဖြစ်တာပေါ့။ ထောင်ထဲမှာ ကျနော့်ကို ကျန်းမာရေး မကောင်းဖြစ်နေတာကို ဂရုစိုက်မှု အားနည်းတာကလည်း ကျနော် စိတ်ဓာတ်ကျသွားအောင် လုပ်တာပဲ။ ကျနော်က ဘာမှ မဖြစ်ဘူး။ ဒါကြောင့်လည်း ထောင်ထဲမှာ နောက်ထပ် ၅ နှစ်လောက် ထပ်နေလိုက်တာပါပဲ။
လင်းသန့်။ ။ အကျဉ်းထောင်ထဲတုန်းက “စု၊လွှတ်၊တွေ့” ဆိုတဲ့ ဘဘရဲ့ထင်ရှားတဲ့ သဘောထား တခု အကြောင်း ရှင်းပြပေးပါလားခင်ဗျ။
ဦးဝင်းတင်။ ။ အဲဒါက ထောင်ထဲမှာ ကျနော်တို့ ဒီအတိုင်းနေလို့မရဘူး။ ကျနော်တို့ရဲ့ သဘောထားနဲ့ ရပ်တည် ချက်ကို ကျနော်တို့ ပြသဖို့လိုတယ် ဆိုတဲ့ အသိ ရှိတယ်။ ဒါကြောင့် “စု” ဆိုတာက ဒေါ်အောင်ဆန်းစုကြည် ၊ “လွှတ်”ဆိုတာက ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေကို လွှတ်ပေးဖို့ပေါ့။ “တွေ့”ဆိုတာက တွေ့ဆုံ ဆွေးနွေးရေး။ ဆိုလိုတာက မြန်မာနိုင်ငံရဲ့ နိုင်ငံရေး ပြဿနာတွေကို အမြန်ပြေလည်အောင် ဖြေရှင်းဖို့ ဆိုတာ နိုင်ငံရေး အကျဉ်းသားတွေနဲ့ ဒေါ်အောင်ဆန်းစုကြည်ကို အမြန်ဆုံးလွှတ်၊ ပြီးရင် တွေ့ဆုံဆွေးနွေးရေး လုပ်ဖို့လိုတယ် ဆိုတာကို ပြောခဲ့တာ။ ဒါက ထောင်ထဲမှာ နိုင်ငံရေးအကျဉ်းသားတွေရဲ့ ကြွေးကြော်သံတရပ်ဖြစ်လာပြီးတော့ သူတို့ရဲ့ ကြံရွယ်ချက်တွေ ပျက်ပြားသွားခဲ့တယ်။
လင်းသန့်။ ။ထောင်ထဲမှာ တခြားလွတ်လပ်မှုနဲ့ ပတ်သက်ပြီး ရှာဖွေခဲ့တာ နောက်တခုလောက် ပြောပြလို့ရရင် ပြောပြပေးပါလား ခင်ဗျာ။
ဦးဝင်းတင်။ ။ ကျနော်တို့က ထောင်ထဲမှာ အလကား မနေခဲ့ကြဘူးဗျ။ နိုင်ငံရေး အကျဉ်းသားဆိုတာက ထောင်တွေထဲမှာ ငုတ်တုတ်ထိုင်နေခဲ့တာ မရှိသလောက်ပဲ။ တခုခု တိုးတက်အောင်၊ လွတ်လပ်အောင်၊ တခုခု ရအောင်တော့ လုပ်နေကြတာ။ ဒီအထဲမှာ ကြက်တူရေးကိစ္စ ဖြစ်သေးတယ်။ ကြက်တူရွေးဆိုတာက ရေဒီယိုကို ခေါ်တာ။ ထောင်ထဲကို ရေဒီယိုတလုံး ရအောင် သွင်းပြီး အပြင်က သတင်း အခြေအနေတွေကို မပြတ် သိအောင်လုပ်ကြတာပေါ့။ ကျနော်တို့ ရဲ ဘော်တွေနဲ့ အချင်းချင်းကြားမှာ ကြက်တူရွေးက ပြောတာတွေကို မျှဝေကြတာပေါ့။ ကြက်တူရွေး ဆိုတာ ထောင်တွင်း စကားပါပဲ။
လင်းသန့်။ ။ ဘဘ ထောင်က ပြန်ထွက်လာတော့လည်း ဘဘက ထောင်ဝတ်စုံပဲ အမြဲဝတ်ထားတာ မြန်မာ ပြည်သူတွေနဲ့ နိုင်ငံတကာကို ဘယ်လိုသတင်းစကား ပါးချင်လို့ပါလဲ ခင်ဗျ။
ဦးဝင်းတင်။ ။ ပြောချင်တာက ကျနော်ထောင်က ပြန်လွတ်လာခဲ့ပေမယ့် ကျနော်တို့ ပြည်သူတွေ ယနေ့ အထိ မလွတ်မြောက်သေးဘူးဆိုတာ သိစေချင်တယ်။ ဆိုလိုတာက စစ်အစိုးရ တဖြစ်လဲပြီး အရပ်သားအစိုးရ အဖြစ် အမည်ခံပေမယ့် ယနေ့ထိ လွတ်လပ်မှု ဆိတ်သုဉ်းနေသေးတယ်ဆိုတာ သိစေချင်ပါတယ်။ ဒီတတိုင်းပြည်လုံး လွတ်လပ်မှုအတွက် ကျနော်တို့ အားလုံး ဖြေရှင်းယူရအုံးမယ်။
လင်းသန့်။ ။ မကြာခင်က ဒေါ်အောင်ဆန်းစုကြည်နဲ့ ဦးအောင်ကြည်တွေ့တာ၊ ဒေါ်အောင်ဆန်းစုကြည်က ပြည်တွင်းငြိမ်းချမ်းရေးအတွက် အိတ်ဖွင့်ပေးစာ ထုတ်ပြန်လိုက်တာတွေနဲ့ ပတ်သက်လို့ မြန်မာ့နိုင်ငံရေး အပေါ် ဘယ်လို ရှုမြင်ပါလဲခင်ဗျာ။
ဦးဝင်းတင်။ ။ ကျနော်တို့ က အမြဲ အကောင်းဘက်ကို ရှုမြင်ပြီး လုပ်ဆောင်ကြိုးပမ်းနေကြတာ။ ဒီကိစ္စတွေနဲ့ ပတ်သက်ပြီး ရှေ့ဆက်ပြီး လုပ်စရာတွေ၊ ပြောစရာတွေ အများကြီးလုပ်ကြရအုံးမယ်။ ကျနော်တို့ဘက်ကတော့ ဒါတွေ ကို ဆွေးနွေးသွားကြဖို့ပဲ။ ဆွေးနွေးဖို့ ကိစ္စတွေနဲ့ပတ်သက်ပြီး ဘာဖြစ်လာမလဲ ဆိုတာတော့ ကျနော်တို့လည်း တတ်တတ် အပ်အပ် မသိနိုင်ဘူး။ ဘာတွေခြားနားနေလဲ။ ဘယ်လို ရပ်တည်မလဲ။ ဘယ်လို ညှိနှိုင်းကြမလဲ။ ဒါတွေကတော့ ကျနော်တို့ စောင့်ကြည့်ရမှာပဲ။ ဆွေးနွေးပွဲဆိုတာက ၂ ဖက် ရဲ့ လုပ်ရပ်နဲ့ စေတနာတွေအပေါ် မူတည်ပါတယ်။ ကျနော် တို့ဘက်ကတော့ တိုင်းပြည်အကျိုးရှိဖို့၊ ပြည်သူလူထု အကျိုးဖြစ်ထွန်းဖို့အတွက် အဓိက လုပ်ဆောင်ပြောဆိုသွားမှာပဲ။
လင်းသန့်။ ။ မြန်မာနိုင်ငံမှာ နှစ်ပေါင်းများစွာ နိုင်ငံရေး မပြေလည်မှုတွေရဲ့ အဓိကအချက်က ဘာလို့ ထင်ပါ သလဲ ခင်ဗျာ။
ဦးဝင်းတင်။ ။ ကျနော်မြင်တာတော့ အဓိက ပြဿနာက စစ်အာဏာရှင်စနစ်ပဲလို့ ထင်တယ်။ ဒီနေ့အထိ နိုင်ငံရေး မပြေလည်သေးတာ စစ်အာဏာ ဆက်ရှိနေသေးတယ်လို့ ပြောချင်တယ်။ တကယ်က စစ်အာဏာရှင်စနစ်က ကျနော်တို့တင် မကဘူး၊ သူတို့အတွက်လည်း ကောင်းတာ မဟုတ်ဘူး။
လင်းသန့်။ ။ မြန်မာနိုင်ငံရေး အဖြေရနိုင်ဘို့၊ လွတ်လပ်တဲ့ ဒီမိုကရေစီ လူ့အဖွဲ့အစည်းဖြစ်ဘို့ ဘဘ ဘာများ ပြောချင်ပါသလဲခင်ဗျာ။
ဦးဝင်းတင်။ ။ ကျနော်တို့က မလွတ်လပ်တဲ့ လူ့အဖွဲ့အစည်း ဖြစ်နေတော့ ဒေါ်အောင်ဆန်းစုကြည် ပြောခဲ့သလိုပဲ။ “ခင်ဗျားတို့ရဲ့လွတ်လပ်မှုကို အသုံးပြုပြီး ကျနော်တို့ရဲ့ လွတ်လပ်ခွင့်အတွက် ကူညီပေးကြပါလို့ နိုင်ငံတကာအသိုင်း အ၀ိုင်းကို ပြောချင်ပါတယ်။ ကျနော်တို့လွတ်မြောက်ဖို့၊ ကျနော်တို့တိုင်းပြည်ကို လွတ်မြောက်ဖို့ အားလုံးက ကူညီကြ ပါလို့ အလေးအနက် ပြောချင်ပါတယ်။
-
ဘဘ ဦးဝင်းတင် ပြန်ပြောင်းပြောပြနေတဲ့ ခေတ်ဝန်ကို ထမ်း၍ ခေတ်လမ်းကိုလျှောက်ခြင်း ဆိုတာကို RFA က ကြာသပတေးနေ့တိုင်း ထုတ်လွှင့်နေတာ ကြားရပါတယ်။ ဒါကို စာမူအဖြစ် ဖန်တီးပြီး စာအုပ်အဖြစ်ထုတ်ဖို့ အဆင်မပြေသေးလျှင်လည်း Online Media တစ်ခုခုမှ တင်ပေးထားနိုင်လျှင် ကောင်းမှာဘဲ လို့ မျှော်လင့်တောင့်တမိပါတယ်။ ဘလော့တစ်ခုမှာတော့ စာဖိုင်တင်ထားတာတွေ့ရပါတယ်။ မပြည့်စုံပါ။ အနည်းအကျဉ်းလောက်ပဲ ဖြစ်ပါတယ်။ ဘဘ ပြန်ပြောပြထားတဲ့ အကြောင်းအရာတွေဟာ သမိုင်းတန်းဖိုး အလွန်ကြီးတယ် လို့ ထင်မြင်မိပါတယ်။ ကျနော်တို့ ပြည်တွင်းမှာ နေနေသူ တွေအတွက် လိုင်းပေါ်မှာ တင်ထားတဲ့ အသံဖိုင်တွေဟာ တိုက်ရိုက်နားဆင်ဖို့ အခက်အခဲ ရှိပါတယ်။ အဓိကကတော့ လိုင်းမကောင်းတာပါ။ အဖွဲ့ချုပ်မှာ ရှိနေတဲ့ အဖွဲ့ချုပ်လူငယ်တွေက စာမူအဖြစ် ဖန်တီးပြီး အဖွဲ့ချုပ် Website မှာ တင်ထားသင့်တယ် ထင်ပါတယ်။ ကျေးဇူးတင်ပါတယ်။