နေ့လည်ခင်းခြစ်ခြစ်တောက်ပူ နေသော နေရောင်အောက်ကွန်ကရစ် ကားလမ်းမကြီးပေါ်မှာ လူအသွားအလာ၊ ကားအသွားအလာ ကင်းမဲ့နေသော်လည်း
ဝတ်စုံပြည့်ဝတ်ဆင်ထားသော လုံထိန်းရဲများ၊ ယာဉ်ထိန်းရဲများကို
လမ်းမဘေးပတ်လက်ဖောင်းပေါ်တွင် တွေ့မြင်နေရသည်။
နေရောင်အောက်တွင် အရိပ်အကာအကွယ်မဲ့ မတ်တပ်ရပ်နေကြပြီး တစုံတဦးကို
စောင့်ဆိုင်းနေကြသည်။
နေပြည်တော်လေဆိပ်၏ နားနေဆောင် တခုအတွင်းတွင် ၁၅၀ နီးပါးရှိသော
လူစုလူဝေး တခု ရှိနေကြပြီး သူတို့အားလုံးက လေယာဉ်ပြေးလမ်းရှိရာသို့
လှမ်းမျှော်ကြည့်နေကြသည်။သူတို့ အားလုံး လက်ထဲတွင် ကင်မရာများ၊
ဗီဒီယို ကင်မရာများ၊ အသံဖမ်းစက်များ ရှိနေကြသည်။
လေယာဉ်ကွင်း အတွင်းတွင် အနက်ရောင်ဝတ် အမျိုးသား၊ အမျိုးသမီးများ
ပျာပန်းခတ် လှုပ်ရှားသွားလာ နေကြပြီး အနက်ရောင် စပို့ရှပ်အင်္ကျီနှင့်
အ၀ါရောင်သန်း ဘောင်းဘီရှည် ၀တ်ဆင်ထားသော နိုင်ငံခြားသား တဦးက
ခွေးတကောင်နှင့် နေရာအနှံ့ကို လမ်းလျှောက်နေသည်။ သူ၏ခွေးကား မြင်မြင်သမျှ
အရာတိုင်း နမ်းရှုံ့နေသည်။
ယနေ့ ညနေ ၄ နာရီ ၂၂ မိနစ်တွင် နှစ်ပေါင်း ၅၀ အတွင်း
အမေရိကန် ထိပ်တန်းခေါင်းဆောင်တဦး ဖြစ်သော
အမေရိကန်နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံ၏ မြို့တော်သစ်
နေပြည်တော် သို့ လာရောက်မည် ဆိုခြင်းကြောင့်
လုံခြုံရေး တင်းကျပ်ထားခြင်းဖြစ်ပြီး ပြည်တွင်းပြည်ပ သတင်းထောက်
တရာ့ငါးဆယ် နီးပါးက သတင်းယူရန် လာရောက် စောင့်ဆိုင်းနေကြခြင်းဖြစ်သည်။
“အားလုံးပဲ ကျနော်ပြောမယ်။ သေချာနားထောင်။ လေယာဉ်နားမှာ ကပ်ပြီး
သတင်းယူမယ့် သတင်းထောက်တွေက ဒီဘက်ကို စုပါ။ လေယာဉ်ကွင်းအစပ်
မြက်ခင်းပြင်ကနေ သတင်းယူမယ့် သတင်းထောက်တွေက ဟိုဘက်မှာ စုပါ။
သတ်မှတ်နေရာကလွဲပြီး ဘယ်ကိုမှသွားခွင့်မရှိဘူး။ သွားလို့ရှိရင် အားလုံး
မျက်နှာပျက်စရာတွေ ဖြစ်ကုန်မယ်။ နောက်နောင် သတင်းယူခွင့် ပေးမှာမဟုတ်ဘူး” ဟု
ပြည်ထဲရေးဝန်ကြီးဌာန၊ မြန်မာနိုင်ငံရဲတပ်ဖွဲ့မှ ရဲအရာရှိကြီးတဦးက
ခက်ထန်သော လေသံနှင့် ညွှန်ကြားနေသည်။
နိုင်ငံခြားသားသတင်းထောက်များက မြန်မာလို ပြောသံကို နားမလည်သဖြင့်
အခြားမြန်မာ သတင်းထောက်များကို ဘာသာပြန်ပေးရန် အကူအညီတောင်းနေသည်။
နေပြည်တော်လေဆိပ်တခုလုံးတွင် လုံခြုံရေး ယူထားသော အရပ်ဝတ်ရဲများ၊
ယူနီဖောင်းဝတ်ရဲများ အားလုံးက လုံခြုံရေးလစ်ဟာမှုမရှိအောင်
အထူး ဂရုစိုက်လုပ်နေကြပြီး အားလုံးမျက်နှာက ပင်ပန်းနွမ်း နယ်နေကြသည်။
ညနေ ၄ နာရီခန့် ပြည်တွင်းပြည်ပသတင်းထောက်များကို ရဲအရာရှိများက
ဦးဆောင်ပြီး လေယာဉ်ကွင်း အတွင်းသို့ သတင်းရယူရန် ခေါ်ဆောင်သွားသည်။
အနီရောင် ဖဲကြိုး တားဆီးထားသော သတ်မှတ်နေရာ များတွင်သာ
သတင်းရယူရန် အထူး အလေးပေးညွှန်ကြားလျက်ရှိသည်။
ခဏအကြာ ခွေးတစ်ကောင်နှင့်ပျာပန်းခတ်လှုပ်ရှားနေသော
အမေရိကန်နိုင်ငံသားတဦးက သတင်းထောက်များကို ကင်မရာများနှင့်
အိတ်များ လေယာဉ်ကွင်းရှိ ကွန်ကရစ် ကြမ်းပြင်ပေါ်တွင် ချခိုင်းလိုက်ပြီး
သတင်းထောက်များ အားလုံးကို နောက်သို့ ခြေလှမ်း ၁၀ လှမ်း ဆုတ်ခိုင်းသည်။
“မိုင်းရှာမလို့ပါ။ အားလုံးနားလည်ပေးကြပါ” ဟု ရန်ကုန်အမေရိကန်သံရုံးမှ
လုံခြုံရေးဝန်ထမ်း မြန်မာအမျိုးသမီးက ပြောဆိုနေသည်။
သတင်းထောက်များအားလုံးက သူတို့၏ ကင်မရာ၊ အိတ်များအားလုံးကို
အောက်သို့ချပြီး ညီညီညာညာပင် ခြေလှမ်း ၁၀ လှမ်း ဆုတ်ပေးလိုက်ကြသည်။
ယင်းနောက် ခွေးက အိတ်များ၊ ကင်မရာများကို အနံ့ခံ ရှာဖွေပြီး
မိုင်းရှာခွေးမှာလည်း ပူပြင်းသော နေရောင် လျှာထွက် မောဟိုက်နေသဖြင့်
အချို့အိတ်များကို အနံ့ပင် မခံတော့ပေ။ အမေရိကန်နိုင်ငံသားက သူ၏ ခွေးကို
အိတ်တိုင်းကို အနံ့ခံရန် ပုံစံအမျိုးမျိုးဖြင့် စေခိုင်းလျက်ရှိသည်။
၁၅ မိနစ်ခန့်အကြာ သတင်းထောက်များ အားလုံး အောက်ချထားသော ကင်မရာများ၊
အိတ်များအားလုံးကို ပြန်လည် ကိုင်လိုက်ကြသည်။
ညနေ ၄ နာရီ မိနစ် ၂၂ မိနစ်တွင် Untied States of America စာတမ်းပါလေယာဉ်ကြီး နေပြည်တော် လေဆိပ်သို့ ဆိုက်ရောက်လာပြီး မြန်မာအစိုးရဘက်မှ
အရာရှိကြီးများက လာရောက် ခရီးကြိုပြုကြသည်။
၁၀ မိနစ်ကျော် ကြာသည့် တိုင်အောင်
နိုင်ငံခြားရေးဝန်ကြီး ဟီလာရီကလင်တန် လေယာဉ်ပေါ်မှ
ဆင်းမလာသည့် အတွက် မြန်မာအစိုးရ အရာရှိများ နေပူထဲတွင် ချွေးသုတ်သူ သုတ်၊
စိတ် မသက်သာသော မျက်နှာများဖြင့် လေယာဉ် အ၀ပေါက်ကိုသာ
လှမ်းမျှော်ကြည့်နေကြသည်။
ယင်းနောက် ရွှေအိုင်ရောင်ဆံပင်နှင့် ပန်းရောင်အကျီ င်္၊ အနက်ရောင်
စတိုင်ဘောင်းဘီရှည်ကို စမတ်ကျကျ ၀တ်ဆင်ထားသော အမျိုးသမီးတစ်ဦး
လေယာဉ်ပေါ်မှ တဖြည်းဖြည်း ဆင်းလာသည်။ သတင်းထောက်များ အားလုံး၏ ကင်မရာများက
တဖျပ်ဖျပ် အသံများ ထွက်ပေါ်လာပြီး အားလုံး လှုပ်လှုပ်ရှားရှားဖြစ်သွားကြသည်။
အမေရိကန်နိုင်ငံခြားရေး ၀န်ကြီး ဟီလာရီ ကလင်တန်က မြန်မာအရာရှိများကို တဦးချင်းစီ
လိုက်လံနှုတ်ဆက်ပြီးနောက် အမေရိကန် သံရုံးကားပေါ်ကို တက်သွားသည်။
ကားပေါ်မှ သတင်းထောက်များအားလုံးကို တည်ကြည်သော အပြုံးဖြင့်
လက်ပြ နှုတ်ဆက်သွားသော်လည်း သူ၏ မျက်နှာကား အနည်းငယ် နွမ်းလျနေပုံပေါက်နေသည်။
အာဏာရှင် စစ်ခေါင်းဆောင်များဟု နိုင်ငံတကာ အသိုင်းအ၀ိုင်းကခေါ်ဝေါ်ခဲ့ကြသော အရပ်သားအစိုးရ ခေါင်းဆောင်များနှင့် သူ မနက်ဖြန်
တွေ့ဆုံတော့မည်ဖြစ်သည်။
(ဓာတ်ပုံများ - ဧရာဝတီ)
...
this is a good narrative essay or story. Your story are colorless and proud less. Real character have been lie of Burmese.