မောင်မောင်မြင့်သန်းမောင် ~
ကမ္ဘာသုံး ပြက္ခဒိန်၏ အင်္ဂလိပ် ဝေါဟာရ မည်သည့်လတွင် မဆို ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသော ၂ ဂဏန်းပိုင်ရှင်တို့အတွက် စီးပွားရေး ဟောကိန်းကို ဆက်လက် ရေးသားဖော်ပြပါမည်။ဇန်နဝါရီလ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
မိမိတို့၏ စားဝတ်နေရေးနှင့် မိမိရည်မှန်းချက် အကောင်အထည်ဖော်ရန် လိုအပ်သည့် အခါမှလွဲ၍ ငွေကြေးကို လောဘတကြီး မရှိတတ်ပေ။
ငွေကြေးကို လိုအပ်သည့် အချိန်တွင် မိမိ၏ အတွေးအခေါ် ဥာဏ်ပညာဖြင့် ရယူနိုင်သည်ဟု ယုံကြည်ထားတတ်ကြသည်။
မိမိမျှော်လင့်သလို ဖြစ်မလာသည့်အခါ စိတ်ပျက်အားငယ်တတ်သူ၊ အားနာတတ်သူ၊ စိတ်သဘော လွယ်သူဖြစ်သဖြင့် ကြီးပွားချမ်းသာ သင့်သလောက် ကြီးပွားချမ်းသာခြင်း မရှိတတ်ပေ။
ငွေကြေးခုံမင် မက်မောတတ် သူမဟုတ်သော်လည်း ငွေကြေး သုံးစွဲရာတွင် စဉ်းစားချင့်ချိန်သုံးစွဲတတ် သည်။
စီးပွားရေးတွင် အများ၏ ဆန့်ကျင်မှု၊ ချောက်တွန်းမှုများကြောင့် လုပ်ငန်း နှောင့်နှေးကြန့်ကြာမှုများ ဖြစ်လေ့ရှိတတ်သည်။
ကြမ်းကြမ်းတမ်းတမ်းနှင့် သွက်လက်လျင်မြန်စွာ လုပ်ရသော လုပ်ငန်းမျိုးထက် တည်တည်ငြိမ်ငြိမ်နှင့် စဉ်းစားတွေးခေါ် လုပ်ကိုင်ရသော လုပ်ငန်းမျိုးတွင် ပိုမိုအောင်မြင်မည်။
ဖေဖော်ဝါရီလ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
မိမိ၏ ဗီဇအရည်အချင်း ကောင်းမွန်သဖြင့် အသက်ကြီးပိုင်းတွင် ငွေကြေးချမ်းသာ ကြွယ်ဝလာမည်။ မိဘဘိုးဘွား အမွေအနှစ်ရကိန်း ကံဇာတာ ပါနေခြင်းကြောင့်လည်း ချမ်းသာ ကြွယ်ဝလာနိုင်သည်။
ဘဝတစ်သက်တာတွင် မိမိအား တန်ဖိုးရှိသော ငွေကြေး၊ ဥစ္စာပစ္စည်း စသည်တို့ကို ပံ့ပိုးကူညီ ထောက်ပံ့ခြင်းမျိုး မကြာခဏ ရရှိတတ်သည်။
သို့သော် ဖေဖော်ဝါရီလ ၂၊ ၁၁ နှင့် ၂ဝ ရက်ဖွားမြင်ပါက ငယ်ရွယ်စဉ်တွင် ငွေကြေးနှင့် ပတ်သက်၍ အခက်အခဲ သို့မဟုတ် ချုပ်ချယ် ကန့်သတ်မှုများ ကြုံတွေ့ရတတ်သည်။ ချမ်းသာကြွယ်ဝသော မိဘများမှ မွေးဖွားလာသူများအတွက်မူ ခြွင်းချက်ဖြစ်သည်။ သို့ရာတွင် မိဘများက မိမိအပေါ် ငွေကြေးနှင့် ပတ်သက်၍ ချုပ် ချယ်ကန့်သတ်မှုကတော့ ရှိနေမည်။
ဖေဖော်ဝါရီလ ၂၉ ရက်ဖွားဖြစ်ပါက အခြားဖေဖော်ဝါရီလ ၂ဂဏန်း ရက်ဖွားများဖြစ်သော ၂၊ ၁၁၊ ၂ဝ ရက်ဖွားများထက် ငယ်ရွယ်စဉ်တွင် ပိုမိုကံကောင်းပြီး မိမိအပေါ် ချုပ်ချယ် ကန့်သတ်မှုများ နည်းပါးမည်။
မိမိ၏ ပင်ကိုအရည်အချင်းကြောင့် လူလတ်ပိုင်း အရွယ်ရောက်မှ အနုပညာနှင့်ဆိုင်သော လုပ်ငန်းများနှင့် ပတ်သက်ပြီး အောင်မြင်ဖြစ်ထွန်းမည်။ သေချာပေါက် အကျိုးအမြတ် ရမည့်လုပ်ငန်းဖြစ်သော်လည်း မိမိ ကိုယ်တိုင် ကြီးကြပ်ကွပ်ကဲနိုင်မှသာ လျှင် စီးပွားဖြစ်မည်။
သူတစ်ပါး၏ လုပ်ငန်းမျိုးတွင် စွန့်စား၍ ရင်းနှီးမြှုပ်နှံခြင်း မပြုသင့်ပေ။ များသောအားဖြင့် မရေရာ မသေချာသည့် စီးပွားရေးလုပ်ငန်းမျိုးတွင် စွန့်စားပြီး ရင်းနှီးမြှုပ်နှံမှုကြောင့် စီးပွား ပျက်ကိန်းရှိသဖြင့် အထူးသတိထား ဆင်ခြင်သင့်သည်။
မတ်လ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
စိတ်မတည်ငြိမ်တတ်သူ၊ စိတ်ကူးယဉ်တတ်သူဖြစ်သဖြင့် ငယ်ရွယ်စဉ်ကာလတွင် ငွေကြေး စီးပွားရေးကို လက်တွေ့ရှာဖွေရာတွင် အခက်အခဲရှိမည်။ ငွေကြေးစီးပွား အခြေအနေမှာ များသောအားဖြင့် သေသေချာချာနှင့် တည်တည်ငြိမ်ငြိမ် မရှိတတ်ပေ။
ရုတ်တရက် မမျှော်လင့်ဘဲ ငွေကြေးဝင်လာတတ်သော်လည်း ငွေကြာကြာ မမြဲတတ်ပေ။ ထိုကြောင့် ငွေကြေးသုံးစွဲရာတွင် စစ်စစ်စိစိ သုံးစွဲပြီး စုဆောင်းသည့် အလေ့အကျင့် ရှိပါမှ တော်ရုံကျမည်။
များသောအားဖြင့် ငွေကြေးလို အင်ဆန္ဒသာကြီးမားပြီး လက်တွေ့ ငွေရှာဖွေရာတွင် အဆင်မပြေနိုင်ကြသဖြင့် ငွေကြေးနှင့် ပတ်သက်သော စိတ်အေးချမ်းသာမှု ရှိနိုင်မည် မဟုတ်ချေ။
မိမိစိတ်ထက်သန်ရာ လုပ်ငန်း တစ်ခုခုကို ဇောက်ချ လုပ်ကိုင်ပါက အောင်မြင်မှု ရနိုင်သည့် အလားအလာ ရှိသည်။ အနုပညာ ဗီဇကို အသုံးချနိုင်ပါက ပိုပြီးအောင်မြင်နိုင်သည်။
ဧပြီလ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
စီးပွားရေးတွင် တက်ကြွစွာ တွန်းတွန်းတိုက်တိုက် လုပ်ကိုင် ဆောင်ရွက်တတ်သဖြင့် အောင်မြင်မှု ရနိုင်သော်လည်း မိမိကိုယ်ပိုင် အယူအဆကို လွန်လွန်ကဲကဲ ဦးစားပေး ဆောင်ရွက်လေ့ရှိသဖြင့် မိမိအတွက် အကျိုးရှိသင့်သလောက် မရှိနိုင်ပေ။
အစုစပ်များ သို့မဟုတ် အလုပ်တူ လုပ်ဖက်များ၏ အတားအဆီး မရှိပါမှ လုပ်သမျှ အောင်မြင်မည်။
စာရေးဆရာနှင့် အနုပညာရှင် ဖြစ်ပါက အောင်မြင်မှုရနိုင်သည်။
တစ်နေရာတည်းတွင် စွဲစွဲမြဲမြဲ လုပ်ကိုင်ခြင်းမရှိဘဲ လုပ်ငန်းအမျိုးမျိုးကို ပြောင်းလဲ လုပ်ကိုင်တတ်သည်။ ရသမျှ အဆင့်အတန်းတွင် မည်သည့် အခါမျှ စိတ်ကျေနပ် ရောင့်ရဲ တင်းတိမ်ခြင်း မရှိတတ်ပေ။
မည်သည့်လုပ်ငန်းမျိုးတွင်မဆို လွှမ်မိုးနိုင်သူ ဖြစ်နေသော်လည်း မကြာခဏဆိုသလို စိတ်ကူးယဉ်တတ်သော သဘာဝဝင်၍ အတားအဆီး ဖြစ်တတ်သည်။
မေလ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
ငွေကြေးစီးပွား ကံကောင်းခြင်းနှင့် ကံဆိုးခြင်းတို့ကို တစ်လှည့်စီ ကြုံတွေ့ရတတ်သည်။ တစ်ခါတရံ ငွေဝင်လမ်း ဖြောင့်နေတတ်သော်လည်း ရုတ်တရက် ငွေကြေးပြဿနာ ပေါ်လာတတ်သည်။ လုပ်သမျှ အဆင်မပြေ ဖြစ်လာတတ်သည်။
လောင်းကစားနှင့် အကျိုးမပေး တတ်သော ကံဇာတာပါလာသဖြင့် လောင်းကစား လုံးဝ မလုပ်သင့်ပေ။ စီးပွားရေးတွင်လည်း လောင်းကစား ဆန်ဆန် ပိုင်ပြီထင်ပြီး ပုံအော ရင်းနှီး မြှုပ်နှံခြင်းမပြုသင့်ပေ။ အဆုံးအရှုံး နှင့် ရင်ဆိုင်ရတတ်၍ဖြစ်သည်။
တရားလွန် အသုံးအစွဲကြီးခြင်း ကို သတိနှင့် ဆင်ခြင်သင့်သည်။
လူအများ၊ ပရိသတ်နှင့် တိုက် ရိုက်ဆက်သွယ်ရသော လုပ်ငန်းမျိုးတွင် အကျိုးပေးလိမ့်မည်။
လောကကြီးတွင် အဆင်ပြေစွာ နေထိုင်သွားကြရမည့် ကံဇာတာ ပါသော်လည်း အပျော်အပါးနှင့် စည်းစိမ် အလွန်အကျွံခံခြင်းကို အတတ်နိုင်ဆုံး ထိန်းသိမ်းသင့်သည်။
ဇွန်လ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
ငွေကြေးစီးပွားရေးနှင့် ပတ်သက်၍ စနစ်တကျ စီမံလုပ်ကိုင်ဆောင် ရွက်တတ်ခြင်းမရှိကြချေ။ ငွေကြေး လောဘ မရှိတတ်သူများဖြစ်သဖြင့် ငွေကြေးကို လောဘတကြီး ရှာဖွေသူများ မဟုတ်ကြပေ။
ငွေကြေးလောဘ နည်းသူများ ဖြစ်၍ ဝင်ငွေလည်း နည်းပါးတတ် ကြသည်။ ငွေကြေးကိုလည်း ထက် ထက်မြက်မြက် မရှာဖွေနိုင်ကြပေ။
သို့သော် ကြီးပွားတိုးတက်ရေး အတွက် အစဉ် စိတ်ကူးယဉ် အတွေး အိပ်မက် မက်နေတတ်ကြသည်။
မည်သို့ပင်ဖြစ်စေကာမူ အတွေး အိပ်မက်များမှာ လက်တွေ့ အကောင် အထည် ပေါ်လာလိမ့်မည်။
တစ်နေရာတည်းတွင် ပုံသေ ထိုင်၍ လုပ်ရသော ရုံးလုပ်ငန်း၊ စီး ပွားရေးလုပ်ငန်းများနှင့် အကျိုးမပေး တတ်ချေ။
အနုပညာရပ်များနှင့် ကျွမ်းကျင် မှုကို အသုံးပြု၍ ငွေရှာလျှင် အောင် မြင်နိုင်သည်။
ဇူလိုင်လ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
ငွေကြေးစီးပွားရေးအခြေအနေ မှာ မသေချာ မရေရာတတ်ဘဲ မကြာခဏ ပြောင်းလဲမှု ရှိနေတတ်သည်။ အကြီးအကျယ် အကျိုးအမြတ် ရရှိ မည်ဟု ထင်မြင်ပြီး မဆင်မခြင် ရင်း နှီးမြှုပ်နှံတတ်ကြသဖြင့် အရှုံးပေါ် တတ်သည်။ အရှုံးကို ကာမိစေရန် ထပ်မံပုံအော ရင်းနှီးမြှုပ်နှံတတ်ကြ သဖြင့် အဆုံး အရှုံး သံသရာ လည် နေတတ်သည်။
အသက်အရွယ်ကြီးပိုင်းသို့ ရောက်သောအခါ ငွေကြေး စီးပွားရေး အခြေအနေမှာ အလွန်ဆိုးရွားနေ မည်ဖြစ်သည်။
သို့ဖြစ်၍ ငွေကြေးရှာဖွေရာတွင် အလွန့်အလွန် အမြော်အမြင်ကြီးကြီးနှင့် သတိကြီးစွာထားပြီး ဖြည်းဖြည်းနှင့် မှန်မှန် ငွေကြေးစုဆောင်းမိလာ အောင်သာ ဆောင်ရွက်သင့်သည်။
အကောင်းဆုံးမှာ ခိုင်မာ၍ အခြေတကျ ရှိပြီးဖြစ်သော လုပ်ငန်းများတွင်သာ အတန်အသင့် ရင်းနှီ်းမြှုပ်နှံပြီး မိမိကိုယ်တိုင် ဝင်ရောက်လုပ်ကိုင် ခြင်းပြုသင့်သည်။
သင်္ဘောလုပ်ငန်း၊ သွင်းကုန်၊ ထုတ်ကုန်လုပ်ငန်း၊ ခရီးသွားလုပ်ငန်းနှင့် သယ်ယူုပို့ဆောင်ရေးလုပ်ငန်း များနှင့် အထူးအကျိုးပေးတတ်သည်။
သြဂုတ်လ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
ငွေကြေးဥစ္စာဓနကို မက်မောသူများမဟုတ်တတ်ကြချေ။ ငွေကြေးဆိုင်ရာ ကံကောင်းထောက်မမှုများစွာ ကြုံတွေ့ရမည်။ မမျှော်လင့်ဘဲ ငွေအစုလိုက် အပုံလိုက် ရတတ်သည်။ သို့သော် မိမိ၏ ရက်ရောသဘော ကောင်းမှုကြောင့် ငွေအဖတ် မတင်တတ်ချေ။
မိမိ၏ ပင်ကိုပါရမီကြောင့် ဝင်ငွေကောင်းနိုင်သည်။ အထူးသဖြင့် မိမိကိုယ်၊ နှုတ်အရည်အချင်း၊ အနုပညာဗီဇစသည်တို့ကို အသုံးချပါက ပို၍အောင်မြင်မှုရနိုင်သည်။
မည်သည့်လုပ်ငန်းမျိုးတွင်မဆို တိုးတက်အောင်မြင်မှု ရရှိစေမည့် အခွင့်အရေးများစွာ ကြုံတွေ့ရမည်။
စက်တင်ဘာလ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
စီးပွားရေးလုပ်ငန်းများတွင် ရင်း နှီြးုမှုပ်နှံ လုပ်ကိုင်ခြင်းမျိုးထက် ဥာဏ်ပညာကို အသုံးပြု၍ စီးပွားရှာခြင်းကို ပိုပြီး လိုလားသူများဖြစ်သည်။
သို့သော် ချမ်းသာကြွယ်ဝလို စိတ် ပြင်းထန်သူဖြစ်ပါက စီးပွားရေး လုပ်ငန်းများတွင်လည်း အောင်မြင် သူ ဖြစ်လာနိုင်သည်။
ငွေကြေးသုံးစွဲရာတွင် သတိကြီး တတ်သူဖြစ်သည်။ ရှေ့ရေးအတွက် အလွန်တွေးမြင်ပူပန်စွာ ငွေကြေး အသုံးအစွဲ ချွေတာတတ်သည်။
သို့သော် မိမိအတိုင်းအတာနှင့် သုံးစွဲနိုင်သော ငွေကြေးက အစဉ် လုံ လောက်စွာ ရှိနေမည်ဖြစ်သည်။
အောက်တိုဘာလ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
ငွေကြေးစီးပွားရေးနှင့် ပတ်သက်၍ မိမိအားအခွင့်အရေး ယူတတ်သူများအပေါ် အားမနာတတ်ဘဲ သတိထား လုပ်ကိုင်ဆက်ဆံ လုပ်ကိုင်နိုင်ပါက ပိုမိုအဆင်ပြေမည်။
ရုံးထိုင်ပြီးလုပ်ရသော စီးပွားရေး လုပ်ငန်းမျိုးနှင့် ကိုက်ညီမှုမရှိဘဲ အကျိုးလည်းမပေးတတ်ချေ။
အချိန်အခါအရ ကြုံတွေ့ရသော အခြေအနေပေါ်တွင် မူတည်၍ ဖြတ်ထိုးဏ်သုံးပြီး အသိဥာဏ်ပညာနှငု့် ဆောင်ရွက်ရသည့် လုပ်ငန်းရပ်များတွင် ပိုမို စီးပွားဖြစ်ထွန်းနိုင်သည်။
အခြေအနေပေးပါက မိမိ အရပ်ဒေသမှာထက် ရေခြား၊ မြေခြားသော အခြား အရပ်ဒေသမျိုးတွင် ဘဝ အောင်မြင်မှုများ ရနိုင်သည်။
နိုဝင်ဘာလ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
အသက်အရွယ် ငယ်စဉ်အချိန်တွင် မည်သည့်အသက်မွေးဝမ်း ကျောင်းအလုပ်အား လုပ်ကိုင်ရမည်ကို မှန်ကန်စွာ မရွေးချယ်တတ်သဖြင့် ငွေကြေးအတွက် အထူးစိတ်သောက ရောက်ရတတ်သည်။
သို့သော် မကြာခဏ မိမိအရည် အချင်းကြောင့်ဖြစ်စေ၊ မိမိ၏ အိမ်ထောင်ဖက်၏ စွမ်းပကားကြောင့်ဖြစ်စေ ငွေကြေးးအလုံးအရင်း ရလာနိုင်သည်။ သို့ရာတွင် မိမိ၏ ကံဇာတာ ကြောင့် ရလာသမျှ ငွေကြေး အဖတ် တင်မည်မဟုတ်ပေ။
မိမိစိတ်ကူးဥာဏ် ပါရမီ အရည် အသွေးကို လက်တွေ့အကောင် အထည်ဖော် ဆောင်ရွက်နိုင်ပါမှ ဝင်ငွေကောင်းနိုင်သည်။ သူတစ်ပါး၏ ကတိစကားများကို ယုံကြည်စိတ် ချပြီး အားကိုးမျှော်လင့်နေရုံနှင့် ငွေ ကြေး ရမလာနိုင်သည်ကို အထူး သတိပြုသင့်သည်။
ဒီဇင်ဘာလ ၂၊ ၁၁၊ ၂ဝ နှင့် ၂၉ ရက်များတွင် မွေးဖွားသူများ
ငွေကြေး ဥစ္စာဓနကို မက်မောတတ်သူများ မဟုတ်ကြချေ။ ငွေကြေးချမ်းသာခြင်းနှင့် ဆင်းရဲခြင်းဆိုသည်ကို ဂရုမစိုက်တတ်ကြဘဲ ရောင့်ရဲသော စိတ်နေသဘောထားရှိကြသူ များဖြစ်သည်။
သို့သော် ယေဘုယျအားဖြင့် မြင့်မားသော အဆင့်အတန်းသို့ ရောက်ကြမည်ဖြစ်သည်။ မိမိကိုယ်ကျိုး စီးပွားအတွက် သက်သက် အပင်ပန်းခံ၍ ငွေကြေးစီးပွား ရှာလိုသူများ မဟုတ်ဘဲ ရည်မှန်းချက် တစ်စုံတစ်ရာ အတွက်သော်လည်းကောင်း၊ အများကို ကူညီပေးကမ်း ထောက်ပံ့လိုခြင်းကြောင့် သော်လည်းကောင်းငွေ ကြေးပြည့်စုံနိုင်ရန် အားထုတ်မှု ရှိကောင်းရှိမည်။
မိမိ၏ မွေးရာပါ နာမ်ပိုင်းဆိုင်ရာ မြင့်မားသော ပါရမီ အရည်အချင်းကို အသုံးချပြီး စီးပွားရှာလိုစိတ် နည်းပါးမည်။ ရှေ့ဖြစ်ကို ကြိုတင်မြင်မက်ခြင်း၊ ရှေ့ဖြစ် အတတ်ဟောနိုင်ခြင်း၊ ပင်ကိုပါရမီကို အမှီပြု၍ ကိုယ်ကျိုး ဖြစ်ထွန်းအောင် ဆောင်ရွက်ပါက အောင်မြင်မည်။
ဈေးကွက်ဂျာနယ် zaygwet.com
0 comments :
Post a Comment