လက်နက်ကိုင်အဖွဲ့တခုဖြစ်တဲ့ ရခိုင်ပြည်လွတ်မြောက်ရေးပါတီ (ALP)ရဲ့ ပထမဆုံး ဆက်ဆံရေးရုံးကို ဒီကနေ့ နံနက် ၉ နာရီမှာ ကျောက်တော်မြို့ ၊ မြို့သစ်ရပ်ကွက်မှာ ဖွင့်ပါတယ်။ဖွင့်ပွဲကို ငြိမ်းချမ်းရေး အဖွဲ့ရဲ့ အဖွဲ့ ခေါင်းဆောင်လည်းဖြစ် နယ်စပ်ရေးရာ ဝန်ကြီးလည်းဖြစ်တဲ့ ဗိုလ်မှူးကြီး ထိန်လင်း၊ ရခိုင်ပြည် လွတ်မြောက်ရေး ပါတီ ငြိမ်းချမ်းရေး ဖေါ်ဆောင်ရေး အဖွဲ့ အတွင်းရေးမှူး ဒေါ်စောမြရာဇာလင်း၊ ရခိုင်ပြည်နယ် ဥပဒေချုပ် ဦးလှသိန်းတို့က ဖွင့်လှစ်ပေးခဲ့ကြပါတယ်။
ပုဒ်မ ၁၄၄ ည မထွက်ရ ဥပဒေကြောင့် ရုံးဖွင့်ပွဲကို ကျော်တော်နဲ့ မြောက်ဦး မြို့နယ် အတွင်းက RNDP နဲ့ ALD ခေါင်းဆောင်များ အပါအဝင် လူတရာ ကိုသာ ဖိတ်ကြား ခဲ့သော်လည်း ပြည်သူတထောင်ကျော် တက်ရောက်ခဲ့ကြပါတယ်။~
0 comments :
Post a Comment