ကျွန်မသည် ခင်ပွန်းဖြစ်သူ ဦးနေလင်းနှင့် အတူ ဇေယျာသီရိမြို့နယ်၊ ဘောဂသီရိ ယာဉ်ရပ်နားစခန်း အတွင်းရှိ ဆိုင်ခန်းအမှတ် စ/၂၃ တွင် သံစဉ်လှိုင်းအမည်ဖြင့် စားသောက်ဆိုင်လုပ်ငန်း လုပ်ကိုင်ခဲ့သည်မှာ (၄) နှစ်ခန့် ရှိပြီ ဖြစ်ပါသည်။
စားသောက်ဆိုင်လှုပ်ငန်းအတွက် လိုင်စင်ကို နေပြည်တော်စည်ပင်သာယာရေးကော်မတီက တရားဝင် လိုင်စင်ချမှတ်၍ ခွင့်ပြုထားပြီးဖြစ်ပါသည်။
ခင်ပွန်းဖြစ်သူမှာ အဆိုပါဘောဂသီရိကားဝင်းအတွင်းတွင် ကားပြင်လုပ်ငန်းဝပ်ရှော့ ဖွင့်လှစ်ထားပါသည်။ ထိုသို့ လုပ်ငန်းလုပ်ကိုင်နေလျက်မှ လုပ်ငန်းကို တိုးချဲ့ခဲ့ရာ ငွေကြေးအကျပ်အတည်း ဖြစ်ခဲ့ပါသည်။
အမှတ် (၁၆၂)၊ ဟံသာဝတီလမ်း၊ ဆင်ဖြူရှင်ရပ်ကွက်၊ ပုဗ္ဗသီရိမြို့နယ်နေ ယခင် ထောက်ပံ့ ပို့ဆောင်ရေးတပ်တွင် လုပ်ကိုင်ခဲ့ဖူးသော ဗိုလ်မှူး (ဟောင်း) အောင်မြတ်ခိုင်က ကျွန်မတို့ဆိုင်သို့ ၀င်ထွက်သွားလာပြီး ၄င်းဌာနမှ ယာဉ်များကို ပြင်ဆင်ရင်းမှ ခင်မင်ရင်းနှီးခဲ့ပါသည်။
ကျွန်မတို့ ငွေကြေးအကျပ်အတည်းဖြစ်၍ ၄င်းအား ဖွင့်ဟတိုင်ပင်ရာမှ ဗိုလ်မှူး (ဟောင်း) အောင်မြတ်ခိုင်က ၄င်းထံတွင် ငွေပိုများရှိနေကြောင်း၊ ၄င်းအတိုးစားလို၍ ၄င်းထံမှ ငွေချေးရန် ၁၀၀ ကျပ်လျှင် ၂၀% အတိုးဖြင့် ငွေချေးမည်ဟု ပြောခဲ့ပါသည်။
(၂၀၀၈) ခုနှစ်၊ သြဂုတ်လမှစ၍ သိန်း (၅၀) စတင် ချေးယူခဲ့ပါသည်။ အတိုးအတွက် (၂၀၀၈) ခုနှစ်၊ စက်တင်ဘာလ ခန့်မှ စတင် (၁) လလျှင် (၁၀) သိန်း ပေးသွင်းခဲ့ရပါသည်။ ထိုသို့ အတိုးများပေးသွင်းနေရာ မှ တစ်ခါတစ်ရံ ငွေမလည် အတိုးမပေးသွင်းနိုင်သည့်အကြိမ်များ ရှိခဲ့ပါသည်။
ထိုသို့ မပေးသွင်းနိုင်ခဲ့လျှင် အတိုးကို အရင်းနှင့် ထည့်ပေါင်းခဲ့ပါသည်။ မပေးနိုင်သည့်အကြိမ် များလာရာမှ အတိုးအရင်းပေါင်း သိန်း (၁၈၀) ဖြစ်သွားသည်ဟု ပြောခဲ့ပါသည်။
ထို့နောက် ၄င်းက ငွေများနေ၍ ယုံကြည်စိတ်ချမှုရှိစေရန် အာမခံအဖြစ် ဆိုင်အရောင်းအ၀ယ်ပြု လုပ်ကြောင်း ဟန်ဆောင် စာချုပ် ချုပ်ထားပေးရန် ပြောပါသည်။
ကျွန်မက စာချုပ်ချုပ်ပေးလျှင် ထိုစာချုပ်ဖြင့် အကျပ်ကိုင်မည်စိုး၍ ချက်ချင်း ချုပ်မပေးခဲ့ပါ။
၎င်းက မကြာ ခဏ ငွေတောင်းနေပြီး ကျွန်မမှာလည်း ငွေမပြေလည်၍ နောက်ဆုံးတွင် ၄င်း ဗိုလ်မှူး (ဟောင်း)အောင်မြတ်ခိုင် တောင်းဆိုသည့်အတိုင်း (၁.၁၁.၂၀၁၁) တွင် နှစ်ဦးသဘောတူ စာရွက် (၂) ရွက်ပါ စာချုပ်အလွတ်တွင် လက်မှတ်ရေးထိုးပေးခဲ့ပါသည်။
ကျွန်မအမည်ပေါက် ဆိုင်ခန်းပိုင်ဆိုင်မှု စာအုပ်ကိုလည်း ၄င်း၏ဇနီးအားပြသရန် ခဏပေးပါဟုပြောဆို၍ ယူသွားပြီး ကျွန်မ အကြိမ်ကြိမ်ပြန်လည် တောင်းဆိုခဲ့သော်လည်း ယနေ့အထိ ပြန်လည်ပေးအပ်ခဲ့ခြင်း မရှိပါ။
ယခုအခါ ဗိုလ်မှူး (ဟောင်း) အောင်မြတ်ခိုင်သည် အဆိုပါ ဟန်ဆောင်စာချုပ်ကို အသုံးပြု၍ ကျွန်မတို့ ဆိုင်ခန်းကို ၀ယ်ယူထားသည်ဟုဆိုကာ ဆိုင်ခန်းလက်ရှိ တစ်ကြိမ်မျှမရှိခဲ့ဘဲ ကျွန်မလက်ရှိဆိုင်ခန်းသို့ မတရား ၀င်ရောက်ကျူးကျော်နေထိုင်စေရန် ညွှန်ကြားစီစဉ်ခဲ့သဖြင့် ကျော်ဝေလျှံ နှင့် ၀င်းစန္ဒာတို့ လင်မယားနှစ်ဦးသည် (၁၃.၁၁.၂၀၁၂) ရက်နေ့မှစ၍ ကျွန်မ၏ဆိုင်အတွင်းသို့ ကျူးကျော် ၀င်ရောက် နေ ထိုင်ခဲ့ပါသည်။
ကျွန်မတို့အားလည်း ကျော်ဝေလျှံက မီးဖိုချောင်သုံးဓားကို ခါးကြားတွင်ထိုး၍ ခြိမ်းခြောက်ဆဲဆိုခဲ့ပါသည်။ အိမ်သာတံခါး၊ အခန်းတံခါး၊ ဆိုင်အ၀င်ဝတံခါးများအားလည်း ခြေထောက်ဖြင့် ကန်ကျောက်၍ ဆဲဆိုပါသည်။
ဗိုလ်မှူး (ဟောင်း) အောင်မြတ်ခိုင်က (၁၃.၁၁.၂၀၁၂) ရက်နေ့ ညနေ ၃း၃၀ အချိန်တွင် ကျွန်မဆိုင်သို့ (ဇ-၂၅၀၂) နှင့် (ဗ-၇၂၀၁) စစ်ကား (၂) စီးတွင် စစ်သား (၁၅) ယောက်ခန့်နှင့် အရပ်သား (၁၀) ယောက်ခန့် တင်ဆောင်၍ ရောက်ရှိလာခဲ့ပြီး ကျွန်မဆိုင်မှ ပစ္စည်းများအား အတင်းအဓမ္မ ဆွဲချခဲ့ပါသည်။
ထိုသို့ဆွဲချသည့်အပြင် ကျွန်မတို့လင်မယားအားလည်း နင်တို့လင်မယား အပြင်ထွက်ရဲရင် ထွက်ကြည့် သတ်ပစ်မယ် ဟု ခြိမ်းခြောက်ခဲ့ပါသည်။
ကျွန်မမှ ပျဉ်းမနားရဲစခန်းသို့ ဖုန်းဖြင့်အကြောင်းကြားခဲ့ပါသည်။ ကားဝန်းရှိ ရဲကင်းမှ တပ်ကြပ်ကြီးတစ်ဦး လာရောက်ကြည့်ရှုပေးခဲ့ပါသည်။
0 comments :
Post a Comment