"ကျိန်းသေတဲ့ အချက်ကတော့ ကိုရင့် အမျိုးထဲမှာ သူခိုးတစ်ယောက်တော့ ရှိနေနိုင်တယ်ကိုရင်၊ အင်းလေ အပြစ်လို့လည်း မဆိုသာပြန်ပါဘူး၊ စစ်ဝါဒစနစ်ဆိုးကြီးက ဗမာတပြည်လုံးကို သူခိုးစာရင်းဝင်အောင် လုပ်ပစ်ခဲ့ပေသကိုး"
- (သရုပ်ဖော်ပုံ - စည်သူလင်း)
ဒီသရောစာကို ဧရာဝတီမြန်မာပိုင်းစာမျက်နှာ http://burma.irrawaddy.org/satire/2014/09/03/64083.html ကနေ ကူးယူ ဖော်ပြပါတယ်။
သူခိုးလို့ စကားစလိုက်တော့ ကိုရင့်မျက်နှာကြည့်ရတာ သိပ်စိတ်မဝင်စားတဲ့ပုံပဲ၊ မပျင်းစေရဘူး ဆိုတာ ကျုပ်တာဝန်ယူပါတယ်ကိုရင်။
ကဲ... ကြာပါတယ်လေ။သူခိုးအကြောင်း ဟာသပုံပြင်လေးတပုဒ်နဲ့ စလိုက်ကြစို့ရဲ့။
တစ်ခါတုန်းက ရွာတရွာမှာ အပျိုကြီးတစ်ယောက်ရှိသတဲ့ဗျ၊ သူ့ခမျာ မိန်းမသားပီပီ၊ အချိန်တန် အရွယ်ရောက် လူလားမြောက်ချိန်မှာ သီးချိန်တန်သီး ပွင့်ချိန်တန်ပွင့်ချင် ရှာပေမယ့် ရုပ်ဆင်းအဂါင်္ မလှရှာတော့၊ အိမ်ထောင်ဖက် မတွေ့နိုင်ဘဲ တစ်ကိုယ်တည်း အပျိုကြီးဖြစ်ရရှာတာတဲ့ဗျာ။
မိဘဆွေမျိုးညာတကာတွေလည်း မရှိရှာတော့တဲ့အချိန်၊ အသက်ကလည်း လေးဆယ်ကျော်ဖြစ်လာတော့ တစ်အိမ်လုံးမှာ တစ်ယောက်တည်း အထီးကျန်ဘဝနဲ့နေရင်း၊ အိမ်ထောင်ကျနိုင်မယ့် အခွင့်အလမ်းကို ဇွတ်ကြံဆနေရသတဲ့ကိုရင်။
ဒီလိုနဲ့တစ်နေ့ အဲဒီအပျိုကြီးအိမ်ကို ညကြီးအချိန်မတော် သူခိုးတစ်ယောက်ဝင်ခိုးတော့၊ ကံဆိုးတဲ့ သူခိုး ခင်မျာ၊ အပျိုကြီးရဲ့လက်ရဖမ်းဆီးခြင်းကိုခံရပါလေရော။
သူခိုးလူမိပြီ ဆိုမှတော့ မျက်နှာငယ်လေးနဲ့၊ပြန်လွှတ်ပေးဖို့ တောင်းပန်ရတာပေါ့၊ ဒီမှာတင် အပျိုကြီးဟာ “နင် လူပျိုလား” လို့ သူခိုးကို မေးသတဲ့ဗျ။
“လူပျိုပါ”လို့လည်း သူခိုးကဖြေလိုက်ရော၊အပျိုကြီးဟာ “ဒီတစ်ခါတော့ ဟန်ကျပြီဟဲ့” ဆိုတဲ့အတွေးနဲ့..၊ “ဒါဆိုနင် ငါ့ကို လက်ထပ်ယူမလား၊ ယူမယ်ဆိုရင် ငါလွှတ်ပေးမယ်။ မယူဘူး ဆိုလို့ကတော့ သူကြီးအိမ် အပို့ပဲ” တဲ့။
အကဲခတ်ရသလောက် ဒီသူခိုးဟာ၊ ရွာထဲက သူခိုးမဟုတ်ဘဲ၊ ရွာကျော်ပြီးလာခိုးတဲ့ သူခိုးထင်ပါရဲ့။
အဲဒီ အပျိုကြီးကို မမြင်ဖူးရှာတဲ့အပြင်၊ သူ့ လူပျိုဘဝကို စတေးရတော့မယ့်အချိန်မို့..၊ “အမကြီးရယ်၊ မီးခြစ် ကလေးတချက်လောက်ခြစ်ပါလားဗျာ”လို့ တောင်းဆိုလိုက်တော့ အပျိုကြီးလည်း သူခိုးရဲ့လက်ကို ဂျိုင်းကြားမှာ ခပ်တင်းတင်း ညှပ်ထားရင်း ကျန်တဲ့သူ့လက်တစ်ဖက်နဲ့ ခါးကြားက မီးခြစ်ကို ချပ်ကနဲခြစ်လိုက်ရောပေါ့ ကိုရင်ရယ်။
အရေးထဲ မီးခြစ်က မသုံးတာကြာလို့ထင်ပါရဲ့၊ ဖျတ်ခနဲ တချက်သာ လင်းပြီး ဟုတ်ဆိုပြန်ငြိမ်းသွားပါလေရော၊ အပျိုကြီးကတော့ မီးခြစ်ကို ချပ်၊ချပ်၊ချပ်နဲ့ ကြိုးစားပမ်းစား ထပ်ခြစ်ရှာပါတယ်။
ဒါပေမဲ့ သူခိုးအတွက်ကတော့၊ ဖျတ်ကနဲ တစ်ချက်လင်းလိုက်တဲ့ အလင်းရောင်နဲ့တင် ဆုံးဖြတ်ချက်ချနိုင်သွားတယ် ထင်ပါရဲ့၊ “အမကြီးရယ်။သူကြီးအိမ်သာ ပို့ပါတော့”.. ဆိုပဲ။
သူခိုးအကြောင်းတွေပြောမယ်ဆိုရင် ရယ်စရာချည်းတော့ မဟုတ်ပေဘူး ကိုရင်၊ တရားသံဝေဂရထိုက်တဲ့ သူခိုး သုတ္တန်တောင်ရှိသေးသဗျာ၊ ဘာတဲ့...
ရာမာခရှစ်ရှနာဆိုလား၊ အိန္ဒိယသူတော်စင် တစ်ပါး ဟောခဲ့ဖူးတာပေါ့။
တခါတုန်းက သူခိုးတစ်ယောက်ဟာ နန်းတော်ထဲကအဖိုးတန် ပစ္စည်းတွေ အလစ်သုတ်မဟဲ့ ဆိုပြီး၊ နန်းတော် ထဲကို သက်စွန့်ဆံဖျား ခိုးဝင်သွားလိုက်တာ မထင်မှတ်ဘဲ ဘုရင့်အိပ်ဆောင်တော်ကိုရောက်သွားသတဲ့။
ဒီသူခိုးကြည့်ရတာ နာရီ ဝယ်မပတ်နိုင်လို့များလား မဆိုနိုင်ဘူး၊ သူရောက်သွားတဲ့အချိန်မှာ ဘုရင်ကြီးက မအိပ်သေးဘဲ မိဖုရားကြီးနဲ့နှစ်ကိုယ်ကြား ကိစ္စတစ်ခုကိုတိုင်ပင်နေတော့ သူခိုးလည်း တိတ်တိတ် လေး ခိုးနားထောင်နေလိုက်ရောပေါ့။
လက်စသတ်တော့ ဘုရင်ကြီးဟာ နောက်တစ်နေ့မနက် မိုးသောက်ရင်၊ သူ့ရဲ့ရှုမငြီးတဲ့ သမီးတော်အတွက် ဂဂါင်္မြစ်ကမ်းမှာရှိတဲ့ သူတော်စင်တွေထဲက တပါးပါးကို လက်ဆက်ပေးပြီး ထီးနန်းစည်းစိမ်ကိုပါ လွှဲပေးဖို့ စီစဉ်နေသကိုး။
ဒီမှာတင် သူခိုးလည်း အကွက်ကောင်းတော့ဆိုက်ပြီဟဆိုပြီး နန်းတော်ထဲက ဘာပစ္စည်းမှ ခိုးမနေတော့ပဲ၊ ဂဂါင်္မြစ်ကမ်းမှာ နဖူးပြာသုတ်ပြီး သူတော်စင်ယောင်ဆောင်လိုက်ရောပေါ့ ကိုရင်ရယ်။
နံနက်မိုးသောက်တော့ ဘုရင်ကြီးဟာ သူ့အစီအစဉ်အတိုင်း ဂဂါင်္မြစ်ကမ်းကို ရောက်လာ၊ သူတော်စင်တွေကို တပါးချင်း၊ သူ့သမီးကို ယူဖို့ တောင်းပန်၊ သူတော်စင်အစစ်တွေကငြင်း၊ နောက်ဆုံး အယောင်ဆောင်သူတော်စင် သူခိုး အလှည့်ကျတော့ အကြံသမားငတိက တုံဏိဘာ ဝေဆိတ်ဆိတ်နေလိုက်တော့၊ ဘုရင်ကြီးလည်း ဝမ်းသာလုံး ဆို့ပြီး၊ နောက်တစ်နေ့မှာ ကြီးကျယ်တဲ့အခန်းအနားနဲ့ မင်းကရာဇ်စည်းစိမ်ကို ခံစားဖို့ လာရောက်ပင့် ဆောင်မဲ့အကြောင်း လျှောက်တင်ပြီး နန်းတော်ပြန်သွားကြတော့၊ သူခိုးခမျာ တစ်ညလုံး စဉ်စားခန်းဝင် အတွေးနယ်ချဲ့ လိုက်မိတာ တစ်မှေးမှ အိပ်မပျော်ဘူး တဲ့။
အော် ... တစ်ညတာ သူတော်ကောင်း ယောင်ဆောင်တာတောင် ထီးနန်းစည်းစိမ်ကိုရတဲ့ အဖြစ်ပါကလား၊ တသက်လုံးများ သူတော်ကောင်းဖြစ်ခဲ့ရင် သံသရာမှာ ဘယ်လောက်များ အကျိုးထူးလိုက်ပါမလဲ၊ စသည်ဖြင့် ပေါ့ ကိုရင်။
နောက်တစ်နေ့လည်း ရောက်ရော ဘုရင်ကြီးဟာသူ့သမီးတော်ရဲ့ သူ့ကြင်ယာတော်လောင်းလျာ သူခိုးကို နန်းတော်ကြီးဆီပင့်ခေါ်ဖို့၊ ဆင်တွေမြင်းတွေခြံရံပြီး ဝေါယာဉ်နဲ့ ရောက်လာတော့တာပေါ့။
ဒီတော့ သူခိုးဟာ .. “ မင်းကြီး... ငါသည် မနေ့ကအထိ အတုဖြစ်ခဲ့ချေသည်” ယခုမူ အစစ်ဖြစ်ခဲ့ပြီမို့၊ ထီးနန်း စည်းစိမ်ကို မမက်တော့ပြီဆိုပြီး သံဝေဂတရားဟော ပြန်လွှတ်လိုက်ရော ဆိုပါတော့ ကိုရင်။
သံဝေဂရစရာသူခိုးဇာတ်လမ်းပြီးတော့ သူခိုးတစ်ယောက်ရဲ့ ဖွင့်ဟဝန်ခံချက်လေးလည်း ပြောပြချင်သေးတယ်မောင်။
အဲဒီသူခိုးကတော့ ကျုပ် ကိုယ်တိုင်ပါပဲ၊ သိပ်လည်း အံ့သြမသွားပါလေနဲ့ ကိုရင်၊ ကျုပ် ကိုယ်တိုင်လည်း သူခိုးဖြစ်ဖူးခဲ့တာအမှန်ပဲ။
ပြောရမှာ ရှက်စရာဆိုပေမဲ့ ဒီကိစ္စကို ဖွင့်ပြောလိုက်ရင် စိတ်သက်သာရာတစ်ခုခု ရမယ် ထင်ပါရဲ့။
ဒီလို ကိုရင်ရဲ့... ကျုပ် ဆယ်နှစ်သားလောက်တုန်း ကပေါ့၊ လေးတန်းကျောင်းသားဘဝ၊ စာကိုဂျောင်းဂျောင်း ပြေးဖတ်တတ်နေပြီမို့၊ ကျောင်းစာပြင်ပက ဝတ္ထု၊ ကာတွန်း၊ မဂ္ဂဇင်း တွေတောင် ဖတ်တတ်နေပြီဆိုပါတော့။
ကလေးဘဝရတဲ့ဖုန့်ဘိုးနဲ့ စာအုပ်ဝယ်ဖတ်ဖို့ ဘယ်မှာလာ လုံလောက်ပါ့မတုန်း၊ စာအုပ်အငှားဆိုင်က ငှား ဖတ်ရတာပေါ့။
စာအုပ်တွေကို ဝါးစားသလိုဖတ်တော့ ငှားခနဲ့လည်း မလုံလောက်ပြန်ဘူး ဆိုပါတော့၊ ဒီကြားထဲ ကာတွန်း ဗကလေးရဲ့ ရွှင်ပြုံး စာစောင်ထဲက ကာတွန်းတွေ စုထုတ်တဲ့ စာအုပ်တစ်အုပ်ကို ကျုပ် လွှတ်သဘောကျ နေတဲ့ အချိန်ပေါ့။
အဲဒီစာအုပ်က နှစ်ကျပ်ခွဲ တန်တယ်ကိုရင်၊ စာအုပ်လိုချင် စိတ်ငယ်ထိပ်ရောက်နေတဲ့ ကျုပ်လည်းနှစ်ကျပ်ခွဲ တန် စာအုပ်တစ်အုပ် ခိုးတာလောက်တော့ မထူးပါဘူးလေ ဆိုပြီး၊ ငှားနေကျ စာအုပ်ဆိုင်မှာ စာအုပ်ရွေးနေရင်း အဲဒီစာအုပ်ကို ကျုပ် ခိုးခဲ့ပါလေရော။
ဆိုင်ရှင်ကတော့ ကျုပ်ဟာသူခိုးမဟုတ်လောက်ပါဘူး ဆိုပြီး စိတ်ချ နေဟန်တူပါရဲ့၊ ကျုပ်ခိုးလာတာသူမသိ လိုက်ရှာဘူး။
ဒါပေမဲ့ဗျာ တစ်ကိုယ်လုံး နတ်ပူးသလိုလိုတုန်နေတဲ့ကျုပ်ဟာ အဲဒီစာအုပ်ကို ခါးကြား မှာညှပ်ပြီး အိမ်ကိုပြန်ခဲ့တဲ့နေ့က စပြီး နှစ်ပေါင်း များစွာ ကြာတဲ့အထိ “ငါဟာ သူခိုး၊ ငါဟာ သူခိုး”ဆိုတဲ့ ဥပဒါန်ကြီးက စွဲနေပါလေ ရောဗျာ။
အိမ်ကပိုက်ဆံတို့၊ အချိန်မတော်သူများ ခြံထဲက အုန်းသီး တက်ခိုးတာတို့လည်း ကျုပ် လုပ်ခဲ့ဖူးပါတယ်။
ခံစားချက်ချင်းက မတူရေးချ မတူဘူး ကိုရင်၊ အပျော် သဘော ဘာလောဘမှ မပါဘဲ၊ ခိုးခဲ့တဲ့ကိစ္စက ဘာမှ ထူးထူးခြားခြား မသိသာပေမဲ့၊ ရည်ရွယ်ချက်ရှိရှိ၊ မက်မောစိတ်နဲ့ ခိုးခဲ့တဲ့ကိစ္စကျတော့ စိတ်ထဲမှာ သံမှို့နဲ့စွဲ သလို စွဲနေလေရဲ့။
ဘုရားရှိခိုးတဲ့အခါ အဒိန္နဒါနာ ဝေရာမဏိ နေရာမှာ၊ နှစ်ကျပ်ခွဲတန်ကာတွန်း စာအုပ်ကခေါင်းထဲ ရောက် ရောက်လာတတ်သကိုး။
စာအုပ်တစ်အုပ် ရတာနဲ့၊ နှစ်ပေါင်းရှည်ကြာ ခံစားပေးဆပ်ရတာ မတန်လွန်းလို့၊ ကျုပ်ဖြင့်လက်ရှိ အချိန်မှာ တယောက်ယောက်နဲ့၊ အပြန်အ လှန် ငွေခန်းပစ္စည်းခန်း ဆက်ဆံရတဲ့အခါ ကျုပ်လက်ထဲ အပိုပါလာရင်၊ချက်ခြင်း ပြန်ပေးပစ်လိုက်တာပါပဲ။
တစ်ခါသေဖူး၊ပြင်ဖို့နားလည် သွားခဲ့တယ် ဆိုပါစို့မောင်။
သူခိုးဇာတ်လမ်းတွေကတော့ပြောလို့မကုန်နိုင်ပါဘူး၊ ဘုရားလောင်းတောင်တစ်ခုသော ဘဝမှာ ခိုးမှူးကြီးဖြစ်ခဲ့ဖူး ဆိုလား။
တထောင့်တညပုံပြင်ထဲမှာလည်း သူခိုးကို ဇာတ်လိုက်ထားတဲ့ပုံပြင်တွေလည်း အများသားကလား၊ ကိုရင်မှာလည်း အိမ်ထောင်ရှိမယ် ထင်ပါတယ်။
တချို့ ကျမ်းဂန်တွေမှာ မိမိဇနီးမယားဟာ ခိုးသူနဲ့တူသောမယား ဖြစ်နေတတ်သတဲ့၊ ဒါလည်း သတိထားအုံး ကိုရင်။
အမယ်သူခိုးဆိုတာ ပုဂ္ဂလိက ပိုင်ဆိုင်မှုကို တကိုယ်တော် ဆန့်ကျင်တိုက်ဖျက်နေတဲ့သူ ဘာညာ ဆိုပြီး၊ သူခိုးဖြစ်အောင် မြှောက်ထိုးပင့်ကော် လုပ်ပေးနေတဲ့ တလွဲဆံပင် ကောင်းနေသူတွေလည်း ရှိသေးဗျာ။
အမယ် သူခိုးတွေမှာလည်း သူခိုးစည်းကမ်း ရှိသေးသတဲ့၊ အရှေ့ခုနစ်အိမ်၊ အနောက်ခုနစ်အိမ် မခိုးရတာတို့၊ပ စ္စည်းခိုးတဲ့အခါ လူကိုရန်မမူရ တာတို့ ဘာတို့ပေါ့ ကိုရင်။
သူခိုးကြီးတော့ ဓားပြတဲ့ကိုရင်ရဲ့၊ ဓားပြကတော့ ပစ္စည်းလည်း ယူသေး၊တခါတလေလူကိုလည်း ရန်မူတတ်သေးဆိုတော့ ဓားပြကသူခိုးထက် ပိုဆိုးတယ် ဆိုရမယ်။
ကျုပ်ကြားဖူးတာက တချို့လူတွေဟာ မွေးကတည်းက စောရနက္ခတ်နဲ့ယှဉ်ပြီး၊ မွေးလာကြတယ်ဆိုပဲ။
ကျုပ်သူငယ်ချင်းတစ်ယောက်ကတော့ ဘာရယ်မဟုတ်၊ သူငယ်ချင်းတွေရဲ့ ဖိနပ်တွေကို အလစ်မှာ ယူယူ ပြီးဖွက်ထားတတ်လေရဲ့၊ ကျုပ်ဖြင့် ဒီလူဟာ စောရနက္ခတ်နဲ့မွေးလာတာများလား တွေးမိတဲ့အထိပဲ။
ရန်သူမျိုးငါးပါးစာရင်းမှာတောင် သူခိုးက ပါနေသေးဗျာ၊ ကြည့်လေ... ရေ၊ မီး၊ မင်း၊ ခိုးသူ၊ မချစ်မနှစ်သက်သောသူ တဲ့၊ ကျုပ်ကပဲ အတွေးခေါင် လေရော့ သလား မဆိုနိုင်ဘူး။
ရန်သူမျိုးငါးပါးစာရင်းမှာ မင်းနဲ့ခိုးသူကို ကပ်လျက်တွဲထည့်တာ အံ့သြစရာတော့ အကောင်းသားကလား။
ကိုရင် စဉ်းစားကြည့်လေ၊ ကလေကချေ သူခိုးကလည်း အကြံအဖန်ကောင်းရင် “မင်း”ဖြစ်သွားနိုင်တယ်၊ ရာဇာ ဆိုတဲ့ “မင်း” ကလည်း၊ မင်းကျင့်တရားနဲ့ မညီရင် အချိန်မရွေး သူခိုးဖြစ်သွားနိုင်တာကို ဆိုလိုချင်တယ်ထင်ပါရဲ့။
အံမယ်လေး၊ ကျုပ်တို့ ဗမာပြည်မှာတော့ သူခိုးကနေ အစိုးရမင်းတွေဖြစ်ကုန်တာ မဆန်းလှဘူး ကိုရင်ရေ။
နားဝေးချက် ကိုရင်ရယ်၊ မဲခိုးပြီး အမတ်တွေ၊ ဝန်ကြီးတွေဖြစ်သွားတဲ့သူတွေဟာ အဲဒီစာရင်းဝင်တွေပဲပေါ့။
သူခိုးကနေ ဝန်မင်းတွေ အမတ်တွေဖြစ်လာမှတော့ ဒီလူတွေ သူခိုးစာရင်း ဆက်ဝင်ကုန်ကြတာ သေချာ တွေးကြည့်ရင် သဘာဝတော့ အကျသားမောင်။
ဒီတော့ ရှေးပညာရှိများဟာ ရန်သူမျိုးငါးပါး စာရင်းမှာ မင်းနဲ့သူခိုးကို တဆက်တည်း ထည့်ထားတာဟာ ဒီခေတ် ဗမာပြည်အစိုးရမင်းတွေရဲ့ရှေ့ဖြစ်ကိုကြိုဟော ထားတာများ ဖြစ်နေလေရော့ သလားလို့။
ခက်ပါဘိ ကိုရင်ရယ်၊ သက်သေသက္ကာယ ခိုင်ခိုင်မာမာ မရှိဘဲ၊ ကျုပ်ဘယ်ပြောရဲပါ့မတုန်းမောင်။
ဗမာပြည်ရဲ့ မင်းစိုးရာဇာစာရင်းဝင် သမ္မတ၊ ဝန်ကြီး၊ဝန်လေး၊ ဗိုလ်ချုပ်ကြီး၊ ဗိုလ်ချုပ်လေး၊ ညွန်ချုပ်ကြီး၊ ညွန်ချုပ်ကလေးတွေရဲ့ လက်ရှိပိုင်ဆိုင်မှု ဓနဥစ္စာတွေကို ကာလပေါက် ဈေးနဲ့တွက်ကြည့်လေ။
ဒါတွေဟာ ဝန်ထမ်းလုပ်သက် တလျှောက် ရခဲ့တဲ့လစာငွေကြေးနဲ့ ဖြစ်နိုင်ပါ့မလား၊ ဒါကြောင့် ဒီမောင်တွေဟာ သူခိုးအဆင့်တော့ မကလောက်ဘူး၊ ခက်နေတာက ဘယ်သူခိုးမှ ခိုးတယ်လို့၊ ဝန်မခံတတ်ကြဘူး မောင်ရဲ့။
အင်း “တိုင်းပြည်ခေါင်းဆောင်”အကုန်လုံးတော့ သူခိုး မဟုတ်ပါဘူးကိုရင်ရယ်၊ ဥပမာ ဗိုလ်ချုပ်အောင်ဆန်း ကိုကြည့်၊ သူ့ခမျာ လူမသမာတွေလက်ချက်နဲ့၊ ကျဆုံးသွားရှာတော့ သူ့ နာမည်အမည်ပေါက် အိမ်တစ်လုံး မြေတကွက်တောင် မကျန်ခဲ့ရှာပါဘူး။
ရန်ကုန်၊ နတ်မောက်(တာဝါလိန်း)လမ်းက ဗိုလ်ချုပ်ပြတိုက်လုပ်ထားတဲ့အိမ်ကြီးဟာ သူပိုင် မဟုတ်ရှာဘူး ကိုရင်။
စစ်အတွင်းက လူမျိုးခြားသူဌေး တစ်ယောက်၊ စစ်ဘေးကြောင့် ပစ်ထားခဲ့တဲ့ အိမ်ပေါ်တက်နေတာကိုရင်။
ဒီအိမ်ကြီးကို ဗိုလ်ချုပ်ဟာ သူ့နာမည်၊ သူ့ဇနီးနာမည်နဲ့ အမည်ပေါက်အောင် မြေစာရင်းဦးစီးဌာနမှာ နာမည် ပြောင်း လျှောက်သွားခဲ့တယ်လို့လည်း မကြားမိဘူး။
ဟော... သူခိုးအကြောင်းပြောနေရင်းကနေ ချော်တောငေါ့သွားပြန်ပြီ၊ စကား လက်စသတ်ကြပါစို့ရဲ့။
သူခိုးဆိုမှတော့ ဘယ်သူခိုးမှ မကောင်းပါဘူးမောင်ရယ်၊ ဒါပေသည့် ကျုပ်စောစောကပြောခဲ့တဲ့ သူခိုးဇာတ်လမ်းတွေထဲကလို သူကြီးအိမ် အပို့ခံဝံ့တဲ့ သူခိုး၊ တရားသံဝေဂရတဲ့ သူခိုး၊ နောင်တရ နေတဲ့သူခိုးတွေ ဆိုရင်တော့ သူခိုးသိက္ခာ နည်းနည်းရှိသေးတယ် ဆိုရမယ်။
ဒီလိုမဟုတ်ဘဲ လူစိတ်ကင်းတဲ့သူခိုး၊ ကိုယ်ချင်း စာစိတ်မရှိတဲ့သူခိုး၊တိုင်းပြည်ဘဏ္ဍာကို ကိုယ်ပိုင်ဥစ္စာ၊ ကိုယ့် ဘိုး ဘွားအမွေမှတ်နေတဲ့၊ အမျိုးကောင်းသားသူခိုးတွေကတော့ သိက္ခာ တစ်ပြားသားမှ မရှိတဲ့ သူခိုးစာရင်း သွင်းသင့်တယ် မောင်ရဲ့။
စိတ်တော့မရှိနဲ့နော်၊ ကိုရင်က ဗမာပြည်မှာနေတယ်ဆိုတော့၊ စားဝတ်နေရေးအတွက် ဘာအလုပ်များ လုပ်သတုန်း၊ ကိုယ့်ကိုယ်ကိုယ် သေချာ ပြန်ဆန်းစစ်ရင် ကိုရင်တောင် သူခိုးစာရင်းဝင်ချင်ဝင်နေမှာ။
ကျိန်းသေတဲ့ အချက်ကတော့ ကိုရင့် အမျိုးထဲမှာ သူခိုးတစ်ယောက်တော့ ရှိနေနိုင်တယ်ကိုရင်၊ အင်းလေ အပြစ်လို့လည်း မဆိုသာပြန်ပါဘူး၊ စစ်ဝါဒစနစ်ဆိုးကြီးက ဗမာတပြည်လုံးကို သူခိုးစာရင်းဝင်အောင် လုပ်ပစ်ခဲ့ပေသကိုး။
ရင်လေးဖို့ကောင်းတာက.. သူခိုးမင်းဆက်ဟာ တော်တော်နဲ့ပြတ်မှာမဟုတ်သေးဘူး ဆိုတာပါပဲ။
အဆိုးဆုံးကတော့ အဲဒီခေါင်းပေါင်းစ တလူလူနဲ့ သူခိုးကြီးငယ် စာရင်းဝင်တွေဟာ ဒီမိုကရေစီခေတ်သစ်ကြီးဆီကို ချီတက်နေပါပြီ လို့ အသံကုန် အော်နေကြတာ၊ ဘယ်ဆွေမျိုး ပေါက်ဖော် အားကိုးနဲ့များပါလိမ့်။
အဟုတ်မှတ်ပြီး ယုံတဲ့သူတွေကလည်း ယုံကြတာပဲမောင်၊ ကျုပ်ဖြင့် ဘယ်လိုမှ နားမလည်နိုင်ပါဘူး ကိုရင်ရယ်၊ ပြောရတာ အာတောင်ခြောက်လာပြီ၊ နားကြအုံးစို့ရဲ့ကိုရင်။ ။
- မင်းဒင်
စာရေးသူသည် “မင်းဒင်ရဲ့ သက်ခိုင်” ဆိုသည့် ကိုယ်တွေ့ အဖြစ်အပျက်များ အခြေခံသော စာအုပ်ကို ရေးသားခဲ့သူ ဖြစ်ပြီး လက်ရှိတွင်လည်း ပြည်တွင်း မီဒီယာများတွင် ရေးသားနေသည်၊ ယခုအခါ ထိုင်းနိုင်ငံတွင် နေထိုင်လျက်ရှိသည်။
.
0 comments :
Post a Comment