မြန်မာပြည် အမျိုးသမီးများကို အရည်အချင်းနဲ့ အင်အား ဖြည့်တင်းပေးဖို့အတွက် နည်းပညာက အင်မတန် အရေးကြီးပါတယ်။ ဒီအကြောင်းနဲ့ ပတ်သက်တဲ့ သတင်းထုတ်ပြန်ချက်တခုကို ဖော်ပြပေးလိုက်ပါတယ်။
- ဒေါက်တာ နုမြတ်သိဂီ င်္ဦး နှင့် Ooredoo မြန်မာ ၏ IdeaBox မှ မြတ်နှင်းဖြူ (ခေါ်) Monica.
ယနေ့သတင်းထုတ်ပြန်ချက်
၂၀၁၄ အောက်တိုဘာလ ၂၇
Ooredoo မြန်မာ ၏ ညီလာခံက တိုင်းပြည်တွင်းတွင် ရှိသော အမျိုးသမီးများကို နည်းပညာ နှင့် ဆက်သွယ်ပေး
မြန်မာပြည်ရှိ အမျိုးသမီးများကို ပိုမို အင်အားဖြည့် ရန် နည်းပညာ နှင့် တီထွင်မှုများသည် အဓိက အရေးပါသော အခန်းကဏ္ဍများ ဖြစ်
မြန်မာပြည်၏ နည်းပညာ ကဏ္ဍတွင် အမျိုးသမီးများ ပါဝင်လာ နိုင်စေရန် “Geek Girls Myanmar” ခေါ် “နည်းပညာတွင် တမူထူးခြား ကျွမ်းကျင်သော မြန်မာပြည်မှ မိန်းကလေးများ ” အဖွဲ့ကို စတင်မိတ်ဆက်ပြီ။
ရန်ကုန်၊ မြန်မာ။
အပြည်ပြည်ဆိုင်ရာ ဆက်သွယ်ရေး လုပ်ငန်းများ ၏ အသင်းအဖွဲ့ဖြစ်သော GSMA နှင့် ပူးပေါင်း၍ ရန်ကုန်မြို့တွင် Ooredoo မြန်မာ သည် မကြာသေးမီ က မြန်မာပြည် တွင် ပထမဆုံး အကြိမ်အနေနှင့် Connected Women ညီလာခံကို ကျင်းပခဲ့သည်။
ညီလာခံတွင် နယ်ပယ် အသီးသီးရှိ ကျွမ်းကျင်သူ အမျိုးသမီးများ သည် မြန်မာပြည် ၏ တိုးတက် ပြောင်းလဲ လာသော နည်းပညာက မြန်မာ့ အမျိုးသမီးထု၏ စွမ်းဆောင်ရည်ကို အသုံးဝင်သော နည်းလမ်းများ ဖြင့် အထောက်အကူပေး လျက် တိုင်းပြည်၏ တိုးတက်မှု အဟုန်ကို တပါတည်း မြှင့်တင်ပြီး ဆောင်ရွက်နိုင်သည်များကို ဆွေးနွေး ခဲ့ကြသည်။
![](http://3.bp.blogspot.com/-rlvL_FxXwzI/VE42M_l4QnI/AAAAAAAA2SY/g7cD2X_zZX0/s1600/476%2B%2B_efn.jpg)
- ကိုယ်ဝန်ဆောင် မိခင်လောင်းများ အတွက် maymay App သရုပ်ပြပုံ။
ကဏ္ဍအသီးသီးတွင် ကျွမ်းကျင်ပိုင်နိုင်သော ဟောပြောသူများသည် အားတက်သရော စိတ်ဝင်စားဖွယ် ဆွေးနွေးကြခြင်း ဖြင့် ညီလာခံကို ကျင်းပနိုင်ခဲ့သည်။
အလျင်အမြန် ပြောင်းလဲ တိုးတက်နေသော နည်းပညာ နှင့် မိုဘိုင်း ဆက်သွယ်ရေး နယ်ပယ်များတွင် မြန်မာပြည် အမျိုးသမီး ထုအနေနှင့် မည်ကဲ့သို့ ပါဝင် ပတ်သက်နိုင်သည်များကို လည်း ရှူထောင့်အမျိုးမျိုး မှ ဆွေးနွေးသွားကြသည်။
ကျန်းမာရေးကဏ္ဍ ၊ ပညာရေးကဏ္ဍ နှင့် စွန့်ဦးတည်ထောင်သူ စီးပွားရေးပညာရှင်များ ပေါ်ပေါက်ရေးတို့ကို ညီလာခံတွင် အသားပေး ဆွေးနွေးခဲ့ကြသည်။
တိုင်းပြည်၏ စီပွားရေး နှင့် လူမှုရေး တိုးတက်ပြောင်းလဲမှုများ ပေါ်ပေါက်လာရန် မြန်မာပြည်ရှိ အမျိုးသမီးထုကို မိုဘိုင်းဆက်သွယ်ရေး နည်းပညာက မည်သို့ စွမ်းဆောင်နိုင်ကြောင်းကို လည်း အထူးအလေးပေး ပြောကြားခဲ့ကြသည်။
မြန်မာနိုင်ငံရှိ ရန်ကုန်မြို့ အမေရိကန်ပြည်ထောင်စုသံရုံးမှ သံမှူးကြီး Virginia Murray က ၄င်း၏ အဖွင့်အမှာ စကားကို ညီလာခံ ၌ပြောကြားရာ “မြန်မာပြည်က လူနေမှုဘ၀တွေ ပိုမို တိုးတက်ပြောင်းလဲ လာဖို့ အတွက် မြန်မာပြည်မှာ ရှိနေတဲ့ အမျိုးသမီးထု တစ်ရပ်လုံးကို စွမ်းဆောင်ရည်တွေ မြှင့်တင်ဖို့ ကျွန်မတို့ တစိုက်မတ်မတ် ကျိုးပမ်းအားထုတ်ပြရမှာ ဖြစ်ပါတယ်။
နည်းပညာက ဒီလို တိုးတက်ပြောင်းလဲရေးတွေ ဆောင်ရွက်ရာမှာ အင်မတန် အရေးပါတယ် ဆိုတာ မှန်ပါတယ်။
ဒါပေမယ့် ကျွန်မတို့ အားလုံးလည်း အတူတူ တကွ လက်တွဲပြီး ညီညီညွှတ်ညွှတ် လုပ်ဆောင်သွားကြဖို့ လိုအပ်ပါလိမ့်မယ်။
ဒီလို လုပ်ဆောင်ကြ မယ်ဆိုတာကို အခုညီလာခံ ကို တက်ရောက်လာ ကြတဲ့ ဒေသခံ နှင့် အပြည်ပြည်ဆိုင်ရာ အရပ်ဖက် လူ့အဖွဲ့အစည်းများက ပုဂ္ဂိုလ်တွေ ကြည့်ခြင်း အားဖြင့် တွေ့နိုင်ပါတယ်။ ဒီလို လက်တွဲဆောင်ရွက်ခြင်းအားဖြင့် စီးပွားရေးနယ်ပယ် တစ်ခု ထဲတွင်မက ပဲ တိုင်းပြည်အတွင်းမှာ ရှိတဲ့ ကဏ္ဍအသီးသီး တိုးတက်ပြောင်းလဲမှုများဟာ ပိုမို သေချာ စိတ်ချရနိုင်ပါမယ်” ဟု ပြောကြားလိုက်ပါတယ်။
ညီလာခံတွင် GSMA အဖွဲ့အစည်းက ဦးဆောင်၍ အမျိုးသမီးများ နှင့် နည်းပညာ ခေါင်းစဉ်ဖြင့် မျက်နှာစုံညီ ဆွေးနွေးပွဲ အစီအစဉ် ကျင်းပနိုင်ခဲ့သည်။
ထို့်အပြင် မကြာသေးမီက ကျင်းပပြုလုပ်ခဲ့သော Ooredoo မြန်မာက ထောက်ပံ့ပေးခဲ့သည့် ဒုတိယအကြိမ်မြောက် Hackathon ပြိုင်ပွဲတွင် ပထမဆုကို ဆွတ်ခူး ရရှိခဲ့သော လူငယ်အမျိုးသမီး နည်းပညာ ကျွမ်းကျင်သူ များကလည်း ပြိုင်ပွဲတွင် ကြုံတွေ့ခဲ့သော ၄င်းတို့၏ အတွေ့အကြုံများကို ပြောကြားရင်း မြန်မာ့နည်းပညာနယ်ပယ်တွင် ငယ်ယူသူ အမျိုးသမီးများအနေနှင့် နည်းပညာကဏ္ဍများ ကို စိတ်ပါဝင်စားပြီး ပါဝင် ပတ်သက်လာနိုင်ရန် မည်သို့ အကြံပြု အားပေး နိုင်ကြောင်း ဆွေးနွေးတင်ပြခဲ့ကြသည်။
“ ကမ္ဘာအရပ်ရပ်က တယ်လီကွန် ဆက်သွယ်ရေးကဏ္ဍမှာ တာဝန်ထမ်းဆောင်နေကြတဲ့ အမျိုးသမီး ၀န်ထမ်းများ ရော မိုဘိုင်းဆက်သွယ်ရေး စနစ်ကြီးရဲ့ ၀န်ဆောင်မှုတွေကို သုံးစွဲသူ အမျိုးသမီးထု တစ်ရပ်လုံးအနေနဲ့ လူမှုရေး နဲ့ စီးပွားရေး အကျိုးထူးတွေ ရရှိလာဖို့ GSMA အဖွဲ့အစည်း ရဲ့ အမျိုးသမီး များကို ချိတ်ဆက်ပေးရေး အစီအစဉ်ဟာ လက်တွဲဖေါ်အဖွဲ့အစည်းတွေ နဲ့ ပူးပေါင်းရင်း အမျိုးသမီးများ ရဲ့ နည်းပညာပိုင်းဆိုင်ရာ စီးပွားဖြစ်ထွန်း ရေးကို အရှိန်မြှင့်တင်နေတာဖြစ်ပါတယ်။
နည်းပညာပိုင်းနဲ့ ပတ်သက်ရင် အမျိုးသမီးထုဟာ အသိနောက်ကျ သူများ ဖြစ်တတ်ပါတယ်။ ဒီအချက်ကို အခြေခံပြီး ညီလာခံမှာ အခြေခံ လူထုအတွင်းက အမျိုးသမီးများကို နည်းပညာက ဘယ်လို စွမ်းဆောင်ရည်တွေ မြှင့်တင်နိုင်တယ်ဆိုတာ စိတ်ဝင်စား တက်ကြွဖွယ်ရာ မျက်နှာစုံညီ ဆွေးနွေးခြင်းများလည်း ပြုလုပ်ခဲ့ကြပါတယ်။
နောင်များ မကြာမီ လများအတွင်းမှာ ဒီ ဆွေးနွေးခဲ့ကြတာတွေ ကတဆင့် လက်တွေ့မှာ ဘယ်လို ဆောင်ရွက်သွား နိုင်ကြမလဲဆိုတာ ကို ကျွန်မတို့ စောင့်မျှော်နေပါတယ်။ ” ဟု GSMA အဖွဲ့အစည်း ရဲ့ အမျိုးသမီးများကို ချိတ်ဆက်ပေးရေး အစီအစဉ် ဒါရိုက်တာ Claire Sibthorpe က ပြောကြားလိုက်ပါတယ်။
![](http://2.bp.blogspot.com/-kldOMFrWmyA/VE42Mjjne4I/AAAAAAAA2SU/FlGS0Nmlbzk/s1600/476%2B%2B_en.jpg)
- ပါမောက္ခ ဒေါက်တာ အောင်ထွန်းသက်၊ နိုင်ငံတော်သမ္မတ၏ စီးပွားရေး အကြံပေးပုဂ္ဂိုလ်။
ညီလာခံကို ကျင်းပစဉ်မှာပင် Ooredoo မြန်မာ၏ အင်တာနက်ပေါ်တွင် စီးပွားရေးလုပ်ငန်းများ စတင်နေသူများကို အထောက်အပံ့များပေး နေသည့် IdeaBox သည် မြန်မာပြည် နည်းပညာနယ်ပယ်တွင်းမှ အမျိုးသမီးများ အတွက် အထူးရည်ရွယ်ပြီး ပထမဦးဆုံး အကြိမ် အဖြစ် ဖွဲ့စည်းထားပြီး ကျောင်းသူများ ၊ စိတ်ပါဝင်စားသူများ ၊ အမျိုးသမီး နည်းပညာ ကျွမ်းကျင်သူများ ပါဝင်သည့် “Geek Girls Myanmar” ခေါ်“ နည်းပညာ တွင် တမူထူးခြား ကျွမ်းကျင်သော မြန်မာပြည်မှ မိန်းကလေးများ” ဟူသော အဖွဲ့အစည်းကို စတင် မိတ်ဆက် ဖွဲ့စည်းလိုက်ပြီ ဖြစ်ကြောင်း ကြေညာခဲ့သည်။
ယင်းအဖွဲ့ကို ဖွဲ့စည်းရခြင်း ရည်ရွယ်ချက်သည် မြန်မာပြည်ရှိ သတင်းအချက်အလက် နှင့် နည်းပညာ နယ်ပယ်ရှိ ကျွမ်းကျင်သူ အမျိုးသမီးများ နှင့် နည်းပညာကို စိတ်ပါဝင်စားသူ အမျိုးသမီးများ ကို စုံစည်းစေလျက် လက်တွဲ လုပ်ဆောင်မှုများပိုမို ရှိလာစေရေး နှင့် နည်းပညာကဏ္ဍ တွင် အမျိုးသမီးများ ပိုမိုပါဝင် ပတ်သက်လာရေးတို့ ဖြစ်သည်။
“Geek Girls Myanmar” ခေါ်“ နည်းပညာ တွင် တမူထူးခြား ကျွမ်းကျင်သော မြန်မာပြည်မှ မိန်းကလေးများ ” ၏ အစည်းအဝေးသည် နိုဝင်ဘာလ အတွင်းတွင် ဖြစ်မည်။
ညီလာခံသည် ကျင်းပခြင်းသည် Ooredoo မြန်မာ ၏ မကြာသေးခင်က မိတ်ဆက်လိုက်သော App ဖြစ်သည့် အမျိုးသမီးများကို မီးမဖွားမီ နှင့် မီးဖွားပြီး ကျန်းမာရေး အကြံပြုချက်များ နှင့် သတင်းအချက်အလက်များ ပေးမည် ဖြစ်သော maymay မေမေ ဟူသော App ပေါ်ပေါက်လာခြင်း နှင့်လည်း အချိန်ကိုက်ပင်ဖြစ်သည်။
ယင်း App သည် နည်းပညာ နှင့် Ooredoo မြန်မာ ၏ ကွန်ရက် ဖြန့်ကြက်ခြင်းတို့က မရှိမဖြစ်လိုအပ်သော သတင်းအချက်အလက်များကို ရရှိရန် မည်သို့မည်ပုံ တိုးတက်ပြောင်းလဲစွာ ဆောင်ရွက်နိုင်သည်ကို ညွှန်ပြလိုက်ခြင်းပင်ဖြစ်သည်။
Ooredoo မြန်မာ၏ အမှုဆောင် အရာရှိချုပ် Ross Cormack က၊ “ မြန်မာပြည်က အမျိုးသမီးထု တရပ်လုံး နည်းပညာ က ပေးမယ့် အကျိုးတရားတွေကို ရရှိဖို့ တွေ့ကြုံနေတဲ့ အခက်အခဲတွေကို ဖယ်ရှားပေးဖို့ ၊ အကုန်ကျစားရိတ်တွေ ကာမိစေဖို့ ၊ နည်းပညာ နှင့် ပတ်သက်တဲ့ ဗဟုသုတတွေ မရှိသေးတာတွေ ရှိလာအောင် ဆောင်ရွက်ဖို့ ၊ နည်းပညာပိုင်းဆိုင်ရာ အတွက် ယဉ်ကျေးမှုအရ ရှိနေတဲ့ အတားအဆီးတွေနဲ့ အမျိုးသားများ နှင့် တန်းတူ နည်းပညာနယ်ပယ်မှာ ရင်ဘောင်တန်းနိုင်ဖို့တွေ အားလုံး ကျွန်တော်တို့ လုံလ စိုက်ထုတ် ဆောင်ရွက်သွားဖို့ တွေ ရှိပါတယ်။
တိုင်းပြည်ရဲ့ အခုလို တိုးတက်ဖွံ့ဖြိုးဖို့ တာဆူ နေတဲ့ အချိန်အခါသမယမှာ ဒီလို ဆောင်ရွက်သွားဖို့ ကျွန်တော်တို့ အတွက်တော့ အထူးအခွင့်အလမ်းပါပဲ။ ” ဟု ပြောကြားလိုက်ပါတယ်။
![](http://1.bp.blogspot.com/-3t6EvF5dDj8/VE42Op55DsI/AAAAAAAA2Sw/3Oo5xyVPdhs/s1600/4762%2B%2B_n.jpg)
- Claire Sibthorpe, Connected Women အစီအစဉ် ဒါရိုက်တာ၊ GSMA ။
၎င်းက ဆက်လက်၍ “ အမျိုးသမီးတွေကို စွမ်းအားမြှင့်တင်ဖို့ ၊ လူထုထဲမှာ တက်ကြွစွာ ပါဝင်နိုင်စေဖို့၊ လူမှုရေး စီးပွားရေး ကဏ္ဍများမှာ အကူအညီတွေ ပေးနိုင်စေဖို့၊ အမျိုးသမီးများ မိုဘိုင်းနည်းပညာကို အသုံးချပြီး စီးပွားဖြစ်ထွန်းစေဖို့ ၊ နည်းပညာကို ဘယ်လို အကောင်းဆုံး အသုံးချသွားနိုင်သလဲ ဆိုတာ ကို အထူးတလယ် ဆွေးနွေးတာတွေကိုမှာ ပါဝင်ရတဲ့ အတွက် အင်မတန် ၀မ်းသာ ဂုဏ်ယူမိပါတယ်။
ဒီညီလာခံက ဆွေးနွေးတာကနေ တဆင့် မြန်မာပြည်မှာရှိတဲ့ နည်းပညာနယ်ပယ်အတွင်းမှာ ပိုမို ပူးပေါင်းဆောင်ရွက်တာတွေ ရှိလာစေဖို့ ဒီအခွင့်အလမ်းတွေ ရှိနေတာကို လက်တွေ့သိရှိပြီး လက်လွှတ် အဆုံးအရှုံး မခံစေဖို့ ဆိုတဲ့ အကျိုးတွေ ရခဲ့ပါတယ်။ ” ဟုလည်း ပြောကြားခဲ့သည်။
Ooredoo သည် GSMA အဖွဲ့အစည်း၏ အမျိုးသမီးများကို ချိတ်ဆက်ပေးသော အစီအစဉ်များ တွင် ရေရှည် လက်တွဲဖေါ်ဖြစ်သည်။
တယ်လီကွန်ဆက်သွယ်ရေး ကဏ္ဍတွင် အမျိုးသမီးများ အနေနှင့် လူမှုရေး စီးပွားရေး အကျိုးများ ပိုမိုရရှိလာနိုစေရန် ပိုမို၍ အသေးစိတ် လေ့လာမှုများ ပြုလုပ်ရေးကို လည်း GSMA အပြင် အခြားသော လက်တွဲဖေါ် အဖွဲ့အစည်းများ နှင့် လုပ်ဆောင်သွားရန် Ooredoo က ရည်ရွယ်ချက်များ ထားရှိသည်။
![](http://3.bp.blogspot.com/-UG5a-wjbxBg/VE42OP25sHI/AAAAAAAA2Ss/kjYyuzNzPfM/s1600/476%2B%2B_n.jpg)
- Cecily Mauran—The GO Project, သန္တာလှိုင်၊ Chic မဂ္ဂဇင်း ၏ အမှုဆောင် အရာရှိချုပ် ဒေါက်တာ နုမြတ်သိဂီ င်္ဦး ၊ စာရေးဆရာမ၊ ကဗျာဆရာမ၊ Blogger ပန်ဒိုရာ၊ Mandy Nguyen – The Go Project
ထိုလေ့လာ တွေ့ရှိချက်များကို အခြေခံပြီး အမျိုးသမီး သုံးစွဲသူ ပြည်သူများ နှင့် အမျိုးသမီး ၀န်ထမ်းများ အတွက် အကျိုးပြု ပဏာမခြေလှမ်း အစီအစဉ်များ နှင့် အတူ အထူး ၀န်ဆောင်မှုများ ပေးသွားရန် Ooredoo နှင့် လက်တွဲဖေါ် အဖွဲ့အစည်းများက ရည်ရွယ်သည်။
မြန်မာပြည်တွင်မှု ယင်း အစီအစဉ်သည် သုံးစွဲသူ အမျိုးသမီးထု တရပ်လုံးနှင့် ၀န်ထမ်းအမျိုးသမီးများ တစ်ဦးနှင့် တစ်ဦး ချိတ်ဆက်ရာတွင် ပိုမိုတွင်ကျယ် စေရန် အခွင့်အလမ်း မရရှိခဲ့သူများ ချိတ်ဆက်ခြင်း အခွင့်အလမ်းများ ရရှိစေရန် နှင့် မိမိတို့ စွမ်းဆောင်ရည် ရှိသလောက် တိုးတက်နိုင်ကြစေရန် ရည်ရွယ်သည်။
မြန်မာပြည်တွင်းတွင် တခါမှ အင်တာနက်ကို အသုံးမပြုဖူးသူ အမျိုးသမီးအများစုဖြစ်သည့် သန်းနှင့် ချီသော အမျိုးသမီးများကို မိုဘိုင်းဖုန်းမှ တဆင့် ရရှိသော အင်တာနက် ၀န်ဆောင်မှုများ ဖြင့် ချိတ်ဆက်ရန် ရည်ရွယ်လျက် မြန်မာပြည်မှ အမျိုးသမီးများ အတွက် သီးသန့် ၀န်ဆောင်မှုပေမည့် အင်တာနက်ပေါ်မှ အချက်အလက်များဖြင့် စွမ်းဆောင်ရည်များ မြှင့်တင်သွားမည် ဖြစ်ကြောင်း Ooredoo မြန်မာက ကြေညာလိုက်သည်။
![](http://3.bp.blogspot.com/-6Wf1EuUATiY/VE42O8-2DrI/AAAAAAAA2S4/UluVnfmwLUI/s1600/47622%2B%2B_n.jpg)
![](http://3.bp.blogspot.com/-6Wf1EuUATiY/VE42O8-2DrI/AAAAAAAA2S4/UluVnfmwLUI/s1600/47622%2B%2B_n.jpg)
- Virginia Murray, မြန်မာနိုင်ငံဆိုင်ရာ အမေရိကန်ပြည်ထောင်စု သံရုံး မှ သံမှူးကြီး။
0 comments :
Post a Comment