ခဲတံနဲ့ ခဲဖျက်ကို ဘယ်လို သုံးမလဲ
ခဲတံဆိုတာ ရေးဆွဲဖို့၊ ခဲဖျက်ဆိုတာ မှားနေရင် ပြန်ဖျက်ဖို့ ဆိုတာ ကလေးတို့ သုံးနေကျ ဖြစ်လို့ သိပြီးဖြစ်နေမှာပါ။ ပန်းချီဆွဲတဲ့ နေရာမှာ ခဲတံကို သုံးပါ၊ ခဲဖျက်ကိုတော့ အတတ်နိုင်ဆုံး မသုံးစေချင်ဘူးကွဲ့။ ဘာဖြစ်လို့လဲ ဆိုတော့ သင်္ချာတွက်တဲ့ အခါ ဂဏန်းရေးတာ ဒါမှမဟုတ် စာရေးတဲ့ အခါ သတ်ပုံမှားလို့ အဲဒါကို ပြန်ဖျက်ပြီး ဂဏန်းအမှန်၊ စာလုံးအမှန်ကို ဖြည့်စွက်ဖို့ လိုပေမယ့် ပန်းချီဆွဲရာမှာတော့ ကလေးရဲ့ စိတ်မှာ ရေးဆွဲချင်တာကို ရေးလိုက်တာ ဖြစ်လို့ မှားတယ် ဆိုတာ မရှိဘူးကွဲ့။ အဲဒီရေးဆွဲလိုက်တဲ့လိုင်းကို စိတ်တိုင်းမကျတာမျိုးတော့ ရှိနိုင်တာပေါ့။ ဒါပေမယ့် အဲဒီ ခဲလိုင်းကြောင်းဟာ ပန်းချီရေးဆွဲဖို့ အမှားမဟုတ်ပါဘူး။
အဲဒီ ခဲလိုင်းလေးကို ကိုယ်က မကြိုက်ဘူး ဆိုပြီး ဖျက်နေတာနဲ့ ကလေးရဲ့ စိတ်ထဲမှာ ဖြစ်ပေါ်နေတဲ့ ဆွဲချင်တဲ့ပုံကို မရောက်ဘဲ ဖြစ်နေတတ်ပါတယ်။ လိုင်းလေး ဆွဲလိုက်၊ မကြိုက်လို့ ဖျက်လိုက် လုပ်နေရတာနဲ့ ပန်းချီဆွဲဖို့ မရောက်ဘဲ ဖြစ်နေမှာပေါ့။ ဒါကြောင့် ခဲဖျက်ကို အတတ်နိုင်ဆုံး မသုံးဖို့ ပြောတာပါ။ ဒါဆိုရင် မဖျက်ဘဲ ဘယ်လို ဆွဲမလဲ။ ကိုယ် မကြိုက်တဲ့ အဲဒီခဲလိုင်း အပေါ်က ပိုမိုထင်ရှားတဲ့ ခဲလိုင်းနဲ့ ကိုယ့်စိတ်မှာ ဆွဲချင်နေတဲ့ အနေအထားကို ရေးဆွဲယူဖို့ ပထမဆုံး ပြောပြလိုက်ပါတယ်။ ဒုတိယ အချက်အနေနဲ့ ကိုယ်ရေးဆွဲချင်တဲ့ မဆွဲခင်ကတည်းက သေသေချာချာ စဉ်းစားပြီး ရေးဆွဲရမှာ ဖြစ်ပါတယ်။
လိုင်းတွေဆိုတာ တကယ်တော့ မျဉ်းတွေပါ။ မျဉ်းဖြောင့်၊ မျဉ်းကောက်၊ မျဉ်းကွေးတွေပေါ့။ ကလေးတို့ အနေနနဲ့ အောက်ပါပုံကလေးကို ကြည့်ပါဦး။ အဲဒီထဲမှာလည်း မျဉ်းကြောင်းတွေ လိုင်းတွေပါနေတာ တွေ့ရမှာပါကွယ်။
မျဉ်းတွေ လိုင်းတွေနဲ့ အရောင်တွေ တွဲစပ်ကြည့်ရအောင်
ကလေးတို့ အနေနဲ့ အဲဒီပုံကလေးအတိုင်း လိုင်းကလေးတွေ အရင်ဆွဲကြည့်ပြီး အရောင်လေးတွေ ဖြည့်ကြည့်ကြပါကွယ်။ ကလေးတို့ သတိပြုရမှာက အဲဒီပုံနဲ့ တူအောင်ဆွဲဖို့ မဟုတ်ဘဲ ကလေးတို့ ထပ်ဖြည့်ချင်တာ၊ ဒါမှမဟုတ် အရောင်ကို ကိုယ့်စိတ်ထဲ ရှိသလို ဖြည့်ပြီး ရေးဆွဲကြည့်ဖို့ပါ။
အထက်က ပုံလေးအတိုင်းပဲ ဖြစ်ဖြစ်၊ အရောင်ကို စိတ်ကြိုက်သုံးပြီးတော့ပဲဖြစ်ဖြစ်ရေးဆွဲပြီးရင် နောက်ထပ် လေ့ကျင့်ကြည့်ဖို့ အောက်မှာ ပုံကလေးကို လေ့ကျင့်ကြည့်ကြရအောင်ပါ။
ကလေးဝတ် အ၀တ်ကလေး
ကလေးတို့ အနေနဲ့ လိုင်းတွေကို စိတ်ကြိုက် ပြောင်းလဲပြီး ရေးဆွဲနိုင်သလို အလုံးအ၀ိုင်း ကလေးတွေ အစား ကြယ်ကလေးတွေ ငှက်ကလေးတွေလည်း ထည့်သွင်း ရေးဆွဲနိုင်ပါတယ်ကွယ်။
ကလေးတို့ ထပ်ပြီး လေ့ကျင့် ရေးဆွဲ ကြည့်ဖို့ အောက်မှာ ပုံကလေး ရှိသေးတယ်ကွဲ့။
ကဏန်း နှစ်ကောင် လက်မထောင်
ကဏန်းကောင်လေးတွေကို မျဉ်းကြောင်းတွေ၊ လိုင်းတွေ သုံးပြီး ပုံကြမ်းအရင် ဆွဲပါ။ ပုံကြမ်းဆွဲပြီးရင် ဆေးဖြည့်ကြည့်ပါကွယ်။ ပျော်စရာကောင်းတဲ့ ကဏန်းကောင်လေးတွေ ရေးဆွဲရတာ မခက်ခဲပါဘူးနော်။ ပြီးရင် ကလေးတို့ စိတ်ကြိုက် ကဏန်းလေးတွေ၊ ကဏန်းကြီးတွေ ရေးဆွဲပြီး စိတ်ကြိုက် အရောင်တွေ ဖြည့်ပြီး ရေးဖို့ပါ။
တူအောင်ရေးဆွဲဖို့ မဟုတ်ဘဲ ကလေးတို့ စိတ်မှာ ရေးဆွဲချင်သလို ရေးဆွဲကြဖို့နဲ့ အရောင်ဖြည့်တဲ့ အခါမှာလည်း ကလေးတို့ စိတ်ကြိုက် အရောင်တွေ ဖြည့်ပြီး ရေးဆွဲဖို့ပါ။
အဲဒီလို ကဏန်းတွေ အပြင် ငှက်ကလေးတွေ၊ ခိုကလေးတွေ၊ ခွေးကလေးတွေကိုလည်း လိုင်းတွေဆွဲ၊
ပြီးတော့ ဆေးဖြည့်ပြီး ရေးဆွဲကြည့်ကြပါကွယ်။ ပန်းချီဆွဲတယ် ဆိုတာ ကိုယ့်စိတ်မှာ ပျော်ပျော်ရွှင်ရွှင်
ကျေကျေနပ်နပ် ရေးဆွဲရတာကွဲ့။ ပန်းချီရေးရတာ မပျော်ရင် ကိုယ်ဆွဲတဲ့ ပုံကလေးတွေလည်း မပျော် ဘူးပေါ့။
ကလေးတို့ အတွက် ပန်းချီရေးဆွဲနည်းတချို့ကို www.deepspacesparkle.com မှာ ဖော်ပြပေးထားတဲ့
နည်းတွေကို ပြောပြမှာ ဖြစ်ပါတယ်။ ဒီရေးဆွဲနည်းကို ပန်းချီ Patty Palmer ကရေးသား ဖော်ပြပေးတာပါ
ကွယ်။
နိုင်စွမ်း
0 comments :
Post a Comment