ဖေဒဂုံ
(၂၈.၁၀.၂၀၁၀) ရက်နေ့တွင် ကြံ့ခိုင်ရေးပါတီဝင်အချင်းချင်း၊ လာဘ်စားသည့် ကိစ္စနှင့် ပတ်သတ်၍ တိုင် တန်းမှုဖြစ်ပွားခဲ့ကြောင်းသိရှိရသည်။
ဒဂုံမြို့သစ်၊ ဆိပ်ကမ်းမြို့နယ် (၆၉) ရပ်ကွက်၊ မင်းလှကျော်ထင်လမ်းကို ကွန်ကရစ်လမ်းအဖြစ် ခင်းကျင်းပြုပြင်ရာတွင် လမ်းအတွက်သတ်မှတ်ထားသည့် စံချိန်များနှင့်ကိုက်ညီနိုင်ရန် လိုအပ်သည့် ဘိလပ်မြေ အိတ်များဝယ်ယူ၍ လမ်းဥက္ကဌ၊ကြံ့ခိုင်ရေးပါတီဝင်၏အိမ်တွင်ထိန်းသိမ်းထားခဲ့ကြောင်းသိရှိရသည်။လမ်းဥက္ကဌမှ နောက်ဆုံးအသုတ်တွင် အိတ်(၁၀၀) ထုတ်ပေးရမည်ဖြစ်သော်လည်း၊ (၉၁) အိတ်သာထုတ်ပေးနိုင်ခဲ့ပြီး၊ (၉) အိတ်မှာပျောက်ဆုံး လျက်ရှိသည်။
ဘိလပ်မြေ(၉) အိတ်မည်သည့်အတွက်ပျောက်ဆုံးနေကြောင်း၊ လမ်းသူလမ်းသားများက လမ်းဥက္ကဌ ထံ မေးမြန်းသော်လည်းအတိအကျဖြေဆိုနိုင်ခြင်းမရှိဘဲ၊ ၄င်းထုတ်ပေးခဲ့သည်မှာ ဘိလပ်မြေ အိတ် (၁၀၀) အတိဖြစ် သည်ဟုဖြေဆိုသည်။
ထုတ်ပေးသည့်နေ့က (၉၁) အိတ်သာဖြစ်ကြောင်းကို လမ်းဘဏ္ဍာရေးမှူး ဦးမင်းအောင်နှင့် ဇနီးမဌေး ဌေးအောင်နှင့် ဘိလပ်မြေအိတ်သယ်ယူရာတွင် ပါဝင်လုပ်အားပေးသူများမြင်တွေ့သိရှိကြသည်။
ယင်းသို့ ကြံ့ဖွံ့ပါတီဝင်၏ ဘိလပ်မြေ(၉) အိတ် လာဘ်စားမှုကို မကြေနပ်သဖြင့် ကြံ့ခိုင်ရေးပါတီဝင်များ ဖြစ်ကြသည့် ဦးသိန်းမြင့်နှင့် မသိတာခိုင်တို့က မြို့နယ် ကြံ့ဖွံ့ပါတီ ဥက္ကဌ ထံလိပ်မူ၍ (၂၈.၁၀.၂၀၁၀) ရက်နေ့တွင် တိုင်ကြားခဲ့ခြင်းဖြစ်သည်။
အကျင့်ပျက်လာဘ်စားသူများနှင့် ပြည့်နှက်လျက်ရှိသည့် ကြံ့ခိုင်ဖွံ့ဖြိုးရေးပါတီသည် လာမည့် (၇) ရက်နေ့ ရွေးကောက်ပွဲတွင် မဲဆန္ဒနယ်အများဆုံးမှ ၀င်ရောက်ယှဉ်ပြိုင်မည်ဖြစ်သည်။ မြန်မာနိုင်ငံသည် ကမ္ဘာပေါ်ရှိ အကျင့်ပျက်လာဘ်သည့်နိုင်ငံများထဲတွင် ဒုတိယစွဲကြောင်း၊ Transparency International (TI) အဖွဲ့၏ Corruption Perceptions Index 2010 (CPI – Report) တွင် ထုတ်ပြန်ဖေါ်ပြထားသည်။
နိုဝင်ဘာ(၇) ရက်နေ့ရွေးကောက်ပွဲတွင် ကြံ့ဖွံ့ပါတီအနိုင်ရမည်ဆိုပါက အကျင့်ပျက်လာဘ်စားမှုတွင် ပထမစွဲမည့် နိုင်ငံဖြစ်လာမည့်အပြင်၊ ပါတီဝင်များအချင်းချင်း စားခွက်လု သတ်ဖြတ်မှုများ၊ ဒုစရိုက်မှုများ ပိုမို ပေါ်ပေါက်လာနိုင်ကြောင်း မင်းလှကျော်ထင် လမ်းသူလမ်းသားများက ဝေဖန်ပြောဆိုလျက်ရှိကြသည်။
0 comments :
Post a Comment