ထိုင်း-မြန်မာ နယ်စပ်က ကရင်ဒုက္ခသည်စခန်းတခုရှိ စာသင်ခန်းထဲကို အလည်အပတ်ရောက်ခဲ့တဲ့ လော်ရာ ဘုရ်ှပါ။ (ဓာတ်ပုံ - AFP)အမေရိကန် သမ္မတဟောင်း ဘုရှ်၏ ဇနီး လော်ရာ ဘုရ်ှက မြန်မာစစ်အစိုးရရဲ့ တရားမမျှတသော ရွေးကောက်ပွဲနဲ့ ပတ်သက်ပြီး ထုတ်ဖော်ပြောဆိုကြဖို့ ကမ္ဘာကို တိုက်တွန်းလိုက်ပါတယ်။
“ဒီကိစ္စကို ထုတ်ဖော် ပြောဆိုကြဖို့နဲ့ မြန်မာ ပြည်သူလူထုထံ ရနိုင်တဲ့ ဖြစ်တဲ့ နည်းနဲ့ ပြောဆိုအားပေးကြဖို့ ကမ္ဘာက လုပ်ပေးနိုင်ကြပါတယ်” လို့ သတင်းမှောင်ချခံထားရတဲ့ မြန်မာပြည်သူတွေကို ရည်ညွန်းပြီး RFA နဲ့ အင်တာဗျူးမှာ မစ္စက် လော်ရာ ဘုရ်ှက ပြောသွားပါတယ်။
အမေရိကန်နဲ့ ဥရောပနိုင်ငံများရဲ့ မြန်မာပြည်သံရုံးများက စစ်အစိုးရရဲ့ ဟန်ပြ ရွေးကောက်ပွဲ လေ့လာရေးခရီးစဉ်ကို မလိုက်ကြဖို့လည်း တိုက်တွန်းပြောဆိုပါတယ်။
“ကမ္ဘာတလွှားက လူတွေ အများကြီး အများကြီးက မြန်မာပြည်သူတွေအတွက် စောင့်ကြည့်နေပါတယ်၊ အလေးထားပါတယ်” လို့ လော်ရာ ဘုရ်ှက ပြောပါတယ်။
ဒေါ်အောင်ဆန်းစုကြည်နဲ့ ပတ်သက်ပြီးတော့လည်း လော်ရာဘုရ်ှက ဒီလိုပြောပါသေးတယ်။
“ကမ္ဘာတလွှားမှာ သူ့ကို အားပေးနှစ်သက်နေသူပေါင်း များစွာ ရှိပါတယ်ဆိုတာကို သူသိစေချင်ပါတယ်။ နိုင်ငံတလွှားက လူထုတွေ၊ တိုင်းရင်းသားလူမျိုးစုတွေနဲ့ မြန်မာပြည်သူတွေအတွက် ဒေါ်အောင်ဆန်းစုကြည်ရဲ့ အဆက်မပြတ် အားပေးဆောင်ရွက်မှုတွေအတွက်ရယ်၊ သူ့ရဲ့ လှပ ငြိမ်းချမ်းတဲ့ သဘောထားတွေ အတွက်ရော လူတွေက သူ့ကို အားပေးနှစ်သက်ကြပါတယ်”
ခက်ထန်
0 comments :
Post a Comment