ဒီသတင်းကို ကြားရတဲ့လူအားလုံးကတော့ သို့လော သို့လောဖြစ်နေပါတယ်။
အဲဒီယာဉ်ကြီးဟာ အသံလည်း မကြားရဘူး၊ ဓာတ်ပုံလည်း ရိုက်လို့မရဘူး ဆိုတော့ နာနာဘာဝများလား၊ ဧရာဝတီမဂ္ဂဇင်းက ချင်းမိုင်ရုက္ခစိုးကြီးရဲ့ ယာဉ်များလား၊ ဒါမှမဟုတ် တလောက တရုတ်ကဝယ်လိုက်တဲ့ လေယာဉ် ၃ စင်းထဲက တစင်းလား (အဲဒါကတော့ မဖြစ်နိုင်ဘူးလို့ လေ့လာသူတွေက သုံးသပ်ပါတယ်။ တရုတ်က လေယာဉ်က အသံစုံမြည်တယ်တဲ့)၊ ယခင် ဧရာဝတီသတင်းထောက် ... ယခု သတင်းထောက် တပိုင်း ဆူရှီသမား တပိုင်း ဗိုလ်ချုပ်မှူးကြီး ကျွမ်းကျင်သူ တပိုင်း သရီးအင်ဝမ်း ကိုဇာနည်ကတော့ ကေအန်ယူ လက်ချက် ဖြစ်နိုင်တယ်လို့ ဆိုပါတယ်။
ဒီလောက် ထူးဆန်းတဲ့သတင်းကို ဘာလို့ သုတစွယ်စုံမဂ္ဂဇင်းပိုင်ရှင်၊ ရွေးကောက်ပွဲမှာ ဘယ်လိုလုပ်လုပ် မနိုင်ခဲ့သူ ကြံ့ဖွံ့အမတ်ကြီး ဒေါက်တာတင်ထွန်းဦးက ဘာလို့ မသိရတာလဲ ဆိုတာကိုလည်း မေးခွန်း ထုတ်နေကြပါတယ်။ သုတစွယ်စုံက ဒါမျိုး ထူးထွေဆန်းပြားသတင်းတွေကို ဦးဦးဖျားဖျား ထည့်တတ်လို့ မေးတာပါ။
တချို့ လေ့လာသူတွေကတော့ ဒါဟာ တပ်ချုပ်ကြီးရဲ့ မြေးတော်လေး ဖိုးလပြည့် ကစားတဲ့ ရီမုတ် လေယာဉ် တစင်းလို့ သုံးသပ်ပါတယ်။ တပ်ချုပ်ကြီး တိုင်းခန်းလှည့်လည်တဲ့ ယာဉ်တမျိုး ဖြစ်မယ်လို့လည်း ဆိုပါတယ်။
ပေါ်ပြူလာ သတင်းအရ မီးသတ်တပ်ဖွဲ့ဝင်တွေလည်း မြင်လိုက်တယ်ဆိုတော့ ဘာကြောင့် လေတပ်ကို အကြောင်းမကြားလဲ ဆိုတာကိုလည်း အလုပ်မရှိအလုပ်ရှာတဲ့သူတွေက မေးခွန်းထုတ်နေကြပါတယ်။ မြောက်ကိုရီးယားကလားလို့လည်း မေးသူတွေရှိပါတယ်။
ဒီယာဉ်ကြီးဟာ ပန်းကန်ပြား နှစ်ချပ်အုပ်ထားတဲ့ စက်ဝိုင်းပုံဖြစ်တယ်ဆိုတော့ တပ်ချုပ်ကြီးကတော် လက်ဖက်စားတဲ့ ပန်းကန်လည်း ဖြစ်နိုင်ကြောင်း၊ အဲဒီပန်းကန်ကို စားအပြီးမှာ လွှင့်ပစ်လိုက်တာကြောင့် ကလေးများက ပန်းကန်ပြားပျံလို့ အလွယ်ပြောလိုက်ခြင်းဖြစ်ကြောင်း၊ ပန်းကန်မှာ ပိုးစုန်းကျူး ၂ ကောင် ကပ်ပါလာတဲ့အတွက် အသံမမြည်ဘဲ ထွန်းလင်းတောက်ပနေတာဖြစ်နိုင်ကြောင်း လေ့လာသူတွေက (ပြောတဲ့သူ ဘယ်သူလို့ ဖော်ပြလို့မရတာနဲ့ လွယ်လွယ် လေ့လာသူလို့ သုံးတာပါ) သုံးသပ်ကြပါတယ်။
နောက်ဆုံးသတင်းအနေနဲ့ ဒါမျိုး ပန်းကန်ပြားပျံလို့ ယူဆရတဲ့ ထွန်းလင်းတောက်ပနေတဲ့ ယာဉ်ကြီးတစင်းကို လွန်ခဲ့တဲ့ ၃၊ ၄ လက ထိုင်းနိုင်ငံ ချင်းမိုင်မြို့က အာကသအရေး ကျွမ်းကျင်သူ ဧရာဝတီ သတင်းထောက် တချို့ တွေ့လိုက်သေးတယ်လို့ ဆိုပါတယ်။ ဒီနေ့ ပေါ်ပျူလာ သတင်းမှာ ဖတ်လိုက်ရမှ အဲဒီကိစ္စကို ထုတ်ဖော် ပြောပြ တာပါ။ အဲဒီတုန်းက ဘာလို့ မပြောခဲ့တာလဲ ဆိုတဲ့မေးခွန်းကိုတော့ အဲဒီသတင်းထောက်တွေက “အရူးလို့ အထင်ခံရမှာ စိုးလို့ပါ” လို့ ဖြေကြားခဲ့ပါတယ်။
ရန်ကုန်သားတာတေ
ဟီးဟီး။
ဗိုခင်ညွန့်  ဗီဒီယို၊
ပီးတော့ ပုပ္ပား ယတြာ။
ခု ပုဂံပြားပျံ။
ဘာတွေလာဦးမလဲ၊
စောင့်ကြည့် ရီမောနေကြရုံ ပ။