ဖျက်သိမ်းလိုက်တဲ့ အဖွဲ့အစည်းတွေက စိတ်ဝင်စားစရာပါပဲ။ အတိုကောက်အားဖြင့် တချို့ကော်မတီတွေ ဖော်ပြရရင် -
ကလေးတွေ စစ်ထဲသွင်းတာကို ကာကွယ်ရေးကော်မတီ၊ လျှပ်စစ်စွမ်းအား ဖွံ့ဖြိုးရေး ကော်မတီ၊ လမ်းပန်းဆက်သွယ်ရေး ချောမွေ့စေရေး ကော်မတီ၊ ရဲတပ်ဖွဲ့ စီမံခန့်ခွဲမှုစနစ် ပြောင်းလဲရေး မကော်မတီ၊ နအဖ သတင်းထုတ်ပြန်ရေး ကော်မတီ၊ ရေအရင်းအမြစ်ကော်မတီ တို့ပါဝင်ပါတယ်။ အဲဒီကော်မတီတွေ တကယ်အလုပ် လုပ်မလုပ်ဆိုတာတော့ ပြည်သူတွေ အသိဆုံးဖြစ်ပါတယ်။ ဖျက်သိမ်းလိုက်ခြင်းအားဖြင့်လည်း တယ်ပြီး ထူးလာဖို့ မရှိပါဘူး။
နောက်ထပ် ကော်မတီတွေကတော့ ဒစ်ဂျစ်တယ် ရုပ်သံနဲ့ အသံလွှင့် ကော်မတီ၊ ကမ္ဘာ့သတင်း လေ့လာသုံးသပ်ရေး ကော်မတီ၊ ရန်ကုန်-မန္တလေး လမ်းမကြီး ဖောက်လုပ်ရေး ကော်မတီ၊ ကုန်ဈေးနှုန်း ထိမ်းသိမ်းရေး ကော်မတီတို့ ဖြစ်ပါတယ်။ တချို့ကော်မတီများကတော့ မကြားဖူးသေးတာလည်း ပါပါတယ်။ ကုန်ဈေးနှုန်းကတော့ ထိမ်းမရတဲ့အတူတူ ကော်မတီလည်း ဖျက်တဲ့ဆီ ပါသွားတယ် ထင်ပါတယ်။
တချို့ကော်မတီတွေကတော့ မလိုအပ်တော့လို့ ဖျက်သိမ်းပစ်တာလို့ ထင်ပါတယ်။ ကျန်းမာရေး လူမှုရေး ကဏ္ဍတွေမှာလည်း ဖျက်သိမ်းတာတွေ ရှိပါတယ်။
စီးပွားရေးထဲမှာ စိတ်ဝင်စားစရာ ကောင်းတဲ့ ဖျက်သိမ်းခံ ကော်မတီတွေကတော့ ထားဝယ်ရေနက်ဆိပ်ကမ်းနှင့် စက်မှုဇုန်ဒေသ တည်ဆောက်ရေး စီမံကိန်း ကြီးကြပ်မှု ဗဟိုကော်မတီနှင့် လုပ်ငန်းကော်မတီ၊ အထူးစီးပွားရေးဇုန် အကောင်အထည်ဖော်ရေး ကော်မတီတို့ ပါပဲ။
ကိုးကန့်ဒေသ ဖွံ့ဖြိုးရေးဦးစီး ကော်မတီလည်း ဖျက်သိမ်းတဲ့ အထဲ ပါပါသေးတယ်။
ရည်ညွှန်းကိုးကား - နိုင်ငံတော်၏ နိုင်ငံရေးရာကိစ္စရပ်များနှင့် စပ်လျဉ်းသည့် ကော်မတီများနှင့် ပြောဆိုရေးရာ အာဏာပိုင်အဖွဲ့ အပါအ၀င် အဖွဲ့အစည်း ၂၉ ခုကို နိုင်ငံတော်သမ္မတ ရုံးက ဖျက်သိမ်း
0 comments :
Post a Comment