-
ကော့သောင်း/ရနောင်း ဒေသက လာတဲ့စာ
MOU လို့ခေါ်တဲ့ လူသစ်ခေါ်ပြီး PASSPORT လုပ်ပေးတဲ့အလုပ် ခေတ်စားလာလို့ လှည်းနေလှေအောင်းမြင်းဇောင်းမကျန် ကော့သောင်းကို လာပြီး အလုပ်လုပ်ဖို့ ဆင်းလာကြတဲ့သူတွေကလည်း မစဲ၊ ကုမဏီတွေ ပွဲစားတွေ အေးဂျင့်တွေကလည်း လူကြိုကြ အိမ်ငှားကြ ထမင်းချက်ကျွေးကြ နဲ့ ပွဲတော်ကြီး ဖြစ်နေကြတယ်။
လူလိမ်တွေရဲ့ လှည့်ကွက်ထဲ မဝင်မိအောင် ပြည်သူတွေ သိအောင် အတွေ့အကြုံလေး တစ်ခု ပြောပြချင်ပါတယ်။
မကြာသေးမီက ကော့သောင်းဗီဇာရုံးမှာ အက်စ်ဘီကလူကြီးရဲ့ ချိုတီဝပ်နဲ့ အမ်ကေ ဆိုတဲ့ company က လူခေါ်တယ်၊ အလုပ်သမား ခေါ်ခွင့်ရတာက ၅ဝ။ သူက အလုပ်သမား တစ်ယောက်ကို ဘတ်၁ဝဝဝ(မြန်မာငွေ၂၆ဝဝဝကျပ်) ပွဲခရတာမို့ လူ ၇ဝ လောက် ခေါ်လိုက်တယ်။
ရနောင်း ရောက်တော့ မူလအလုပ်ရှင်က လူ၅ဝဘဲခေါ်သွားတော့ ကျန်တဲ့လူ၂ဝကျော်မှာသွားစရာလည်းမြေမရှိ နေစရာလည်း အိမ်မရှိဘဲ ဒုက္ခရောက်နေတုန်း ကိုဝသုန် ဆိုတဲ့လူက ဘယ်လို ဖြေရှင်းပေးလိုက်သလဲ ဆိုတော့ လူ ၂ဝ ကျော်ကို တခြားစက်ရုံအလုပ်ရုံ ပိုင်ရှင်တွေဆီမှာ ကျွန်ရောင်းသလို လိုက်ရောင်းတာ ၄ ရက်တောင် ကြာတယ်။
အလုပ် လုပ်ချင်တဲ့သူတွေကို ခေါ်တုန်းက ငါးသတ္တာစက်ရုံ အအေးခန်းစက်ရုံ ပိုင်ရှင်တွေဆီမှာလို့ပြောပြီး ပိုတဲ့လူ၂ဝကျော်ကတော့ ကံစီမံရာဆိုပြီး အလုပ်ကြမ်းတွေ ဖြစ်တဲ့ ပန်းရံ ၊ ထင်းခုတ်၊ အုတ်ဖုတ်၊ သစ်စက် သံရည်ကြို ပုံသွင်းတွေ လုပ်ရတော့ မလုပ်နိုင်ဘဲအခက်အခဲ ဒုက္ခတွေနဲ့ ကြုံ ကြရတယ်၊ ကယ်ပါဦးလို့ ဦးဝသုန်ကြီးကို အကူအညီ တောင်းတော့ တခြားတစ်နေရာကို ထပ်ပို့လိုက်တယ်။
နောက်ထပ် ပို့လိုက်တဲ့နေရာက ပိုဆိုးတော့ အလုပ်ရှင်က အလုပ်ကြမ်း မလုပ်နိုင်တဲ့ ၁၅ ယောက်ကို အလုပ်ထုပ်ပစ်လိုက်တယ်။ company ပိုင်ရှင်လား အေးဂျင့်လားမသိတဲ့ တာဝန်ခံ ဦးဝသုန်က လာလည်း မခေါ် နေရပ်လည်း ပြန်မပို့။ စကားပြန်ဒေါ်သက်မာကလည်း ဖုန်းပိတ်ထား။
ဦးဝသုန်က မင်းတို့ကို ထိုင်းအလုပ်သမားဝန်ကြီးဌာနက နယ်ပြောင်းခွင့်မပြုဘူး မင်းတို့ထိုက်နဲ့ မင်းတို့ကံဘဲ လို့ ဖုန်းထဲကနေ ဘီလူးကြိမ်းကြိမ်း တာကိုခံလိုက်ရပြီး ထပ်မံ ဆက်သွယ်တော့ ဖုန်းပိတ်လိုက်လို့ ဆက်သွယ်လို့ မရတော့ဘူး။
ဦးဝသုန်ရဲ့ မျက်လုံးပြူး လက်ညိုးကြီးထိုးပြီး ဟိန်းဟောက်နေတဲ့ပုံကို မျက်စိထဲမှာမြင်ပြီး ညအိမ်ရင်တောင် လန့်နိုးမိပါတယ်။ တကယ်တော့ ထိုင်းရောက်မှ အတွေ့ အကြုံအရ သိလိုက်ရတာက sub contract ဆိုတဲ့ company က ပွဲစား အေးဂျင့်သက်သက်ဖြစ်ပြီး သူတို့မှာ စက်ရုံအလုပ်ရုံ ကိုယ်ပိုင်မရှိဘူး ဈေးကောင်းတဲ့ဆီမှာကြုံသလိုလိုက်ရောင်းပြီး သူတို့အကျိုး အမြတ်ရဘို့ လူတွေကို ကျွန်ရောင်းသလို ရောင်းနေကြတာ ဆိုတာပါဘဲ။
-
0 comments :
Post a Comment