ထိပ်တန်းစာရေးဆရာ ၃ ဦး မဲဆောက်တွင် ဟောပြောမည်

...

မဲဆောက်တွင် ပြုလုပ်မည့် စာပေဟောပြောပွဲ ကြော်ငြာ (ဓာတ်ပုံ -ဧရာဝတီ)

ထိုင်း-မြန်မာနယ်စပ် မဲဆောက်မြို့တွင် ပထမဆုံးအကြိမ်အဖြစ် မြန်မာနိုင်ငံမှ အထင်ကရ စာရေးဆရာ ၃ ဦး၏ စာပေဟောပြောပွဲကို လာမည့် ဒီဇင်ဘာလ ၄ ရက်နေ့ ညနေတွင် တောရကျောင်း မြန်မာ ဘုန်းတော်ကြီးကျောင်းအတွင်း ပြုလုပ်မည်ဟု သိရသည်။

ချစ်ဦးညို၊မောင်စိန်ဝင်း(ပုတီးကုန်း)၊နုနုရည်(အင်းဝ)တို့က ဒေသတွင်းရောက် မြန်မာနိုင်ငံသားများအတွက် အခမဲ့ လာရောက် ဟောပြောမည် ဖြစ်သည်။

စာပေဟောပြောပွဲ အစီအစဉ်နှင့်ပတ်သက်သည့် အကြောင်းအရာများကိုလည်း ဒေသတွင်းရှိ စက်ရုံ အလုပ်ရုံ အသီးသီးမှ မြန်မာ အလုပ်သမားများ သိရှိနိုင်ရန်အတွက် မဲဆောက်မြို့ အခြေစိုက် မြန်မာ အပါအ၀င် တိုင်းရင်းသား ဘာသာ တချို့နှင့် အသံလွင့်ပေးနေသည့် MAP Foundation ၏ အသံလွင့်ဌာနကလည်း နေ့စဉ် သတင်း ထုတ်လွှင့်ပေးလျက် ရှိသည်။

မဲဆောက် TK အထည်ချုပ်စက်ရုံမှ မဌေးဌေးက "မဲဆောက် အသံလွင့်ရုံကနေ ကြေညာတာ ၂ ရက်ရှိပြီ။ တနင်္ဂနွေ ပိတ်ရက် ဆိုတော့ ပို အဆင်ပြေတယ် ကျမတို့အဖွဲ့ သွားဖို့ စက်ရုံကကား စီစဉ်ထားတယ်။ နုနုရည်ကို သွားပြီး အားပေးမယ်။ အပြင်မှာလည်း သူ့ကို တွေ့ဖူးချင်တယ်။ သူ့စာတွေနဲ့ ကျမတို့ မစိမ်းဘူး" ဟု ပြောသည်။

ပွဲဖြစ်မြောက်ရေးအတွက် မဲဆောက်မြို့ရှိ စာပေချစ်မြတ်နိုးသူများက ကမကထပြုခြင်း ဖြစ်သည်။

စာပေဟောပြောပွဲ ဖြစ်မြောက်ရေး ကော်မတီဝင် တဦး ဖြစ်သည့် ကိုနိုင်က "အဓိကမဲဆောက် ဒေသမှာ သိန်းချီရှိတဲ့ မြန်မာ ရွှေ့ပြောင်း အလုပ်သမားတွေ အတွက် စာပေဆိုင်ရာ အသိပညာ ဗဟုသုတတွေ ရရှိဖို့ အတွက် ပြုလုပ်တာဖြစ်သလို နှစ်ပေါင်းများစွာ မြန်မာနိုင်ငံနဲ့ ဝေးကွာနေ သူတွေအတွက်လည်း ဖြစ်တယ်" ဟု ဧရာဝတီသို့ ပြောသည်။

မူလအစီအစဉ်အရ စာပေဟောပြောပွဲကို မဲဆောက်မြို့လယ်ရှိ ကျောင်းကြီး ဘုန်းတော်ကြီးကျောင်းတွင် ပြုလုပ်ရန်ဖြစ်သော်လည်း အခြေအနေ အရပ်ရပ်ကြောင့် တောရ မြန်မာဘုန်းတော်ကြီးကျောင်းသို့ ပြောင်းလဲ ကျင်းပခြင်းဖြစ်ကြောင်း သိရသည်။

မဲဆောက်မြို့နယ်အတွင်း ပြည်ပရောက် မြန်မာစာရေးဆရာတချို့၏ စာပေဟောပြောပွဲ များကို ယခင်က ပြုလုပ်ခဲ့ကြသော်လည်း ယခုကဲ့သို့ မြန်မာနိုင်ငံမှ အထင်ကရ စာရေးဆရာများကို ဖိတ်ခေါ်ပြီး စာပေဟောပြောပွဲ ကျင်းပခြင်းမှာ ပထမဆုံး အကြိမ် ဖြစ်သည်။

...