ကိုးကိုးကျွန်းပြန်တစ်ဦး
ဒေါ်စု နေအိမ်အကျယ်ချုပ်က လွတ်မြောက်လာခဲ့တာ တစ်နှစ်ကျော်ခဲ့ပြီ။ ထိမ်းသိမ်းခံဘ၀မှာ သူမ လုပ်ဆောင်ခဲ့တဲ့ နိုင်ငံရေး လှုပ်ရှားမှုတွေကို ပြန်လည် သုံးသပ်ခဲ့ပုံရပါတယ်။ ပါတီ စတင် ထူထောင်ခဲ့တဲ့ ၁၉၈၈ ခုနှစ်မှ၂၀၁၀ ပြည့်နှစ်အထိလူထု လှုပ်ရှားမှုတွေနဲ့ ဒီမိုကရေစီ ဖေါ်ဆောင်မှု လုံးပမ်း အားထုတ်မှုတွေ အောင်မြင်မှု မရ ဖြစ်နေတယ်လို့ သုံးသပ်မိပုံရပါတယ်။ နည်းဗျူဟာ လမ်းစဉ် ပြောင်းလဲမှုတွေ ကျင့်သုံးရလိမ့်မယ်လို့လဲ ဆုံးဖြတ်ခဲ့ပုံ ရပါတယ်။ ဒါပေမဲ့ မလွှဲမရှောင်သာ၂၀၁၀ ရွေးကောက်ပွဲ ကို သပိတ်မှောက်ခဲ့ရပါတယ်။ နိုင်ငံရေးအရ ပြတ်သားတဲ့ ဆုံးဖြတ်ချက်ဖြစ်ပါတယ်။ အဲဒီလို ဆုံးဖြတ်ခဲ့တဲ့ အတွက် မတရားသင်း အဖြစ် ကျေညာခံရနိုင်ပါတယ်။ ဒါပေမဲ့ စစ်ကောင်စီအစိုးရ အဲဒီလို လုပ်ဆောင်ခဲ့တာ မရှိပါ။
အဲဒီနောက် လွှတ်တော်တွေခေါ်ယူပြီး မတ်လ (၃၀) ရက်နေ့မှာ ပြည်ထောင်စုလွှတ်တော်က ဦးသိန်းစိန် ဦးတင်အောင်မြင့်ဦးတို့ ဦးဆောင်တဲ့ ကြံ့ဖွံ့အစိုးရသစ် ဖွဲ့စည်းလိုက်ကြောင်း ကျေညာလိုက်ပါတယ်။ အရပ်သားအစိုးရ ဒီမိုကရေစီအစိုးရ လို့လဲ နိုင်ငံတော် မီဒီယာတွေက ရေးသား ဖေါ်ပြနေပါတယ်။ သမတသစ်က ဒီမိုကရေစီ ဖေါ်ဆောင်မယ် အမျိုးသား ပြန်လည် သင့် မြတ်ရေးကို ဦးတည် လုံးပမ်းမယ်၊ ပြည်တွင်း ငြိမ်းချမ်းရေး ရရှိအောင် ကြိုးစားသွားမယ် စတဲ့ သဘောထားတွေ ထုတ်ဖေါ်သွားပါတယ်။ မူဝါဒသဘောအရ ပြောရရင်သူရဲ့ မိန့်ခွန်းဟာ လူထုတွေ တစ်ချို့ကျေနပ်အားရ ဖြစ်နိုင်ပါတယ်။
သမတသစ်ရဲ့ မိန့်ခွန်းပါ သဘောထားတွေကို လက်တွေ့ကျကျ မည်ရွေ့မည်မျှ အကောင်အထည် ဖော်ပေးနိုင်သလဲ? ပြည်သူတွေက စောင့်ကြည့် အကဲခတ်နေပါတယ်။
ဒေါ်စုကလဲ သမတသစ်နဲ့ ပတ်သတ်ပြီး အကောင်းမြင် ချဉ်းကပ်မှုတွေ ပြောဆိုနေပါတယ်။
မီဒီယာ အမေးအဖြေတွေမှာ လတ်တလော အရေးတကြီး ဖြေရှင်းရမဲ့ ပြဿနာကြီး (၃) ရပ်ကို ထုတ်ဖေါ်ထားပါတယ်။
၁။ နိုင်ငံရေးအကျဉ်းသားများလွတ်မြောက်ရေး
၂။ ချွင်းချက်မရှိပြည်တွင်းစစ် ရပ်စဲရေး- ငြိမ်းချမ်းရေး
၃။ တရားဥပဒေစိုးမိုးရေး-တို့ကိုဆောင်ရွက်ပေးဖို့ တောင်းဆိုထားပါတယ်။ လူထုကြီးရဲ့ လိုလားချက်တွေကို ထင်ဟပ် ဖေါ်ပြလိုက်ခြင်းဖြစ်ပါတယ်။
ဒေါ်စုရဲ့ နည်ှးဗျူဟာလမ်းစဉ် ဖေါ်ဆောင်နေတာ တစ်နှစ်ကျော်လာခဲ့ပြီ။ အောင်မြင်မှုတချို့လဲ ရနေပါတယ်။ ဆက်လက် တောင်းဆိုရမှာတွေလဲ မြောက်များစွာ ကျန်နေပါသေးတယ်။
ဒီ/ချုပ်ပါတီက မှတ်ပုံတင်မယ်ကြားဖြတ် ရွေးကောက်ပွဲ ၀င်မယ်လို့ ကျေညာလိုက်တော့ ပြည်တွင်းပြည်ပ ဒီမိုကရေစီ အင်အားစုတွေအတွင်းမှာ ရှုတ်ထွေးမှုတွေ အစာမကြေမှုတွေ ထွက်ပေါ်လာပါတယ်။ အင်တာနက်ပေါ်က ဝေဘန်ရေး ဆောင်းပါးတွေမှာ ဖေါ်ပြနေပါတယ်။
ဒီ/ချုပ်ပါတီက သပိတ်မှောက်ခဲ့တဲ့ ရွေးကောက်ပွဲမှ တဆင့် ပေါ်ပေါက်လာတဲ့ အစိုးရကို အသိအမှတ်ပြုပြီး မှတ်ပုံတင်မယ် ရွေးကောက်ပွဲ ၀င်မယ် ဆိုတာတွေဟာ ကြံ့ဖွံ့အစိုးရကို အကောင်းမြင်ရာ ရောက်တယ်။ အလျှော့ပေး အညံ့ခံမှုလို့လဲ သဘောထားတွေ ထွက်ပေါ်လာပါတယ်။
နိုင်ငံရေးပါတီတိုင်းမှာ မဟာဗျူဟာလမ်းစဉ်နဲ့ နည်းဗျူဟာလမ်းစဉ် ဆိုတာ ရှိကြပါတယ်။ မဟာဗျူဟာလမ်းစဉ် ဆိုတာက စီးပွားရေး နိုင်ငံရေး အုပ်ချုပ်ရေးစနစ်တွေနဲ့ တိုက်ရိုက် သက်ဆိုင်ပါတယ်။ မဟာဗျူဟာ လမ်းစဉ်တွေကို ဖေါ်ဆောင်နိုင်ဖို့ အာဏာ (၃) ရပ် မိမိတို့ ပါတီ လက်ထဲ ရောက်ရှိအောင် နည်းဗျူဟာ လမ်းစဉ်တွေကိုရေးဆွဲချမှတ် အကောင်အထည် ဖေါ်ကြရပါတယ်။ အဲဒီလမ်းစဉ် မှန်သလား မှားသလား ဆိုတာ ပါတီကေဒါတွေ ပါတီဝင်တွေနဲ့ ပြည်သူတွေရဲ့ ထောက်ခံမှု ရမရ ဆိုတဲ့ မှတ်ကျောက်နဲ့ ဗဟိုခေါင်းဆောင်တွေက အကဲခတ် ဆုံးဖြတ်ကြရပါတယ်။ လူထုကြီးရဲ့ နိုးကြားမှု တက်ကြွမှု ရေချိန်ကို လေ့လာ အကဲဖြတ်ရပါတယ်။ နည်းဗျူဟာ လမ်းစဉ် မှန်ကန်တယ် ဆိုရင် လူထုရဲ့ ထောက်ခံမှုတွေကြောင့် နိုင်ငံရေးပါတီဟာ အာဏာရရှိဖို့ နီးကပ်လာပြီလို့ ဆိုနိုင်ပါတယ်။
ခုအခါမှာမြန်မာနိုင်ငံဟာ အာဏာရှင်စနစ်မှ ဒီမိုကရေစီစနစ်ဆီ အသွင် ကူးပြောင်းနေချိန် ဖြစ်ပါတယ်။ တစ်နည်းပြောရရင် ပဉ္စမ မြန်မာနိုင်ငံတော်ကြီးကို ထူထောင်ဖို့ လုံးပမ်း အားထုတ်နေချိန်ဖြစ်ပါတယ်။
တိုင်းပြည်ရဲ့ ကံကြမ္မာကိုအင်အားစုကြီး (၂) ခုက အဆုံးအဖြတ် ပေးနေပါတယ်။ တစ်ခုက ဦးသိန်းစိန် ဦးဆောင်တဲ့ ပြည်ထောင်စု အစိုးရ ဖြစ်ပြီး နောက်တစ်ခုက ဒေါ်အောင်ဆန်းစုကြည် ခေါင်းဆောင်တဲ့ အမျိုးသား ဒီမိုကရေစီ အဖွဲ့ချုပ်တို့ ဖြစ်ကြတယ်။ ဆိုခဲ့ပါ အကဲဖြတ်ချက်ကို သန်း (၆၀) သော ပြည်သူတွေက လက်ခံ ယုံကြည်ကြမယ်လို့ မျှော်လင့်ပါတယ်။
လာမဲ့ (၂/၃) နှစ်အတွင်းမှာ မြန်မာပြည်သူတွေ ဘယ်လို အဖြစ်အပျက်တွေနဲ့ တွေ့ဆုံနိုင်ပါသလဲ? ပြည်တွင်းပြည်ပ ဒီမိုကရေစီစနစ်ကို လက်ခံ ယုံကြည်တဲ့ နိုင်ငံရေးသမားတိုင်း အလေးအနက် စဉ်းစား ချိန်ဆရမယ်လို့ အကြံပြုလိုပါတယ်။
ဒေါ်စုလွတ်မြောက်လာပြီး တစ်နှစ်ခန့် အကြာမှာ ပြည်တွင်းမှာ ပြဿနာကြီး (၄) မျိုးကို ဖြေရှင်းပေးဖို့ ပြောဆိုနေပါတယ်။
၁။ နိုင်ငံရေးအကျဉ်းသားများချွင်းချက်မရှိလွှတ်ပေးဖို့
၂။ ပြည်တွင်းစစ်ကို ချက်ချင်းရပ်စဲပြီး ငြိမ်းချမ်းရေး ဆွေးနွေးပွဲတွေ စတင်ဖို့
၃။ တရားဥပဒေ စိုးမိုးရေး ဖေါ်ဆောင်ပေးဖို့
၎။ ၂၀၀၈ ခုနှစ်ဖွဲ့စည်းပုံဥပဒေပါ အပိုဒ် အချို့ကို ပြင်ဆင်ပေးဖို့- တောင်းဆိုနေပါတယ်။ အသက်ဝင်မ၀င် ဆိုတာလာမဲ့ (၃) နှစ်အ တွင်းမှာ အဖြေ ထွက်လာပါလိမ့်မယ်။
ဒေါ်စုကျင့်သုံးနေတာလွန်ခဲ့တဲ့ ကာလ ဒီပဲယင်းအရေးအခင်းအထိ ကျင့်သုံးနေတဲ့လမ်းစဉ်နဲ့ မတူပါ။ ပျော့ပျောင်းတဲ့ နည်းဗျူဟာ လမ်းစဉ်သစ်ကို ပုံဖေါ်နေခြင်းဖြစ်ပါတယ်။
ပြည်တွင်းပြည်ပ ဒီမိုကရေစီ အင်အားစု တစ်ချို့က သဘော မတူကြပါ။ ဆန့်ကျင် ကန့်ကွက်သူတွေ ပေါ်ပေါက်နေပါ တယ်။
ဒီလိုအခြေအနေကို ဘယ်လိုကြည့်မြင် သုံးသပ်နိုင်ပါသလဲ?
နည်းဗျူဟာလမ်းစဉ်သစ်အရ အဖြေ (၃) မျိုးပေါ်ပေါက်လာနိုင်တယ်။
၁။ ကြံ့ဖွတ်အစိုးရ နဲ့ ပူးပေါင်းဆောင်ရွက်မှုတွေ တစ်စတစ်စ ပိုမိုများပြားလာပြီး ဒေါ်စု ကြံ့ဖွတ်အစိုးရ ရဲ့ နောက်မြီးဆွဲ နောက်လိုက် ဖြစ်နိုင်ခြေ ရှိပါတယ်။ အဲဒီလိုဖြစ်သွားရင်လူထုကြီးနဲ့ ကင်းကွာသွားပါလိမ့်မယ်။
၂။ ဒေါ်စုဟာ ကြားဖြတ်လွှတ်တော် ရွေးကောက်ပွဲ မှာ အနိုင်ရပြီး လွှတ်တော် စည်းဝေးပွဲတွေမှာ ဥပဒေသစ်တွေ တင်သွင်းတာ ၂၀၀၈ ဖွဲ့စည်းပုံ ဥပဒေပုဒ်မ တစ်ချို့ကိုပြင်ဆင်ချက် တင်တာ ဆုံးဖြတ်ချက် တစ်ချို့ တင်သွင်းရာမှာ ကြံ့ဖွံ့ အမတ်များ-ယူနီ ဖောင်းဝတ် အမတ်မင်း ၇၀%တို့ရဲ့ ထောက်ခံမူနဲ့ အောင်မြင်ချက်တွေ ရရှိခဲ့ရင် ပြည်သူတွေ အားလုံးက ၀မ်းမြောက် ၀မ်းသာ ဖြစ်ကြပါလိမ့်မယ်။ သခင်အောင်ဆန်းရဲ့ သတ္တိဗျတ္တိမျိုး ဉာဏ်ပညာ ကြီးရင့်မှုမျိုးနဲ့ ပြည့်စုံတဲ့ ပါရမီရှင်လို့ သမိုင်းမှတ်တမ်းဝင် သွားနိုင်ပါတယ်။
၃။ ကြည်းတပ်ဗိုလ်ချုပ်များနဲ့ အစိုးရ အဖွဲ့ဝင် ခေါင်းမာ ဂိုဏ်းသားတွေက လက်ရှိ သမတ ဒုသမတနဲ့ လွှတ်တော်ဥက္ကဋ္ဌ (၂) ဦးတို့ရဲ့ အာဏာ (၃) ရပ်ကို သိမ်းပိုက်လိုက်ပြီးဒေါ်စု အပါအ၀င် ဒီမိုကရေစီ အင်အားစုတွေကို ဖိနှိပ်ဖြိုခွင်းခံရမဲ့ အလားအလာလဲ ရှိနေပါတယ်။ အဲဒီလိုဖြစ်ခဲ့ရင် ဒီမိုကရေစီ နောက်ကြောင်းပြန်ခရီး ဖြစ်သွားပါလိမ့်မယ်။
လွှတ်တော်နိုင်ငံရေးမှာ ဒေါ်စု အောင်မြင်ခဲ့ရင် ဒုတိယ အကြိမ်အထွေထွေ ရွေးကောက်ပွဲ မှာဒီ/ချုပ်ပါတီ အာဏာရလာမှာ သေချာနေပါတယ်။ ပဉ္စမမြန်မာနိုင်ငံတော်ကြီးလဲ ဖြစ်ထွန်း ပေါ်ပေါက်လာပါလိမ့်မယ်။
ကိုးကိုးကျွန်းပြန်တစ်ဦး
၂၈/၁၂/၁၁
Thanks
Out of three possible answers -
I reckon
2nd is most likely .
3rd is possible but less likely
1st one is ........Not going to happen. If it happens, that is the end of the world. That is why I said it is not going to happen.
There are few things/Persons/ are ' making those current military ( ? civilian ) to change to meet all requirements.
The World is watching.
Circumstances do not permit them.
This is not 60s-70s-80s and 89s .