ထိုင်းနိုင်ငံ Surin ခရိုင်က အသက် ၂၈ နှစ် အရွယ် Yingyuen ဆိုတဲ့ အမျိုးသားတယောက်က ကွယ်လွန်သူ သူ့ချစ်သူရဲ့ ရုပ်အလောင်းနဲ့ မကြာသေးခင်က လက်ထပ်ခဲ့ပါတယ်။လဲလျောင်းနေတဲ့ ချစ်သူကို လက်ထပ်လက်စွပ် စွပ်ပေးနေပုံဟာ အင်တာနက်မှာ ပျံ့နေပါတယ်။
အသက် ၂၉ နှစ်အရွယ် အမျိုးသမီး Sarinya က ကားအက်ဆီးဒင့်ကြောင့် သေဆုံးသွားတာပါ။
အမျိုးသမီးနဲ့သူနဲ့ တွဲနေတာ ကြာပြီ ဆယ်နှစ်ဝန်းကျင် ရှိပြီ၊ လက်ထပ်ဖို့ ပြောနေတာလည်း ကြာပြီ တဲ့။ သူက လက်ထပ်ဖို့ ကတိပေးခဲ့ပေမယ့် ပညာ ဆက်လက်သင်လိုတာကြောင့် ချက်ချင်း လက်မထပ်ဖြစ်ခဲ့ဘူး တဲ့။
ခုတော့ အမျိုးသမီး ရုတ်တရက် ကွယ်လွန်သွားတဲ့အတွက် သူက လက်ထပ်ပွဲကို မဖြစ်ဖြစ်အောင် လုပ်လိုက်တာပါ။ အသုဘ+လက်ထပ်ပွဲ ပုံတွေကိုလည်း သူ့ ဖေ့စ်ဘုတ်မှာ သူ တင်ထားတယ်လို့ သတင်းတွေက ဆိုတယ်။
သူ့ဖေ့စ်ဘုတ်မှာ အခုလိုလည်း ရေးထားပါတယ် တဲ့။
"ကျနော်တို့အတွက်တော့ ပြင်ဆင်လို့ မရတော့တဲ့ မှားယွင်းမှုကြီးပဲ။ ဘ၀ ဟာ တိုတိုလေး ဆိုတာ မမေ့ပါနဲ့။ ဖြစ်ချင်တာကို လုပ်လိုက်ပါ။ မိဘ၊ မောင်နှမ၊ ကိုယ်ချစ်တဲ့သူတွေကို ဂရုစိုက်ပါ။ အခွင့်အရေးဟာ ထပ်မရပါဘူး"
0 comments :
Post a Comment