(၃၀.၃.၁၁) နေ့မှာ ပြည်ထောင်စု လွှတ်တော်မှ ကြံ့ဖွံ့အစိုးရ အာဏာ ရလာပါတယ်။ ကျောရိုး ဒေါက်တိုင်ကြီးကတော့ ၂၀၀၈ ခုနှစ် ဖွဲ့စည်းပုံ အခြေခံ ဥပဒေ ဖြစ်ပါတယ်။ တစ်ပါတီ အာဏာရှင်စနစ် နှစ်ပေါင်းများစွာ အုပ်စိုးနိုင်အောင် ရေးဆွဲထားတဲ့ ဥပဒေမျှသာ ဖြစ်ပါတယ်။ ကြည်းတပ်မတော် ကျောရိုး မဏ္ဍိုင် ဖြစ်ပါတယ်။ဘယ်နိုင်ငံမဆိုအစိုးရ တိုင်းမှာစနစ်ကြီး (၃) မျိုးကို ကိုယ်စားပြုကြပါတယ်။ စီးပွားရေး နိုင်ငံရေး အုပ်ချုပ်ရေး နယ်ပယ်တွေမှာ ဖြစ်ပါတယ်။ အဲဒီစနစ်တို့ကို အကဲဖြတ် ဖေါ်ထုတ်ကြရာမှာတော့ အမြင် ကွဲလွဲချက်တွေ ရှိကြပါတယ်။ ဥပမာပြောရရင် တရုတ်ပြည်ကြီးကို လေ့လာကြည့်ရင် မော်စီတုန်း ချူအင်လိုင်းတို့က ချန်ကေရှိတ် အစိုးရကို နယ်ချဲ့စနစ်၊ မြေရှင်ပဒေသရာဇ်စနစ်၊ ဗြူရိုကရက်အရင်းရှင်စနစ်တို့ကို ကိုယ်စားပြုနေတယ်လို့ အကဲဖြတ်ချက်ပြုလုပ်ပါတယ်။
တရုတ်ကွန်မြူနစ်တွေ မှားသ လား? မမှားဘူးလို့ အခိုင်အမာ ပြောနိုင်ပါတယ်။ ၁၉၄၉ ခုနှစ် အောက်တိုဘာ (၁) ရက်နေ့မှာ မေါ်စီတုန်း ချူအင်လိုင်း ချူတေးတို့ ခေါင်းဆောင်ပြီး တရုတ်ပြည်သူ့သမတနိုင်ငံကို ထူထောင်နိုင်ခဲ့တယ်။ နှစ်ပေါင်း (၆၂) နှစ်ကြာအောင် နိုင်ငံတော်အာဏာ (၃) ရပ်ဟာ ကွန်မြူနစ်တွေ လက်ထဲမှာဘဲ ရှိနေပါသေးတယ်။ ၂၀၁၀ ပြည့်နှစ်ရောက်တော့ ကမ္ဘာပေါ်မှာ အမေရိကန်နိုင်ငံပြီးရင် ဒုတိယ စီးပွားရေးအင်အားအကြီးဆုံး နိုင်ငံကြီး ဖြစ်နေပြီလို့ နိုင်ငံတကာ ပညာရှင်တွေက တစ်ညီတစ်ညွတ်တည်း အကဲဖြတ်ကြပါတယ်။ အမျိုးသား ကုန်ထုတ်လုပ်မှုကလဲ နှစ်စဉ် (၁၀%) ၀န်းကျင် ရှိတယ်လို့ သုံးသပ်ကြပါတယ်။ ချမ်းသာကြွယ်ဝတဲ့ နိုင်ငံကြီးလို့ သတ်မှတ်နိုင်ပါပြီ။
စစ်အေးလွန်ခေတ်မှာ နိုင်ငံတကာ နိုင်ငံရေးရေစီးကြောင်းက ပါတီစုံဒီမိုကရေစီစနစ် ဖြစ်ပါတယ်။ တရုတ်ကွန်မြူနစ် တွေက တစ်ပါတီအာဏာပိုင်စနစ်ကို ကျင့်သုံးနေဆဲဖြစ်ပါတယ်။ လူတန်းစား ကွာဟချက်တွေ ကြီးထွားလာနေတယ်။ မြို့ပြဒေသနဲ့ ကျေးလက်ဒေသ စီးပွားရေး တိုးတက်မှု မညီမျှမှုတွေ ဖြစ်ထွန်း ပေါ်ပေါက်နေပါတယ်။ နိုင်ငံရေး ဘာသာရေး လူမျိုးရေး မကျေနပ်မှုတွေကလဲ တစ်နှစ်ထက်တစ်နှစ် တိုးတက်လာနေပါတယ်။ လူ့အခွင့်အရေး ဒီမိုကရေစီ တောင်းဆိုမှုတွေက ကျယ်ကျယ် လောင်လောင် မြည်ဟီးနေပါတယ်။
မေါ်စီတုန်းနဲ့ တိန့်ရှောက်ဖိန်တို့ရဲ့ တပည့်နောက်လိုက်တွေဖြစ်ကြတဲ့ ဟူကျင်းတောင်နဲ့ ၀မ်ကြားပေါင်တို့ဟာ နိုင်ငံရေးတည်ငြိမ်မှုတွေကို ဆက်လက် ထိန်းသိမ်းနိုင်ပါ့မလား? ဆိုတာ နိုင်ငံတကာ ပညာရှင်တွေကြားမှာ ဆွေးနွေး ငြင်းခုံနေကြပါ တယ်။
အနီးခေတ်မြန်မာ့သမိုင်းကို လေ့လာကြည့်မယ် ဆိုရင် ၁၉၆၂ ခုနှစ်မတ်လ (၂) ရက်နေ့မှာ စစ်အာဏာသိမ်းခဲ့ပါတယ်။ ၁၉၆၄ ခုနှစ်က စတင်ပြီး ကွန်မြူနစ်ပါတီ ကေအန်ယူပါတီ မွန်ပြည်သစ်ပါတီ ကရင်နီ အမျိုးသား တိုးတက်ရေးပါတီတို့က တော်လှန်ရေးကောင်စီအစိုးရကို နယ်ချဲ့စနစ်၊ မြေရှင်ပဒေသရာဇ် စနစ်၊ ဗြူရိုကရက် အရင်းရှင်စနစ်တုိ့ကို ကိုယ်စားပြုနေကြတယ်လ်ို့ အကဲဖြတ်ခဲ့ကြတယ်။ လက်ဝဲတပ်ပေါင်းစု (မဒညတ) ရဲ့ သဘောထားဖြစ်ပါတယ်။ ဆိုခဲ့ပါ တပ်ပေါင်းစုက မြန်မာနိုင်ငံမှာ ဆိုရှယ်လစ် စီးပွားရေးစနစ်၊ ပြည်သူ့ဒီမိုကရေစီ အာဏာပိုင်စနစ် နဲ့ လက်ဝဲ တပ်ပေါင်းစု နိုင်ငံရေးစနစ်ကို ထူထောင်သွားမယ်လို့ မဟာဗျူဟာ လမ်းစဉ်ရေး ဆွဲချမှတ်ခဲ့ကြတယ်။ ၁၉၇၅ ခုနှစ် မတ်လမှာ ဆိုခဲ့ပါ တပ်ပေါင်းစုကြီးဟာ စစ်အစိုးရ ရဲ့ စစ်ရေးအရ ချေမှုန်းခြင်း ခံရပါတယ်။
ဘာ့ကြောင့်ပြည်သူ နဲ့ဒီမိုကရေစီတော်လှန်ရေး ကျဆုံးသွားခဲ့ရပါသလဲ?
နိုင်ငံရေးသမားတွေ၊ သမိုင်းပညာရှင်တွေ အလေးအနက် ဝေဘန် သုံးသပ်သင့်ကြပါတယ်။
ဗီယက်နမ်ကွန်မြူနစ်ပါတီဟာ သက်တမ်း (၉၁) နှစ်ရှိခဲ့ပြီ။ နိုင်ငံတော်အာဏာကို ထိန်းချုပ်ထားခဲ့တာ (၆၆) နှစ်ကြာရှည်ခဲ့ပြီ။ တရုတ်ကွန်မြူနစ်ပါတီက သက်တမ်းနှစ် (၉၀) ရှည်ကြာခဲ့ပြီ။ နိုင်ငံတော်အာဏာကို သိမ်းပိုက်ထားခဲ့တာ (၆၂) ရှည် ကြာခဲ့ပြီဖြစ်ပါတယ်။ ဆိုခဲ့ပါနိုင်ငံတွေက ကွန်မြူနစ်ခေါင်းဆောင်ကြီးတွေ ဉာဏ်အမြှော်အမြင်ကြီးမြတ်မှုနဲ့ ပြည်သူတွေကို စည်းရုံးရာမှာ အောင်မြင်မှုရလဒ်တွေလို့ သုံးသပ်နိုင်ပါတယ်။
မြန်မာနိုင်ငံကလက်ဝဲ၀ါဒီတွေကိုဘယ်လိုရှုမြင်သုံးသပ်ကြမလဲ? -လွတ်လပ်ရေးမရမှီနှစ်တွေကို ဘေးဖယ်ထားပြီး လွတ်လပ်ရေးရပြီး နောက်ပိုင်း လက်ဝဲခေါင်းဆောင်ကြီးများအဖြစ် ဘယ်သူတွေကို သမိုင်းမှတ်တမ်းတင်ကြမလဲ?
ပြည်သူ့ရဲဘော်ဥက္ကဋ္ဌကြီးဗိုလ်မှူးဖိုးကွန်း၊ ကွန်မြူနစ်ပါတီဥက္ကဋ္ဌကြီး သခင်သန်းထွန်း၊ အလံနီကွန်မြူနစ်ပါတီ အတွင်းရေးမှူးချုပ် သခင်စိုး၊ အလုပ်သမားပါတီဥက္ကဋ္ဌကြီး သခင်ချစ်မောင်တို့ကို မှတ်တမ်း တင်သင့်တယ် လို့ ယူဆပါတယ်။
ဆိုခဲ့ပါလက်ဝဲခေါင်းဆောင်ကြီးတို့ဟာ သမိုင်းမှာ ဘယ်လို ပါဝင်ခဲ့ပြီး ဘယ်လို ဇာတ်သိမ်းသွားကြပါသလဲ?
ဗိုလ်မှူးဖိုးကွန်းဟာ၁၉၂၀ ပြည့်နှစ် ပထမကျောင်းသားသပိတ်ရဲ့ ခေါင်းဆောင်ကြီး ဖြစ်ပါတယ်။ နိုင်ငံရေးဖြစ်စဉ်မှာ တစ်စိုက်မတ်မတ် ပါဝင်ခဲ့ပေမဲ့ စစ်ပြီးခေတ်အထိ ထိပ်တန်းခေါင်းဆောင်တစ်ယောက် မဟုတ်ခဲ့ပါ။ ၁၉၄၅ ခုနှစ်မှာ ကန္ဒီစာချုပ်အရ ဖက်ဆစ်တော်လှန်ရေး တပ်ဗိုလ်တပ်သား (၁၅၀၀၀) ခန့်တို့ လက်နက် ဖြုတ်ခံရပါတယ်။ ပြည်သူ့ရဲဘော်အဖွဲ့ အဖြစ် နာမည်ယူခဲ့ ပါတယ်။ ဗိုလ်ချုပ်အောင်ဆန်းက ဥက္ကဋ္ဌဖြစ်ပြီး ဗိုလ်မှူးဖိုးကွန်းက ခေါင်းဆောင်တစ်ဦး ဖြစ်ပါတယ်။ ဗိုလ်ချုပ်တို့ ကျဆုံးပြီး နောက် သူက ဥက္ကဋ္ဌကြီး ဖြစ်လာပါတယ်။ ၁၉၄၈ ဇူလိုင်လမှာ ရဲဘော်ဖြူတွေ တောခိုတော့ သူဘဲ ခေါင်းဆောင်ခဲ့ပါတယ်။ လက်နက်ကိုင် တော်လှန်ရေး (၁၀) နှစ်ခန့် ဆင်နွှဲပြီးနောက်၁၉၅၈ ခုနှစ်ဇွန်လလောက်မှာ နှစ်ချက်နဲ့ အလင်းဝင်ရေး သဘောထားကို လက်ခံပြီးမြို့ပေါ် ပြန်ရောက်ခဲ့ပါတယ်။ ၁၉၆၂ ခုနှစ်မှာ စစ်အာဏာသိမ်းလိုက်တော့ သူက တော်လှန်ရေးကောင်စီကို ထောက်ခံပြီး ပါတီက နှုတ်ထွက်ခဲ့ပါတယ်။ ဗိုလ်ချုပ်နေ၀င်း လက်အောက်မှာ တာဝန်ယူပြီး နောက်ပိုင်းမှာတော့ ဇာတ်မြုတ်သွားပါတော့တယ်။ လွတ်လပ်ရေး ခေတ်ဦးမှာ ပြည်သူ့ရဲဘော်ပါတီဟာ အင်အား (တစ်သောင်း) ခန့်ရှိတယ်လို့ မှတ်သားဘူးပါတယ်။
ဒုတိယလက်ဝဲခေါင်းဆောင်ကြီးကကွန်မြူနစ်ပါတီ ဥက္ကဋ္ဌကြီး သခင်သန်းထွန်းဖြစ်ပါတယ်။ ဒုတိယကမ္ဘာစစ်ကြီး အပြီးမှာ ဗိုလ်ချုပ်အောင်ဆန်းနဲ့ ပူးတွဲပြီး နာမည်ကြီးခဲ့သူဖြစ်ပါတယ်။ ၁၉၄၆ ခုနှစ်မှ၁၉၆၈ ခုနှစ်အထိ ပါတီဥက္ကဋ္ဌကြီး ဖြစ်ခဲ့ပါတယ်။ ပြည်သူ့ ဒီမိုကရေစီ တော်လှန်ရေး ဆင်နွှဲကြဖို့ အမိန့် ပေးခဲ့သူဖြစ်ပါတယ်။ အင်အား တစ်သောင်းခန့်အထိ စည်းရုံးနိုင်စွမ်းရှိတယ် လို့ ပါတီဝင်ထုက အသိအမှတ် ပြုခဲ့ပါတယ်။ သူဟာ ၁၉၅၂ ခုနှစ်လောက်က စတင်ပြီး အလံနီပါတီနဲ့ နှစ်ပါတီ တစ်ပါတီဖြစ်ရေးကို ကြိုးစား အားထုတ်ခဲ့တယ်။ သခင်စိုးက အချောင်သမားတွေနဲ့ မပူးပေါင်းနိုင်ဆိုပြီး သခင်သန်းထွန်းရဲ့ ကမ်းလှမ်းချက်ကို ငြင်းပယ်ခဲ့ပါတယ်။
တတိယမြောက်လက်ဝဲခေါင်းဆောင်ကြီးကတော့ ဆရာကြီး သခင်စိုး ဖြစ်ပါတယ်။ ရဲနီတွေက သူ့ကို ဆရာကြီးလို့ ခေါ် ကြပါတယ်။ သူဟာ (၇) တန်း မျှသာအောင်မြင်ခဲ့ပါတယ်။ စစ်မဖြစ်မှီ ဒို့ဗမာအစည်းအရုံးမှာ သခင်အောင်ဆန်း သခင်သန်းထွန်းတို့နဲ့အတူ နာမည်ကြီးခဲ့ပါတယ်။ ထောင်တွင်း ရှိနေစဉ်က မြင်းခြံစစ်တမ်း၊ အင်းစိန်စစ်တမ်းတို့ကို ပြုစု ထုတ်ပြန်ခဲ့တယ်။ ဖက် ဆစ်ဆန့်ကျင်ရေး စာတမ်းတွေ ဖြစ်ပါတယ်။ ကွန်မြူနစ်ဝါဒနဲ့ ပတ်သက်ပြီး ၀ါကျတွေ စကားပိုဒ်တွေကို အလွတ် ရွတ်နိုင်တယ်လို့ အဆိုရှိခဲ့ပါတယ်။ ၁၉၇၁ ခုနှစ်မှာ ဥပဒေတွင်း ပြန်ဝင်ရောက်ခဲ့ပါတယ်။ နောက်လိုက် ရဲနီတွေ မရှိတဲ့အချိန်မှာ ဥပဒေတွင်း ၀င်ရောက်ခဲ့ခြင်း ဖြစ်ပါတယ်။ သူဟာ အရက် ပုလင်းရယ်၊ ဇနီးမယားရယ်၊ ကွန်မြူနစ်ဝါဒကျမ်းစာအုပ်တွေရယ် သူရောက်လေရာမှာ ပါရှိတယ်လို့ ပြောကြပါတယ်။ သခင်သန်းထွန်းကအသက် (၅၇) နှစ်မှာ ကျည်သင့်ကွယ်လွန်ပြီး သခင်စိုးက အသက် (၈၀) အ ရွယ်မှာ ကွယ်လွန်သွားခဲ့ပါတယ်။
စတုတ္ထမြောက်လက်ဝဲခေါင်းဆောင်ကြီးကတော့ ၀ိဒူရ သခင်ချစ်မောင်ဖြစ်ပါတယ်။ သူက သူပုန်ခေါင်းဆောင်ကြီး မလုပ်ခဲ့ဘူးပါ။ ၁၉၅၀ ပြည့်နှစ် ကိုးရီးယားစစ်ပွဲဖြစ်ပွားတော့ ဆိုရှယ်လစ်ပါတီတွင်းမှာ သဘောထား ကွဲလွဲမှုတွေဖြစ်ပေါ်ခဲ့တယ်။ သခင်လွင် သခင်ချစ်မောင် သခင်လှကျွေတို့က ဆိုရှယ်လစ်ပါတီမှ ဂိုဏ်းကွဲထွက်လိုက်ပြီး ဗမာပြည်အလုပ်သမားလယ်သမားပါတီကို ထူထောင်ခဲ့ပါတယ်။ ၁၉၅၃ ခုနှစ်ကစတင်ပြီး ဗမာပြည်အလုပ်သမားပါတီ အမည်ပြောင်းလိုက်ပြီး သခင်ချစ်မောင်က ခေါင်းဆောင်ကြီး ဖြစ်လာပါတယ်။ လက်ဝဲ၀ါဒကို ယုံကြည်ပေမဲ့ လက်နက်ကိုင် တော်လှန်ရေး ယုံကြည်တဲ့ ပါတီ မဟုတ်။ ၁၉၅၈ ခုနှစ်မှာ အိမ်စောင့်အစိုးရ တက်လာတာကို ပြင်းပြင်းထန်ထန် ကန့်ကွက်ခဲ့လို့ ၀ိဒူရ သခင်ချစ်မောင်အဖြစ် လူထုကြီးက ထောက်ခံခဲ့တယ်။ ၁၉၆၂ ခုနှစ်မှာ တော်လှန်ရေးကောင်စီ အာဏာ သိမ်းပြီး မြန်မာ့ဆိုရှယ်လစ်လမ်းစဉ်ကို ကျေညာလိုက်တော့ဝိဒူရက အဲဒီလမ်းစဉ်ကို ခွေးခါးတက်မှာနေပြီး အကောင်အထည်ဖေါ်ပေးမယ်လို့ ကျေညာလိုက်တာကြောင့် ၀ိဒူရ သခင်ချစ်မောင်ဘ၀မှ ခွေးခါးတက် သခင်ချစ်မောင်အဖြစ် နာမည်တွင်သွားခဲ့တယ်။ ၁၉၆၄ ခုနှစ် နောက်ပိုင်းမှာ နိုင်ငံရေးဇါတ်ခုံပေါ်က ပျောက်ကွယ်သွားပါတော့တယ်။
လွတ်လပ်ရေး ရရှိပြီးနောက်မြန်မာနိုင်ငံမှာ နာမည်ကြီးခဲ့ကြတဲ့ လက်ဝဲခေါင်းဆောင်ကြီးများကို အကျဉ်းချုပ် ပုံဖေါ်ကြည့်ခြင်း ဖြစ်ပါတယ်။ တရုတ်ဗီယက်နမ် ခေါင်းဆောင်ကြီးများရဲ့ အမြှော်အမြင်ရှိမှု ဉာဏ်ပညာ ကြီးမြင့်မှုတွေကို အထင်အရှား တွေ့နေရပါတယ်။ မြန်မာခေါင်းဆောင်ကြီးများရဲ့ ညံ့ဖျင်းမှုတွေကိုလဲ မကွယ်မထောက် ၀န်ခံရမှာဖြစ်ပါတယ်။
ခုအခါမှာမြန်မာပြည်သူတွေဟာ အာဏာရှင်စနစ်မှ ဒီမိုကရေစီ စနစ်ဆီ ကူးပြောင်းမှုနဲ့ ကြုံတွေ့နေရပါတယ်။ သွေးမြေကျမှုတွေ အနည်းဆုံး လမ်းကြောင်းနဲ့ ချီတက်ဖို့ ဒေါ်စု ကြိုးစားနေပုံရပါတယ်။ သမတဦးသိန်းစိန်နဲ့ ဒေါ်အောင်ဆန်းစုကြည်တို့ဟာ လာမဲ့ (၃) နှစ်ခန့်အတွင်းမှာ ထူးခြားတဲ့ ပြုပြင်ပြောင်းလဲမှုတွေ ဖေါ်ဆောင်နိုင်စွမ်းရှိကြတယ်၊ ပြည်တွင်း ငြိမ်းချမ်းရေး ရရှိအောင် ကြိုးပမ်းနိုင်ခဲ့တယ်၊ နိုင်ငံရေးတည်ငြိမ်မှုကို ထိန်းသိမ်းထားနိုင်တယ်၊ အမျိုးသား ပြန်လည် သင့်မြတ်ရေးကို တည်ဆောက်လို့ရနေပြီလို့ ပြည်သူ အများစုကြီးက ယုံကြည် လက်ခံလာကြရင် ပဉ္စမ မြန်မာနိုင်ငံတော်ကြီးကို စတင် ဖေါ်ဆောင်နေ ကြပြီလို့ ထောက်ခံကြရပါလိမ့်မယ်။
ကိုးကိုးကျွန်းပြန်တစ်ဦး
၂/၁/၁၂
လူနေမှုစနစ် ဆိုတာတော့သေချာမသိပါဘူး..ဒါပေမယ့်
တစ်ဦးချင်းစီ စည်းကမ်းရှိဖို့တော့ လိုတယ်လို့ အကြံပြုချင်ပါတယ်....