မြန်မာ့အလင်း သတင်းစာအာဘော်မှာ ဒီနေ့ည ကျင်းပမယ့် ပွဲမှာ အကယ်ဒမီရနိုင်တဲ့ ဇာတ်ကားအမည်တွေကို အရိပ်အမြွက် ပေးထားတယ်။ အစိုးရသတင်းစာက ပေးတာဆိုတော့ လျှော့မတွက်သင့်ပါဘူး။ အဲဒီထဲမှာ ဒါရိုက်ဝိုင်းရဲ့ အာဒံရယ် ဧဝရယ် ဒဿရယ် ဇာတ်ကား နာမည်လည်း ပါပါတယ်။
ဒါပေမယ့် မနေ့ကတော့ ဒရိုက်တာဝိုင်းက ဒီပွဲကို သူမတက်ဘူး၊ ဆန်တွေ ဆီတွေ ပေးသလို အလှည့်ကျ လုပ်ပေးနေတဲ့ ပွဲလို့ ပြင်းပြင်းထန်ထန် ဝေဖန်တဲ့မှတ်ချက် ဧရာဝတီကို ပေးထားပါတယ်။
“ကျနော် သရုပ်ဆောင် ဘ၀ကတည်းက နှစ်တော်တော်များများ အကယ်ဒမီပေးပွဲကို မတက်ဘူး။ အယုံအကြည်လည်း မရှိဘူး။ ဘာလို့လဲဆိုတော့ ဟိုလူနဲ့သိရင် ပေးလိုက်တာပဲ၊ ဒီလူနဲ့သိရင် ပေးလိုက်တာပဲ။ အဲဒီလိုမျိုးတွေပဲ မြန်မာ့ ရုပ်ရှင်လောကမှာ အုပ်စိုးနေတော့ နည်းနည်းတော့ ရွံစရာကောင်းလာတယ်။ အကယ်ဒမီဆိုတာကို ဆီတွေ ဆန်တွေလို ခွဲတမ်းချပြီးပေးနေတာကိုလည်း သိပ်ဘ၀င်မကျဘူး။ တကယ့်တကယ့်မှာ တန်ဖိုးဆိုတဲ့အရာကို မေးခွန်းထုတ်စရာရှိပါတယ်” လို့ ဒါရိုက်တာ ၀ိုင်းက ဧရာဝတီကို ပြောပါတယ်။ (အပြည့်အစုံကို ဒီနေရာမှာ ဖတ်ပါ)
ဒီနှစ်ပြပွဲစီစဉ်တဲ့ ကုမ္ပဏီတွေလည်း အားအတော် တောင့်ပါတယ်။ အစိုးရသတင်းစာမှာတော့ အကယ်ဒမီပေးပွဲကို “ထူးခြားစွာ တင်ဆက်သွားမည်” လို့ တခမ်းတနား ဆိုထားပါတယ်။
အမှန်တရား ဆိတ်သုဉ်းနေသမျှ ကာလပတ်လုံး၊ ရက်စက်ယူတ်မာသူတွေ ပေးသော အရာမှန်သမျှကို လက်ခံခြင်းဖြင့် မိမိ ရှိပြီးသားဂုဏ်တွေတောင် နိမ့်ကျသွားပါမယ်။