သို့
THE IRRAWADDY
အကြောင်းအရာ။ ။ စီမံကိန်းနယ်မြေအဖြစ် ချန်ထားသော မြေနေရာများ၊ လူနေအိမ်အဖြစ်မြေကွက် မဖော်သင့်သော မြေနေရာများကို မြေကွက်ရိုက် ရောင်းစားနေခြင်း။
ရန်ကုန်တိုင်းဒေသကြီး ရွှေပြည်သာမြို့သစ် ၀န်ထမ်းကြီးများ ရပ်ကွက်၊ ရွှေပြည်သာကွေ့အနီး၊ အမှတ်(၄)လမ်းမကြီး နှင့်မြို့ပတ်လမ်းအကြားတွင် ရှိသော မြေကွက်များအား ပေ၄၀x၆၀ မြေကွက်များဖော်၍ မြေကွက်များရ ယူခြင်း၊ ပြန်လည်ရောင်းစားနေခြင်းများ ပြုလုပ်နေကြပါသည်။
ယင်းနေရာမှာ အမှတ်(၄)လမ်းမကြီး လမ်းတိုးချဲရန် သတ်မှတ်ထားသောမြေကွက်များ ဖြစ်ပါသည်။ အမှတ်(၄) အဝေးပြေးလမ်းသည် ယခုအခါ(၂)လမ်းသွားအဆင့်သာ တည်ရှိနေပါသည်။ နေ့စဉ် ကုန်တင်ကားကြီးများ အမြဲမပြတ်သွားလာနေသော လမ်းလည်း ဖြစ်ပါသည်။ ယခုအချိန်တွင် မော်တော်ကားများတိုးပွားလာခြင်း၊ ကုန်သွယ်ယူမူ့ များလာခြင်း၊ ကားကြီးများ အသုံးပြုခြင်းတို့ကြောင့် လမ်းများ မကြာခဏပိတ်ဆို့နေခြင်း များ ဖြစ်ပေါ်နေပါသည်။
ရွှေပြည်သာမှ ရန်ကုန်မြို့တွင်းသို့ အလုပ် သွားလုပ်သူများသည် အဓိက အားထားရာ တခုတည်းသောလမ်းလည်း ဖြစ်ပါသည်။ သို့ဖြစ်ပါ၍ နောင်တချိန်တွင် လမ်းတိုးချဲ့ရန် မလွဲမသွေ လိုအပ်သောလမ်းမကြီးလည်း ဖြစ်ပါသည်။
ယင်းမြေကွက်လပ်သည်ပေ(၈၀) ခန့်သာ ရှိပါသည်။ ဖော်ထုတ်ထားသော မြေကွက်သည် ပေ၄၀x၆၀အကွက် အတန်းတစ်တန်းထဲသာ ဖြစ်ပါသည်။ ကျောချင်းကပ်၍ ဖော်ထုတ့်မရနိုင်ပါ။ သို့ဖြစ်ပါ၍ ယခုဖော်ထုတ်ထားသောမြေကွက်များသည် အရှေ့အရပ်တွင် ရှိသော အမှတ် (၄) လမ်းမဘက်သို့မျက်နှာမူ၍ အိမ်ဆောက်လုပ်ပါက မြို့ပတ်လမ်းတွင် ရှိသော အရှေ့အရပ်သို့ မျက်နာမူ ဆောက်လုပ်ထားသော အငြိမ်းစား နိုင်ငံဝန်ထမ်းများ၏ နေအိမ်များ၏ မျက်နှာစာသည် ယခုဖော်ထုတ်နေသောမြေကွက်များ၏ နောက်ဖေး၊ အနောက်ဖက်ခြမ်းကို မျက်နှာမူနေမည်ဖြစ်ပါသည်။
မည်သည့်လူမျိုးဖြစ်ပါစေ ကိုယ်အိမ်ရှေ့သည် တခြားအိမ်၏ မိလ္လာကန် ထားရှိရာ နောက်ဖေး အဖြစ်နဲ့ မည်သူမှ မနစ်သက်ကြပါ။ တကိုယ်ကောင်းဆန်သော မိမိအကျိုးသာ သိသောသူ များ၏ လုပ်ရပ်များပင်ဖြစ်ပါသည်။ ပြင်းထန်စွာ ကန့်ကွက် ပါသည်။
ထို့အပြင် ယင်းမြေကွက်တွင် ဂက်စ် ပိုက်လိုင်း ၂ လိုင်း သွယ်တန်းထားပါသည်။ အမှတ်(၄)လမ်းမ၏ ဘေးတွင်လည်း ဂက်စ် ပိုက်လိုင်း ၁ လိုင်း သွယ်တန်းထားပါသည်။
ထို့ကြောင့် ဂက်စ်ပိုက်လိုင်းများကြားတွင် တည်ရှိနေသော ယင်းမြေနေရာများတွင် မြေကွက်များဖော်ခြင်း၊ အဆောက်အအုံ ဆောက်လုပ်ခြင်းများ မပြုလုပ်သင့်ပေ။ ယင်းမြေကွက်လပ်အနီး အမှတ် (၄) လမ်းမ၏အရှ့ဘက်တွင် ရှိသော ဂက်စ် ပိုက်လိုင်းသည် ( ၈့၁၁့၂၀၁၀ ) နံနက် (၃း၁၅)ခန့်တွင် ပေါက်ကွဲမူ့ဖြစ်ပေါ်ခဲ့ပြီး (၂) ဦးသေဆုံးခဲ့ပါသည်။
အမှတ်(၄) အဝေးပြေးလမ်းသည် ကုန်တင်ကားကြီးများ နေ့စဉ် သွားလာမူ့ကြောင့်လမ်းတုန်ခါမူများ ဖြစ်ပေါ်စေပါသည်။ လမ်းမနှင့်နီးနေသောဂက်စ် ပိုက်လိုင်းများသည် မြေသားတုန်ခါမူ့ကြောင့် ပိုက်ဆက်များ ပေါက်ခြင်း၊ မီးလောင်ခြင်းများ ဖြစ်ပေါ်စေပါသည်။ ယင်းမြေကွက်ရှိ ပိုက်လိုင်း၂လိုင်း မြေပေါ် ပေါ်နေပါသည်။ သို့ဖြစ်ပါ၍ ယင်းမြေနေရာတွင်လူနေအိမ်များဆောက်လုပ်ခြင်း၊ ဆိုင်ခန်းများ ဆောက်လုပ်ခြင်း လုံးဝ မသင့်တော်ပါကြောင်း ၊ ယင်းမြေကွက် ရွှေပြည်သာကွေ့ လမ်းဆုံနေရာတွင် လောင်စာဆီရောင်းမည့်ဆိုင်တဆိုင် ဆောက်လုပ်မည်ကိုလည်း ကြားသိရပါသည်။
ထို့ကြောင့် ၀န်ထမ်းကြီးများနေထိုင်သော ရပ်ကွက်သည် နိုင်ငံတာဝန်များ ထမ်းဆောင်၍ အငြိမ်းစားများ သက်ကြီးရွယ်အိုများ မိသားစုများ အေးချမ်းစွာ နေထိုင်ခဲ့ကြသော်လည်း ယခုအခါတွင် သောကရောက်နေကြပါသည်။
လူကြီးမင်းများ၏ သတင်းဂျာနယ်များတွင် ဖော်ပြနိုင်ရန်၊ မသင့်တော်သော လုပ်ဆောင်ချက်များကို တားဆီးနိုင်ရန်၊ မီဒီယာများက အကြံပြုကူညီ ဖြေရှင်းပေးနိုင်ပါရန် အကြောင်းကြား သတင်းပေးပို့အပ်ပါသည်။
လေးစားစွာဖြင့်
ရွှေပြည်သာမြို့သစ်ဝန်ထမ်းကြီးများရပ်ကွက်မိသားစုများ
0 comments :
Post a Comment