အိမ်ခြေ ၁၀၀၀ ကျော်ကို ဝါးမြိုသွားတဲ့ အုန်းဖျန် ဒုက္ခသည်စခန်းက မီး

ထိုင်း-မြန်မာနယ်စပ်ရှိ အုန်းဖျန် ဒုက္ခသည် စခန်း၌ ယနေ့နံနက် ၁၁ နာရီခန့်က စတင်၍ မီးလောင်ရာ ရပ်ကွက် ၄ ခု မှ အိမ်ခြေ ၁၀၀၀ ခန့် လောင်ကျွမ်း ခံနေရကြောင်း သိရသည်။ ရပ်ကွက် ၉ မှ စတင်လောင်ကျွမ်းခြင်း ဖြစ်ပြီး ရပ်ကွက် ၆ ၊ ၇ ၊ ၈ များကိုပါ ကူး စက်ခြင်း ဖြစ်သည်ဟု အုန်းဖျန်မှ လာသော သတင်းများက ဆိုသည်။ လူ အသေအပျောက် ရှိသော်လည်း အတိအကျ မသိရ သေးကြောင်း၊ မီးသည် ရပ်ကွက် ၁၀ ကိုပါ ကူးစက်နေပြီဖြစ် ကြောင်းလည်း သိရသည်။ အုန်းဖျန်စခန်း၌ ရပ်ကွက် ၁၆ ရပ်ကွက်ရှိပြီး မြန်မာနိုင်ငံမှ ဒုက္ခသည် ၂၀၀၀၀ ခန့် နေထိုင်လျက် ရှိသည်။