ရွှေရိုး
"---တရုတ် အင်္ဂလိပ် စပီကင်ကိုလဲ မတက် မနေရ --- ဗိုလ်ချုပ် (ငြိမ်း) တွေကတော့ ပါရမီယာဉ်မောင်းများကို ရွှေထွက်တယ် လို့ မြင်နေကြမှာပါ---"
ကားကိုတော့ မနက် ၅ နာရီမှာ စထုတ်ရပြီး ည ၇ နာရီမှာ သိမ်းရတယ်။ ၇ နာရီကျော်လို့က လာထား ၂၀၀၀ ပဲ၊ ၇ နာရီ ၅ မိနစ်တောင် အစွန်းမခံဘူး။ အဲ ၈ နာရီကျော်ရင် နောက်ထပ် ၁၀၀၀ ပေးရမယ်။ ၉ နာရီကျော်ရင် ၂၀၀၀၀ ကောက် ပါသေးတယ်။ စုစုပေါင်း နောက်ကျကြေး ၅၀၀၀ ပေါ့။
ပါရမီကားများက အပေါ်ယံအမြင်ကတော့ရှယ်ပဲ။ အတွင်းအင်ဂျင်ပိုင်းက အကျထဲကိုရောက်နေကာ လမ်းများပိတ်ဆို့မှုကြောင့် ဝင်ငွေ ထင် သလောက် မရကြ။ တစ်ပတ်မှာ ၃ ရက်လောက်က ကားပျက်ရင် အကြွေးတင်လာပြီမှတ်။ အချိန်လဲကုန်၊ ပစ္စည်းဖိုးလဲ ထည့်ရ၊ ဝပ်ရှော့ ဆရာဆီ ကားပြင်ခလဲ အကြွေးအထားခဲ့ရပေါင်း များလှပြီ။ အကြွေးပေါ် အကြွေးထပ်၊ ဖုန်းလာရင် မကိုင်ရဲ၊ အိမ်ရှင်မများကလည်း ချွတ် ရောင်း ပေါင်နှံရနဲ့ တော်တော့ကို ဒုက္ခများရပါတယ်။ တက္ကစီမောင်းတဲ့ ပိုက်လော့တွေအားလုံးလည်း စိတ်ညစ်နေကြတယ်။ စစ်မှုထမ်း ဟောင်းများ သက်သာချောင်ချိရေးတဲ့။ အခုတော့ မသက်သာ မချောင်ချိရေးဖြစ်နေပါပြီ။
ကျွန်တော်တို့လို လက်ရှိမောင်းတဲ့ ကားသမားများနောက်မှာ အကူယာဉ်မောင်းဆိုတာလည်း ရှိသေးတယ်။ အကူယာဉ်မောင်းဆိုတာ ပါရမီ မောင်းချင်လွန်းလို့ ၁၀သိန်းပေးပြီး စောင့်နေရသူတွေပါ။ အထက်က ဗိုလ်ချုပ် (ငြိမ်း) တွေကတော့ ပါရမီယာဉ်မောင်းများကို ရွှေထွက်တယ် လို့ မြင်နေကြမှာပါပဲ၊ အဲ အခုတောင် ကြိုတင်လစာ ၄ သိန်းကို လဝက်ထဲက တောင်းနေပါပြီ။ မပေးနိုင်ရင် သော့သိမ်းထားတယ်၊ ပိုက်ဆံ ပေးမှ သော့ပြန်ပေးတယ်။ မမောင်းနိုင်တော့ပဲ ကားပြန်အပ်ရင် စပေါ်ငွေ ၁၅ သိန်းကို ၇ သိန်းသာ အရင်ပေးပြီး ကျန် ၈ သိန်းကို ၂ လ စောင့်ရမယ်။ ဒါကလည်း ဒီကားကို တစ်ခြားလူ (အကူယာဉ်မောင်း) ကို မောင်းခိုင်းပြီး ရတဲ့ငွေနဲ့ပေးမှာပါ။ အော်…ဦးပိုင်ဆိုတဲ့အတိုင်း ဦး ပိုင်ပါပဲဗျာ။
တစ်ချို့က မောင်းချင်လွန်းလို့ အာရကေ (ပွဲစားခ) ၅ သိန်းပေးရမလား၊ ၁၀သိန်းပေးရမလား၊ ဘယ်လိုလိုင်းဝင်ရမလဲ စုံစမ်းနေကြလေရဲ့။ အံ့ရော။ ပါရမီမောင်းလို့ ရွှေထွက်တယ်ဆိုတာ တကယ်မောင်းကြည့်မှ မင်္ဂလာဦးကရတဲ့ စိန်နားကပ်တောင် အတိုးမသတ်နိုင်လို့ အပေါင် ဆိုင်မှာ ဆုံးရောဗျာ…ဟဲ ဟဲ။
ပါရမီ ပိုက်လော့များ ၁၀ ဦးမှာ ၈ ဦးက အကြွေးနဲ့ ပြန်အမ်းချင်နေကြပြီ။ မောင်းချင်သူများ အမြန်ဆက်သွယ်ကြပါ။
မှတ်ချက်။ ။ ဒါတောင် စီအမ်ဂျီနဲ့ မောင်းနေရလို့။
ညွှန်း - http://moemaka.blogspot.com
0 comments :
Post a Comment