အမျိုးသားဒီမိုကရေစီပါတီသစ် ဥက္ကဋ္ဌ ဦးသိန်းညွန့်(၂၀၁၀ ရွေးကောက်ပွဲမတိုင်ခင်က ရိုက်ကူးထားတဲ့ဓာတ်ပုံပါ)
မြန်မာ့အသံ ရေဒီယို၊ ရုပ်သံတို့ကနေ ခုတလော ကြားဖြတ်ရွေးကောက်ပွဲအတွက် မဲဆွယ်ဟောပြောမှုတွေ ဆက်တိုက် ထုတ်လွှင့်နေပါတယ်။
ထုတ်လွှင့်သမျှထဲမှာတော့ ဦးသိန်းညွန့်ရဲ့ ဟောပြောချက်က အကောင်းဆုံးဖြစ်မယ် ထင်ပါရဲ့။
ဒီကနေ့ သတင်းစာများမှာ သူ့ဟောပြောချက် အပြည့်အစုံ ထည့်သွင်းထားပါတယ်။
https://blogger.googleusercontent.com/img/b/R29vZ2xl/AVvXsEh9AvownBvfWc1OceJqeB0zIwru_1RRSfFjzqb8AIRpl6fe2Yrpm8sSalf_JF63owcyTk5ybcKJfhOTD2O29wkFh-abDNud6uKVIxQmy9NLqSQ84oIsd5V7zPuCj4HBTonpsZQOMvs1t16P/s1600/0thenyu.jpg မှာ ဖတ်ပါ။
သူ့ပါတီရဲ့ ကိုယ်စားလှယ်လောင်းများကို မဲထည့်ဖို့ တိုက်တွန်းသွားပါတယ်။
တနိုင်ငံလုံးကြည့်ကြ၊ နားထောင်ကြတဲ့ ရုပ်သံ/ရေဒီယိုကနေ ဒဲ့ ပြောသွားတဲ့အတွက် အင်မတန် ထိရောက်တဲ့ ဟောပြောချက်ပါပဲ။
တချို့ပါတီတွေလို မူဝါဒတွေ၊ သဘောတရားရေးရာတွေ စတဲ့ ပရိသတ်ငြီးငွေ့စေမယ့် အကြောင်းအရာတွေကို ရှောင်သွားပါတယ်။ အဲဒါတွေ ပြောဖို့ စိတ်မ၀င်စားတာလား၊ ပရိသတ်ရဲ့ သဘောသဘာဝကို သိလို့လား မပြောတတ်ပါ။
ဟောပြောချက်ရဲ့ ပထမတပိုဒ်လုံးက ဆွဲဆောင်မှုအလွန်ကောင်းပါတယ်။
ပါတီမဲဆွယ်မှုအစီအစဉ်ထုတ်လွှင့်ချိန် ရုပ်သံကြည့်ပရိသတ် လိုင်းမပြောင်းအောင် သို့မဟုတ် ရုပ်မြင်သံကြားရှေ့က ထွက်မသွားအောင် အဲဒီ ပထမပိုဒ်က အင်မတန် အရေးကြီးမှာပါ။
ဦးသိန်းညွန့်က စာရေးဆရာလည်း ဖြစ်တာကြောင့် သူ့ဟောပြောချက်က ဆောင်းပါးကောင်းတပုဒ်လို လန်းနေပါတယ်။
၂၀၁၀ ရွေးကောက်ပွဲအကြိုကာလ NLD ကနေ ခွဲထွက်ပြီး NDF ဆိုတဲ့ ခမောက်တလုံးအမှတ်တံဆိပ်ပါတီကို ထူထောင်သူများထဲမှာ ဦးသိန်းညွှန့်လည်း တယောက် အပါအ၀င်ပါ။
နောက်ပိုင်း NDF ကနေ သူ ခွဲထွက်ပြီး အမျိုးသားဒီမိုကရေစီပါတီသစ် ဆိုတာကို ထောင်လိုက်ပါတယ်။ ပြီးခဲ့တဲ့ ၂ နှစ် ၃ နှစ်အတွင်း သူ့နောက်ကနေ ရပ်တည်ပေးခဲ့တဲ့ အဆိုတော် ရသက ဦးသိန်းညွန့်ရဲ့ ပါတီသစ်ကို ကိုယ်စားပြုပြီး မရမ်းကုန်းမြို့နယ်ကနေ ၀င်အရွေးခံမှာ ဖြစ်ပါတယ်။
ဆိုခဲ့တဲ့အတိုင်း ရသ တို့ကို မဲပေးဖို့ လှုံ့ဆော်ရာမှာ ဦးသိန်းညွန့်က ရေဒီယို ရုပ်သံတို့ကို ထိထိရောက်ရောက် သုံးသွားပါပြီ။
မရမ်းကုန်းမှာ ကြီး ၂ ကြီး (ကြံဖွံ့ပါတီ နဲ့ NLD ပါတီ)ကို ရင်ဆိုင်ရမယ့် အဆိုတော် ရသ မဲအများ ရမလား ဆိုတာကတော့ နောက် ၂ ပတ် ဆိုရင် အဖြေပေါ်မှာ ဖြစ်ပါတယ်။
တရုပ်သိုင်းကားကြည့်ရသလိုပဲ..
အကုန်လုံးကစွမ်းနေကြပါတယ်..