~
ခင်ကလျာစိုး (စကာင်္ပူ)
စင်္ကာပူရောက် မြန်မာပြည်သားများ စုဝေးရာ ပင်နီဆူလား ပလာဇာ (ဓာတ်ပုံ-ဧရာဝတီ)"မြန်မာသံရုံးက ၀င်ငွေခွန်ကိုသာ ပုံမှန်တောင်းခံပြီး ကိုယ့်နိုင်ငံသား၊ ကိုယ့်လူမျိုးအပေါ်မှာ အကူအညီ ပေးခြင်း၊ ထိထိရောက်ရောက် ကာကွယ်ပေးနိုင်ခြင်း မရှိပါ"
မြန်မာနိုင်ငံကနေ စကာင်္ပူမှာ အိမ်ဖော်လာလုပ်ကြရတဲ့ မိန်းကလေးတွေရဲ့ ဘ၀ကို ကိုယ်ချင်းစာနိုင်အောင် ဒီစာကိုရေးလိုက်တာပါ။ အိမ်ဖော်အဖြစ် သွားရောက် လုပ်ကိုင်လိုသူများ ဒီစာကို အရင်ဖတ်စေချင်ပါတယ်။
---------------------------------------------------
စကာင်္ပူမှာ အိမ်ဖော် လာလုပ်ကြရတဲ့ မိန်းကလေးတွေ အနေနဲ့ နိုင်ငံပေါင်းစုံ လူမျိုးပေါင်းစုံ ရှိပါတယ်။ အများအားဖြင့် ဖိလစ်ပိုင်၊ အင်ဒိုနီးရှား၊ ယိုးဒယားနဲ့ မြန်မာနိုင်ငံက မိန်းကလေးတွေပါ။
အဲ့ဒီလို လူမျိုးစုံထဲကမှ မြန်မာနိုင်ငံက အိမ်ဖော်တွေ ရတဲ့ အခွင့်အရေးနဲ့ တခြားနိုင်ငံက အိမ်ဖော်တွေ ရတဲ့ အခွင့်အရေး အများကြီး ကွာခြားပါတယ်။
ကျမနဲ့ အိမ်မှာ တခန်းတည်း အတူနေခဲ့တဲ့ ညီမလေး တယောက်က Maid Agency မှာ ရုံးဝန်ထမ်း လုပ်ပါတယ်။ ဒါကြောင့် သူပြောပြသမျှကို ကျမ သိခဲ့ရတယ်။
မြန်မာအိမ်ဖော်တွေ အဓိက အနှိမ်ခံရတဲ့ အချက်တွေက ဘာသာစကား အားနည်းမှု၊ မိမိ အလုပ်ရှင်ကို ရိုသေလေးစား အားနာမှု၊ သည်းခံတတ်မှုတွေကြောင့် အလုပ်ရှင် အိမ်ရှင်တွေက အတင့်ရဲစွာနဲ့ အနိုင်ကျင့် နှိမ်ချရဲတာပါ။ အိမ်ဖော်ချင်း အတူတူ ဖိလစ်ပိုင်နဲ့ မြန်မာ ရတဲ့ အခွင့်အရေး ကွာခြားတာကို ကျမ ရှင်းပြပါ့မယ်။
ဖိလစ်ပိုင်က လာတဲ့ အိမ်ဖော်တွေက သူများနိုင်ငံမှာ အိမ်ဖော် သွားလုပ်တော့မယ် ဆိုရင် မသွားခင်မှာ အရင်ဆုံး သင်တန်းတက်ရတယ်။ ကိုယ်လုပ်မယ့် လူမျိုးတွေရဲ့ စရိုက်၊ နေထိုင်မှု၊ သန့်ရှင်းရေး၊ စားပုံသောက်ပုံ၊ ချက်ပြုတ်တာတွေကအစ သင်ခဲ့ကြတယ်။ ကုန်ကုန်ပြောရရင် စကာင်္ပူမှာ အိမ်ဖော် လာလုပ်ဖို့ အ၀တ် လှမ်း တာတောင် သူတို့လိုတတ်မှ ဖြစ်မှာပါ။ မြန်မာပြည်က လာတဲ့ အိမ်ဖော်မိန်းကလေးတွေက အများအားဖြင့် နယ်က ကလေးတွေဖြစ်ကြတယ်။ တချို့ ပညာတတ်တဲ့ မိန်းကလေးတွေလည်း ပါပါတယ်။
ကိုယ့်တိုင်းပြည်မှာ လုပ်ကိုင်စားသောက်ဖို့ အဆင်မပြေလို့ ရှိသမျှလေး ပေါင်နှံပြီး Agent တွေကို မတန်တဆ ပေးပြီး ရောက်လာခဲ့ကြတယ်။ တချို့ဆိုရင် သူတို့ ဘာလုပ်လို့ လုပ်ရမှန်း မသိပဲ စင်္ကာပူမှာ အလုပ်ရမယ် ဆိုလို့ လိုက်လာတာမျိုးတွေ တပုံကြီးပါ။ လေဆိပ်ရောက်တော့မှ Agent က သူတို့ လက်ထဲကို In-Principle Approvals (IPA Letter) ထည့်ပေးလိုက်မှ သူတို့ရဲ့ အလုပ်အကိုင်နေရာကို မြင်မှ သိလိုက်ရတဲ့ သူတွေလည်း ဒုနဲ့ဒေးပါ။ အဲ့ဒီအချိန်မှာ နောက်ဆုတ်လို့လည်း မရတော့ဘူး။ ဒီတော့ မျက်စိမှိတ်ပြီး ရောက်ခဲ့ကြရပြန်ရော။
တချို့ဆိုရင် အဲ့ဒီ In-Principle Approvals (IPA Letter) ကိုတောင် မဖတ်တတ်ရှာလို့ နားမလည်ပါဘူး။ ဘာမှန်းညာမှန်း မသိပဲ အလုပ်ရချင်တဲ့ စိတ်လေး တခုတည်းနဲ့ ရောက်လာခဲ့ကြတာ။
ဒီတော့ ဘယ်မှာလည်း သင်တန်းတွေ၊ ဘာသာစကား လေ့လာမှုတွေ၊ လုပ်ငန်းတဲ့ ပတ်သက်တဲ့ ဗဟုသုတတွေ... တကယ့်ကို ဘာမှ မရှိပဲ ရောက်လာကြရတာပါ။ ဒီတော့ သူများနဲ့ ယှဉ်ပြီးလည်း ရွေးရော မြန်မာလူမျိုးက ဘာမှ မတတ်ဘူးဆိုပြီး Agent ကစလို့ လစာကို နှိမ်ပြီး သတ်မှတ်တော့တာပဲ။
အလုပ်ရှင်တွေဆီ ပို့ပြန်တော့လည်း တခြားနိုင်ငံသားတွေကို စကာင်္ပူ မဟုတ်တဲ့ နိုင်ငံခြားသား (အနောက်နိုင်ငံသား) အိမ်တွေကို ပို့တာများတယ်။ မြန်မာတွေက ဘာသာစကား အားနည်းလို့ ဆိုပြီး စလုံးတရုတ် အိမ်တွေကို ပို့တယ်။ တခြားနိုင်ငံသားတွေ တလကို စကာင်္ပူဒေါ်လာ (၆၀၀) ရတဲ့ အချိန်မှာ မြန်မာလူမျိုးကို တလ စကာင်္ပူဒေါ်လာ (၃၅၀) ပဲ ပေးတယ်။
အလုပ်နားရက် ပေးပြန်တော့လည်း တခြားလူမျိုးတွေက တပတ်ကို (၁)ရက် ခံစားခွင့်ရတယ်။ မြန်မာလူမျိုးကို တလမှ (၁) ရက်ပဲ ခံစားခွင့် ပေးတယ်။ ဟန်းဖုန်းသုံးလို့ မရတဲ့ အိမ်ရှင်တောင် ရှိပါတယ်။ ကိုယ်ပိုင်အပြင် ထွက်လို့ရတဲ့ နေမှာပဲ ဆက်သွယ်လို့ ရပါတယ်။
အခုပြောပြတာတွေက ကျမတို့သိထားတဲ့ အပြင်ပန်း ခွဲခြားဆက်ဆံမှုပဲ ရှိပါသေးတယ်။ တကယ် အလုပ် လုပ်ရတဲ့ ကာယကံရှင် အိမ်ဖော်တွေက သူတို့ရဲ့ နေ့စဉ်ဖြတ်သန်းနေရတဲ့ ဘ၀မှာ ကျမတို့ မသိနိုင် မမြင်နိုင်တဲ့ နာကျင်မှုတွေ၊ ခံစားမှုတွေ ရှိနေနိုင်ပါတယ်။
တချို့ဆိုရင် အိမ်ရှင်က ကိုယ်ထိလက်ရောက် နာကျဉ်အောင် ရိုက်နှက်တာမျိုးလည်း ရှိပါတယ်။ အဲ့လို ဖြစ်လို့ Agent ကို အကြောင်းကြားရင် Agent က အလုပ်ရှင်ဘက်ကနေပဲ ရပ်တည်ပါတယ်။
ကိုယ့်တိုင်းပြည်မှာ တခါမှ ဘာအလုပ်မှ မလုပ်ခဲ့ဘူးပဲနဲ့ စင်္ကာပူရောက်မှ အခုလို အိမ်ဖော်ဘ၀ လုပ်ရတဲ့ သူတွေလည်း အများကြီး ဆုံခဲ့ဖူးပါတယ်။
ကောင်းတဲ့ အိမ်ရှင်တွေလည်း ရှိမှာပါ။ ဒါပေမယ့် အင်မတန် ရှားပါတယ်။
တခြားနိုင်ငံသား အိမ်ဖော်တွေ အလုပ်ရှင်က ကိုယ်ထိလက်ရောက် လုပ်ရင် ရဲကို တိုင်ရဲတယ်။ သူတို့သံရုံးကို သွားတိုင်ရင်လည်း ထိထိရောရောက် ကာကွယ်ပေးတယ်။
မြန်မာလူမျိုးတွေကတော့ ကိုယ့်ရဲ့ အိမ်ရှင် ကိုယ့်အပေါ် ကောင်းတာ မကောင်းတာကို ဗုဒ္ဓဘာသာ မြန်မာ လူမျိုးပီပီ ကံ၊ ကံ၏ အကျိုးဆိုပြီး သည်းခံ ခွင့်လွှတ်တတ်ကြတဲ့ လူမျိုးတွေပါ။ တချို့တွေ ဒီလို ဒုက္ခတွေကို မခံနိုင်တော့တဲ့ အဆုံး ရခဲ့လှတဲ့ လူ့ဘ၀ကိုတောင် စွန့်ခွာတဲ့ အထိဖြစ်ကြပါတယ်။
စင်္ကာပူ နိုင်ငံလို ဥပဒေ တင်းကြပ်တဲ့ နေရာမှာတောင် ဒီလိုမျိုးတွေ ခံစားရရင် တခြား တိုင်းပြည်တွေက အိမ်ဖော်တွေရဲ့ဘ၀ ဆိုဖွယ်ရာ မရှိတော့ပါ။
ကျမ အနေနဲ့ ဘယ်နေရာမှာ မြန်မာလူမျိုးတွေ့တွေ့ နှုတ်ဆက်တယ် "အဆင်ပြေလား" ဆိုတဲ့ စကားကို မေးမိတယ်။ ကိုယ်ချင်းစာတယ်။
အိမ်ဖော်မပြောနဲ့ ဘယ်လို အတတ်ပညာရှင်ပဲဖြစ်ဖြစ် ပြည်ပရောက်လို့ လေဆိပ်ရောက်တာနဲ့ မြန်မာပတ်စပို့ ဆိုရင်ပဲ ခြေဆုံးခေါင်းဆုံး အကြည့်ခံရပြီး အမေးအမြန်းခံရပါပြီ။
အိမ်ရှင် ၁၀၀ မှာ ၁၀ ဦးမပြောနဲ့ တစ်ဦးကောင်းလည်း ကိုယ့်မြန်မာ အမျိုးသမီးများကို အိမ်ဖော်ဘ၀နဲ့ တိုင်းတပါးမှာ အလုပ် မလုပ်စေချင်ပါ။ စင်္ကာပူ အစိုးရ (MOM) က လစာဘယ်လောက် သတ်မှတ်ပေးပေး အလုပ်ရှင်နဲ့ အေးဂျင့် ညှိပြီး လစာ အမှန် မပေးဘူး ဆိုတာ စလုံးက မြန်မာတိုင်း သိကြပါတယ်။
လူတိုင်းလူတိုင်း ပြည့်စုံတဲ့ ဘ၀နဲ့သာ ရှင်သန်ချင်ကြပါတယ်။ အကြောင်းမလှလို့ ဒီလို ဘ၀မျိုး ရောက်လာတဲ့ အိမ်ဖော် တယောက်ရဲ့ ဘ၀ကို စာနာ နားလည်နိုင်ကြပါစေ။ အမျိုးကောင်း သမီးတွေကို တန်ဖိုးထားနိုင်ပါစေ။ ကိုယ့်လူမျိုးကို စောင့်ရှောက်နိုင်ကြပါစေလို့ ဆုတောင်းပါတယ်။
အခုလို အိမ်ဖော်တွေ အနေနဲ့လည်း လစာ တလကို ဒေါ်လာ (၂၀၀) ပဲ ရရ (၃၀၀) ပဲရရ Work Permit ကိုင်ဆောင်ထားတဲ့ အတွက် မြန်မာသံရုံးကို ၀င်ငွေခွန် တလ ဒေါ်လာ (၄၀) နှုန်းနဲ့ ဆောင်ရပါတယ်။ မြန်မာသံရုံးက ၀င်ငွေခွန်ကိုသာ ပုံမှန်တောင်းခံပြီး ကိုယ့်နိုင်ငံသား၊ ကိုယ့်လူမျိုးအပေါ်မှာ အကူအညီ ပေးခြင်း၊ ထိထိရောက်ရောက် ကာကွယ်ပေးနိုင်ခြင်း မရှိပါ။ တွေးလို့သာ ကြည့်ကြပါတော့။
မြန်မာသံရုံးကို ထမ်းဆောင်ရတဲ့ အခွန်နှုန်းထားတွေဟာ ကိုင်ဆောင်ထားတဲ့ ပါမစ်နဲ့သာ ထမ်းဆောင်ရပါတယ်။
(၁) Work Permit - $40/ month
(၂) S-Pass - $80/month
(၃) E-Pass/ PR - $120/month
(၄) Passport စာအုပ် သက်တမ်းတိုးခြင်း - $150
အလျဉ်းသင့်သလို စကာင်္ပူနိုင်ငံက မြန်မာအလုပ်သမားတွေရဲ့ ဒုက္ခတွေနဲ့ မြန်မာသံရုံးရဲ့ ညစ်ပတ်မှုတွေ ကိုလည်း ရေးသားပါဦးမယ်။
ဒီဆောင်းပါးလေးကို လွတ်လပ်စွာ ကူးယူမျှဝေ နိုင်ပါတယ်။
~
Let Daw Su know about it. She only can solve this matter as she created for Myanmar People. Be patient Myanmar people till she can firmly grasp authority in her hands.
Do not worry for future of Myanamr People. She will do her best as she can.