![](http://3.bp.blogspot.com/-rYqBkGwJpBE/T9rriHeO87I/AAAAAAAAHlc/4DYGPPdw7Qw/s400/598946_422980631079428_449191676_n.jpg)
ဓာတ်ပုံများ နဲ့ သတင်း - ခင်သြ/ဧရာဝတီ
ဧရာဝတီ ပင်မ စာမျက်နှာမှာ ဒီမနက် ဖော်ပြလိုက်တဲ့ သတင်း ဖြစ်ပါတယ်။
ရခိုင်ပြည်နယ်တွင်း ဖြစ်ပွားနေသော ပဋိပက္ခများကို ထိန်းချုပ်နိုင်ပြီဟု နယ်စပ်ရေးရာ ဝန်ကြီးက ဆိုခဲ့သော်လည်း ယနေ့ နံနက် ၁ နာရီအချိန်က စစ်တွေမြို့တွင်း မီးလောင်မှု ထပ်မံ ဖြစ်ပွားခဲ့ပြီး အိမ်ခြေ ၆၀ ခန့် မီးထဲပါသွားသည်ဟု သိရသည်။
![](http://1.bp.blogspot.com/-RjwR0Xh2Kb0/T9rruWATSPI/AAAAAAAAHmY/PAcZeqz-M80/s400/IMG_2548%2Bcopy.jpg)
စစ်တွေမြို့ ကစ္စပနဒီမြစ်ကမ်းနဘေးရှိ ပါဒလိတ်ချိတ် ရပ်ကွက်အတွင်းတွင် ဘင်္ဂါလီများက ၎င်းတို့ နေအိမ်များကို မီးဝင်ရှို့ခဲ့ကြောင်း၊ ၂ နာရီခန့် မီးဆက်တိုက် လောင်ကျွမ်းခဲ့ရာ ဘင်္ဂါလီများ၏ အိမ်များမှ တဆင့် ရခိုင်တိုင်းရင်းသား တို့၏ နေအိမ်များကိုပါ မီးကူးခဲ့ကြောင်း၊ ဝင်ရောက်မီးရှို့သူများမှာ မြစ်ထဲသို့ ဆင်းပြေး သွားသောကြောင့် ဖမ်းမမိခဲ့ကြောင်း ဒေသခံများက ဆိုသည်။
မီးလောင်ကျွမ်းခဲ့သည့် နေအိမ်များမှာ လူမရှိသောနေအိမ်များ ဖြစ်ပြီး လူအများမှာ ပဋိပက္ခရန်ကြောင့် ဒုက္ခသည် စခန်းများသို့ ရှောင်တိမ်းနေကြစဉ် မီးလောင်ကျွမ်းခြင်း ဖြစ်သည်။
![](http://2.bp.blogspot.com/-Wyox7XIU5YI/T9rruREsU4I/AAAAAAAAHmM/CVRnLuOdkxY/s400/IMG_2511%2Bcopy.jpg)
![](http://3.bp.blogspot.com/-4eRUoH_x7So/T9rrvML-ZVI/AAAAAAAAHmk/13KYQrVE8Ik/s400/IMG_2564%2Bcopy.jpg)
ယမန်နေ့က စစ်တွေမြို့ ပြည်နယ် ဝန်ကြီးချုပ်ရုံးတွင် ပြုလုပ်သည့် သတင်းစာ ရှင်းလင်းပွဲ၌ ရခိုင်ပြည်နယ် လုံခြုံရေးနှင့် နယ်စပ်ရေးရာ ဝန်ကြီးဌာန ဝန်ကြီး ဗိုလ်မှူးကြီးထိန်လင်းက ရခိုင်ပြည်နယ်တွင်း ဖြစ်ပွားနေသည့် ပဋိပက္ခများကို ထိန်းချုပ်နိုင်ပြီဟု သတင်းထောက်များအား ပြောဆိုခဲ့သည်။
“မနေ့ ဇွန် ၁၃ ရက်နေ့က စပြီးတော့ အခြေအနေ အရပ်ရပ်ကို ထိန်းသိမ်းထားနိုင်ခဲ့ပါတယ်” ဟု ၎င်းက ပြောသည်။
![](http://4.bp.blogspot.com/-q9aEIZ-ivcA/T9rri3wIOyI/AAAAAAAAHl0/TepDrjNBf0U/s400/IMG_2481%2Bcopy.jpg)
သို့ရာတွင် ဗလီများအတွင်း လက်နက်များ ရှာဖွေတွေ့ရှိသည် ဆိုသည့် သတင်း ထွက်ပေါ်ခဲ့သည်ကို ဝန်ကြီးက အတည်မပြုခဲ့ဘဲ သတင်းထောက်များ၏ မေးမြန်းမှုများအား ဖြေကြားခြင်း မရှိပေ။
![](http://3.bp.blogspot.com/-RE9FU7j2sJw/T9rrippwZYI/AAAAAAAAHlo/1F-1a5rEMjw/s400/IMG_2438%2Bcopy.jpg)
ပဋိပက္ခကြောင့် ထွက်ပြေးတိမ်းရှောင် နေရသူများအတွက် ယာယီနေထိုင်ရန် စခန်းများ ဖွင့်လှစ်ပေးထားရာ စစ်တွေမြို့တွင် စခန်း ၁၇ ခု၊ ရသေ့တောင်တွင် စခန်း ၁၄ ခု၊ ပုဏ္ဏားကျွန်းတွင် စခန်း ၄ ခု၊ ပေါက်တော မြို့တွင် စခန်း ၂ ခု ရှိကြောင်း၊ တချို့မှာ နီးစပ်ရာ ဘုန်းတော်ကြီး ကျောင်းများတွင် ခိုလှုံ နေကြရကြောင်း သိရသည်။
![](http://4.bp.blogspot.com/-8-dTfBzjKZI/T9rrjcuqf5I/AAAAAAAAHmA/db0HJa1U2k8/s400/IMG_2494%2Bcopy.jpg)
“ဖြစ်ပြီးသွားတဲ့ အနေအထားမှာ ကြည့်လိုက်ရင် ဘယ်သူမှမနိုင်ဘူး၊ ဘယ်သူမှ အကျိုးအမြတ်မရှိဘူး။ ဒါပေမယ့် ဒီဖြစ်ရပ် အပေါ်မှာ ဖြစ်စေချင်တဲ့ လူတွေကတော့ စိတ်ထဲမှာ နည်းနည်း ကျေနပ်သွားလိမ့်မယ်။ ဒါပေမယ့် ဒုက္ခသည်တွေ တပုံတပင်ကြီးကို ရရှိလိုက်တာ ကျနော်တို့ရဲ့အကျိုးအမြတ်ပဲ ဖြစ်ပါတယ။ အဲဒါကြောင့် ဒီလိုဖြစ်ရပ်မျိုး ဘယ်နေရာမှာမှ ကျနော်တို့ မဖြစ်စေချင်ဘူး” ဟု ရခိုင်ပြည်နယ် ဥပဒေချုပ် ဦးလှသိန်းကပြောသည်။
![](http://1.bp.blogspot.com/-pu_AO5q1P2Q/T9rrh-4Ze_I/AAAAAAAAHlQ/fpldH9_FHUs/s400/598946_422980627746095_264932385_n.jpg)
ယမန်နေ့ သတင်းစာရှင်းလင်းပွဲတွင် ရခိုင်ပြည်နယ်တွင်း ဇွန်လ ၈ ရက်နေ့မှ ၁၃ ရက်နေ့ အထိ ဖြစ်ပျက်ခဲ့သည့် ပဋိပက္ခ ကြောင့် ပျက်စီး၊ ဒဏ်ရာရ၊ သေဆုံး စာရင်းများကို ထုတ်ပြန်ရာ မီးလောင်မှုကြောင့် နေအိမ်စုစုပေါင်း ၂၅၂၈ လုံးအနက် ရခိုင် တိုင်းရင်းသားပိုင် နေအိမ် ၁၁၉၂ လုံး၊ ဘင်္ဂါလီများပိုင်နေအိမ် ၁၃၃၆ လုံး၊ ဘုန်းတော်ကြီးကျောင်း ၉ ကျောင်း၊ ဗလီ ၇ လုံး၊ စာသင်ကျောင်း ၁၆ ကျောင်း သေဆုံးသူ ၂၉ ဦး အနက် ရခိုင်တိုင်းရင်းသား ၁၃ ဦး၊ ဘင်္ဂါလီ ၁၆ ဦး၊ ဒဏ်ရာရသူ ၃၈ ဦးအနက် ရခိုင်တိုင်းရင်းသား ၁၆ ဦး၊ ဘင်္ဂါလီ ၂၂ ဦးတို့ ဖြစ်ကြောင်း သိရသည်။
0 comments :
Post a Comment