ပြည်ပကနေ လျှပ်စစ်ဓာတ်အား ၀ယ်ဖို့ ဦးသိန်းစိန် ပြော

မနေ့က ရုပ်သံက တိုက်ရိုက်လွှင့်တဲ့ မိန့်ခွန်းထက် ပိုပြီး စိတ်ဝင်စားစရာ ကောင်းတဲ့ ဦးသိန်းစိန်ရဲ့ မိန့်ခွန်းတခုကို ဒီကနေ့ထုတ် အစိုးရသတင်းစာကနေ ကူးယူ ဖော်ပြလိုက်ပါတယ်။

ဦးသိန်းစိန် ဥက္ကဋ္ဌအဖြစ် တာဝန်ယူတဲ့ စီမံကိန်းကော်မရှင် ရဲ့ ပထမဆုံးအကြိမ် အစည်းအဝေးမှာ ပြောတဲ့ မိန့်ခွန်းပါ။
အခွန် အပြည့်အ၀ရဖို့ လုပ်ဖို့လိုတယ်၊ နိုင်ငံအတွက် လိုအပ်တဲ့ လျှပ်စစ်ဓာတ်အားကို ပြည်ပက တင်သွင်းသင့်တယ်၊ တဲပေါ်မှ တိုက်ပေါ်သို့ စနစ်အတွက်ဒေသခံတို့ရဲ့ သဘောတူညီမှု လိုအပ်တယ် လို့ ပြောသွားပါတယ်။

(လျှပ်စစ်ဓာတ်ရောင်းတဲ့နိုင်ငံကတော့ အိမ်နီးချင်း လောနိုင်ငံပါပဲ)

အစည်းအဝေးတက်လာတဲ့ ၀န်ကြီးများကိုလည်း "စဉ်းစားပုံ၊ အတွေးအခေါ်နှင့် လုပ်နည်းလုပ်ဟန်များကိုပါ ပြောင်းလဲတိုးတက်အောင် ကြိုးစား" လို့ သမ္မတက ညွှန်ကြားသွားပါတယ်။

ဦးသိန်းစိန်မိန့်ခွန်းကို သတင်းအဆုံးမှာ ဖတ်နိုင်ပါတယ်။



စီမံကိန်းကော်မရှင် ဥက္ကဋ္ဌ နိုင်ငံတော်သမ္မတ ဦးသိန်းစိန် သည် ယနေ့နံနက် ၁ဝ နာရီတွင် နိုင်ငံတော်သမ္မတရုံုံး အစည်းအဝေးခန်းမ၌ ကျင်းပသည့် စီမံကိန်းကော်မရှင် ပထမအကြိမ်အစည်းအဝေးသို့ တက်ရောက်ပြီး အဖွင့်အမှာစကားပြောကြားသည်။

အစည်းအဝေးသို့ ပြည်ထောင်စုဝန်ကြီးများ၊ ပြည်ထောင်စုရှေ့နေချုပ်၊ ပြည်ထောင်စုစာရင်းစစ်ချုပ်၊ ပြည်ထောင်စုရာထူးဝန်အဖွဲ့ဥက္ကဋ္ဌ၊ တိုင်းဒေသကြီး/ပြည်နယ်အစိုးရအဖွဲ့ဝန်ကြီးချုပ်များ၊ ကိုယ်ပိုင်အုပ်ချုပ်ခွင့်ရ တိုင်း/ဒေသ ဥက္ကဋ္ဌများ တက်ရောက်ကြသည်။

ရှေးဦးစွာ စီမံကိန်းကော်မရှင်ဥက္ကဋ္ဌ နိုင်ငံတော်သမ္မတ ဦးသိန်းစိန်က အဖွင့်အမှာစကားပြောကြားရာတွင် ယနေ့အစည်းအဝေးသည် စီမံကိန်းကော်မရှင်၏ ပထမအကြိမ် ကျင်းပသော အစည်းအဝေး ဖြစ်ပါကြောင်း။

ပြီးခဲ့သည့် နံနက်ပိုင်းအခမ်းအနား၌ ပြည်ထောင်စုအဆင့် အဖွဲ့အစည်းဝင် ပုဂ္ဂိုလ်များ၊ တိုင်းဒေသကြီး/ ပြည်နယ်အစိုးရအဖွဲ့ ဝန်ကြီးချုပ်များ၊ ကိုယ်ပိုင်အုပ်ချုပ်ခွင့်ရ တိုင်း/ဒေသ ဥက္ကဋ္ဌများ၊ ဒုတိယဝန်ကြီးများနှင့် ဌာနဆိုင်ရာအကြီးအကဲများကိုလည်း အကျယ်တဝင့်မှာကြားခဲ့ပြီး ဖြစ်သည့်အတွက် ယနေ့ပြုလုပ်သော အစည်းအဝေးတွင် ပဉ္စမကာလတို (၅)နှစ် အမျိုးသားစီမံကိန်း(မူကြမ်း) ညှိနှိုင်းအတည်ပြုရေး၊ နှစ်အလိုက်လျာထားသည့် အမျိုးသားစီမံကိန်း(မူကြမ်း) ညှိနှိုင်းအတည်ပြုရေး၊
ပြည်ထောင်စုဝန်ကြီးဌာနများ၏ ကဏ္ဍစီမံကိန်းအလိုက် ဆောင်ရွက်လိုသည့် ပြုပြင်ပြောင်းလဲရေးမဟာဗျူဟာလုပ်ငန်းစဉ် (Reform Strategy) အပေါ် မူဝါဒရယူလိုသည့်အချက်များတင်ပြရေး၊ နှစ်အလိုက် စီမံကိန်းနှင့်အညီ ဘဏ္ဍာငွေ အရ-အသုံးစာရင်းနှင့် အကောက်အခွန်များ ညှိနှိုင်းရေး၊ လျှပ်စစ်ကဏ္ဍ ဖွံ့ဖြိုးတိုးတက်ရေးစီမံကိန်းရေးဆွဲရေး ဆောင်ရွက်ပြီး ပြည်တွင်း ပြည်ပ ရင်းနှီးမြှုပ်နှံမှုများ၊ ဒေသအလိုက် ရင်းနှီးမြှုပ်နှံမှုများအပေါ် တင်ပြရေးတို့အပေါ် မူလိုချင်သည့်ကိစ္စရပ်များကို တင်ပြကြရန်ဖြစ်ပါကြောင်းဖြင့် ဆွေးနွေးမှာကြားသည်။

ထို့နောက် စီမံကိန်းကော်မရှင်အတွင်းရေးမှူး အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှုဝန်ကြီးဌာန ပြည်ထောင်စုဝန်ကြီး ဦးတင်နိုင်သိန်းက ပဉ္စမကာလတို(၅)နှစ် အမျိုးသားစီမံကိန်း ပြည်ထောင်စုချုပ် အခြေအနေနှင့် ၂ဝ၁၁-၂ဝ၁၂ ဘဏ္ဍာရေးနှစ် အမျိုးသားစီမံကိန်း အကောင်အထည်ဖော် ဆောင်ရွက်နိုင်မှု အခြေအနေများနှင့် စပ်လျဉ်း၍ ရှင်းလင်းတင်ပြသည်။

ယင်းနောက် ပြည်ထောင်စုဝန်ကြီးများနှင့် တိုင်းဒေသကြီး/ပြည်နယ် အစိုးရဝန်ကြီးချုပ်များက ပဉ္စမကာလတို(၅)နှစ် အမျိုးသားစီမံကိန်းပါ ကဏ္ဍစီမံကိန်းနှင့် ဒေသန္တရစီမံကိန်းဆိုင်ရာများကို ရှင်းလင်းတင်ပြကြသည်။

ဆက်လက်၍ ပြည်ထောင်စုဝန်ကြီးများက ဝန်ကြီးဌာနအလိုက်၊ ကဏ္ဍအလိုက် မူဝါဒရယူအတည်ပြုလိုသော ပြုပြင်ပြောင်းလဲရေး လုပ်ငန်းစဉ်များ (Reform Strategy) ကို ရှင်းလင်းတင်ပြကြရာ နိုင်ငံတော် သမ္မတရုံး၏ အကြံပေးပုဂ္ဂိုလ် ဦးဆက်အောင်က ဖြည့်စွက်ရှင်းလင်း တင်ပြသည်။

ယင်းနောက် အမှတ်(၁)လျှပ်စစ်စွမ်းအားဝန်ကြီးဌာနနှင့် အမှတ်(၂) လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီးများက လျှပ်စစ်ကဏ္ဍ ဖွံ့ဖြိုးတိုးတက်ရေး စီမံကိန်းရေးဆွဲဆောင်ရွက်ရေးနှင့် တိုင်းဒေသကြီး/ပြည်နယ်အလိုက် ပုဂ္ဂလိကကဏ္ဍ ရင်းနှီးမြှုပ်နှံမှုဖြင့် ဆောင်ရွက်လိုသည့် အခြေအနေများနှင့် အစီအမံများ ပြုစုပေးပို့ရေးဆိုင်ရာ ကိစ္စရပ်များကို ရှင်းလင်းတင်ပြကြသည်။

ထို့နောက် တက်ရောက်လာကြသူများက အထွေထွေကိစ္စရပ်များကို ဝိုင်းဝန်းဆွေးနွေးညှိနှိုင်းကြသည်။

ယင်းနောက် နိုင်ငံတော်သမ္မတ ဦးသိန်းစိန်က နိဂုံးချုပ်အမှာစကား ပြောကြားရာတွင်

ယနေ့အစည်းအဝေးတွင်ပဉ္စမကာလတို (၅)နှစ်စီမံကိန်း (မူကြမ်း)နှင့် ပြုပြင်ပြောင်းလဲဆောင်ရွက်မည့် မဟာဗျူဟာလုပ်ငန်းစဉ်များ အပေါ် မူဝါဒချမှတ်နိုင်ရန် တင်ပြချက်များကို ဆွေးနွေးပြောကြားသွားသည်ကို တွေ့ရှိရပါကြောင်း။

မူဝါဒပိုင်းဆိုင်ရာ တင်ပြချက်များသည် နိုင်ငံဖွံ့ဖြိုးတိုးတက်မှုအတွက်ရော၊ နိုင်ငံရေး၊ စီးပွားရေး၊ လူမှုရေး ကိစ္စအဝဝအတွက်ပါ အရေးကြီးသည့်အချက်များဖြစ်ပါကြောင်း၊ မနက်ဖြန် ဆက်လက်ကျင်းပမည့် အစည်းအဝေးတွင် ''မူဝါဒဆိုင်ရာဆွေးနွေးမည့်အစီအစဉ်'' ကို ထည့်သွင်းဆောင်ရွက်သွားရန် စီစဉ်ထားပါကြောင်း။

နိုင်ငံတော်ဖွံ့ဖြိုးတိုးတက်ရေးအတွက် ပြုပြင်ပြောင်းလဲဆောင်ရွက်သွားမည့်လုပ်ငန်းစဉ်များကို ပြည့်စုံစွာ တင်ပြခဲ့သည်ကို တွေ့ရပါကြောင်း၊ သို့ရာတွင် မက်ခရိုစီးပွားရေးပြုပြင်ပြောင်းလဲမှု (Macro-Economic Reform) ပိုင်းတွင် ဘတ်ဂျက်၊ နိုင်ငံခြားအကူအညီနှင့် ပြည်တွင်းပြည်ပ ရင်းနှီးမြှုပ်နှံမှုတို့ကိုသာ အဓိကထားပြီး ဆွေးနွေးပြောကြားသွားခဲ့ပါကြောင်း။

မိမိတို့ စီမံကိန်းကော်မရှင်အနေဖြင့် နိုင်ငံတော်နှင့် ဒေသဖွံ့ဖြိုး တိုးတက်ရေးတွင် အဓိကအကျဆုံး လိုအပ်ချက်ဖြစ်သည့် ငွေသုံးစွဲနိုင်ရေးမှာ အခွန်အကောက်ဆိုင်ရာ Reform ကို ပြောကြားလိုပါကြောင်း၊ နိုင်ငံတော်ဖွံ့ဖြိုးမှုဆောင်ရွက်ရာမှာရော၊ ဒေသဖွံ့ဖြိုးမှုဆောင်ရွက်ရာမှာပါ အခွန်အကောက်များ ပြည့်ပြည့်ဝဝ ရရှိအောင် တိုးတက်ဆောင်ရွက်ကြရမည်ဖြစ်ပါကြောင်း၊ မကြာမီက အခွန်နှုန်းထားများ ပြင်ဆင်ပြောင်းလဲမှု ပြုလုပ်ခဲ့ခြင်းသည် အခွန်ထမ်းပြည်သူတိုးတက်လာရေးနှင့် အခွန်များ တိုးတက်ကောက်ခံရရှိရေးရည်ရွယ်ချက် ပါရှိပါကြောင်း။

မိမိတို့နိုင်ငံသည် နိုင်ငံတကာနည်းတူ ဈေးကွက်စီးပွားရေး စနစ်ဖြင့် စီးပွားရေးဆန်ဆန် စီးပွားရေးတွက်ခြေကိုက်အောင် တစ်ဖက်က ဆောင်ရွက်ရင်း တစ်ဖက်က နိုင်ငံဖွံ့ဖြိုးတိုးတက်အောင် ဆောင်ရွက်မှာဖြစ်ပါကြောင်း၊ ဥပမာ-နိုင်ငံတကာတွင် မြေကိုသုံးသုံး၊ ရေကိုသုံးသုံး၊ လျှပ်စစ်သုံးသုံး ထုတ်လုပ်မှုစရိတ် နှင့် ချိန်ထိုးပြီး ဈေးနှုန်းကို သတ်မှတ်ကာ နိုင်ငံ၏ ဝင်ငွေရအောင် ဆောင်ရွက်ကြပါကြောင်း၊ မြို့နယ်ဖွံ့ဖြိုးတိုးတက်ရေး တိုးချဲ့ တည်ဆောက်မည်ဆိုလျှင်လည်း-

- Residential Tax
- Commercial Tax
- Industrial Tax
- ကားရပ်နားခွန်
- လျှပ်စစ်ထိန်းသိမ်းခ၊ ရေထိန်းသိမ်းခ၊ အမှိုက်ခွန်
- Property Tax
- Business Tax
အစရှိသည့် မြို့နယ်၏ ဝင်ငွေနှင့် ထွက်ငွေချိန်ဆပြီး တိုးချဲ့ တည်ဆောက်ကြသည်ကို တွေ့ရပါကြောင်း။

ယခုလည်း Land Reform အရ သစ်တောကျူးကျော်၊ မြေလွတ်မြေရိုင်းကျူးကျော်များ ပြောင်းရွှေ့နေရာချထားလျှင် ငွေကြေးလိုအပ်လာမည်ဖြစ်ပါကြောင်း၊ ဤသည်ကို မြို့နယ်တွင် စိုက်ခင်းကြီးများ ရင်းနှီးမြှုပ်နှံသူ၊ စက်မှုလက်မှုနှင့် အခြားရင်းနှီး မြှုပ်နှံသူတို့၏ မြေပရီမီယံကြေးများမှ အချိုးအစားတစ်ရပ်ကို ချိန်ဆ ထုတ်နုတ် သုံးစွဲရမည် ဖြစ်ပါကြောင်း ၊ ပြည်ထောင်စုဝန်ကြီးဌာန၊ တိုင်းဒေသကြီးအစိုးရနှင့် သက်ဆိုင်ရာကော်မတီများ ညှိနှိုင်းပြီး မြို့နယ်ဖွံ့ဖြိုးတိုးတက်ရေးစီမံကိန်းနှင့်အညီ Land Reform နှင့် Tax Reform ချိတ်ဆက်စဉ်းစားမှုမျိုး နည်းလမ်း ရှာခြင်း၊ ပြည်သူလူထုကို ပညာပေးခြင်းများ ဆောင်ရွက်သွားကြရမည်ဖြစ်ပါကြောင်း။

အလားတူ မြို့ပြဖွံ့ဖြိုးရေးတွင် တဲပေါ်မှ တိုက်ပေါ်တင်စနစ်ကို ရင်းနှီးမြှုပ်နှံသူနှင့် ဒေသခံပြည်သူ နှစ်ဦးနှစ်ဖက်သဘောတူညီမှုရယူကြပြီး ပြောင်းလဲသွားရမည်ဖြစ်ပါကြောင်း၊ တိုင်းဒေသကြီး၊ ပြည်နယ်အစိုးရများအနေဖြင့် ကွန်ဒိုဥပဒေကဲ့သို့ ဥပဒေနှင့်ရေခွန်၊ မီးခွန်၊ ယာဉ်ရပ်နားခွန် စသည့် အခွန်အကောက်တို့ကို ဟန်ချက်ညီ တွက်ချက်ဆောင်ရွက်မှုမျိုး(Administrative Reform)ကိုလည်း ဆောင်ရွက်ကြရမည်ဖြစ်ပါကြောင်း။

အမျိုးသားလျှပ်စစ်စီမံကိန်းရေးဆွဲရာတွင်လည်း အလယ်အလတ်အဆင့်နိုင်ငံကဲ့သို့ မြန်မာနိုင်ငံအနေဖြင့် လျှပ်စစ်စွမ်းအင် ကဏ္ဍအား ပြည်သူလူထုသုံးစွဲနိုင်မှု၊ လူဦးရေ၏ ၇၅ ရာခိုင်နှုန်း ရရှိမှသာလျှင် စက်မှုဖွံ့ဖြိုးသော အိမ်နီးချင်းနိုင်ငံများကဲ့သို့ အခြေအနေကို ရောက်ရှိမှာဖြစ်ပါကြောင်း၊ ထိုအခြေအနေကို ရောက်ရန်အတွက် လျှပ်စစ်ဓာတ်အား ထုတ်လုပ်ဖြည့်ဆည်းနိုင်ရန် အမေရိကန်ဒေါ်လာ ၁၆ ဘီလီယံမှ ၂ဝ ဘီလီယံအား အသုံးပြုတည်ဆောက်ရန် လိုအပ်ပါကြောင်း၊ ရေအားလျှပ်စစ်သာမက သဘာဝဓာတ်ငွေ့၊ ကျောက်မီးသွေးကိုပါ ရနိုင်သလောက် အသုံးပြုခြင်း၊ လတ်တလောအခြေအနေတွင် လျှပ်စစ်ဓာတ်အားဖြန့်ဖြူးရောင်းချနိုင်သော နိုင်ငံမှ တင်သွင်းဖြန့်ဖြူးခြင်း၊ သဘာဝဓာတ်ငွေ့များအား အချို့သော နိုင်ငံများကဲ့သို့ မိမိနိုင်ငံမှ ထွက်ရှိမှုအားလုံးကို သုံးစွဲသည့်အပြင် ပြည်တွင်း လိုအပ်ချက်ကို ပြည်ပမှ ထပ်မံ ဝယ်ယူသည့်နည်းလမ်းအပါအဝင် စွမ်းအင်မူဝါဒကိုလည်း ပြောင်းလဲကျင့်သုံးရန် လိုအပ်ပါကြောင်း၊
လူဦးရေ ၇၅ ရာခိုင်နှုန်းအတွက် လိုအပ်သော လျှပ်စစ်မဂ္ဂါဝပ် ၁၆၆၆၃ ခန့် ရရှိရန်အတွက် အမေရိကန်ဒေါ်လာ ၁၆ ဘီလီယံမှ ၂ဝ ဘီလီယံအား တစ်နှစ်လျှင် ၂ ဘီလီယံနှုန်း တိုးတက်အသုံးပြုမည်ဆိုပါက နောက်ထပ် ၁ဝ နှစ်ခန့် ကြာဦးမည်ဖြစ်ပါကြောင်း၊
တစ်နှစ်လျှင် လျှပ်စစ်မဂ္ဂါဝပ် ၅ဝဝ အားမှ ၁ဝဝဝ အားအထိ ထုတ်လုပ်နိုင်မည့် လျှပ်စစ်ဓာတ်အားပေးစက်ရုံများကို နှစ်စဉ် တစ်လုံးကျ တည်ဆောက် သွားရမည့်သဘောဖြစ်နေပါကြောင်း၊
ထို့ကြောင့် ပြည်ပမှ လျှပ်စစ်ဓာတ်အားတင်သွင်းပြီး သဘာဝ ဓာတ်ငွေ့၊ စက်သုံးဆီနှင့် ကျောက်မီးသွေးလျှပ်စစ်ဓာတ်အား ထုတ်လုပ်မှုများသာမက ကျေးရွာများမှတစ်ဆင့် မြို့နယ်ငယ်များ မီးလင်းရေးအဆင့်ကို စပါးခွံမီးစက်များအပါအဝင် အခြား စွမ်းအင်သုံးပုဂ္ဂလိကဓာတ်အားပေးစက်ရုံများ တိုင်းဒေသကြီး/ပြည်နယ်များ၌ ဆောင်ရွက်သွားနိုင်ရေး ကြိုးစားကြရမည်ဖြစ်ပါကြောင်း။

နိဂုံးချုပ်အားဖြင့် ပြုပြင်ပြောင်းလဲရေး (Reform) လုပ်နေချိန်တွင် စာရွက်ပေါ်မှ Plan များကို ပြည်သူများ၏ လက်ရှိစားဝတ်နေရေးလိုအပ်ချက်နှင့် လူမှုစီးပွားရေးဘဝမြင့်မားရေးအတွက် စဉ်းစားပုံ၊ အတွေးအခေါ်နှင့် လုပ်နည်းလုပ်ဟန်များကိုပါ ပြောင်းလဲတိုးတက်အောင် ကြိုးစားပေးကြပါရန် တိုက်တွန်းပါကြောင်းဖြင့် လမ်းညွှန်မှာကြားသည်။

ထို့နောက် စီမံကိန်းကော်မရှင် ပထမအကြိမ် အစည်းအဝေးကို ညနေပိုင်းတွင် ရုပ်သိမ်းလိုက်သည်။