မန္တလေးမှာ မြန်မာနိုင်ငံကူးလက်မှတ် (Passport) မန္တလေး- ရုံးခွဲ ကို ယမန်နေ့ ဇူလိုင်လ ၄ ရက်နေ့က စတင်ဖွင့်လှစ်လိုက်ပါပြီ။ နေရာကတော့ မန္တလေးမြို့ ၁၂ လမ်း ၊ ၆၅လမ်းနဲ့ ၆၆ လမ်းကြား ဖြစ်ပါတယ်။
စတင် ဖွင့်လှစ်တဲ့နေ့မှာဘဲ လာရောက် လုပ်သူ ၂၀၀ လောက်ရှိပါတယ်တဲ့။ ပုံမှန် နိုင်ငံကူးလက်မှတ်နဲ့ ဘဏ် သွင်းငွေ ၂၅၇၀၀ ကျပ် ဖြစ်ပြီး အသက်ကြီး၊ နာမကျန်းသူများအတွက် မန္တလေး စည်ပင် နယ်နမိတ်အတွင်း အိမ်တိုင်ရာရောက် ၀န်ဆောင်မှုပေးမှာဖြစ်ပြီး ဘဏ်သွင်းငွေနဲ့ စာအုပ်ဖိုး ကျပ်ငွေ ၄၀၀၀၀ ကုန်ကျပါမယ်တဲ့။
လျှောက်လွှာတင်ပြီး ရက်သတ္တပတ် ၃ ပတ်အတွင်း စာအုပ်ထုတ်ပေးသွားမှာဖြစ်ပါတယ်တဲ့။
နိုင်ငံကူး လက်မှတ် လျှောက်ထားသူတွေအနေနဲ့ ထုံးစံအတိုင်း နိုင်ငံသားမှတ်ပုံတင်၊ အိမ်ထောင်စု စာရင်းဝင် ( ပုံစံ- ၁၀ )၊ တက္ကသိုလ် ဘွဲ့ရ ဖြစ်ပါက ပညာရေး ကင်းရှင်းကြောင်း ထောက်ခံချက်၊ အသက် ၁၀ နှစ်အောက် ကလေးများဖြစ်ပါက မွေးစာရင်းပါရှိရမှာဖြစ်ပြီး အငြိမ်းစား ၀န်ထမ်းများ ဖြစ်ပါက အလုပ်မှ အလုပ်မှ နုတ် ထွက်စာ သို့မဟုတ် ပင်စင်စားများ ဖြစ်ပါက ပင်စင်စာအုပ်ယူဆောင်လာရမှာဖြစ်တယ်လို့ သိရပါတယ်။
ကျန်တဲ့ ပုံစံ ၁၇ ၊ ပုံစံ ၁၉ ဖိုးတွေနဲ့ ရပ်ကွက်နဲ့ ရဲစခန်း ထောက်ခံစာကြေး၊ ပညာရေး ကင်းရှင်းကြောင်း ထောက်ခံစာကြေးတွေ ပါရင်တော့ ဒီထက်ပိုပြီး ကုန်ကျနိုင်မယ့်သဘောပါ။
0 comments :
Post a Comment