မြန်မာနိုင်ငံ ခရိုနီစီးပွားရေး လုပ်ငန်းရှင်ကြီးများကြားမှာ အခုတလော ခေတ်စားနေတဲ့ စကားလုံး ၂ ခု ရှိပါ တယ်။
တခုကတော့ ငြိမ်းချမ်းရေး အကျိုးဆောင် ဆိုတဲ့ စကားဖြစ်ပြီး နောက်တမျိုးကတော့ သန်း ၆၀ ကျော် အတွက် အလုပ် လုပ်နေတာ ဆိုတာပါပဲ။
ခရိုနီ လုပ်ငန်းရှင်ကြီးတွေနှုတ်က ခဏခဏ ထွက်ပေါ်လာတာကို လူတွေက မှတ်မှတ် ထင်ထင် ပြန်
ဖောက်သည် ချနေကြတာပါတဲ့။
ဒီစကားတွေက အလကားနေရင်း လူတွေ အပြောများကြတာ မဟုတ်ပါဘူး။ နောက်ကွယ်မှာ အကြောင်း
တွေ ရှိကြပါတယ်တဲ့။
ရန်ကုန်က မျက်စေ့ကြီးနားကြီးတဲ့ အသိုင်းအ၀ိုင်းကတော့ ခေတ်တွေက တခေတ်နဲ့ တခေတ် မတူပါဘူး လို့ ပြောပြီး အဲဒီစကားလုံးတွေကို စမ်းစစ်လေ့လာနေကြပါတယ်။
မြန်မာနိုင်ငံဟာ ခေတ်တွေ အမျိုးမျိုး ဖြတ်သန်းနေရ၊ ဖြတ်သန်းခဲ့ရတယ်လို့ ပိုင်းခြား ဝေဖန် ပြောပြ ကြပါ တယ်။
ကိုလိုနီခေတ်၊ လွတ်လပ်ရေး ခေတ်၊ ပါလီမန် ခေတ်၊ တော်လှန်ရေး ကောင်စီခေတ်၊ ဆိုရှယ်လစ်ခေတ်၊ ၈၈ ဒီမိုကရေစီခေတ်၊ စစ်အစိုးရ ခေတ်စသဖြင့် စသဖြင့် ခေတ်တွေမတူတာနဲ့ မြန်မာ့ ခရီနီကြီးတွေရဲ့ နုတ် ထွက် စကားတွေကလည်း မတူကွဲပြားလာကြပါတယ်တဲ့။
ဆိုရှယ်လစ် လို့ ကြွေးကြော်ပြီး လုပ်ကိုင်ဆောင်ရွက်ရတဲ့ ခေတ်ကို ဆိုရှယ်လစ် ခေတ် သူဌေးများလို့
ခေါ်ခဲ့ကြဖူးပါတယ်တဲ့။
ဒီတော့ အခုလို အခါသမယမျိုးမှာ ပြုပြင်ပြောင်းလဲရေးတွေ လုပ်လာလေတော့ ပြုပြင်ပြောင်းလဲရေး ခေတ် လို့ ခေါ်ရမယ်ထင်ပါတယ်။
ဒီလိုကာလမှာ အခုဖြစ်ပေါ်နေတဲ့ ရေပန်းစားနေတဲ့ စကားက ဆက်စပ်လာတာပါ။
တိုင်းပြည်ပြုပြင်ပြောင်းလဲရေး လုပ်ငန်းစဉ်တွေနဲ့ အတူ နှစ်ပေါင်းများစွာ အနာအိုင်းကြီးဖြစ်နေတဲ့ ပြည် တွင်း စစ်ကြီး အမြန်ဆုံး ငြိမ်းချမ်းစေရေးအတွက် ငြိမ်းချမ်းရေး လုပ်ငန်းတွေ ဆက်တိုက် အကောင်အထည်
ဖော် လာနေပါတယ်။
ဒါကြောင့် ဒီလုပ်ငန်းတွေမှာ အဓိက လိုအပ်နေသူတွေကတော့ ငြိမ်းချမ်းရေး အကျိုးဆောင် ဆိုတာပါပဲ။ ခရိုနီတွေလည်း ငြိမ်းချမ်းရေး အကျိုးဆောင်ဆိုတဲ့ အလုပ်ကို တော်တော်များများ လုပ်ကိုင်ဆောင်ရွက် လိုနေကြတယ်လို့ ဆိုကြပါတယ်။
တချို့က တိုင်းပြည်တကယ်ငြိမ်းချမ်စေချင်လို့ အကျိုးဆောင်တာမျိုးလည်း ရှိနိုင်ပါတယ်။
အပျိုစင် ဘ၀ တခဏကို အွန်လိုင်းလေလံတင် ရောင်းချခဲ့တဲ့ ဘရာဇီးကျောင်းသူ မစ္စကာထရီနာကတော့ သူ့ရဲ့ တကြိမ်တခါ ပန်းဦးဆွပ်မှုအတွက် စီးပွားရေး လုပ်ငန်း တခုအဖြစ် မြင်ခဲ့တာပါတဲ့။ သူ့စကား နဲ့ ပြော ရင် တချို့က ငြိမ်းချမ်းရေး လုပ်ငန်းစဉ်ကို စီးပွားရေးလုပ်ငန်းအဖြစ် မြင်ပြီး လုပ်လာ သူတွေလည်း ရှိပါ သတဲ့။
သန်း ၆၀ ကျော်အတွက် အလုပ်လုပ်နေတာဆိုတဲ့ စကားရပ်ကလည်း မြန်မာနိုင်ငံသူ နိုင်ငံသား လူဦးရေ သန်းပေါင်း ၆၀ ကို ကိုယ်စားပြုတာလား၊ ဒါမှမဟုတ် ငြိမ်းချမ်းရေး ရံပုံငွေ အမေရိကန် ဒေါ်လာ သန်း ၆၀ ကျော် အတွက် အလုပ်လုပ်နေတာလားဆိုတာတော့ မသဲကွဲပါဘူးတဲ့။
-
0 comments :
Post a Comment