ငြိမ်းချမ်းရေး လိုလားတဲ့ အဖွဲ့တွေ ဘာပြောနေကြလဲ

ရန်ကုန်မြို့ ငါးထပ်ကြီး ဘုရားအနီးရောက်လာသည့် အပြည်ပြည်ဆိုင်ရာ ငြိမ်းချမ်းရေး ဆန္ဒဖော်ထုတ်နေကြစဉ်မြင်ကွင်း၊ ဓာတ်ပုံ- ဂျေပိုင်/ ဧရာဝတီ 

 

အပြည်ပြည်ဆိုင်ရာ ငြိမ်းချမ်းရေးနေ့အခမ်းအနားကျင်းပပြုလုပ်ခြင်းနှင့် ပတ်သက်၍ တရားစွဲဆို ခံနေ ရသော ငြိမ်းချမ်းရေးလိုလားသူ အရပ်ဘက်လူမှုအဖွဲ့အစည်းများ၏ တင်ပြချက် 

စက်တင်ဘာလ ၂၁ ရက်နေ့သည် အပြည်ပြည်ဆိုင်ရာငြိမ်းချမ်းရေးနေ့ဖြစ်သည့်အားလျော်စွာ ကမ္ဘာ့နိုင်ငံ အသီးသီး တွင် ငြိမ်းချမ်းရေးနှင့်ပတ်သက်သော အခမ်းအနားများကို ပုံသဏ္ဍာန်အမျိုးမျိုးဖြင့် နှစ်စဉ်နှစ်တိုင်း ကျင်းပပြုလုပ်လေ့ရှိကြသည်။ 


၂၀၁၂ ခုနှစ် စက်တင်ဘာလ ၂၁ ရက် အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ်အဖြစ် ဆုတောင်းပွဲများ၊ အနုပညာပြပွဲများ၊ လမ်းလျှောက်ပွဲများနှင့် ငြိမ်းချမ်းရေးပူဖောင်းများ လွှတ်တင်ခြင်း၊ ငြိမ်း ချမ်းရေး ခေါင်းလောင်းထိုးခြင်း၊ ငြိမ်းချမ်းရေးနေ့အထိမ်းအမှတ်ကျောက်တိုင်စိုက်ထူခြင်း စသည့် အခမ်း အနားများကို အရပ်ဘက်လူမှုအဖွဲ့အစည်းများနှင့် အများပြည်သူတို့၏ ပူးပေါင်းပါဝင်မှုဖြင့် ရန်ကုန်မြို့ အပါအ၀င် မြန်မာနိုင်ငံတ၀န်းရှိမြို့ကြီးများနှင့် ဒေသအသီးသီးတွင် တစ်ပြိုင်နက်တည်း အေးအေး ချမ်း ချမ်း အောင်မြင်စည်ကားသိုက်မြိုက်စွာ ကျင်းပနိုင်ခဲ့ပါသည်။ 

လက်ရှိပြည်တွင်းစစ်များချက်ချင်းရပ်စဲရန်နှင့် တစ်နိုင်ငံလုံးအတိုင်းအတာအရ ရေရှည်တည်တံ့သော ထာဝ ရငြိမ်းချမ်းရေးရရှိရန် ပြည်သူတစ်ရပ်လုံး၏ နှလုံးသားဆန္ဒမှပေါက်ဖွားလာသည့် သဘောထားအသံများ ကို ဖော်ပြလို၍ ရန်ကုန်မြို.တွင် ငြိမ်းချမ်းရေးနေ့ အထိမ်းအမှတ်စီတန်းလမ်းလျှောက်ပွဲ ကျင်းပရန် 
နှင့် နေပြည်တော်တွင် ငြိမ်းချမ်းစွာ စုဝေးဆန္ဒထုတ်ဖော်ပွဲများပြုလုပ်ရန်အတွက် ငြိမ်းချမ်းရေးကွန်ရက်နှင့် ကချင်ငြိမ်း ချမ်းရေးကွန်ရက်တို့မှဦးဆောင်၍ ဥပဒေပါသတ်မှတ်ပြဌာန်းချက်များနှင့်အညီ တရားဝင် ခွင့်ပြုမိန့်အား သက် ဆိုင်ရာမြို.နယ်ရဲတပ်ဖွဲ့မှူးရုံးများသို့ တင်ပြတောင်းခံခဲ့ပါသည်။ 


သို့သော် ဥပဒေပြဌာန်းချက်နှင့် ကိုက်ညီမှုမ ရှိသော အကြောင်းပြချက်များဖြင့် ခွင့်ပြုမိန့် ထုတ်မပေး ပဲ ငြင်းပယ်ခဲ့ပါသည်။ 

ဤတွင် “နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေး သို့မဟုတ် ပြည်သူတို့၏ ကိုယ်ကျင့်တရားအလို့ငှာပြဌာန်းထားသည့် ဥပဒေများနှင့်မဆန့်ကျင်လျှင် ခွင့်ပြုမိန့်ထုတ်ပေးရန် ငြင်း ပယ်ခြင်း မပြုရ” ဟု ငြိမ်းချမ်းစွာစုဝေးခွင့်နှင့် ငြိမ်းချမ်းစွာစီတန်းလှည့်လည်ခွင့်ဆိုင်ရာ ဥပဒေပုဒ်မ ၅ တွင် ဖော်ပြထား သည့်အတိုင်း ငြိမ်းချမ်းရေးနေ့အထိမ်းအမှတ်အခမ်းအနားများကျင်းပပြုလုပ်ရန် တရားဝင်ခွင့်ပြုမိန့်တောင်းခံ ခြင်းကိုငြင်းပယ်ခြင်းသည် ဥပဒေပြဌာန်းချက်များနှင့် ကိုက်ညီမှုရှိမရှိ တရားဥပဒေစိုးမိုးရေးကော်မတီအနေဖြင့် ဆန်းစစ် သုံးသပ်ပေးစေလိုပါသည်။ 


ထို့ပြင် ပွင့်လင်းမြင်သာသော ဒီမိုကရေစီအစိုးရသစ်၏ လမ်းညွှန်ဦး ဆောင်မှုအောက် တွင် ပြည်တွင်း 
ငြိမ်းချမ်းရေးကဲ့သို့သော နိုင်ငံသားအားလုံးနှင့်သက်ဆိုင်သည့်ကိစ္စရပ်များ တွင် အရပ်ဘက် လူမှု အဖွဲ့ အစည်းများနှင့် အများပြည်သူ အရိုးခံစိတ်ဖြင့်ပါဝင်လာခြင်းကို ဥပဒေပြုရေးမဏ္ဍိင်၊ အုပ်ချုပ်ရေးမဏ္ဍိုင်နှင့် တရားစီရင်ရေးမဏ္ဍိင် (၃) ရပ်စလုံးမှ ကြိုဆိုလက်ခံရမည့်အပြင် ထိုသို့ပါဝင်လာနိုင် အောင် စည်းရုံး လှုံ.ဆော်ပေးနိုင်မှသာ ပြည်သူများအားလုံးပါဝင်သော ရေရှည်တည်တံ့သည့် ငြိမ်းချမ်းရေးကို ရရှိနိုင်မည်ဟု အရပ်ဘက်လူမှုအဖွဲ့အစည်းများမှ လေးနက်စွာယုံကြည်သည်။ 

“ပြည်သူ့သဘောဆန္ဒ မပါရှိသောအမိန့်၊ ညွှန်ကြားချက်နှင့် ဥပဒေများသည် ဒီမိုကရေစီမဟုတ်” ဟု လွှတ်တော် ဥက္ကဌသူရဦးရွှေမန်းမှ မိန့်ကြားခဲ့သလို “နိုင်ငံသားအားလုံး၏ လွတ်လပ်ပိုင်ခွင့်နှင့် လုံခြုံမှုကို ဥပဒေအရ အကာအကွယ်ပေးနိုင်မှသာ လူ့အဖွဲ့အစည်းတွင် တရားဥပဒေစိုးမိုးရေးရှိပြီဟု ပြော၍ ရကြောင်း၊ ဥပဒေဆိုတာ လူတွေအတွက် လုပ်ထားတာဖြစ်ပြီး၊ လူတွေက ဥပဒေအတွက်လုပ်ထားတာ မဟုတ်ကြောင်း” တရား ဥပဒေ စိုးမိုးရေး ကော်မတီ ဥက္ကဌကိုယ်တိုင် ရန်ကုန်တိုင်းဒေသကြီး အစိုးရအဖွဲ့ ရုံးခန်းမ၌ ယခုနှစ် စက်တင်ဘာလ ၈ ရက်နေ့တွင် ပြောကြားခဲ့သည့် အတိုင်း ပြည်တွင်းငြိမ်းချမ်းရေး အတွက် အေးချမ်းစွာ ပြည်သူ့ဆန္ဒထုတ် ဖော်ခြင်းနှင့် အပြည်ပြည် ဆိုင်ရာ ငြိမ်းချမ်းရေးနေ့ အခမ်းအနား ကျင်းပခြင်းကို ဥပဒေ၊ အမိန့်၊ ကန့်သတ်ချက် များဖြင့်တားမြစ်ခြင်းသည် လူထု၏ ဆန္ဒသဘောထား မပါ ဝင်သောကြောင့် ဒီမိုကရေစီနှင့် ကိုက်ညီခြင်းမရှိ ပါ။ 

လူထု၏ဆန္ဒကို ထုတ်ဖော်တင်ပြခြင်းသည် အစိုးရကို ဆန့်ကျင်ခြင်းမဟုတ်ကြောင်း၊ ဆူပူမှုနှင့် အမျိုး သားလုံခြုံရေးကို ထိခိုက်နိုင်မှုတစ်စုံတစ်ရာမပါဝင်ပဲ မိမိတို့၏ လိုအပ်ချက်နှင့် လိုလားမှုကို အေးချမ်းစွာ တင်ပြတောင်းဆိုခြင်းတစ်ရပ်သာဖြစ်သောကြောင့် ကန့်သတ်ပိတ်ပင်ခြင်းမရှိပဲ ခွင့်ပြုပေးသင့်သော ကိစ္စ တစ်ခု ဖြစ်ကြောင်း ပြည်သူ့ဆန္ဒသဘောထားများကိုထင်ဟပ်သည့် ပြည်တွင်းသတင်းမီဒီယာများတွင် အထင်အ ရှားရေးသားဖော်ပြခဲ့ကြပြီး ဖြစ်ပါသည်။ 

သို့သော်လည်း ပြည်ထောင်စုမြန်မာနိုင်ငံတော် ဖွဲ့စည်းပုံအခြေခံဥပဒေပါ နိုင်ငံသားများ၏ မူလအခွင့်အရေး များအရလည်းကောင်း၊ အပြည်ပြည်ဆိုင်ရာလူ့အခွင့်အရေး ကြေညာစာတမ်းအရလည်းကောင်း အပြည်
ပြည်ဆိုင်ရာ ငြိမ်းချမ်းရေးနေ့အထိမ်းအမှတ်အခမ်းအနားကို ပြည်သူတစ်ရပ်လုံး ပူးပေါင်းပါဝင် ဆင်နွဲနိုင် ရန် နှင့် ပြည်သူအများ၏ ငြိမ်းချမ်းရေးအတွက်လိုလားတောင်းဆိုသံများကို အေးချမ်းစွာ ကိုယ်စားပြုဖော် 
ပြနိုင်ရန် ဦးဆောင်ပါဝင်ခဲ့ကြသော ငြိမ်းချမ်းရေးလိုလားသူများမှာ ယခုအခါ မြို.နယ် ရဲတပ်ဖွဲ့မှူးများ မှ မြို.နယ် လေးခုမှ ဆယ်ခုအထိ အမှုဖွင့်အရေးယူထားခြင်းကိုခံနေရပြီး သက်ဆိုင်ရာမြို.နယ် တရားရုံး အသီးသီးမှ တရားစွဲဆိုထားသည်နှင့် ရင်ဆိုင်နေကြရပါသည်။ 

ထိုသို့ငြိမ်းချမ်းရေးနေ့အထိမ်းအမှတ်အဖြစ် အခမ်းအနားများပြုလုပ်ကျင်းပရန် ဦးဆောင်ပါဝင်ခဲ့သူများအား တရားစွဲဆိုအရေးယူမှုသည် နိုင်ငံတော်အစိုးရ၏ ငြိမ်းချမ်းရေးဖော်ဆောင်နေမှုလုပ်ငန်းစဉ်တွင် ပြည်သူ အများပါဝင်မှုရှိရမည်ဆိုသော နိုင်ငံတော်သမ္မတနှင့် ပြည်ထောင်စု ငြိမ်းချမ်းရေးဖော်ဆောင်ရေးလုပ်ငန်း ကော်မတီ၏ ဖော်ပြချက်နှင့် လွန်စွာကွဲလွဲမှုရှိနေပါသည်။ 

ထို့အပြင် လက်ရှိရင်ဆိုင်နေရသည့် မြို.နယ် အသီးသီးမှ တရားရုံးများ၌ တရားစွဲဆိုခံနေရမှုဖြစ်စဉ်အရ ရုံးချိန်းအများအပြားကို အချိန်ပေးသွားလာနေ ရခြင်းသည်လည်း အရပ်ဘက်လူမှုအဖွဲ့အစည်းများ ကို နိုင်ငံ ၏ ဒီမိုကရေစီအသွင်ကူးပြောင်းရေးကာလတွင် အရေးပါလှသည့် လူထုပါဝင်လှုပ်ရှားမှုများ တွင် နောက်နောင် ပါဝင်ခြင်းမရှိစေရန် အကန့်အသတ်ဖြင့် ပိတ်ပင်သည့်သဘောဆောင်ပါသည်။ 

“ပြစ်မှုတစ်ခုတည်းကို အရပ်ဒေသအများအပြားတွင် ပြုလုပ်ခဲ့သည့် ပြုလုပ်မှုအမြောက်အမြား ပါဝင်နေ သည့်အခါ အရပ်ဒေသများအနက်မှ အရပ်ဒေသတစ်ခုခုတွင် စီရင်ပိုင်ခွင့်ရှိသော တရားရုံးက စုံစမ်းစစ်ဆေး စီရင်နိုင်သည်” ဟု ပြစ်မှုဆိုင်ရာကျင့်ထုံး ဥပဒေ ပုဒ်မ ၁၈၂ တွင် ပြဌာန်းထားသလို ပြစ်မှုဆိုင်ရာ ဥပဒေပုဒ်မ ၇၁ အရ တစ်ချိန်တည်း တစ်နေရာတည်း၌ ကျူးလွန်ခဲ့သော မျိုးတူပြစ်မှုများကို ရုံးတော်မှ စစ်ဆေးပြီး 
နောက် ပြစ်မှုထင်ရှားလျှင် ပြစ်ဒဏ်တစ်ကြိမ်သာ ချမှတ်ရမည်ဟု အတိအလင်း ပြဌာန်း ထားပါသည်။ 

ထို့အပြင် ပြစ်မှု ဆိုင်ရာ ကျင့်ထုံးဥပဒေပုဒ်မ ၂၃၄ တွင်လည်း တရားခံများအနေဖြင့် တစ်နှစ်အတွင်း ကျူးလွန်ခဲ့သော မျိုးတူ ပြစ်မှုများကို ၃ မှု အထိ ပေါင်း၍ တစ်ပေါင်းတည်း ပူးပေါင်းစစ်ဆေးရမည် ဟု ပြဌာန်းထားပါသောကြောင့် တစ်ချိန်တည်း၊ တစ်နေရာတည်း၌ ပြုလုပ်ခဲ့သည်ဟု အဆိုပြု၍ တိုင်တန်းထားသည့် ပြစ်မှုများကို မြို.နယ်အသီး သီးမှ တရားရုံးတော်တို့၌ သီးခြားစီ အမှုများခွဲ၍ စွဲဆိုထားခြင်းမှာ တည်ဆဲဥပဒေ ပြဌာန်းချက်များနှင့် ညီ ညွှတ်မှုမရှိကြောင်း သိသာမြင်သာနေပါသည်။

သို့ဖြစ်ပါ၍ ဖွဲ့စည်းပုံအခြေခံဥပဒေပါ နိုင်ငံသားများ၏ မူလအခွင့်အရေးနှင့် အပြည်ပြည်ဆိုင်ရာ လူ့အခွင့်အ
ရေးကြေညာစာတမ်းပါ အခြေခံလူ့အခွင့်အရေးများကို လေးစား လိုက်နာခြင်း မရှိပဲ ငြိမ်းချမ်းရေးနေ့ အထိမ်းအ မှတ်အဖြစ် ပြည်တွင်းငြိမ်းချမ်းရေး အတွက် ပြည်သူတို့၏ လိုလားတောင့်တသံကို အေးချမ်း စွာဆန္ဒ ထုတ်ဖော် တောင်းဆိုမှုကို ဦးဆောင်ပါဝင်ခဲ့ကြသည့် ငြိမ်းချမ်းရေးလိုလားသူများကို အမှုဖွင့် အရေးယူတရားစွဲဆိုခြင်း သည် ငြိမ်းချမ်းစွာစုဝေးခွင့်နှင့် ငြိမ်းချမ်းစွာစီတန်းလှည့်လည်ခြင်းဆိုင်ရာဥပဒေကို လွဲမှားစွာကျင့်သုံးဆုံးဖြတ် ရာရောက်နေပါသည်။

ငြိမ်းချမ်းရေးဖော်ဆောင်မှုလုပ်ငန်းစဉ်သည် သိမ်မွေ့ညင်သာ၍ နိုင်ငံသားတို့၏ ယုံ ကြည်မှုဖြင့် နှစ်ရှည်လ များစွာ တည်ဆောက်ယူရသောဖြစ်စဉ်တစ်ခုဖြစ်သလို တရားဥပဒေစိုးမိုးရေးသည် လည်း အရေးပါသော အခန်းကဏ္ဍမှ ပါဝင်သည်ဟု ယုံကြည်မိပါသည်။ 

စစ်မှန်တရားမျှတပြီး ရေရှည်တည် တံ့ခိုင်မြဲသော ငြိမ်း ချမ်းရေး တည်ဆောက်မှုလုပ်ငန်းစဉ်တွင် အများ 
ပြည်သူတို့နှင့် အရပ်ဘက်လူမှုအဖွဲ့ အစည်းများ စိတ်ဝင်တစားပါဝင်လာခြင်းကို တန်ဖိုးထားလေးစား အသိအမှတ်ပြုပါရန်၊ လက်ရှိဖြစ်ပေါ်နေ သော တရားစီရင်ရေးကဏ္ဍ၏ အငြင်းပွားဖွယ်ရာကိစ္စရပ်များနှင့် ပတ်သက်၍ အသေးစိတ်တွေ့ဆုံ တင်ပြခွင့် ပေးပါရန် ပြည်တွင်းငြိမ်းချမ်းရေး အတွက် ဆောင်ရွက်နေ သည့် အောက်ပါအရပ်ဘက်လူမှုအဖွဲ့အစည်းများမှ အလေးအနက်မေတ္တာရပ်ခံအပ်ပါသည်။


(၁) ငြိမ်းချမ်းရေးကွန်ရက် (Peace Network) 
(၂) အဖြူရောင်တွဲလက်များ (White Holding Hands) 
(၃) ကချင်ငြိမ်းချမ်းရေးကွန်ရက် ( Kachin Peace Network ) 
(၄) ကရင်အမျိုးသမီးဖွံ့ဖြိုးတိုးတက်ရေးအဖွဲ့ (Karen Women’s Action Group) 
(၅) စိမ်းရောင်စို (မန္တလေး) (Sein Yaung So – Mandalay) 
(၆) Youth for Social Change Myanmar 
(၇) Student Christian Movement 
(၈) Green Myanmar Environmental and Social Network 
(၉) Safety Net 
(၁၀) လူငယ်အနုပညာကွန်ရက် 
(၁၁) MIDO (Myanmar ICT for Development Organization) 
(၁၂) မြန်မာနိုင်ငံကဗျာဆရာများသမဂ္ဂ 
(၁၃) နှောင်ကြိုးမဲ့လူမှုဖွံ့ဖြိုးရေး ကွန်ရက် (မန္တလေး) 
(၁၄) ပွင့်လင်း ကွန်ရက် (မွန်ပြည်နယ်) 
(၁၅) ရှမ်းပြည်မျိုးဆက်အင်အားစု 
(၁၆) ရန်ကုန်အခြေစိုက် ပရဟိတ လူငယ်များကွန်ရက် 
(၁၇) ကျောက်မဲလူငယ်ကွန်ရက် (ရှမ်း - မြောက်) 
(၁၈) ရန်ကုန်ပြည်သူ့အကျိုးဆောင်ကွန်ရက် 
(၁၉) ရန်ကုန်ဂီတလူငယ်များ 
(၂၀) ကချင်အမျိုးသမီးများငြိမ်းချမ်းရေးကွန်ယက် (Kachin Women Peace Network) 
(၂၁) ပျိုးခင်းသစ်လူငယ်အဖွဲ့ 
(၂၂) ကချင်အမျိုးသမီးများအစည်းအရုံး (Kachin Women Union) (၂၃) မြန်မာနိုင်ငံဘာသာပေါင်းစုံလူငယ်များ ပူးပေါင်းဆောင်ရွက်ရေးအဖွဲ့ (IYCA-Myanmar) 
(၂၄) ကချင်ဥပဒေပညာရှင်များအဖွဲ့ (Kachin Lawyers Group) 
(၂၅) လူငယ်သွေးမေတ္တာအဖွဲ့ 
(၂၆) အလင်းစေတမန်လူငယ်စာဖတ်ဝိုင်း 
(၂၇) သန်လျင်လူငယ်အဖွဲ့ 

Jaw Gun and May Sabe Phyu, Kachin Peace Network Court Appointment