~
 |
| (ဓာတ်ပုံများ - PWO) |
ပြည်တော်မြင့် ~
တိုက်ပွဲဖြစ်နေသော ပလောင်တိုင်းရင်းသားဒေသ ဒုက္ခသည်များကြားတွင် စစ်ပွဲ၏၀န်ထုပ်ဝန်ပိုးဒဏ်ကို ပိုခံရသူတို့မှာ အမျိုးသမီးများ ဖြစ်သည်ဟု တနင်္လာနေ့ထုတ် အစီရင်ခံစာတစောင်တွင် ရေးထားသည်။
အမျိုးသားတို့က "အခြားတနေရာရာသို့ ထွက်ပြေးရခြင်း (သို့မဟုတ်) ပြောင်းရွှေ့သွားကြသောကြောင့်" ဖြစ်သည်ဟု ပလောင်အမျိုးသမီးအစည်းအရုံး (PWO) က ရေးသားပြုစုသည့် "စစ်ပွဲ၏ ၀န်ထုပ်ဝန်ပိုး" အစီရင်ခံစာတွင် ရေးထားသည်။
ရှမ်းပြည်မြောက်ပိုင်းရှိ ပလောင်ဒေသများတွင် ယမန်နှစ်ကစတင်ခဲ့သည့် စစ်ပွဲများကြောင့် ဒေသခံတို့ အိုးအိမ် စွန့်ခွာပြီး စစ်ပြေးဒုက္ခသည် စခန်းများတွင် အတိဒုက္ခရောက်ရှိနေမှုများကို အစီရင်ခံထားသည့်စာတမ်း ဖြစ်သည်။
ဒုက္ခသည်စခန်းသို့ သွားရာတွင် အမျိုးသမီးတို့က ကလေးငယ်များ၊ အထုပ်အပိုးများကို သယ်ပိုးပြီး မြန်မာ့တပ်မတော် တိုက်ကင်းများကိုရှောင်ရှားကာ ၅ ရက်ခန့် တောလမ်း ခရီး သွားရသည်ဟု ဆိုသည်။ ထိုအမျိုးသမီးများထဲတွင် ကိုယ်ဝန်သည်များလည်း ပါဝင်သည်ဟု အစီရင်ခံစာတွင် ရေးသားဖော်ပြထားသည်။
ပလောင်ဒေသတွင် အစိုးရတပ်ရင်း ၁၆ ခု ရှိပြီး တပ်စခန်းတည်ဆောက်ရေးအတွက် ပလောင်တိုင်းရင်းသားရွာ ၁၅ ရွာ ဖျက်ဆီးသိမ်းပိုက်ခဲ့သည်ဟု ထိုင်းမြန်မာနယ်စပ် အခြေစိုက် PWO က ပြောသည်။
ပလောင်ဒေသတွင် အစိုးရတပ်များနှင့် တိုက်ခိုက်နေသည့် အဖွဲ့များမှာ ကချင် (KIA)၊ ရှမ်း (SSA-N) ၊ ပလောင် လက်နက်ကိုင်အဖွဲ့များဖြစ်သည်ဟု အစီရင်ခံစာအရ သိရသည်။
တိုက်ပွဲဖြစ်ပွားမှုတချို့ ရှိနေသော်လည်း သမ္မတ ဦးသိန်းစိန်က တနိုင်ငံလုံး ငြိမ်းချမ်းရေးရမည်ဟု မျှော်လင့်ကြောင်း ပြောကြားထားသည်။
"မိမိတို့နိုင်ငံတွင် ပေါ်ပေါက်ခဲ့သည့် ကမ္ဘာပေါ်တွင်အရှည်ကြာဆုံး တိုင်းရင်းသားလက်နက်ကိုင် ပဋိပက္ခကိုလည်း အခက်အခဲများကြားမှ ဖြေရှင်းဆောင်ရွက်နေပါကြောင်း၊ တိုင်းရင်းသား လက်နက်ကိုင် အဖွဲ့ (၁၁) ဖွဲ့ ရှိသည့် အနက် ၁ဝ ဖွဲ့နှင့် စေ့စပ်ဆွေးနွေးအောင်မြင်ခဲ့ပြီး ကျန်တစ်ဖွဲ့နှင့်လည်း ထိတွေ့ဆက်ဆံမှုဆောင်ရွက်နေပြီဖြစ်၍ မကြာမီ တစ်နိုင်ငံလုံး ငြိမ်းချမ်းရေးရမည်ဟု မျှော်လင့်ပါကြောင်း" စသဖြင့် သမ္မတဦးသိန်းစိန်က နော်ဝေ ၀န်ကြီးချုပ်နှင့် နေပြည်တော်တွင် စနေနေ့က တွေ့ဆုံစဉ် ပြောကြားလိုက်သည်။
 |
| တိုက်ပွဲဖြစ်နေသည့် ပလောင်ဒေသ မြေပုံ |
 |
| ပလောင်တိုင်းရင်းသားများ |
 |
| တနင်္လာနေ့က ထုတ်ပြန်သည့် "စစ်ပွဲ၏ ၀န်ထုပ်ဝန်ပိုး" အစီရင်ခံစာ |
 |
| ပလောင်ဒေသရောက် မြန်မာ့တပ်မတော်သားများ |
-
0 comments :
Post a Comment