~ ဂျွန်ချစ်ငြိမ်း(တောင်ကြီး) ~
အမျိုးသမီး စာရေးဆရာမ ၂ ဦး တောင်ကြီးမြို့သို့ ရောက်လာပြီး အမျိုးသမီးရေးရာများကို ဆွေးနွေးခဲ့ကြ သည်။
ဒီဇင်ဘာ ၆ရက်နေ့က ဒေသခံအမျိုးသမီးများနှင့် တောင်ကြီးမြို့ ၊ ရှမ်းစာပေယဉ်ကျေးမှု အသင်း ခန်းမ တွင် ဆွေးနွေးပွဲ ပြုလုပ်ခဲ့ခြင်း ဖြစ်သည်။
စာရေးဆရာမ မသီတာက ကမ္ဘာပေါ်တွင် အမျိုးသမီးများ နှင့် ပတ်သတ်ပြီး အကာအကွယ်ပေးပုံ၊ ဥပဒေ အတိုင်းအတာများ ထားရှိထားပုံ၊ လိင်ကျွန်ပြုခံရဖို့ အမျိုးသမီးများ ရောင်းစားခံနေရပုံ ၊အမျိုးသားနှင့် အမျိုး သမီးများ ခွဲခြားဆက်ဆံခြင်းခံရမှု ၊ အကြမ်းဖက်ခံရမှု ၊ ကမ္ဘာ့ အမျိုးသမီး အကြမ်းဖက်ခံရမှု ရပ်တန့်ရေးနေ့ ဖဲကြိုးဖြူနေ့ ပေါ်ပေါက်လာပုံတို့ကို ဆွေးနွေးပြီး စိတ်ဝင်စားစွာတက်ရောက်လာသည့် အမျိုးသမီးများ ၊အမျိုးသားများ မေးမြန်းမှုကို ဆွေးနွေးသည်။
စာရေးဆရာမ မခင်သန္တာ က အမျိုးသမီးခွဲခြားဆက်ဆံခံရမှုနှင့် ယင်း၏လူနေမှုဘ၀ အခြေအနေတို့ ကို ဒေသခံများအား ပြောဆိုဆွေးနွေးခဲ့သည်။
ဒီဇင်ဘာလ ၆ ရက်နေ့ နံနက်ပိုင်းတွင် ဖဲကြိုးဖြူနေ့ အခမ်းအနား ကျင်းပခဲ့ကြောင်း၊ မြန်မာနိုင်ငံတော်၏ ပထမဦးဆုံး သမ္မတကြီး စ၀်ရွှေသိုက်၏ သမီး ဒေါ်ဟေမာသိုက်၊ ဗဟုဖွံ့ဖြိုးရေး အဖွဲ့မှ ကိုအောင်သူငြိမ်း၊ ရှမ်းပြည် မျိုးဆက်အင်အားစုအဖွဲ့မှ မသန္တာ တို့က အမျိုးသမီး အခန်းကဏ္ဍ၊ ဖဲကြိုးဖြူုနေ့ ဖြစ်ပေါ်လာပုံ သမိုင်း၊ တို့ကို ပြောဆိုဆွေးနွေးခဲ့ကြောင်း ပွဲစီစဉ်သူ ရှမ်းပြည် မျိုးဆက်အင်အားစုမှ မသန္တာ က ပြော သည်။
0 comments :
Post a Comment