အင်းလေးဟိုတယ်ဇုန်အငြင်းပွားမှုကို ပြည်နယ်အစိုးရ ညှိတော့မည်မဟုတ်

~
 ဂျွန်ချစ်ငြိမ်း (တောင်ကြီး) ~

အင်းလေးဒေသ မြေသိမ်းမှု လျော်ကြေးပေးအပ်သည့်ငွေပမာဏ ခန့်မှန်းချေ၊ လျော်ကြေး ယူရန် ငြင်းဆန်သည့် တောင်သူတို့၏ အသံများကို အောက်ဆုံးတွင် ဖော်ပြထားသည်။

အင်းလေးဒေသ ဟိုတယ်ဇုန် မြေနေရာဖော်ထုတ်ရေး လုပ်ငန်းတွင် ပါဝင်သွားသည့် သီးနှံဧကများအတွက် တောင်သူလယ်သမားများအား သီးနှံလျော်ကြေး ပေးအပ်ပွဲကို ပြီးခဲ့သည့် ကြာသပတေးနေ့က ညောင်ရွှေမြို့၊ အထွေထွေ အုပ်ချုပ်ရေးဦးစီး ဌာန အစည်းဝေးခန်းမတွင် ကျင်းပသည်။

 ရှမ်းပြည်နယ် လမ်းပန်းဆက်သွယ်ရေး ၀န်ကြီး ဦးစိုင်းနော်ခမ်းက  တက်ရောက်လာသူ အင်ကြင်းကုန်း၊ ကံပဲ့ကျေးရွာတို့မှ  ဒေသခံများအား ဟိုတယ်ဇုန် စီမံကိန်းနှင့် ပတ်သက်ပြီး အငြင်းပွားနေမှုများ ညှိနှိုင်းခြင်းကို အဆုံးသတ်လိုက်ပြီ ဖြစ်ကြောင်း၊ ဥပဒေအရ ဖြေရှင်းရန်သာ ကျန်ရှိကြောင်း စသဖြင့်
ဝန်ကြီးက အောက်ပါအတိုင်း ပြောကြားသည်  -

လျော်ကြေး ~

- ယခုပေးအပ်သည့် သီးနှံလျော်ကြေးသည် သင့်တင့်မျှတကြောင်း၊
- ကာလတန်ကြေးထက် ပိုမိုသည် ဆိုတာကို အားလုံး တွက်ချက်ကြည့်နိုင်ကြောင်း၊
- လျော်ကြေးပေးရာတွင်လည်း ကျွန်တော်တို့က ပြီးပြီးရော ပြုလုပ်ခြင်းမဟုတ်ကြောင်း၊
- ၀န်ကြီးများပါ ဖိတ်ကြားပေးကာ တက်ရောက်လာသည့် ၀န်ကြီးများရှေ့တွင် ပေးအပ်ခြင်းဖြစ်ကြောင်း၊

လိုအပ်လို့ ဟိုတယ် ဆောက်မယ် ~

- ဟိုတယ်ဇုန် ဖော်ထုတ်သည့်နေရာတွင် ရှမ်းပြည်နယ် အစိုးရအဖွဲ့ကနေပြီးတော့ ကိုယ့်သဘောနှင့် ကိုယ် ဆောင်ရွက်ခြင်း မဟုတ်ကြောင်း၊
- ပြည်ထောင်စုဝန်ကြီးက တာဝန်ပေးအပ်သဖြင့် အင်းလေးဒေသတွင် ဟိုတယ်ဇုန် ဖော်ထုတ်ဖို့ ဖြစ်ပေါ်လာကြောင်း၊
-  ၂၀၁၄ ကျရင် ခရီးသွားတွေ အင်းလေးဒေသကို လာရောက် လည်ပတ်ကြမည့် နိုင်ငံတကာက ခရီးသွား ဧည့်သည်တွေ (၁၀) သိန်းခန့် ရှိလာ န်ိုင်ကြောင်း၊
- သည် ခရီးသွား (၁၀) သိန်းဟာ ဘယ်မှာ တည်းခိုကြရပါ့မလဲ၊ သည် ညောင်ရွှေ ဒေသ၊ အင်းလေးဒေသမှာ တည်းခိုဖို့ ဟိုတယ် ဘယ်လိုမှ မလုံလောက်ကြောင်း၊
-  လေ့လာကြည့်နိုင်ကြောင်း၊ ရောက်လာသည့် နိုင်ငံခြားသား ဧည့်သည်တွေဟာ ဘုန်းကြီးကျောင်းမှာ တည်းခိုနေရတာ အားလုံးအသိပင်ဖြစ်ကြောင်း၊
- သည့်အတွက် သမ္မတကြီး ညောင်ရွှေ၊ အင်းလေး ခရီးစဉ် ရောက်ရှိလာစဉ်က ဟိုတယ်ဇုန် တည်ဆောက်ရန် တောင်းဆိုရာ သမ္မတကြီးက ခွင့်ပြုပေးခဲ့ကြောင်း၊

ပတ်ဝန်းကျင်ထိန်းသိမ်းရေး ~

- အင်းထဲမှာ ပြုလုပ်ရင် အင်းရေပြင်ကို ထိခိုက်နိုင်ကြောင်း၊
- အင်းရေပြင်၏ အလှအပကို မြင်နိုင်အောင် အင်းလေးကန် နှင့် မနီးမဝေး ကုန်းပေါ်ကနေ ကြည့်လို့ရသည့် နေရာကိုရွေးပြီး စိစစ်တင်ပြ ဆောင်ရွက်ခဲ့ခြင်းဖြစ်ကြောင်း၊


- သဘာဝ ပတ်ဝန်းကျင် ထိန်းသိမ်းရေး နှင့်  သစ်တော ရေးရာဌာန ပိုင်ဆိုင်သည့် သစ်တောကြိုးဝိုင်အား ဥပဒေနှင့် အညီ သဘာဝပတ်ဝန်းကျင် ထိန်းသိမ်းရေး ကော်မတီကို အစီရင်ခံစာ တင်ပြီးတော့
 ခင်ဗျားတို့ သစ်တော်ကြိုးဝိုင်း တကယ်ပီပြင်ရဲ့လား၊ မှန်ရဲ့လား မေးမြန်း စုံစမ်းတော့ တကယ်မှန်တယ်၊ ဟုတ်ပါတယ်၊  သစ်တောကြိုးဝိုင်းသတ်မှတ်တဲ့ အခါ မှာလည်း သူတို့ လုပ်ထုံး လုပ်နည်း ဥပဒေအရ ရက်ပေါင်း (၆၀) နောက် သစ်တောကြိုးဝိုင်းသတ်မှတ်တော့မယ် ဆိုရင်လည်း ကြိုးဝိုင်းတွင်း ပါရှိ်သည့် လူများ မိမိတို့၏  ဆိုင်ရာဆိုင်ရာကို တောင်းဆိုနိုင်ပါတယ် ဆိုပြီး သတ်မှတ်သည့် အချိန် တွင် ဆိုင်ရာဆိုင်ရာတောင်းဆို သူတွေက (၂၀) ကျော်ကျော်လောက်ပဲ ရှိခဲ့ကြောင်း၊ 

၎ နှစ်စာ လျော်ကြေး ~

- ဒေသခံ တောင်သူများက ရှမ်းပြည်နယ် ၀န်ကြီးချုပ် လာရောက်ခဲ့စဉ် အခါက (၅) နှစ်စာ လျော်ကြေးမှ မရလျှင် ကန့်ကွက်မည်၊ သဘောမတူဘူးဆိုသည့်အတွက်၊ ဒါက်ို (၅) နှစ်စာ လျော်ကြေးပေးလို့ မရကြောင်း၊
- ဥပဒေတွင် ပါရှိသည့်အတိုင်း (၃) နှစ်စာ သီးနှံလျော်ကြေး ပေးအပ်ခြင်း ဖြစ်ကြောင်း၊ ပိုပေးခြင်းမရှိသလို  လျှော့ပေးခြင်းလည်းမရှိကြောင်း၊
- ဒေသခံတောင်သူများနစ်နာအောင်  မလုပ်ပါဘူး၊ လက်ရှိမြေပေါ်တွင် ရှိနေသည့် ၀ါးလည်းပေးမည်၊ လက်ရှိကြံစိုက်သူ များလည်း ကြံယူပါ၊ ပေးမည်ဖြစ်ကြောင်း၊ အဲသည်တော့ လျော်ကြေးတွေ အမှန်တကယ်ရရှိခြင်းသည် (၄) နှစ်စာ လျော်ကြေး ရရှိခြင်းဖြစ်ကြောင်း၊၊

ဖြေရှင်းရေး နည်းလမ်းသုံးသွယ် ~

- သည်နေရာတွင်လည်း စီမံကိန်းတွေ နှင့် လုပ်ဆောင်သည့်နေရာတွင် ပြည်သူတွေ နှင့် ဖြေရှင်းနည်းသုံးသွယ် ချထားပေးကြောင်း၊
- ညှိုနိုင်းသည့်နည်း၊ ဥပဒေအရ ဆောင်ရွက်ရသည့် နည်း၊ ဖြေလျော့သည့် နည်း ဆိုပြီး ချမှတ်ပေးထားကြောင်း၊
- တောင်သူတွေ သီးနှံလျော်ကြေး ပေးအပ်ရာတွင်လည်း ဒေသခံ တောင်သူတွေ တောင်းဆိုသည့်အတိုင်း ပေးအပ်ကြောင်း၊
-  ဒါတွေနှင့် ပတ်သက်ပြီးတော့လည်း ကျွန်တော်တို့ကို  အချိန်မရွေးကြိုက်သည့်နေရာမှာ မေးမြန်းနိုင်ကြောင်း၊

သရက်ပင်အတွက် လျော်ကြေး ~

- စေ့စပ်ညှိနှိုင်းမှုများလည်း အများကြီး ဆောင်ရွက်ခဲ့ပြီး ဖြစ်ကြောင်း၊
- စီမံကိန်းက နောက်ဆုံးအဆင့်  တဆင့် သာကျန်ရှိတော့ကြောင်း ၊ ဥပဒေအရ ပြုလုပ်ခြင်းဖြစ်ကြောင်း၊
- ဒေသခံတောင်သူများကိုလည်း  ထိုက်သင့်သည့်လျော်ကြေး ပေးအပ်ပြီး ကုန်ကုန်ပြောရရင် ထိုက်သင့်တာထက် ပိုမိုသည့် လျော်ကြေးကျွန်တော်တို့ ပေးအပ်ထားကြောင်း၊
 အခြားဒေသများတွင် လျော်ကြေးပေးရာတွင် သရက်ပင် တစ်ပင်ကို ကျပ် (၅၀၀)လျော်ကြေးပေးအပ်ကြောင်း၊
- ကျွန်တော်တို့ ယခုသရက်ပင်တစ်ပင်ကို ကျပ်၅သောင်း လျော်ကြေးပေးထားကြောင်း
 - သီးနှံလျော်ကြေးနှင့် ပတ်သက်ပြီးတော့လည်း ဆောင်ရွက်ပေးတာလည်း တောင်သူတွေ အားလုံး အသိပင်ဖြစ်ကြောင်း၊

လျော်ကြေးထုတ်လိုလျှင် ~

- ကျွန်တော်တို့ လျော်ကြေးပေးတာကို လာမယူတဲ့ရွာသားတွေလည်း ရှိကြောင်း၊ ယူတာမယူတာ သူ့ကဏ္ဍသာဖြစ်ကြောင်း၊
- လျော်ကြေးပေးသည်မှာ မိမိတို့ တာဝန်အရ ပေးအပ်ခြင်းဖြစ်ကြောင်း၊
- လျော်ကြေးငွေ အားလုံးအား တောင်ကြီး ခရိုင် အုပ်ချုပ်ရေးမှုး (သီးနှံလျော်ကြေး ပေးရေးကော်မတီ ဥက္ကဌ) ထံတွင်မှတဆင့် ကမ္ဘောဇ ဘဏ်မှာ  ငွေအပ်နှံထားပေးကြောင်း၊ အချိန်မရွေး ငွေလာရောက် ထုတ်ယူနိုင်ကြောင်း၊
- ယခု အခမ်းအနားသို့ မလာဖြစ်သော်လည်း ယူချင်ပါသည်ဆိုလျှင် ညောင်ရွှေမြို့နယ် အုပ်ချုပ်ရေးမှုးရုံးမှာ လာရောက်ပြီး လက်မှတ်ရေးထိုးကာ မိမိတို့ရသင့်ရထိုက်သည့် ငွေကြေးအား သွားရောက်ထုတ်ယူနိုင်ပါကြောင်း၊

တရားစွဲလိုက စွဲနိုင် ~

- စီမံကိန်းအား ဆက်လက် လုပ်ကိုင်ဆောင်ရွက်သွားမည် ဖြစ်ကြောင်း၊
- အားလုံးညှိုနိုင်းပြီးသည့်အချိန်တွင် မိမိတို့ ဆက်လက်ဆောင်ရွက်နေသည့် နေရာမှာ * ဥပဒေ ကြောင်း အရ ......* ဆောင်ရွက်ဖို့ပဲရှိကြောင်း၊
- မကျေနပ်လို့ရှိရင် ညောင်ရွှေမြို့နယ် တရားရုံးမှာ ဖြစ်ဖြစ်၊  ကြိုက်သည့်နေရာတွင် ရှမ်းပြည်နယ် အစိုးရအဖွဲ့ကို တရားစွဲဆို နိုင်ကြောင်း၊ တရားစွဲဆိုခွင့်ရှိကြောင်း၊
- ထို့နည်းတူစွာ ကျွန်တော်တို့ လုပ်ဆောင်နေသည့် ဟိုတယ်ဇုန် စီမံကိန်းအား ကိုယ်ထိလက်ရောက် စွတ်ဖက် နှောင့်ယှက် မည်ဆိုရင်လည်း၊ ဥပဒေကြောင်းအရ ဆောင်ရွက်သွားမည်ဖြစ်ကြောင်း
- သည်နေရာကနေပြီးတော့ အတိအလင်း စကား လက်ဆောင်ပါးလိုပါကြောင်း၊ ညှိနှိုင်းမှု၊ ဖြေလျော့မှု ပြီးသွားပြီဖြစ်သည့်အတွက် ဥပဒေ ကြောင်းအရ ဆက်လက်ပြီးတော့ လုပ်ဆောင်သွားမည်ဖြစ်ကြောင်း။


လျော်ကြေးပေးအပ်သည့်ငွေပမာဏ ခန့်မှန်းချေ

စပါး တစ်ဧက ကျပ် ၄၂ဝ,ဝဝဝ
ကြံ တစ်ဧက ၂၂ဝ,ဝဝဝ 

မြေပဲ ၁ ဧက ၁၇ဝ,ဝဝဝ
နေကြာ ၁၅ဝ,ဝဝဝ

 ခရမ်းချဉ် တစ်ဧက သိန်း ၂၀
ဝါးတပင်  ၂,ဝဝဝ

 ငှက်ပျောပင် ၅,ဝဝဝ
သရက် ၁ ပင် ၅ဝ,ဝဝဝ

 မြေသိမ်းခံရသူ တောင်သူ စုစုပေါင်း ( ၈၃) ဦး အနက် -

လျော်ကြေးယူသူများ ၆၉ ဦး
မယူသူ (သို့မဟုတ် မယူသေးသူ) ၁၄ ဦး
ဝါးစိုက်တောင်သူများ လျော်ကြေးငွေ ကျေနပ်ကြ။

လျော်ကြေး မယူသည့် အင်ကြင်းကုန်း တောင်သူများက  -
- မိမိတို့  ဘိုးစဉ် ဘောင်ဆက် စိုက်ပျိုးလာသည့်မြေများဖြစ်ကြောင်း၊
- သစ်တောကြိုးဝိုင်း မသတ်မှတ် ခင်ကာလ ကတည်းကဖြစ်ကြောင်း၊
- ပေးအပ်သည့် လျော်ကြေး ငွေကို လည်း လက်မခံလိုကြောင်း၊
- မိမိတို့မြေလည်း မကျူးကျော်စေလို၊ ဘူဒိုဇာများဖြင့် မထိုးစေလိုကြောင်း စသဖြင့်  ပြောကြားကြသည်။-

 

ဧရာဝတီ Facebook / Twitter

-